الملاك المتمرد «قيد التعديل»

الفصل الخامس و العشرون...

نكمل روايتنا(الملاك المتمرد)بقلم سلسبيل كوبك..
الفصل ال25..
اخر حاجة وقفنا عندها في الفصل ال24..
ان سيف و ملاك كانوا بيتكلموا و سيف قال:
سيف:عارفة المفروض انتقم من مين..
سيف:من عمي و من ابوكي..
ملاك فتحت عينيها علي آخرهم بصدمة و فجأة وقعت بين ايدين سيف..
سيف(بخضة):ملاك..
ملاك كانت تايهة الرؤية مش واضحة..الرؤية بدأت تنعدم..
سيف(بقلق):ملاك قومي يلا..
سيف قعد يضرب ملاك بخفة علي خدها علشان تفوق..سيف بدأ يشوف نبضها لقاه ضعيف و يكاد يُسمع..
سيف شال ملاك بين ايديه و خرج بره القصر فورا و ركبها العربية و ركب العربية و ساق لاقرب مستشفي..
و بعد فترة وصلوا للمستشفي سيف نزل و شالها و دخل..
سيف:دكتور من فضلك بس بسرعة...
دكتورة:انا موجودة..
سيف رفع رأسه و بص للدكتورة اتصدم و كذلك الدكتورة..
ممرضة:يا دكتورة المريضة بتتعرض ل نوبة..
سيف بص علي ملاك اللي بترتعش بقوة بين ايديه..
الدكتورة:تعالوا ورايا...
دخلوا ملاك اوضة و بدأت الدكتورة تكشف عليها..
سيف(بسخرية):يا تري هتشخصي حالتها ايه؟!
الدكتورة:علي حسب حالتها...
سيف:امممم طيب هنشوف..
الدكتورة:تعرضت لصدمة...و طبعا انت احسن واحد بيعمل صدمات...
سيف:اممم يعني ممكن..
سيف:حال مراتي ايه يا دكتورة جودي؟!
جودي:واو سيف طلع متجوز اتنين..
سيف:ملكيش فيه...و قوليلي وضع مراتي ايه؟!
جودي:وه انا خايفة اوي منك..
سيف قرب من جودي و مسك دراعها تناه ورا ضهرها و قربها منه..
جودي(بوجع):ايدي يا سيف...وسع..
سيف:ردي حالة مراتي ايه؟!
جودي:تعرضت ل صدمة هتفوق دلوقتي وسع..
سيف بص علي ملاك لقاها بدأت تحرك رأسها براحة..
ملاك(بتخريف):مستحيل لا لا كدب..
سيف:ملاك..
ملاك فتحت عينيها ببطء و بصت ل سيف و فضلت ساكتة..
جودي:انتي كويسة؟!
ملاك:اه...
سيف:حاسة بحاجة بتوجعك؟!
ملاك لا رد...
ملاك:لو سمحت يا دكتورة سيبيني مع جوزي ل وحدي...
جودي:تمام...
سيف:عايزة تقولي ايه؟!
ملاك:بره و اخرج من حياتي و مترجعش تاني...انا في نظرك بنت قاتل...
ملاك:علشان كدة اتعصبت عليا و احنا عند عمر...عرفت ساعتها صح..
ملاك:و فورا عرفت اني بنت القاتل اللي قتل باباك...
ملاك:انا قدامك تقدر تموتني...
ملاك:انا..
سيف:انتي مش في وعيك يا ملاك..
ملاك(بزعيق):لا في وعيي...اخرج بره حياتي بره زهقت من كتر تطفلك عليا زهقت من كتر المشاكل...
ملاك(بزعيق):دي المرة الالف اللي اجي فيها للمستشفي و ده من ساعة ما انت دخلت حياتي..
ملاك(بزعيق):غلطت لما قبلت بالجواز ده..
سيف:طب وطي صوتك..
ملاك(بزعيق):لا انا في نظرك مجرمة و لازم اتعاقب صح انا بنت القاتل بس ابويا ميت بالتالي لسة بتفكر هتقتلني و لا لا..
سيف قرب من ملاك و حاوط وشها بايده..
سيف:ان..
ملاك ضربت سيف علي صدره و ضربته كتير بايديها..
ملاك:بره بقي بره مش عايزة اشوفك مش عايزة اشوفك بكرهك يا سيف..
ملاك:بكرهكوا كلكوا كلكوا مجرمين..
ملاك بدأت ترتعش و تتعرض ل نوبة جديدة و نزل دم من انفها...
جودي:اهدي اهدي...اخرج بره يا سيف اخرج..
جودي بعد صعوبة رجعت النفس و سيطرت علي النوبة..
جودي:ارتاحي دلوقتي..
ملاك قعدت تعيط لغاية ما نامت...
ملاك:بكرهك..
_عند سيف..
جودي:انت ايه يا ابني معندكش دم..شايف حالتها ازاي و كمان بتعصبها زيادة..
سيف(بسخرية):يا ابني؟!!!
سيف:طب نحترم نفسنا شوفي انتي فين و انا فين..
جودي بصتله بخذلان و سابته و مشيت...سيف قعد علي الكرسي بتاع المستشفي..
بعد فترة سيف دخل باس رأس ملاك و نام علي الكنبة...
***********************************
-في الصباح الباكر...
_في المستشفي..
ملاك فاقت قبل سيف و فضلت صاحية لغاية ما جودي جت تفحصها..
جودي:اخبارك ايه دلوقتي؟!
ملاك:احسن..
جودي:الحمدلله...اتمني تبعدي عن المشاكل و تبعدي عن اي حاجة تعصبك..
سيف بدأ يصحي و بص ل ملاك و جودي..
سيف:اخبارها ايه؟!
جودي:تمام تقدروا تخرجوا النهاردة..
سيف قرب من ملاك و شالها و خرج بره المستشفي..
ملاك:هتقتلني امتي؟!.
سيف مسك الدريكسيون بغضب و بص قدامه...
ملاك:امممم لسة بتفكر..طيب عموما بس ابقي قولي قبلها بساعتين..
سيف:علي اساس هقتلك...
ملاك:ليه لا؟!اذا كنت هتقتل عمك..
سيف:ملكيش دعوة ينعل ابو كدة بتدخلي في اوقات غريبة و بتسمعي الكلام الغلط بس..
ملاك:ممكن علشان اكشفك علي حقيقتك...
سيف:قريب و هتعرفي الحقيقة كلها..
ملاك:مش عايزة..
_عند جودي..
جودي قعدت علي السرير مكان ملاك و بدأت تعيط..
_Flash back..
-من 11 سنة...
سيف:مالك يا حبيبتي هو في عروسة تخرج قبل كتب كتابها بساعات..
جودي:سيف في حاجة عايزة اقولها..
سيف:عارف عارف مش قادرة تستني..
جودي:لا يا سيف..سيف انا..
سيف:انتي؟!
جودي:انا مش عايزة ارتبط بيك يا سيف...
جودي:انت شخص طايش و متهور و ممكن تقتل نفسك علشاني..
سيف(بصدمة):انتي جاية تقولي الكلام ده بعد ما عزمنا الناس و هنكتب الكتاب..
جودي:احنا لسة صغيرين و قدامنا العمر طويل..
سيف:قصدك ايه؟!
جودي:قصدي اني هسافر و هرتبط برجل اعمال اينعم اكبر مني بس عاقل مش متهور زيك..
جودي:بس انا حاولت يا سيف..
سيف:و الناس و المعازيم و جدي و ابويا و امي و عائلتي اقولهم ايه ردي عليا اقولهم ايه..
جودي:حاولت يا سيف انت مش اب و لا زوج يُعتمد عليه...بيتنا هيقع يا سيف..
سيف:جاية تقولي دلوقتي..
سيف:ايوه انا محبتكيش بس معجب بيكي و كمان من و احنا صغيرين مع بعض...
سيف:انتي اتجننتي مفكرتيش في عائلتي و لا في عائلتك..
جودي:كفاية بقي كفاية..
جودي:عن اذنك..
جودي قلعت الدبلة بتاعتها و حطتها قدام سيف و قامت...
سيف رجع رأسه لورا و حاول يهدئ نفسه..
-الفرح اتلغي و جد سيف زعل منه جدا و قرر انه يجوزوه سيدرا بعدها بسنتين...
_Back..
جودي(بعياط):انا غبية غبية..
جودي(بعياط):ربنا يسامحك يا امي..
***********************************
-في مكان تاني...
_في القصر..
تاج:تيتة عايزة حاجة؟!
مني:سلامتك يا حبيبتي بس ايه الجمال ده.
تاج:تسلمي..
"تاج كانت لابسة بنطلون كشميري درجة فاتحة و فوقه تي شيرت ابيض بنص كم و لبست كوتشي ابيض عالي نوعا ما..و رفعت شعرها ديل حصان و حطت مكياج بسيط"..
تاج خرجت ركبت عربيتها و راحت للجامعة لقت ريتاج واقفة مستنياها..
تاج:ريتاج..
ريتاج:اخيرا شوفتك..
ريتاج و تاج حضنوا بعض اوي و لفترة طويلة..
جاسر:اتمني يخلص الحضن الكبير ده علشان عايز اعدي..
تاج بصت لقت انهم واقفين قدام باب الجامعة و جاسر راكب عربيته و عايز يدخل..
تاج و ريتاج بعدوا و جاسر دخل الجامعة..
تاج:ما يركن عربيته زي الباقيين بره..
ريتاج:معلش بقي يلا يلا ورانا امتحان يلا بسرعة..
تاج:بسرعة..
دخلوا المدرج و وزوعوا الورق و بدأوا يحلوا..
تاج:مبحبش حد يقف فوق رأسي..
جاسر:مش واقف فوق رأسك علفكرة و ركزي في السؤال التالت..
-جاسر ساب تاج و راح يمر علي الباقي و تاج قعدت تركز و تحل و لقت نفسها انها غلطانة في السؤال التالت صححته..
_في القصر..
جودي:انا هشوف ملاك قبل ما امشي و لا؟!
سهي:خلاص ملاك جت لما ترجعي ابقي شوفيها..
جودي:طيب يلا يا مالك..
مالك:طيب...
الباص بتاع كل واحد فيهم جه و ركبوه..
معتز:مساء الخير..
الكل:مساء النور..
مني:بتشرب ايه؟!
معتز:قهوة..
سهي:فين ملاك و سيف؟!
نور(بقلق):ملاك..
ملاك كانت ماشية قدامها بعصبية و مبصتش ليهم..
معتز:ملاك..
ملاك(بعصبية):اسكت مش عايزة اسمع صوتك و لا صوت حد ابعدوا عني..
ملاك طلعت اوضتها و قفلت الباب بالمفتاح...
سيف دخل ببرود و حاطط ايده في جيبه...
معتز:مالها ملاك يا سيف؟!
سيف:مفيش حاجة عادي..
سيف دخل اوضة المكتب بتاعته...و الكل قاعد مش عارف يتصرف..
***********************************
-في مكان تاني..
_في بيت ملاك..
خالد:نور..
شروق:انا اهو قولي عايز ايه؟!
خالد:مش عايز..
خالد:انا رايح الشغل..
شروق:نعم هتقضي وقتك في الشغل اومال هوقعك بحبي ازاي..
خالد:اعمل ايه يعني مشتغلش..
محمد كان بيبص ليهم و بيكتم ضحكه..
شروق:طب طب كُل معانا..
خالد:لا مستعجل..
شروق مسكت ايد خالد و شدته للسفرة..
شروق:علشان خاطري يلا كُل..
خالد:اوف طيب..
التلاتة بدأوا يأكلوا و خالد كان بيأكل لقي حاجة معدن كدة مكسها لقاها دبلة فضي..
خالد:و الله!!!
شروق:عجبتك يا حبيبي؟!
خالد:زفت..
خالد قام و خرج ركب عربيته و بدأوا يروح الشركة..مسك الدبلة في ايده و ابتسم حطها في جيبه..
شروق(بغيظ):شايف بيعمل ايه؟!
محمد:معلش معلش..
شروق:طب وديني مكان الشركة..
محمد:ناوية علي ايه يا مجنونة؟!
شروق:ما انا مش هسيب لحظة في التلت الايام الا و اوقعه بيا..
محمد:طيب يا ست شروق.
شروق:يلا اطلع البس باي..
***********************************
-في مكان تاني...
_عند عدي..
عدي كان داخل مكتبه بس لقي مها و جود بيتخانقوا..
عدي(بحدة):بيحصل ايه هنا؟!
جود(بدموع):يا فندم..
مها:دي قاعدة عمالة تشتمني و تضربني يا بيه..
عدي(بغضب):الكلام ده صح؟!
جود(بدموع):و الله ابدا يا عدي بيه.
مها:لا..
عدي(بغضب):اخرسي يا مها وسيبيها تتكلم..
جود(بدموع):انا جيت علشان اعرف قرار حضرتك لقتها اول ما شافتني ضربتني قلم و قاعدة عمالة اشتمني من الصبح و انا معرفش ده كله ليه...
عدي(بصوت عالي):شهد يا شهد..
شهد:نعم يا عدي بيه..
عدي:هاتيلي كاميرات المراقبة في المكتب..
عدي:انتوا الاتنين ورايا..
جت التسجيلات و عدي شاف ان جود علي حق..
عدي(ببرود):مطرودة يا مها من الشركة كلها..
عدي:شهد علمي انسة جود الشغل عندنا..
شهد:حاضر..اتفضلي معايا..
جود:شكرا يا بيه..
مها بصتلهم بغضب و خدت شنطتها و مشيت..
جود بدأت تتعلم بسرعة الشغل و اتصاحبت علي شهد..
جود:شكرا جدا يا شهد بجد شكرا..
شهد:علي ايه يا روحي هي اساسا مها كانت رزلة..
جود:تسلمي..
عدي:في اجتماعات النهاردة؟!
جود:لا يا بيه..
عدي:طيب..
عدي:من بكرة هبدأ اختبر قدراتك خلي بالك..
عدي ركب عربيته و مشي...
***********************************
-في مكان تاني...
_عند ملاك..
ملاك خدت دوش و خرجت دخلت اوضة الملابس بدأت تغير هدومها..
"لبست بنطلون اسود و تي شيرت اسود بحمالة رفيعة علي الكتف و فوقه جاكت طويل اسود بكم..و لبست صندل بكعب مقفول اسود..و سيبت شعرها علي كتفها و حطت روچ درجة البرتقالي الغامق مايل للكشميري"حد فاهم حاجة😂".."..
ملاك فتحت باب اوضتها كانت هتخرج لقت سيف كان قدام الباب فخبطت فيه..
ملاك:وسع..
سيف:راحة فين؟!
ملاك:مكان ما اروح و لا اغور في داهية انت مالك...
سيف:ملاك سألتك سؤال ردي..
ملاك:راحة التصوير ارتحت كدة وسع..
سيف:طيب بس قبل ما تمشي في حاجة..
ملاك:خير؟!
سيف قرب من ملاك و باسها جمب شفايفها..
سيف:يلا روحي..
ملاك رفعت عيونها و اتقابلت مع عيون سيف..
ملاك(بتوهان):انت..
سيف:انا؟!
سيف حاوط خصر ملاك بايده و قربها منه و دخل الاوضة و قفل الباب و سند ملاك عليه..
سيف بص في عيون ملاك و قرب من ملاك اوي بس ملاك زقته بقوة..
ملاك:احلم..
ملاك فتحت الباب بغضب و نزلت علي السلالم..
معتز:العصبية غلط عليكي..
ملاك(بعصبية):و انت مين علشان تقولي كدة؟!اتعصب براحتي ها براحتي انا..
معتز:اهدي يا قطة في ايه هتخربشي..
ملاك طلعت سلمتين و وقفت قدام معتز..
ملاك:ليك عندي حاجة..
معتز:اتمني اعرفها..
ملاك ضربت معتز بغضب قلم علي وشه..
ملاك:اتمني تكون عجبتك..
ملاك كملت نزول علي السلم و طلعت ركبت عربية و راحة ل موقع التصوير...
بنت:اخيرا يا هانم..
ملاك:كنت وحشاكوا اوي كدة!!
بنت:طبعا مين يقدر يستغني عنك..
ملاك:تسلمي يا روحي..
ملاك دخلت ل جوا لقت الكل بيقوم بتحضيرات التصوير..
ملاك:عم صابر..
صابر:ملاك عاش من شافك..
ملاك:ازيك..
صابر:كويس..اخيرا جيتي مش مصدق نفسي..
ملاك:في الاخر جيت..
صابر:خلي بالك جاك جاي..
ملاك:فيها ايه؟!
صابر:مغرور اخر حاجة اوف زهقنا منه..
ملاك:معلش هي فترة و هنخلص منه بس للاسف لو عجبنا شغله هنضطر نستمر معاه..
جاك:هاي يا ملكتنا..
ملاك:هاي..
ملاك:تعالي معايا يا عم صابر..
ملاك و صابر مشيوا و سابوا جاك اللي بص ل ملاك بغيظ...
ملاك:فين خالد و هنبدأ امتي؟!
ملاك:زي ما انت عارف مسئولة عن طفلين..
صابر:مبسوطة؟!
ملاك:معرفش..
صابر:جواكي كلام كتير..
ملاك:نتكلم بعدين هروح ل خالد..
ملاك(بغمزة):واثقة اني هبقي حلوة تحت ايدك..
صابر(بضحك):ملاك متغيرتيش..
ملاك:لا...
ملاك راحت ل خالد و فتحت باب مكتبه..
خالد:ملاك!!!قاعد عمال اقول هتتصل تقول مش جاية..
ملاك:بجد!!!
خالد:كنت هأجي اجيبك غصب..
ملاك:حقيقي؟!
ملاك(بسخرية):ضحكتني..
خالد:جاهزة؟!
ملاك:طبعا..احكيلي اخبار الكل ايه؟!
خالد:كويسين..
ملاك(بغمزة):ايه الدبلة دي؟!
خالد بص علي الدبلة و مسكها في ايده.
خالد(بضحك):تمالكي نفسك..
ملاك(بحماس):واو شكل في حاجة حلوة احكي احكي...
خالد حكي ل ملاك كل حاجة من الاول للاخر..
ملاك:جدو فيه حاجة؟!
خالد:لا متقلقيش كويس خالص..
ملاك:انا مقصرة معاه اوف..
خالد:معلش معلش..
ملاك(بضحك):بس شروق دي مشكلة..
خالد:لما نشوف الهانم هتعمل ايه!!
لقوا الباب بيتفتح..
شروق(بزعيق):قولتلك انا خطيبته انتي مش بتفهمي.
خالد:شروق!
بنت:يا خالد بيه مقدرتش امنعها..
شروق:ملاك..
شروق جريت علي ملاك حضنتها و باست خدها..
ملاك:خلاص يا مجنونة...
شروق:افتكرتك في اجتماع مغلق..
خالد(ببرود):انا فعلا يعتبر كدة..
شروق(بصدمة):انتوا في بينكوا حاجة؟!
ملاك:لا دي جرئية و غبية اسيبكوا انا و اروح اشتغل مش فاضية..
ملاك سابتهم و خرجت كان ملاك عندها وقار و هيبة في مشيتها..
ملاك:جهزتوا؟!
شاب:اه يا هانم اتفضلي جين معاكي..
ملاك:جين بنت و لا ولد؟!
شاب:بنت..
ملاك(باستغراب):تمام..
ملاك دخلت اوضتها و بدأت تغير هدومها..
ملاك:نادي صابر يا جين...
جين:حاضر..
صابر:خير يا ملاك؟!
ملاك:الملابس قصيرة و ضيقة و انت عارف ده مش نوعي المفضل..
صابر:فعلا قصير مبالغ فيه بس هتقولي ايه دي تصاميم الزفت جاك..
جاك:محتاجيني في مساعدة؟!انتوا عارفين طبعا اني متواضع..
ملاك:تصدق فعلا متواضع...ايه الذوق ده في اللبس..
جاك:انتي عارفة مين اشتراه..
ملاك:اكيد اللي اشتراه اشتراه يقعد بيه في بيته مش يكون بيه قدام الناس كلها..
جاك:اوووه ملاك انتي ليه معقدة للدرجة دي؟!
ملاك(بغيظ):ده لسة بيعارض..
ملاك قفلت الباب في وش جاك و اختارت لبس تاني..
"ملاك لبست فستان طويل واسع باللون النبيتي بحمالة مايلة علي الكتف و مفتوح من الجمب و سيبت شعرها علي ضهرها و حطت ميكاج خفيف و شوية اكسسورات"..
ملاك:جاهزة..
صابر:اجمل مليون مرة..
ملاك:تسلم..يلا بينا..
_عند خالد و شروق..
خالد:خير؟!
شروق(بصدمة):انت قولت ل ملاك عن اللي عملته!!!!
خالد:ايوه عندك مانع؟!
شروق:يا نهارك اسود دي هتمسكها ذلة..
خالد:انتوا صحاب حلوها مع نفسكوا..
شروق:يا حيوان..
خالد:افندم!!!
شروق:احم يا انسان..
خالد:و الله؟!
شروق:اوف بقي انت عايز ايه مني؟!
خالد:و الله مش انا اللي عايز...
شروق:اوف يا الله..
خالد:لو مفيش حاجة مفيدة يلا بره.
شروق:اسمعني بس اسمعني..
خالد:ها؟!
شروق:ايه رأيك نروح نتغدي؟!
خالد:امممممم فكرة مش بطالة..
شروق(بفرحة):يلا..
خالد و شروق نزلوا و بصوا علي ملاك و خرجوا..
صابر:رأسك يمين شوية يا ملاك..
صابر:لا شمال حاجة بسيطة..
-ملاك كانت نايمة علي سجادة سوداء و حاوليها ورود باللون الابيض و مغمضة عينيها..
صابر:لا عظمة يا ملاك قومي.
ملاك:شكرا..
صابر:غيري هدومك علشان التصوير التاني..
ملاك:طيب..
***********************************
-في مكان تاني...
_عند عمر و مريم..
عمر صحي من النوم قام و هو حاسس بوجع في كتفه و لقي مريم نايمة جمبه في حضنه..
عمر:مريم!!!
عمر:مريم مريم..
مريم(بخضة):عفريت لا حرامي..
عمر:هششش اهدي في ايه!
مريم:اوف يا الله ليه صحتني..
عمر(برفعة حاجب):مش ملاحظة انك في اوضتي و علي سريري و في حضني..
مريم(بتوتر):اه اسفة جيت جيت..
عمر:اتكلمي..
مريم:لما نمت انا فضلت سهرانة تحت و فجأة النور قطع و حسيت حد في الڤيلا طلعت جري و ملقتش غير اوضتك دخلت و...
عمر:و؟!
مريم(بسرعة):استخبيت في حضنك و نمت..
عمر قدر يسمعها و ابتسم بخبث و قربها منه..
عمر:طيب و مكسوفة ليه؟!
مريم(بتوتر):ها؟!وسع اقوم انام في اوضتي..
عمر:لا..
عمر قرب من مريم و (لخيالكوا)و....
***********************************
-في مكان تاني..
_عند سيف..
سيف كان حاسس بغضب وقاعد عمال يشتغل و كل شوية يبص في التليفون..
سيف:هي متصلتش ليه؟!
نفسه:و هي هتتصل ليه؟!
قلبه:تطمن عليا..
عقله:بعد اللي هي عرفته مستحيل..
عقله:و نصيحة ضاعت فرصة حبها ليك..
قلبه:اخرس انت لا هي بتحبني اساسا باين كدة في عيونها..هي بتدراي..
نفسه:اوف طب انا عايز اطمن عليها بقي اعمل إيه؟!
قلبه:اتصل بيها..
عقله:اياك اتقل..
قلبه:لا اتصل..
عقله:لا مش هترد..
قلبه:هترد اتصل انت بس..
عقله:لا..
قلبه:خليك عاقل خليك عاقل..خليك انت الكبير..
قلبه:هي طفلة مش فاهمة حاجة يلا..
نفسه:يلا..
عقله:انتوا الاتنين عليا يعني..
قلبه و نفسه:اه.
عقله:طيب يا عم اتصل بيها..
سيف:بس هقول ليها ايه؟!
قلبه:وحشتيني هتلاقي الكلام بيجيب بعضه..
نفسه:قول ليها شعر..
سيف:اوف هحاول..
سيف مد ايده و مسك تليفونه و اتصل ب ملاك..
_عند ملاك..
جين:تليفونك بيرن يا هانم..
ملاك:مين؟!
جين:سيف..
ملاك:هاتي التليفون و اخرجوا كلكوا..
جين:تمام..
ملاك فتحت الخط و كانت لسة هتتكلم..
سيف:"انا العاشق الولهان لا اعرف كلمة النسيان..حتي لو كُنت سلطاناً ,ف حُبك هو مَلكي و سلطاني..انتي الفردوس التي اعيش بها يا ملاكي.. شبهت الوردة الجورية بوجنيتك الزهرتين ..انتشت الوردة تمايلت زهرًا و كبريائاً و سُميت نفسها ملاك اتركي سحري...ف ارفقي بعاشقك الولهان"..
-ملاك غمضت عينيها باستمتاع لدرجة انها قعدت علي الكنبة و مغمضة عينيها و سكتت و هي بتسمع صوت سيف...
سيف:ملاك...
ملاك:ها؟!احم اه عايز ايه؟!
سيف:عاملة ايه؟!
ملاك:بخير كويسة اوي طول ما انا بعيدة عنك انت و المشاكل...
سيف:تمام..عايزة حاجة؟!
ملاك:لا شكرا..
سيف:اه بليل في افتتاح شركة ل معتز هتيجي..
ملاك:ها لا تعبانة شوية مرة التانية..
سيف:ارجعي بدري لانك هتيجي...باي..
سبف قفل التليفون و كان مبسوط لما سمع صوتها و ملاك كانت حيرانة..
************************************
-في مكان تاني..
_في القصر..بليل..
سيف(بغضب):يعني ايه التلاتة مختفين انتوا اتجننتوا..
سيف(بغضب):مراتي و ولادي يكونوا قدامي فورا..
سيف(بغضب):لو ملقتهمش اعتبر نفسك ميت...
مني:اهدي يا ابني..
سيف(بغضب):اهدي ازاي و مراتي و ولادي مفقودين..
تاج:مش مهم ملاك المهم جودي و مالك..نلاقي الاطفال الاهم...
سيف(بغضب):اسكتي...
سيف(بغضب):عمي...
رزق:لا يا سيف..
سيف(بغضب):هنشوف..
سهي:يا حبيبي اهدي قلبه مش في حالة كويس استريح و عمك هيقوم باللازم..
ملاك(بابتسامة):انبسطتوا؟!
مالك و جودي(بفرحة):اه..
سيف(بلهفة):ملاك..
سيف راح ل ملاك بسرعة لدرجة ان ملاك اتخضت لما لقت سيف حضنها جامد و باس رأسها..
ملاك رفعت ايديها و حاوطت سيف..
ملاك:اهدي في ايه؟!
سيف نزل ل مستوي جودي و مالك و حضنهم و باسهم..
سيف:انتوا كويسين؟!
مالك و جودي:اه يا بابا..
سيف:كنتوا فين؟!
ملاك:خدتهم بعد التصوير من المدرسة و روحنا اتفسحنا شوية..
سيف(بحدة):و مقولتيش ليا ليه؟! و كمان تليفونك مغلق ليه؟!
ملاك:كنت هقول ليك بس التليفون فصل شحن فقولت لما تلاقينا لسة مرجعناش احنا التلاتة هتعرف اننا كنا مع بعض..
سيف:و ممكن كمان واحد زبالة حقير عايز يخطف نقاط ضعفي مراتي و ولادي مع بعض..
ملاك:خلاص معلش..
ملاك:يلا يا ولاد نلحق نلبس علشان نروح مع بابا الحفلة..
ملاك:عن اذنكوا....
جودي و مالك جريوا قدام ملاك اللي ضحكت ليهم..
ملاك:يلا نشوف مين هيوصل الاول؟!.
مالك:انا طبعا...
التلاتة بدأوا يجروا علي السلالم..
ملاك:طيب يلا نختار لبسكوا..
ملاك دخلت اختارت هدوم جودي و مالك و دخلت اوضتها..
-ملاك دخلت خدت دوش و خرجت محاوطة جسمها بفوطة و شعرها علي ضهرها..
ملاك كان راحة ناحية اوضة الملابس بس فتحت عينيها بصدمة و فجأة..
ملاك(بصريخ):الحقوووووووووووووووووووووني..

_السؤال:يا تري هيحصل ايه؟!خمنوا🌚..
**********************************
يتبع:::💜..
بحبكوا💜..
يا رب الرواية تنال اعجابكم💜..
رأيكوا يهمني💜..
اتمني يبقي في تفاعل😍😘..