الملاك المتمرد «قيد التعديل»

الفصل السابع عشر..

نكمل روايتنا(الملاك المتمرد)بقلم سلسبيل كوبك..
الفصل ال17..
اخر حاجة وقفنا عندها في الفصل ال16..
سيف اتخض لما لقي جسم ملاك بيقع علي الارض قرب منها و كان بيبص عليها و علي معتز و فجأة لقي ملاك بتنزل دم من انفها...
سيف(بخضة):ملاك ملاك فتحي عينك ملاك..
سيف قرب منها لقي التنفس مش منتظم و نبضات القلب سريعة..
سيف شال ملاك بين ايديه و راح بسرعة علي العربية ركب و ملاك لسة في حضنه..
سيف(بعصبية):انجز...
السواق(بخوف):حاضر يا بيه..
سيف(بقلق):ملاك فتحي عيونك.
سيف حط ايده علي خدها و بدأ يملس علي شعرها بايده و ضمها ليه اكتر بخوف..
بعد فترة السواق وقف قدام المستشفي و نزل بسرعة جاب نقالة و سيف نزل حط ملاك عليها و دخلوا بسرعة علي الطوارئ...
الدكتور فحص ملاك و وقف النزيف و سيف وقف جمبها و ماسك ايديها...
سيف(بقلق):ها يا دكتور؟!
الدكتور:مش شايف ان في كدمة او اي آثار خبطة مفيش سبب ل نزول الدم...ممكن بسبب ارتفاع ضغط الدم..
سيف:اه..
الدكتور:واضح كمان انها بتجيلها الحالة دي في فترات معينة مثلا مرت بنوبة خوف او توتر اضطراب..
سيف:هي هتفوق امتي؟!
الدكتور:حالا...
الدكتور جاب حقنة و وداها ل ملاك..
الدكتور:عن اذنك يا سيف بيه..
الكل خرج و اتبقي سيف مع ملاك و هو ماسك ايديها بقوة..
ملاك بدأت تحرك رأسها يمين و شمال و بتحرك عينيها ببطء و فتحتهم بصت لقت سيف ماسك ايديها..
سيف:انتي كويسة؟!
ملاك(بتعب):اه اه..
سيف باس رأس ملاك و خدها و ملاك كانت مغمضة عينيها..
سيف:انا اسف يا ملاك بس ابن عمي كان سكران و حصل اللي حصل اسف جدا و هخليه يعتذر ليكي و اوعدك هعاقبه العقاب اللي تلاقيه مناسب..
ملاك:محصلش حاجة محصلش حاجة...انا كويسة..
سيف:تروحي؟!.
ملاك هزت رأسها ببطء بمعني اه..سيف شالها بسرعة بين ايديه و خرج من المستشفي و مسمعش ل صوت الدكتور و لا الممرضة..ركب العربية و ملاك علي رجله و السواق ساق العربية..
ملاك كانت محرجة من سيف و مش بتبص في عيونه و هو مركز معاها هي بس...
بعد فترة وصلوا للقصر سيف دخل و هو شايل ملاك و طلع علي اوضته و حط ملاك علي السرير..
ملاك:آه...
سيف:مالك؟؟
ملاك:لا حسيت بوجع فجأة هقوم اغير هدومي..
سيف سند ملاك و دخلها اوضة الملابس و خرج استناها بره..
ملاك اتسندت علي الحيطة و قعدت و هي خايفة من اللي حصل و بدأت تغير هدومها..
"ملاك لبست عباية بيتي قصيرة لغاية الركبة باللون الاسود و عليها قلوب باللون الاحمر..و مقدرتش تسرح شعرها سابته زي ما هو ضفيرة"..
ملاك خرجت ببطء و هي بتسند علي الحيطة بس سيف مسكها بسرعة و قعدها علي السرير..
سيف:هخش اغير و اجيلك..
ملاك:اسفة لاني مرتبتش هدومي لما اقوم هعمل كدة..
سيف:تمام..
سيف دخل غير هدومه و شال هدومه و هدوم ملاك و خرج قعد جمبها علي السرير و مسك ايديها قربها منه و باس باطن كفها..
ملاك:عايزة انام..
ملاك سحبت ايديها بسرعة من ايد سيف و نامت و حطت البطانية عليها و علي وشها..
سيف باس رأسها و طفي النور و نام جمبها المرة دي حاوطها بدراعه و نام بعمق..
ملاك:سيف..
-ملاك لفت وشها لقت سيف نايم بعمق قامت من جمبه و دخلت البلكونة و حطت ايديها علي سور البلكونة و رفعت رأسها ل فوق و بصت علي السماء و النجوم..
***********************************
-في الصباح الباكر..
_عند عمر..
عمر كان نايم و الساعة في حدود 5 الفجر...تليفون عمر رن..
عمر مسك التليفون و كان هيرميه و يكسره بس افتكر فقدان مريم بص في التليفون بسرعة..
الخط اتفتح..
عمر:الو..
شخص:عمر بيه عرفنا مكان البنت اللي بتدور عليها..
عمر اتعدل بسرعة و قعد علي السرير..
عمر:ابعتلي العنوان بسرعة جاي..
شخص:حاضر..
عمر قام بسرعة غسل وشه و خوج غير هدومه..
"عمر لبس بنطلون اسود و تي شيرت بكم ابيض و كوتشي ابيض"..
عمر نزل بسرعة بعد ما خد حاجته و ركب عربيته و راح للمكان اللي الشخص قاله عليه..
بعد فترة كان عمر وصل و لقي حراسه واقفة..
عمر:ها ايه الاخبار؟!
حارس:ده مخزن عصام بيه عدو سيف بيه..
عمر(باستغراب):بس خطف مريم ليه؟!
عمر:اجهزوا..
كل واحد جهز بمسدسه و هجموا علي المصنع و الحراس كان في ضهر عمر و عمر بيدور علي مريم لغاية ما وصل لاوضة فاضية فتحها..
مريم(بخوف):مين؟!
عمر(بقلق):مريم..
عمر قرب من مريم بسرعة و حاوط وشها بأيده..
عمر:انتي كويسة؟!
مريم(بعياط):الحمد لله الحمد لله...شكرا يا رب..
عمر لقي مريم مربوطة بسلسلة حديد ضرب نار..
مريم(بصريخ):عاااااااااا..
عمر:متقلقيش..تعالي..
عمر مسك ايد مريم و شدها معاه كانوا بيخرجوا لقوا حد موجه مسدسه ناحية عمر..
عمر زق مريم بايده ورا ضهره..
عمر(بحدة):نزل سلاحك احسن...
شخص:كدة كدة ميت..
عمر في اقل من لحظة لوي دراع الشخص اللي قدامه و ضرب رأسه في الباب و مسك ايد مريم و خرج بره المكان كله..
عمر:انتي كويسة؟!.
مريم(بتعب):اه..
عمر(بخضة):مريم..
مريم وقعت بين ايدين عمر و اغمي عليها عمر شالها و ركبها العربية و راح ل بيته نزل شالها و دخل بيته حطها علي سريره..
عمر اتصل بالدكتور و بعد فترة الدكتور جه..
عمر:ايه الاخبار؟!
الدكتور:قلة تغذية ودتها حقنة و اول ما تفوق تتغذي كويس..
عمر:تمام شكرا يا دكتور اتفضل..
عمر وصل الدكتور ل بره البيت و رجع غطي مريم و قفل الباب و خرج بدأ يعمل كذا حاجة في موضوع الخطف...
**********************************
-في مكان تاني....
_في القصر..
"في اوضة سيف و ملاك"..
سيف كان بيتقلب و هو نايم بيحسس بايده علي السرير ملقاش ملاك فتح عيونه بفزع..
سيف قام ملقاش ملاك علي السرير و قام بسرعة دخل الحمام ملقاش ملاك و دخل اوضة الملابس و بعدها لاحظ ان البلكونة مفتوحة دخلها لقي ملاك نايمة علي كرسي و ضامة رجليها ليها..
سيف(بصدمة):هي نامت في البلكونة!!!!
سيف قرب من ملاك و شالها بين ايديه...
ملاك(بوجع):آآآه رقبتي..
سيف:معلش..
ملاك حاوطت رقبته بأيديها و كملت نوم..سيف حط ملاك علي السرير بهدوء و ملاك كانت رقبتها وجعاها بس كملت نوم..سيف بص علي الساعة لقاها 6:30 الصبح...
سيف بص علي ملاك و بص علي البلكونة و قفلها و قرب من ملاك و قعد جمبها و قعد يملس علي وشها و شعرها شوية..
سيف(بتنهيدة):يا رب..
بعد فترة ملاك بدأت تتحرك بس حست بوجع شديد في رقبتها بصت في الساعة لقتها 6:50..
ملاك(بفزع):يا نهار اسود!!!!!
ملاك(بوجع):آآآآه..
سيف(بخضة):مالك؟!
ملاك:جودي و مالك الباص بتاعهم...
ملاك قامت بسرعة جريت علي باب الاوضة..
سيف(بحدة):ملاك..
ملاك:بعدين يا سيف..
سيف:جنابك ناوية تخرجي كدة؟!
ملاك بصت علي لبسها و افتكرت اللي حصل امبارح..
ملاك:طب يلا قوم صحي جودي و مالك عقبال ما اغير هدومي..
ملاك:يلا..
ملاك جريت علي اوضة الملابس تغير هدومها..
"ملاك لبست بنطلون ابيض و قميص باللون البيبي بلو دخلته في البنطلون و لبست كوتشي اسود عالي و سيبت شعرها علي ضهرها"..
ملاك جريت علي اوضة جودي لقت سيف بيحاول يصحيها..
ملاك:جودي حبيبتي يلا قومي..
ملاك:جودي يلا..
ملاك:يلا يا روحي..
جودي:حاضر حاضر...
جودي قامت و دخلت الحمام سيف بص ل ملاك باندهاش..
ملاك:رجالة فاشلة..
ملاك جريت علي اوضة مالك و بدأت تصحيه...
ملاك:مالك يلا يا حبيبي..
مالك(بنوم):اجازة..
ملاك:يلا يا مالك يلا يلا..
مالك:اوف طيب حاضر..
سيف:براڤو براڤو..
سيف:مالك؟!
ملاك:رقبتي معرفش وجعاني اوي..
سيف:تعالي ادهنلك كريم..
ملاك:استني بس..
سيف:هما كبروا يلا..
-سيف شد ملاك و رجعها لاوضتهم و قعدها علي السرير و جاب المرهم و فتح زرار من قميصها و دخل ايده و بدأ يدلك رقبتها و يحطلها الكريم..
ملاك(بوجع):آآآه لا يا سيف..
سيف:معلش بس جنابك نمتي ليه في البلكونة؟!
ملاك(بتوتر):عادي محستش بالوقت و نمت غصب عني..
سيف:طيب..
سيف قرب من ملاك و باس خدها و قعد جمبها..
سيف:انتي كويسة؟!
ملاك:الحمدلله..
سيف:احم يعني معتز كان سكران و ممكن ميفتكرش حاجة بس حاولي متقوليش ل حد معلش..
ملاك:انا راحة اشوف جودي..
ملاك راحت لاوضة جودي و لقتها لبست..
ملاك:تعالي اسرح ليكي..
ملاك سرحت شعر جودي علي شكل ضفيرة و لبستها شنطتها..
ملاك:يلا ننزل بسرعة..
ملاك مسكت ايد جودي و نزلت...
ملاك:سارة سارة..
سارة:نعم يا هانم؟!
ملاك:يلا حطي الفطار بسرعة...مالك يا مالك..
مالك:نزلت اهو..
ملاك:طب يلا افطروا..
مالك و جودي فطروا و باص جودي جه..
ملاك:يلا هاتي بوسة..
جودي باست ملاك و حضنتها و ركبت الباص...
مالك:مال رقبتك؟!
ملاك:فيها وجع بسيط متشغلش بالك...
ملاك:خلي بالك من نفسك..و ركز في الحصص..
مالك:حاضر...
حارس:الباص وصل يا هانم..
ملاك حضنت مالك و بعدها مالك ركب الباص بتاعه و مشي..
سارة:ملاك هانم مدام مني عايزاكي..
ملاك:طيب..
ملاك دخلت القصر و هي بتدلك رقبتها..
ملاك:صباح الخير..
مني:صباح النور يا حبيبتي...مبروك..
ملاك:الله يبارك فيكي..
مني:مالك؟!
ملاك:مفيش وجع بسيط..
مني:الف سلامة..انتي زعلانة؟؟
ملاك:ابدا ليه في ايه؟!
مني:مفيش يا روحي..
رزق:صباح الخير..
مني و ملاك:صباح النور..
مني:ايه اخبار مراتك؟!
رزق:الحمد لله كويسة..
مني:طيب..
ملاك:عن اذنكوا هروح اعملي فنجان قهوة..
ملاك دخلت المطبخ و عملت ليها قهوة و قعدت تشربها في المطبخ...
سارة:هو معتز بيه ده رجل اعمال يعني و لا ايه؟!.
عفاف:اه يا سارة و ابعدي عنه للاسف بتاع ستات..
سارة:ليه بس كدة؟!بس واد مز..
عفاف:متغركيش المظاهر...
عفاف:ابعدي عنه يا سارة انتي مش قدهم يا سارة ده رجل اعمال و غني..عائلتة واصلة..
عفاف:لو عملك حاجة متقوليش ل حد...و امشي من سكات..
ملاك(بحدة):اومال يعني تسيب حقها؟!
ملاك(بحدة):اي حد يعتدي عليكي او يقرب منك و يعملك اي حاجة لاما تبلغي عنه مهما كان مين لاما تتصرفي معاه انتي بطريقتك..
ملاك(بحدة):متبقوش ضعفاء..
ملاك:و لو معتز اللي انتوا بتقولوا عليه ده اتعرض لاي واحدة منكوا تعالوا قولوا ليا و متخافوش..
ملاك سابتهم و خرجت بره المطبخ لقت نور و سهي نزلوا...
نور:اهلا بملكة الجمال اهلا..
ملاك:من ذوقك يا مدام نور..
سهي:نمت و نسيت اقولك رأيي...
سهي:كنتي خيال خيال بمعني الكلمة انتي و سيف كنتوا حلوين اوي...
ملاك:تسلمي يا مدام سهي..
تاج:صباح الخير..
ملاك:صباح النور...الفستان جميل اوي..
تاج:محدش طلب رأيك..
سيف(بحدة):تاج احترمي نفسك شوية..
تاج:ان شاء الله..مش يلا نفطر..
"تاج كانت لابسة فستان بسيط باللون الابيض اللي هو نظام مروحية كدة و جزء من كتفها باين و قصير لغاية الركبة و كانت لابسة كوتشي ابيض في اسود و رفعت شعرها علي شكل كحكة عالية"...
الكل قعد علي السفرة و بدأ يأكل و في اللي كان بيتكلم..
معتز(شبه نايم):صباح الخير..
ملاك:عن اذنكوا كلت..
ملاك قامت بسرعة و طلعت علي اوضتها و مبصتش ل معتز..
معتز بص ل ملاك بنص عين و تابعها لغاية ما اختفت من قدامه..
سيف(بصوت عالي):معتز..
معتز:ايه؟!!
سيف(بغضب):جنابك اللي بتبص عليها دي تبقي مراتي...و مسمحلكش تبصلها بالطريقة بتاعتك دي..
معتز:اه اه فهمت مكنتش اعرف...بس مش انت متجوز سيدرا؟!
سيف:انا رايح شغلي..
سيف خد حاجته و راح ركب عربيته و اتصل ب عمر...
الخط اتفتح..
سيف(بعصبية):انت فين؟!
عمر(بحدة):مع مريم اللي اتخطفت من عندك يا سيف..
سيف(بصدمة):ايه؟!!
سيف:تعالي ليا المكتب مستنيك..
عمر:هشوف..
_في القصر..
معتز:حد يفهمني مين دي؟!حاسس اني شوفتها قبل كدة..
مني:دي يا حبيبي مرات سيف.. سيدرا ربنا يشفيها عندها السرطان و بتتعالج و كان لازم حد يخلي باله من مالك و جودي..و اكيد شوفتها قبل كدة لانها ملاك سالم محمد حفيدة محمد الشرقاوي..
معتز:اه اه عرفتها شوفت ليها اعلانات كتير...
تاج:عن اذنكوا ورايا جامعة..
تاج ركبت عربية من الجراچ و راحت للجامعة لقت ريتاج مستنياها..
تاج:تعالي بسرعة يلا..
ريتاج:روحي انتي و هأجي وراكي..
تاج:طيب يا ست ريتاج..
تاج راحت مكانها و ريتاج راحت ل عاصم..
ريتاج:احم عاصم عامل ايه دلوقتي؟!.
عاصم:قرفان من وجودك..حاجة تاني؟!
ريتاج:اسفة..
ريتاج مشيت و مسمحتش لدموعها تنزل و راحت المدرج..
تاج:مالك!
ريتاج:مفيش انا كويسة..
الكل دخل و منتظرين دخول الدكتور او المعيد يعني..
جاسر:مساء الخير..
الكل:مساء النور..
جاسر:طيب النهاردة هيبقي النظام اسئلة..علي المرة اللي فاتت..
جاسر:اتمني نكون ذاكرنا..
جاسر قعد علي الكرسي بتاعه و بدأ يختار اشخاص و يسألهم...
تاج رفعت ايديها و جاسر سمح ليها انها تتكلم..
تاج:مش شايفة حضرتك و الصوت بعيد ممكن تقوم تقف..
جاسر:تمام..
جاسر كان بيقوم لقي بنطلونه لازق في الكرسي بص ل تاج بغضب و ملاك شاورت ليه بمعني هاي و ضحكت بخبث...
جاسر:انسة تاج..
تاج:نعم يا دكتور؟!
جاسر:تعالي..
تاج قامت و راحت ليه وقفت قدامه و جاسر قاعد علي الكرسي..
جاسر بدأ يسأل تاج اسئلة و هي معرفتش تجاوب و بصت ليه بغيظ...
جاسر:اتفضلي علي مكانك يا انسة تاج و اتمني تركزي...
جاسر:المحاضرة خلصت اتفضلوا..استني يا انسة تاج..
الكل جهز نفسه و خد حاجته و خرج بره المدرج و تاج كانت هتخرج بس جاسر شدها و قعدها علي رجله..
جاسر(بغضب):قسما بربي يا تاج لو مقومتيش حالا و اتصرفتي في اللي انتي عملتيه ده لاكون قاتلك و الموت هيبقي اهون ليكي..
تاج(بعصبية):وسع يا حيوان انت ازاي تعمل كدة..
جاسر وقف تاج بعيد عن رجله و فضل مسك ايدها..
جاسر(بغضب):انجزي اتصرفي..
تاج(بعصبية):طب لا و مش هعمل حاجة..
جاسر شد تاج بغضب ناحيته و وشهم كان قريب من بعض..
جاسر(بغضب):و ربي اقتلك يا تاج..
تاج:اوف طيب استني..
تاج:عندي حل واحد..
جاسر(بغضب):قولي..
تاج(بخبث):ليك عندي اعملك مكاملة واحدة من تليفوني..
جاسر:طيب هاتي..
جاسر مسك موبايل تاج و اتصل ب شخص..
الخط اتفتح..
..:الو يا..
جاسر:عدي عايزك بسرعة في الجامعة بتاعتي..
جاسر:اسم الجامعة(**********)..
جاسر:يا ريت تيجي بسرعة..
جاسر قفل التليفون و رمي موبايل تاج اتكسر..
تاج(بصدمة):يا حيوان!!!
جاسر(بسخرية):حاجة بسيطة علي ما اخلص من اللي انا فيه...
تاج(بصريخ):يا حيوان انت ازاي تتجرأ و تعمل كدة الموبايل اغلي منك..
تاج راحت ل موبايلها و بدأت تفحصه و تحاول تشغله..
بعد فترة...
تاج و جاسر لقوا الباب اتفتح..
تاج(بصدمة):سيف!!!
سيف(برفعة حاجب):ايه اللي بيحصل هنا؟!
جاسر(بعصبية خفيفة):بنت عم حضرتك حطت غراء علي الكرسي بتاعه و انا قعدت عليه و مش عارف اقوم..
سيف بص ل تاج و جاسر و بعدها قرب من تاج..
سيف:انتي عملتي كدة فعلا؟!
تاج(بانفعال):ما هو اللي بوظ عربيتي المرة اللي فاتت..
جاسر(بانفعال):ما انتي اللي كسرتي ازاز عربيتي المرة اللي قبلها..
تاج(بانفعال):ما انت اللي كنت هتخبطني..
جاسر(بانفعال):زمرت كتير بالعربية..
تاج(بانفعال):قولت ليا يا مدام و كنت قاصد تستفزني..
جاسر(بانفعال):و انتي غبية قولتي قال ايه في يوم هتكون مطرود من هنا...
سيف(بعصبية):اخرسوا انتوا اتجننتوا ما تقوموا تضربوا بعض..
سيف(بعصبية):اعتذري ليه يا تاج..
تاج(بصدمة):عايزني انا اعتذر ليه؟!
سيف(بحدة):انجزي..
تاج:انا اسفة..
تاج كانت هتجري علي بره بس سيف مسك ايديها..
سيف(بحدة):اعتذر ليها...انا شايف انكم اذيتوا بعض و انتوا غلطانين..
جاسر:معنديش مانع بما انها اعتذرت انا اسف..
سيف:امشي يا تاج..
سيف قرب من جاسر و بدأ يشوف حل ل جاسر علشان يقوم جاسر..
بعد فترة..
جاسر(بصدمة):نعم انت فاكر اني هخرج كدة يعني؟!
سيف:اعملك ايه بنطلونك اتقطع و بقي منظرك زبالة قدامي..
جاسر:انت راجل و ماشي لكن برستيجي قدام الجامعة و كمان ده كله بسبب بنت عمك..
سيف:تعالي معايا..
جاسر و سيف خرجوا من باب المدرج الخلفي و سيف بص يمين و شمال ملقاش في حد..
سيف:ورينا مهاراتك في الجري..
جاسر جري علي البوابة الخلفية و سيف وراه..
سيف:اركب..
جاسر ركب مع سيف و سيف ساق و وصل ل شركة عدي..
جاسر:نعم!!!!!
سيف:خليك هنا..
سيف دخل الشركة و طلع لمكتب عدي...
السكرتيرة(بدلع):جاي لمين يا؟!
سيف(بحدة):قولي ل عدي بيه ان سيف الدين فؤاد رضوان موجود بره..
السكرتيرة(بدلع):عيوني يا عسل..
السكرتيرة دخلت ل مكتب عدي و قالتله و خرجت...
السكرتيرة:اتفضل يا عسل..
سيف(بغضب):احترمي نفسك و الا اخليكي متسويش جنيه واحد..
سيف دخل ل عدي و عدي قام سلم عليه و حضنه..
عدي:اخيرا ده انا اشكر الحفلة اللي خلتنا نتقابل تاني بقي..
سيف:تسلم بس في حاجة كدة..
عدي:ايه؟!
سيف حكي اللي حصل بالمختصر...
عدي:يعني جاسر تحت و بنطلونه مقطوع؟!
سيف:ايوه..
عدي قعد يضحك كتير و هو فرحان في جاسر..
عدي(بضحك):قول ان في حد شافه كدة..
سيف:لا يا رزل...جيب اي حاجة يلبسها..
عدي(بضحك):خليه كمان شوية..
سيف:لا يا عم الرخم..
عدي(بضحك):طيب..
عدي جاب بنطلون من مخزن الهدوم اللي عنده و نزل هو و سيف و راح لباب جاسر و فتحه..
جاسر(بعصبية):كما تدين تدان و ربي لاشمت فيك في مرة..
عدي(بضحك):كان نفسي اشوف..
جاسر(بحدة):ماشي يا عدي..هات القرف ده..
-جاسر شد من عدي البنطلون و قفل الباب بغضب و بدأ يلبس في العربية و عدي و سيف قاعدين يضحكوا...
جاسر(بعصبية):انا ماشي اقعدوا اضحكوا..
سيف:بعتذر علي اللي تاج عملته..
جاسر:طيب يا عم...و انا اللي اتصلت بيك علشان تزعق ليها..
سيف:هتتعلم من غلطتها مش لازم اعاقبها قدامك...
جاسر:بطل ضحك يا عم الخفيف...
عدي مسك البنطلون المقطوع و شافه و قعد يضحك اكتر...
عدي:يا تري بقيته سبته علي الكرسي؟!
جاسر(بعصبية):يا رب توب عليا..
جاسر سابهم و ركب تاكسي و روح علي البيت..
عدي(بحب اخوي):تسلم يا سيف شكرا ليك..
سيف:علي ايه بس انت اخويا و هو اخويا..
سيف:يلا همشي انا...
عدي:عايز اشوفك..
عدي:و ابقي سلملي علي المدام التانية...و نسيت ابدي رأيي فيها امبارح الصراحة..
عدي:بس حقيقي هي كانت حلوة اوي و تستاهل انها هي اللي تكسب...بجد هي نجمة ربنا يخليها ليك..
عدي:انت محظوظ الجميلة دي مراتك..
عدي كان هيقع بس سند علي العربية بسبب الضربة اللي سيف وداها ليه..
سيف(بغضب):عدي انت صاحبي و اخويا لكن هتبص ل مراتي بطريقة مش هتعجبني هزعلك..
عدي:ايدك تقيلة اوف..و كمان مش ده جواز مصلحة..
سيف:انا ماشي...
سيف لف و ركب عربيته و بدأ يسوق...عدي وقف و ربع ايده بص علي العربية لغاية ما اختفت...
تليفون سيف رن...الخط اتفتح..
سيف:في جديد؟!
حارس:الهانم يا بيه في مستشفي جدها..
سيف:تمام..
سيف غير اتجاهه و راح علي مستشفي جد ملاك...
-سيف دخل المستشفي و راح علي اوضة محمد و كان في ازاز للاوضة سيف شاف ملاك بتعيط بحرقة و هي في حضن محمد و محمد بيطبطب عليها..
_عند ملاك...
ملاك خدت شنطتها بسرعة و نزلت ل مستشفي محمد اول ما دخلت ليه قعدت تعيط و محمد يطبطب عليها بحب و يبوس رأسها...
ملاك(بعياط):انا خايفة اوي يا جدو..
ملاك(بعياط):خايفة خايفة اوي اوي..
ملاك(بعياط):خايفة يا جدو اوي..
ملاك(بعياط):انا لية بيحصل معايا كدة؟!
ملاك(بعياط):ده عملها مرة و ممكن التانية يا جدو...
الباب خبط..
ملاك مسحت دموعها بسرعة و اتعدلت..
ملاك:ادخل..
سيف فتح الباب و دخل و ملاك رفعت عينيها و سيف كان باصص ليها و ملاك اتوترت و نزلت عيونها..
سيف:حمدلله بالسلامة يا محمد بيه..
محمد:الله يسلمك يا حبيبي...عامل ايه؟!.
سيف:الحمد لله..
سيف:كلتي يا ملاك؟!
ملاك:اه كلت مع جدو..
محمد:كدابة مأكلتيش معايا..
سيف:عموما طلبت اكل لينا...و هتأكليه غصب..
ملاك:لا مش هأكل الا لما يجيلي مزاج..
سيف:طب عندًا فيكي هتأكلي غصب..
ملاك:لا مش هأكل بس كدة هو بمزاجي و مش هتمشي كلامك عليا..
سيف:لا همشي كلامي عليكي بس كدة..
محمد:لاحظوا اني موجود..
سيف/ملاك:هي اللي غلطانة/هو اللي غلطان...
محمد:اقولكوا مين اللي غلطان؟!
محمد:انا...ايوه انا لاني اعرفكوا..
محمد:غورا في داهية يلا كلوا في مكان تاني..
سيف:تسلم يا محمد بيه..
سيف(بحدة):يلا هاتي شنطتك و يلا..
ملاك:لا و لو همشي هركب تاكسي و هروح علشان جودي و مالك..
سيف:اخر كلام عندك يعني؟!
ملاك:ايوه..
سيف:حمدلله بالسلامة يا محمد بيه مرة تانية...عن اذنك هأخد مراتي هأدبها شوية..
سيف قرب من ملاك و شالها بين ايديه و خرج بره المستشفي..
ملاك(بزعيق):يا حيوان نزلني مش حمارة انا و مليش رأيي..
ملاك(بصريخ):خاطفني..الحقوووووووووني..
سيف رمي ملاك في العربية و لف ركب العربية و ساق ناحية اي مطعم...
***********************************
-في مكان تاني...
_عند عمر..
مريم كانت مغمي عليها و بدأت تفوق و عمر كان بيغير هدومه و هينزل ل سيف زي ما اتفقوا..
مريم فاقت و لقت نفسها في مكان غريب قامت مفزوعة..
مريم:اهدي يا مريم انتي في مكان غير المكان الوحش ده...
مريم لقت حد بيفتح الباب انكمشت علي نفسها..
عمر(بدهشة بسيطة):صحيتي؟!
مريم(بدموع):استاذ عمر..
عمر:متقلقيش كل الامور اتحلت...
عمر:اتفضلي خدي البسي ده هستناكي تحت..
عمر ساب هدوم علي السرير و نزل...مريم قامت غسلت وشها و خرجت غيرت هدومها..
"مريم لبست فستان طويل لبعد الركبة بشوية باللون الاحمر و عليه رسومات باللون الاسود و ب ¾ كم ضيق شوية عليها..و شعرها علي شكل ضفيرة و لبست كوتشي ابيض"..
مريم نزلت ببطء ل تحت لقت عمر قاعد في الصالون..
مريم:احم احم..
عمر:تعالي يا مريم...
عمر:طبعا بعتذرلك علي اللي حصل و اوعدك ان شاء الله مش هيتكرر تاني..
مريم(بدموع):كنت خايفة..
عمر حط ايده علي كف ايديها و شدد عليه بخفة..
عمر:متقلقيش...بس..
مريم:بس؟!
عمر:امانك معايا يا مريم مش بقولك كدة علشان تتجوزيني لا..
عمر:لما الكل يعرف انك مرات عمر الكيلاني هيخافوا بس يبصوا ليكي..
عمر:و هيبقي جواز علي ورق لفترة بسيطة..
عمر:علي الاقل لما نلاقي زياد لانه مختفي اللي خطفك ليه عداوة معايا علشان كدة خطفك..
عمر:لو موافقتيش هحاول علي قد ما اقدر احميك بس مش هتبقي بنفس الدرجة لما نتجوز لان ساعتها هتعيشي معايا في البيت و محدش هيقدر يدخل البيت ده...
عمر:هسيبك تفكري...عن اذنك..
مريم(بدموع):هتسبني؟!
عمر:بس..
عمر:لا هروح اشتغل في اوضة المكتب...البيت بيتك و فكري براحتك..
عمر راح اوضة مكتبه بعت ماسدج ل سيف انه مش هيقدر يجي و بدأ يشتغل...مريم بدأت تتجول في البيت و تفكر في كلام عمر...
***********************************
-في مكان تاني...
_في عربية سيف..
ملاك كانت مكشرة و مضايقة و باصة للشباك....سيف شغل اغاني و بدأ يغير الاغاني لغاية ما لقي واحدة و ابتسم..
"كانت اغنية زي الملايكة بتاعت عمرو دياب"..
سيف(بغناء):زي الملايكة لما تشوفها ورداية تحلم تقطفها ميتحكيش عليها..
سيف(بغناء):ده انا لسة فاكر من يومها ساعة ما كنت بكلمها..
سيف(بغناء):ضحكتها و عينيها..ميتحكيش عليها..
سيف(بغناء):ده انا لسة فاكر من يومها ساعة ما كنت بكلمها ضحكتها و عينيها..
-ملاك كانت باصة للشباك و ابتسمت غصب عنها بس مبينتش ل سيف..
سيف(بغناء):اجمل ما فيها اللي واخدني ضحكة برئية بتوعدني دي حاجات كتير بحلم بيها انا من زمان مستنيها..لكني مش هحكيها..
سيف(بغناء):ميتحكيش عليها..زي الملايكة لما تشوفها ورداية تحلم تقطفها...ميتحكيش عليها..
سيف(بغناء):ده انا لسة فاكر من يومها ساعة ما كنت بكلمها ضحكتها و عينيها..
سيف(بغناء):كان كل شئ اتمنيته حبيتها كدة زي ما هي ضحكتها مش ضحكة عادية توصفها تلاقيها..
سيف(بغناء):زي الملايكة لما تشوفها ورداية تحلم تقطفها ميتحكيش عليها..
سيف(بغناء):حبيتها كدة زي ما هي ضحكتها مش ضحكة عادية...توصفها تلاقيها..
-ملاك انبسطت اوي و كانت فرحانة و عجبها صوت سيف و بصتله بطرف عينيها..
سيف:عارف ان صوتي حلو بس خلي بالك مش بيطلع لاي حد..
ملاك(برفعة حاجب):معني كدة اني مهمة عندك..
سيف:طبعا مهمة مش بتهتمي بولادي..
ملاك(هزت كتفها):ممكن..
وصلوا ل مول و ملاك و سيف نزلوا سيف مسك ايديها و دخلوا..
سيف:تحبي تلفي المول؟!..
ملاك:اه بس منشتريش..
سيف:طيب..
ملاك و سيف بدأوا يلفوا المول و يتمشوا و ملاك بتجري قدام سيف و سيف ماشي وراها مربع ايده..
سيف:مش مستغربة اننا متخانقناش..
ملاك:اوف بتحب الخناق..
سيف:لا قولت اقولك بس..طول ما انتي سامعة الكلام الموضوع بيبقي حلو.....
ملاك:و الله علفكرة بمزاجي..
سيف(بسخرية):بامارة انك جيتي معايا غصب عنك..
ملاك(بعصبية):عيل رزل و رخم و برضو بمزاجي..هه..
سيف:هه بمزاجي انا برضو..
ملاك:شخص متحكم و رزل و همشي...ها..
ملاك جريت بره المول و سيف وراها وقفت قدام المول و فردت ايديها..
ملاك:اهو خرجت بمزاجي انا..
ملاك لقت سيف جاي ناحيتها و......

_السؤال:يا تري هيحصل ايه؟!خمنوا🌚💜..
***********************************
يتبع::::😘💜..
بحبكوا😘💜..
يا رب الرواية تنال اعجابكم😘💜..
رأيكوا يهمني😘💜..