الملاك المتمرد «قيد التعديل»

الفصل الحادي عشر..

نكمل روايتنا(الملاك المتمرد)بقلم سلسبيل كوبك..
الفصل ال11..
اخر حاجة وقفنا عندها في الفصل ال10..
حارس(بخوف):سيف بيه سيف بيه..
سيف(بغضب):ايه انت كمان؟!!
حارس(بخوف):شمس اتصاب..
سيف فتح عينيه علي آخرهم و خرج علي بره بسرعة..
ملاك:مين شمس؟!
مني:ده خيل بتاع سيف و سيف متعلق بيه اوي من و هو صغير..
ملاك نزلت جودي من علي رجليها و خرجت ل بره..
حارس:حضرتك راحة فين؟!
ملاك:راحة ل سيف..
حارس:الاسطبل ممنوع حد يخشه حضرتك...اتفضلي علي جوا..
ملاك:بس..
حارس:بعد اذنك اسمعي الكلام..
ملاك(بعصبية):طيب اوف..
ملاك دخلت تاني للقصر..
_عند سيف..
سيف(بقلق):حصله ايه؟!
العامل:معرفش يا بيه لقيته مرة واحدة وقع في الارض ببص عليه لقيته مجروح كدة..
سيف ملس علي ضهر الحصان بحنية...
سيف:اهدي اهدي..
سيف:فين الدكتور موسي؟!
العامل:جاي يا بيه قدامه دقيقتين..
سيف:استعجله..
سيف:خلاص اهدي مفيش حاجة..
موسي:اسف علي التأخير..
سيف(بحدة):انجز يا موسي..
الدكتور بدأ يفحص شمس و عالج جرحه..
موسي:لازم يأخد ادويه في ميعادها..
سيف:حصله ايه؟!
موسي:ده زي ما يكون حد قاصد يعمل كدة يا سيف بيه..
سيف:طيب يا دكتور شكرا..
موسي:ده واجبي..
سيف(بغضب):مصطفي..
العامل(بخوف):نعم يا بيه..
سيف(بغضب):مين دخل هنا غيرك؟!
العامل:مفيش حد يا بيه..
سيف(بغضب):لو عرفت انك ليك ايد في الموضوع ده هقتلك يا مصطفي..
العامل(بخوف):و الله مليش ذنب يا بيه..
سيف(بغضب):غور..
سيف(بصوت عالي):علي علي..
علي"كبير الحرس":نعم يا بيه..
سيف:روح جبلي كاميرات الاسطبل..
علي:لحظة..
سيف قرب من شمس و قعد جمبه يملس علي ضهره..
ملاك(بلطف):ممكن اجي اشوفه؟!
سيف(بغضب):امشي من هنا...و كمان مين الحمار اللي سمحلك تخشي؟!
ملاك:محدش انا غفلتهم و جيت بعد ما ودعت جدو و خالد..
سيف(بغضب):طب غوري في ستني داهية تأخدك..و متقربيش من الاسطبل تاني..
ملاك:علفكرة انا معملتش حاجة غلط و كمان انت بتغلط فيا..
سيف قرب من ملاك بكل غضب و ملاك رجعت خطوتين لورا بخوف..
سيف(بغضب):ارجعي القصر و مشوفكيش هنا تاني..يلا..
ملاك(بدموع):انت وحش..
ملاك سابت سيف و جريت علي بره الاسطبل و سيف بص علي شمس بصة و خرج..
عمر:ملاك مالك زعلانة ليه؟!
ملاك(بعصبية):مفيش حاجة..
عمر:لا اهدي بس كدة..في ايه؟!.
ملاك(بعصبية):قلت مفيش حاجة الله...
عمر:خلاص طيب اهدي...اهدي ريلاكس..
سيف(بحدة):ايه اللي جابك يا عمر؟!
عمر(بشئ من البرود):ملف القضية بكرة الجلسة..
سيف:طيب عارف..تقدر تسيب الملف و تمشي..
ملاك:عن اذنك يا عمر..
عمر:تمام بس متزعليش نفسك مفيش حاجة تستاهل..
ملاك:شكرا..
سيف:شايفك معجب بمراتي يعني..
عمر:اللهم طولك يا روح..ابعد عني الله يخليك يا سيف مش طايقك..
عمر كان هيمشي بس سيف مسكه و ضربه بوكس في وشه...
عمر:طيب متشكر..
سيف ساب عمر و طلع القصر و راح لاوضة ملاك..
_تحت..
تاج:هو في ايه البيت ماله؟!
مالك:انا طالع اذاكر..
مني:ربنا معاك يا حبيبي..
رزق:راجع الشركة..
سهي:هروح اعمل شوبينج..
نور:ممكن اجي معاكي؟!
سهي:طيب تعالي..
سهي:عايزة حاجة يا مني؟!
مني:لا روحي..خلي بالك من نفسك..
نور:عن اذنك يا طنط..
جودي:انا هعمل ايه؟!
مني:تعالي نشوف سيف و ملاك مالهم ..
جودي:تمام..
_عند سيف..
ملاك(بخضة):انت ازاي تفتح الباب بالشكل ده؟!
سيف:انا مش طايقك مش طايقك..
ملاك(بحدة):غور في داهية تأخدك انا مالي انت طايقني و لا لا ميهمنيش في حاجة..
سيف:انتي يا بت مصدقة نفسك انتي معندكيش شخصية ضعيفة و ملكيش ضهر..
سيف:انا بكرهك انتي خدامة ولادي..
مني(بغضب):سيف..
سيف لف ل مني بس اتفأجي لما لقي مني ضربته قلم علي وشه..
مني(بغضب):لما تتعلم ازاي تحترم الاخرين ابقي تعالي كلمني...بره..
مني(بغضب):بره الاوضة دي..الاوضة دي مش هتخشها الا لم تعرف ازاي تكلم مراتك باحترام..
-سيف بصلهم بغضب و خرج من اوضة ملاك و دخل اوضته قفل الباب بغضب..
مني(بحنية):ملاك عارفة انه ضايقك بالكلام...بس ده سيف دبش لما بيكون مش طايق نفسه و هموم الدنيا كلها عليه بيفرغ غضبه في اي حد قدامه..
ملاك(بهدوء):انا مش زعلاانة يا مدام مني...انا مش بحاسب حد علي كلام قاله و هو غضبان..
مني:عين العقل يا بنتي..
ملاك:تقدري تروحي تريحي شوية شكلك تعبانة..
مني:ماشي يا حبيبتي...عايزة حاجة؟!
ملاك:سلامتك..
مني:يلا يا جودي..
ملاك:سيبيها..
مني:علشان ترتاحي..
ملاك:لا عادي..
جودي:طنط ملاك انتي زعلانة من بابا؟!
ملاك:لا يا روحي..
ملاك:ايه رأيك نتصور؟!
جودي:طيب..
ملاك و جودي قعدوا يتصوروا كتير و ملاك نشرت صورة ليها علي النت مع جودي...
***********************************
-في مكان تاني...
_في ڤيلا محمد..
خالد(بعصبية):يا جدو ليه حضرتك مش عايزها تطلق..
محمد:يا خالد اهدي بس...ده قدر و ظروف عادي جدا..
محمد:متضايقش بس..
خالد:حضرتك وافقت ليه بس نفسي اعرف..و ازاي اساسا..
خالد:اكيد مش هترمي ملاك كدة..
محمد:كويس انك عارف..
خالد:الصبر انا رايح اشتغل..
خالد مشي و محمد رجع رأسه ل ورا..
_Flash back..
محمد:فكري يا ملاك و قولي رأيك..
ملاك:طيب يا حبيبي..
محمد راح لاوضته و نادي علي نور..
نور:نعم يا بيه..
محمد:ساعديني اتوضئ يا نور...
نور:حاضر..
نور ساعدت محمد انه يتوضئ..
محمد:اخرجي و لما اخلص هناديكي تساعديني انام..
نور:حاضر يا بيه..
محمد بدأ يصلي استخارة و بعدها نادي نور ساعدته و نيمته..
نور:تصبح علي خير..
محمد:و انتي من اهله..
محمد بدأ يحلم...
**
ملاك في مكان فاضي و مهجور و لابسة "فستان فرح ابيض" واقفة بتعيط و بعدين شافت شخص جاي من بعيد لابس "بنطلون اسود و قميص اسود"..
شخص(بحب):ملاك...
ملاك بصت للشخص ده و بعدها المكان اتحول لخضراء و زرع و ورود و دموع ملاك اتحولت لابتسامة جميلة...
ملاك:انا مبسوطة اوي..
شخص:انا مبسوط اكتر منك و مبسوط انك معايا و منورة ليا حياتي.
الشخص ده مسك ايد ملاك و باس باطن ايديها..
ملاك(بسعادة):بحبك..
شخص:و انا كمان..
**
نفس الشخص كان واقف زي علي تل و تحته ماية عميقة....
ملاك:متزعلش...
شخص:مش زعلان..
ملاك:بس انا هنقذك و مش عايزة حاجة غيرك..
شخص:و انا مش عايز حاجة منك..
ملاك:لا لا انا بحبك...
ملاك قربت من الشخص ده و حاوطت وشه بأيديها..
ملاك:مش هسيبك تبعد عني..
الشخص ده حضنها جامد و باسها من خدها و بعد عنها..
ملاك(بابتسامة):انا مبسوطة بيك..
و فجأة لقوا حد بيشد الشخص ده للماية و وقع في الماية و ملاك نطت وراه و قعدت تعوم لغاية ما وصلت ليه و مسكت ايده و وصلوا ل بر الامان..
**
"الشخص في الحلم مكنتش باينة ملامحه بالنسبة ل محمد"..
محمد صحي تاني يوم و كان مرتاح نوعا ما و وافق علي جواز ملاك...
_ Back...
محمد:ربنا معاكي يا ملاك..
************************************
-في مكان تاني...
_عند سيف..
مني(بغضب):ممكن افهم ايه اللي انت قولته ل ملاك ده..
سيف(بغضب):ملكيش دعوة بالموضوع ده يا تيتة..
مني:انت غبي..فاكرني كبرت و عجزت يعني..
سيف:مش كدة يا تيتة بس انا مش طايقها..
مني:لا هي اللي مش طايقاك هو انت حد يطيقك اصلا..
مني:حاسب نفسك قبل ما تحاسب غيرك..
سيف:انا مش غلطان..
مني:غبي..
سيف:متشكر...
مني:هتروح تعتذر ليها..
سيف(بصدمة):نعم!!!!!!!!
سيف:انسي انا اعتذر ل دي ليه مين هي يعني..
مني ربعت ايديها و بصت بتحدي ل سيف..
مني:لو معتذرتش ل ملاك يا سيف يبقي انسي ان عندك جدة اساسا..
سيف:بتقارني نفسك بيها يا تيتة..
مني سابته و مشيت و سيف راح وراها..
سيف:ده معناه ان انتي بدأتي تنفذي قرارك..
مني زقته و نزلت علي السلم..سيف ضرب الحيطة بايده..
سيف لقي ملاك خرجت بسرعة من الاوضة و هي مخضوضة..
ملاك:صوت مالك..
ملاك و سيف جريوا علي اوضة مالك و دخلوا..
سيف(بقلق):مالك..
ملاك دخلت الحمام لقت مالك واقع في الارض و ماسك رجله و بيعيط..
ملاك(بقلق):انت كويس؟!
مالك(بعياط):بتوجعني اوي..
سيف:طمني عليك..
مالك(بعياط):رجلي مش قادر..
سيف قرب من مالك و مسك رجله و مالك صرخ..
ملاك:خلاص يا حبيبي اهدي..
ملاك و سيف بصوا ل بعض..
سيف:غيري هدومه..
سيف شال مالك و قعده علي السرير و هو و ملاك غيروا هدومه و سيف شاله و ملاك وراه..
ملاك:خلاص اهدي يا حبيبي اهدي هنروح للدكتور اهو..
تاج(بخضة):مالك!!!!
سيف:خليكي هنا..
سيف و مالك و ملاك ركبوا العربية و سيف ساق و وصل لاقرب مستشفي...
مالك(بعياط):مش قادر بتوجعني اوي يا ملاك..
ملاك(بدموع):خلاص يا حبيبي وصلنا اهو..
سيف خد مالك من ملاك و بص ليها استغرب لما لقاها بتعيط..
سيف:هو انا معايا طفل و لا اتنين..
ملاك بصتله باحراج و مسحت دموعها و مشيت جمبه...
سيف:عايز دكتور..شكل في كسر في رجله..
ممرضة:اتفضل معايا..
دخلوا مالك اوضة الطوارئ و ملاك و سيف جمبه و جه الدكتور و بدأ يفحص رجل مالك..
مالك(بوجع و عياط):براحة..
الدكتور:مش كسر بس هنعمل اشاعة احتياطي..
سيف:طيب..
سيف و ملاك راحوا مع مالك و دخلوا مالك للاشاعة و بعد فترة خرج..
الدكتور:مش اصابة كبيرة الحمد لله..و مش هنركب جبس هيدهن مرهم و هيأخد حقن و هنلف رجله بشاش..
سيف:تمام..
مالك كان علي السرير و جمبه سيف و ملاك جمب سيف..
مالك(بعياط):لا مش عايز اخد حقن يا بابا..
سيف:معلش يا حبيبي علشان تخف..
سيف مسك ايد مالك و كانوا بيجهزوا الحقنة و ملاك قعدت تعيط جامد سيف حضنها و خبي وشها فيه و مسك ايد مالك جامد و حاضن ملاك و الاتنين بيعيطوا و هو محتار...
سيف:خلاص اهدوا..
ملاك(بعياط):متخلهوش يأخد الحقنة بليز..
سيف:لازم علشان يخف..
مالك(ببرائة):خلاص يا ملاك انا مش خايف..
ملاك(بعياط):بس هي بتوجع..
سيف:ملاك خلاص بقي الواد اهو مش خايف..
سيف:يلا يا دكتور...مش عارف جايب معايا مراتي و لا بنتي..
مالك خد الحقنة و كان ماسك في سيف اوي و سيف كان حاضن ملاك اللي كانت بتعيط و ماسك ايد مالك...
سيف:شوفتي خلاص بقي..
سيف رفع رأس ملاك ليه و مسح دموعها و قرب منها و باس خدها..
سيف:خلاص بقي..
ملاك:طيب..
سيف شال مالك و خد الروشتة من الدكتور و ملاك جمبه..
سيف كان بيتكلم بصوت واطي مع مالك..
ملاك:بتتكلموا عليا؟!
سيف بص ل مالك و مالك بصله و قعدوا يضحكوا..
ملاك(بغيظ):انتوا رزلين بس كدة..
سيف(بضحك):خدي بس استني..
ملاك:هتقولوا كنتوا بتقولوا ايه؟!
مالك:بابا كان بيقول انه هيأخدنا مطعم و يجيبلك لعبة علشان انتي طفلة و عيوطة..
ملاك(بغيظ):انت قولت كدة؟!
سيف(برفعة حاجب):هو مش دي الحقيقة..
ملاك(بغيظ):لا طبعا مش دي الحقيقة..
سيف:طيب..
سيف ركب مالك العربية و فتح الباب ل ملاك و راح جاب الدواء ل مالك و ركب العربية و ساق..
مالك:تعرفي يا ملاك كان شكلك حلو اوي..
ملاك(بخجل):شكرا..انت احلي..
سيف:اتكسفتي من شكلك حلو اومال لو كنت انا اللي اتكلمت و كنا متجوزين حقيقي كنتي هتعملي ايه؟!
ملاك ضربت سيف في كتفه و بصتله بحدة..
ملاك:سافل..
مالك:بابي مش سافل..
سيف:ابني..
ملاك:نيننينينينينينينينيني..
سيف و مالك(بضحك):علقتي و لا ايه؟!
ملاك:انتوا متفقين بقي..
سيف:طب تعالوا نروح اي مطعم..
مالك:يلا..
تليفون سيف رن...الخط اتفتح..
سيف:الو يا ماما..
سهي:تاج قالت ان مالك كان تعبان انت وديته اي مستشفي..
سهي:نيجي طيب..
سيف:لا يا امي ناموا مالك معايا اهو و كويس ناموا..
سهي:طيب..
سيف:يلا باي..
و بعد فترة وصلوا ل مطعم و طلبوا اكل..و كل شوية سيف و مالك يضايقوا ملاك و يضحكوا..
ملاك:اوف بقي بطلوا شوية ايه ده..
سيف:انتي اللي كنتي مسخرة..
سيف(بتريقة):لا متودهوش الحقنة بليز..
ملاك ضربت سيف في رجله برجليها..
ملاك:بطل بقي عيل رزل و مستغل..مش كفاية ايدي..
مالك:اه صح عاملة ايه دلوقتي؟!
ملاك:الحمد لله..
بعد فترة روحوا ركبوا العربية و روحوا...
سيف:ملاك ملاك..
سيف لقي ملاك راحة في نوم عميق نزل و شال مالك الاول..
مالك:شكرا يا بابا..
سيف:و لا يهمك..
سيف حط مالك علي السرير بتاعه و غطاه و باس رأسه..
سيف:يلا نام تصبح علي خير..لو في حاجة اتصل علي اوضتي..
مالك:حاضر..
سيف نزل فتح باب ملاك و شالها و دخل بيها القصر..مني كانت قاعدة بعيد و شافته و ابتسمت و قامت لاوضتها..
سيف:حضرتك كويسة يا مدام نور؟!
نور(بقلق):رزق لسة مرجعش...هي ملاك كويسة؟!
سيف:اه..متقلقيش عمي رزق مش راجع النهاردة هو في الشغل..
نور:بس هو مقالش ليا و كمان تليفونه مغلق..
سيف:متشغليش بالك نامي و هو بكرة الصبح هيجي عن اذنك..
نور:ربنا يطمنك..
سيف كان رايح لاوضة ملاك بس بص علي اوضته و بعدها بص علي ملاك خد ملاك اوضته و نيمها علي سريره..
سيف دخل غير هدومه و راح نام جمب ملاك..
***********************************
-في الصباح الباكر...
_في بيت محمد..
محمد:نور نور..
نور:نعم يا بيه..
محمد:خالد صحي؟!
نور:لا يا بيه..
محمد:طيب قومي صحيه يلا..
نور:حاضر..
نور طلعت اوضة خالد و خبطت الباب و دخلت..
نور:خالد بيه خالد بيه..
خالد(بزعيق):ايه بقي؟!
نور(بخوف):محمد بيه عايزك...
خالد:طيب غوري..
نور(بدموع):حاضر..
خالد فتح عيونه و بص في موبايله..
خالد(بزهق):اوف منمتش غير ساعة و نص..
خالد قام خد دوش و خرج غير هدومه و نزل ل تحت..
محمد(بحدة):جنابك لسة صاحي؟!
خالد:عايز ايه يا جدو؟!
محمد(بحدة):انت اللي عايز ايه من ساعة ما ملاك اتجوزت و انت مش علي بعضك..
خالد:فيها ايه يعني هي الهانم شايفة شغلها اوي يعني..
محمد(بحدة):خالد فيك ايه اتعدل..
خالد:يا عم سايبها ليك..
خالد خرج بره الڤيلا بغضب..
محمد(بصوت عالي):خالد خالد...
نور:حضرتك عايز حاجة يا بيه..
محمد:لا...
************************************
-في مكان تاني...
_عند تاج..
تاج صحيت من النوم بدري و غيرت هدومها..
"تاج لبست بنطلون اسود و فوقه تي شيرت احمر واسع لغاية الخصر بأكمام واسعة..و لبست كوتشي ابيض و سيبت شعرها علي ضهرها"..
تاج نزلت ركبت العربية بتاعتها و راحت للجامعة..
بنت:تاج تاج عندي ليكي خبر..
تاج:خير يا ريتاج..
ريتاج:النهاردة جاي دكتور جديد..
تاج:طيب..
ريتاج:ما هو مش اي دكتور..
تاج:اومال؟!
ريتاج:مز و عيون ملونة و قمر كدة..
تاج:عادي يعني ياما شوفنا كتير منهم..
تاج(بغضب):اللي بيزمر بالعربية ده عايز الضرب..
شخص:يا مدام..
تاج(بغضب):عايز ايه ما تغور في ستين داهية في مكان فاضي اهو...
تاج(بغضب):و كمان قولت ايه يا حيوان انت مدام!!!!!انا مدام!!!!!!!!؟؟؟؟؟؟!!!!!!!!
شخص(ببرود):ده اللي شايفه و كمان باردة...
شخص ركب عربيته و ساق غصب عن تاج بعدت من قدامه..
تاج(بغضب):ريتاج اعرفيلي مين الحيوان اللي اتجرأ و قالي كدة...
تاج(بعصبية):ريتاج!!!!
ريتاج:ها؟!!!! ده ده الدكتور الجديد..
تاج(بغضب):ده يوم امه اسود...مرفوض من اول يوم..
تاج(بغضب):اسمه ايه؟!
ريتاج:جاسر..
تاج(بغضب):مبقاش تاج رزق رضوان لو مرفضتهوش..
ريتاج:يلا بسرعة علي المحاضرة..
ريتاج و تاج راحوا للمدرج لقوا جاسر موجود..
جاسر:بره..
ريتاج:يا دكتور غصب و الله اتأخرنا...
جاسر(بحدة):قولت بره متأخرين دقيقتين..
تاج(بغضب):انت مين انت علشان ترفضنا انت لسة جاي النهاردة اول يوم و هتتأمر علينا كلها ساعات و تترفض فاهم..
جاسر:و لغاية الكام ساعة دي ما تخلص انا هنا دكتور و دي محاضرتي و ليا اني امر و انهي فيها...بره..
تاج رمت في وشه الكتب و خرجت بغضب..
ريتاج(بتوتر):اسفة اسفة و الله...
ريتاج راحت جابت كتب تاج و خرجت بسرعة..
جاسر:اي حد هيتأخر مهما كان مين هيطرد..
جاسر:فاهمين؟!
الكل:فاهمين يا دكتور..
_عند تاج..
تاج(بغضب):انا انا تاج رزق رضوان دكتور عيل زي ده يطردني...الحيوان اما ربيته و عرفته ان الله حق..
ريتاج:اهدي ابوس ايدك هنسقط....
تاج(بغضب):بكرة هيكون مرفوض و قولي تاج قالت..
ريتاج:حرام عليكي ده مز يا تاج..
تاج:ميغركيش مفيش حد عينه ملونه بيجي من وراه خير....
ريتاج:طب ما سيف بيه ابن عمك عيونه ملونة..
تاج(بعصبية):بت ابعدي من وشي...
ريتاج(بضحك):معلش معلش..
بعد فترة..
جاسر:يا انسة..
تاج(بسخرية):ايه جاي تعتذر علشان مرفضكش..
جاسر:حاجة زي كدة..
تاج:خليك عارف هتترفض يعني هتترفض..
جاسر:طيب...بس..
تاج:بس؟!
تاج(بصريخ):يا حيوان....
جاسر غرق تاج ماية و سابها و مشي..
ريتاج(بضحك):مش قادرة منظرك مسخرة..
تاج(بصريخ و غضب):ريتاج هقتلك..
************************************
-في مكان تاني...
_في القصر..
سهي:صباح الخير..
نور و مني:صباح النور..
سهي:سيف رجع؟!
مني:ايوه..
مني:هو رزق لسة مرجعش يا نور؟!
نور:لا يا مدام مني..
مني:الغايب حجته معاه..
سهي:صاحين بدري يعني؟!
مني:عادي الساعة 6:30 المفروض ملاك كانت تصحي بدري..
سهي:معرفش هتلاقيها تعبانة..
نور:ممكن..
_عند سيف و ملاك..
ملاك كانت نايمة علي السرير حست بحركة في الاوضة فتحت عينها ببطء و قامت قعدت علي السرير بكسل..
ملاك(باستغراب):دي مش اوضتي لا..
ملاك بصت لقي سيف بيجهز اوراق ليه..
ملاك:انا بعمل ايه هنا؟!
سيف:هيكون ايه؟! انتي مراتي و دي اوضتي يبقي ده مكانك السليم..
ملاك(بحدة):لا طبعا ده سرير سيدرا..
سيف:معلش..
ملاك:انت مستفز..
سيف:متشكر..ممكن تقومي من علي سريري؟!
ملاك:مش جنة هو..
ملاك قامت و وقفت و داخت سيف جري عليها و سندها..
سيف:ايه حامل؟!
ملاك:يا سافل..ابعد عني..
سيف:انا ماسكك..
سيف بعد عن ملاك و ملاك خرجت لاوضتها لقت جودي زي ما هي نايمة علي سريرها..
ملاك دخلت غيرت هدومها و خدت دوش..
"ملاك لبست بنطلون كحلي ضيق و فوقه قميص ابيض قصير و فوقه تي شيرت زيتي لغاية الخصر..لبست صندل بكعب اسود و سيبت شعرها علي ضهرها و حطت روچ احمر غامق و كحل حدد عينيها و اختارت شنطة ايد باللون الاسود"..
ملاك:جودي جودي..
جودي:اممممم..
ملاك:قومي يلا علشان نروح نقدم في المدرسة..
جودي(بفرحة):بجد!!!!!!!!!
ملاك:اه يلا خدي دوش..بسرعة...
جودي(بفرحة):هيييييييه لحظة..
جودي جريت علي اوضتها تأخد دوش و ملاك جريت علي اوضة سيف لسة هتفتح الباب لقت سيف بيخرج من اوضته...
ملاك:خدمة..
سيف:انجزي ورايا شغل..
ملاك:خد وقع علي ورق جودي بسرعة..
سيف:هاتي الملف..
سيف مسك الملف و قرأه بسرعة و طلع قلمه و وقع علي الاوراق..
سيف:خدي متتأخروش و ترجعوا علي البيت بسرعة..
ملاك:طيب...
سيف:ايدك عاملة ايه؟!.
ملاك:بتسلم عليك..
سيف بصلها بغضب و سابها و مشي..
ملاك:قموص اوي..
جودي:طنط ملاك انا لبست..
ملاك:يا اخواتي علي القمر..
ملاك سرحت ل جودي شعرها و باستها و مسكت ايدها و خرجت راحت اطمنت علي مالك و مسكت المرهم بدأت تدهنه بخفة..
مالك(بنوم):شكرا..
ملاك:نام هروح مشوار مع جودي و اجي بسرعة..
مالك:طيب..
ملاك نزلت هي و جودي لقوا سيف بيأكل بسرعة...
سهي:براحة..
سيف:طيب انا كلت..
ملاك:طنط سهي مالك فوق هينام مش هيقدر يمشي علي رجله بشكل سليم انا دهنت ليه المرهم..هو بس الدواء التاني يأخده بعد الاكل..
سهي:طيب يا حبيبتي..
جودي:يلا يا طنط ملاك نروح المدرسة...
ملاك:طيب يا روحي..
ملاك و جودي خرجوا مع سيف....
سيف:متخرجيش في اي مكان غير المدرسة و متبعديش عن عين الحراسة...لو في اي حاجة كلميني..تخلوا بالكوا من نفسكوا..خلصي و كلميني و بعدها روحي..متروحيش الا لما ارد عليكي..
ملاك(بزهق):حاضر حاضر اوف...
سيف ركب عربيته و مشي و وراه حراسة...ملاك و جودي ركبوا مع السواق و وراهم حراسة..
بعد فترة وصلوا للمدرسة...
جودي:الله المدرسة حلوة..
ملاك:علشان انتي فيها يا روحي..
جودي:بحبك اوي..
ملاك:و انا يا روحي..
جودي و ملاك دخلوا للمديرة و ظبطوا كل الامور..
مديرة:و الله علشان خاطرك يا ملاك هانم...لان الدراسة بدأت بقالها شهر و نص..
ملاك:بعتذر و اهي جودي شاطرة و هتسمع الكلام و هتذاكر..
ملاك:و انا بنفسي هشرف علي مذاكرتها..
مديرة:شرف لينا يا ملاك هانم..
ملاك:خلاص الباص هيعدي بكرة الساعة 7:15..
مديرة:ان شاء الله..
ملاك:تسلمي..ال uniform  هتستلمه امتي؟!
مديرة:دلوقتي و الكتب دلوقتي لحظة واحدة..
بعد فترة خدوا الهدوم و الكتب و جودي كانت مبسوطة اوي و المديرة فرجت ملاك و جودي علي المدرسة...
_عند سيف..
عمر:براڤوا عليك يا سيف..
سيف:طبعا يا ابني ده المعتاد...المهم انت متزعلش مني...
عمر:متعود يا عم...بس هي مش متعودة..
سيف:طيب يا عمر..
يوسف:شكرا جدا يا سيف..مكنتش متخيل انك هتنهي القضية من جلسة واحدة..
سيف:ده المعروف عني..
يوسف:شرف ليا اني اشتغل معاك..
سيف:شكرا..
يوسف:عن اذنك..
عمر:بس انت لعبتها صح..جبت شهادة ميلاد تثبت انه اقل من السن القانوني و اقنعت القاضي باسلوبك و كلامك..
سيف:طب يلا..
عمر:يلا..
سيف و عمر ركبوا العربية و كانوا مروحين..
سيف طلع تليفونه و اتصل ب ملاك...
الخط اتفتح..
سيف:انتي فين؟!
ملاك:جمبك..
سيف(برفعة حاجب):ازاي؟!
ملاك:لا بستعبط زيك انت عايز ايه؟!
سيف:انتي فين؟!.
ملاك:لسة خارجة من المدرسة بقالي شوية..
سيف:اه طيب..
ملاك:وقفت ليه؟!
السواق:قدرك جه..
ملاك(بخوف):قصدك ايه؟!.
سيف:في ايه انتي كويسة؟!
جودي:ده ده مسدس صح؟!
سيف(بقلق):ملاك..
السواق شد ملاك من شعرها و رمي التليفون من ايديها و طلع مسدسه و وجهه ناحية ملاك..
ملاك(بدموع):بليز مش عايزة اموت..
صوت رصاصة دوت في المكان...

_السؤال:يا تري حصل ايه؟!خمنوا🌚💜..
************************************
يتبع::::😍💜..
بحبكوا😍💜..
رأيكوا يهمني😍💜..
يا رب الرواية تنال إعجابكم😍💜..