الملاك المتمرد «قيد التعديل»

الفصل الخامس عشر..

نكمل روايتنا(الملاك المتمرد)بقلم سلسبيل كوبك..
الفصل ال15..
اخر حاجة وقفنا عندها في الفصل ال14..
ان عمر جه القصر و معاه مريم و قال ل سيف...
عمر:انا عايزك تجوزني دلوقتي و حالا..
-سيف و ملاك بصوا ل بعض بصدمة و مريم اتصدمت و اغمي عليها..
سيف:مريم..
عمر و سيف نزلوا ل مستواها...
سيف:هاتي ماية يا ملاك..
ملاك:حاضر..
ملاك راحت جابت ماية بسرعة و ودتها ل سيف..
سيف رش علي مريم ماية و مريم فتحت عينيها و غمضتهم تاني بتعب..
عمر شال مريم و راح لاوضة الضيوف اللي في القصر...
ملاك:هو في ايه؟!
سيف:هيطلع و نعرف..
سيف:يلا غوري من وشي...
ملاك(بغيظ):ياض هزعلك..
سيف:تقدري؟!
سيف قرب علي ملاك و مبقاش يفصل بينهم خطوة و ملاك داخت و مسكت في سيف..
سيف:سيبي قميصي..
ملاك(بتوهان):دايخة..
سيف وطي و شال ملاك و طلع علي اوضتهم...
سيف:تحبي ارميكي؟!
ملاك:تؤ تؤ...دماغي بتلف اوي..
سيف حط ملاك علي السرير و راح جاب مسكن و وداه ليها..
ملاك:مش سم؟!
سيف:هبلة خدي يلا..
ملاك خدت الدواء من سيف و شربت ماية و سيف قعد جمبها و ملاك حطت رأسها علي صدره..
-بعد فترة..
سيف:احسن؟!
ملاك:يعني..
الباب خبط..
ملاك زقت سيف بعيد عنها بسرعة و سيف وقع علي الارض..
سيف(بعصبية):ملاك!!
ملاك:اسفة بس يعني...
سيف قام وقف و راح فتح الباب..
سارة:عمر بيه عايز حضرتك تحت..
سيف:طيب..
سيف نزل لقي ملاك وراه علطول و دخل اوضة المكتب و ملاك دخلت معاه..
سيف:هتفضلي لازقة ليا كتير؟!
ملاك:لا هعرف حصل ايه...
عمر:هحكي..
عمر حكي كل اللي حصل و اللي هو عرفه..
سيف:يعني متجوزها شفقة..
عمر:لا اه...
ملاك:هتفتكر انك متجوزها شفقة..
الباب خبط..
سارة:يا بيه اللي جت مع عمر بيه فاقت..
التلاتة قاموا و راحوا لاوضة مريم..
ملاك:هاي..
سيف:ازيك يا مريم..
مريم(باحراج):الحمد لله...بعتذر علي اللغبطة دي..
مريم كانت هتقوم بس عمر قعدها تاني علي السرير..
عمر:الاول لازم تسمعي..
مريم:اسمع ايه؟!
عمر:احنا المفروض نتجوز علشان خاطر احميكي من ابن عمك ده فترة و هيبقي جواز علي ورق و نتطلق بعدها و بعد ما ارجعلك بيت ابوكي..
مريم:خلصت كلامك؟!انا مش موافقة..
سيف:فكري يا مريم..
مريم:لا يا بيه و لو حضرتك مش عايزني اشتغل تاني في المكتب مش هشتغل..
سيف:لا مش ده الموضوع..
مريم:لازم امشي..
ملاك:عندي حل تاني..
الكل:ايه؟!
ملاك:تقعدي هنا في بيت سيف و محدش هيقدر يأذيكي و بعد ما يكسبوا قضية بيت ابوكي دي امشي..
سيف:حل كويس يا مريم و اتمني متعترضيش..
عمر:ايوه و الموضوع هيخلص بسرعة لانه معانا..
مريم:بس..
ملاك:انا ما صدقت يبقي ليا حد اعرفه و اتكلم معاه...البيت خنقة اوي من غير صاحب و الله..
ملاك:وافقي بليز..
مريم:بس كدة هكون تقيلة عليكوا..و انا عارفة زياد بتاع مشاكل..
عمر:ملكيش دعوة انتي بس..
عمر(بجمود):و كمان لاما تتجوزيني و اجبلك حقك..لاما تقعدي في بيت سيف و اجبلك حقك لاما تروحي تتجوزي ابن عمك بقي و لا يغتصبك..
سيف(بحدة):عمر تعالي معايا..
سيف شد عمر معاه ل بره و ملاك قعدت جمب مريم..
ملاك:طبعا بتقولي مين الهبلة دي و انا معرفش اسمها..
مريم:ملاك سالم محمد اجمل بنت..
ملاك:قلبي يا رب...مش جمال و الله..
ملاك:انتي اللي اعرفه انك اسمك مريم و بتشتغلي محامية..
مريم:ايوه..
ملاك:ماشية معاك يا عم...
مريم:مش اوي كدة..
ملاك:هتفرج عادي ياما كل واحد حصل عنده مشاكل و كمان الفوز للاذكي و الاقوي..
ملاك:هطلع اجبلك هدوم من عندي...
مريم:عمري ما كنت اتخيل البس لبس ماركة و غالي زي حضرتك و منك انتي...
ملاك:يا قمر انتي و كمان حضرتك ايه...ملاك و بس...
مريم:اسم علي مسمي..
ملاك:لا احرجتيني يلا هقوم اجبلك هدوم هواء..
ملاك خرجت جري و هي مبسوطة انها اتعرفت علي بنت و هتتكلم معاها..
ملاك:اوووووه اسفة..
عمر:حاسبي..
ملاك:شكرا انك مسكتني..
سيف(بجمود):ملاك اطلعي علي اوضتك..
ملاك:رزل..
ملاك كملت جري و طلعت لاوضتها...عمر لقي سيف بيضربه بوكس في وشه..
عمر(بوجع):آه يا ابني حرام عليكي وشي بقي عبارة عن كيس ملاكمة...انا عملت ايه دلوقتي؟!
سيف:مسكتها ليه!؟
عمر:كانت هتقع..
سيف:ما تقع و لا تموت حتي و اياك تلمسها فاهم...بتاع ستات انا عارفك..
عمر:ايوه ابص ل كل الستات الا اللي تخصك يا صاحبي..
سيف:ثبتني ثبتني...كنت هتموت و تتجوزها صح؟!
عمر:انا تعرف عني كدة!!!!
سيف(بسخرية):انت ابو كدة..
عمر:طيب..
سيف:حاسبي..
ملاك:لا معرفش مالي كدة فيا حاجة..
سيف:كويسة؟!
ملاك:اه الحمد لله هتلاقيني بس مبسوطة ان مريم هتقعد معانا و هيبقي ليا صاحبة هنا في البيت..
سيف قرب من ملاك و باس خدها..
سيف:روحي ليها يلا..
ملاك:حاضر..
ملاك جريت علي اوضة مريم بخجل...سيف فضل باصص في اثرها..
عمر(بغمزة):احجز تذكرتين لاي بلد تانية..
سيف:ها؟!
سيف:انت بتقول ايه ايه الكلام ده...بطل كلام بطل عيل رزل..
سيف مشي و راح ل مكتبه و عمر وراه..
_عند ملاك..
ملاك:خشي الحمام خدي دوش يفوقك و خدي البسي ده..
مريم:حاضر..
مريم خدت هدوم من ملاك و دخلت الحمام خدت دوش و غيرت هدومها...
"مريم لبست بنطلون جينز و تي شيرت اسود ب ¾ كم و عليه رسمة قلب باالون الاحمر و لبست كوتشي باللوت الابيض و سيبت شعرها علي ضهرها"..
مريم:شكرا ليكي اوي..
مريم(بدموع):حقيقي مبسوطة اني شوفتك علي الحقيقة و اتكلمت معاكي طلعتي طيبة..
ملاك راحت حضنت مريم و حضنوا بعض اوي..
ملاك:تعرفي و انا كمان من زمان وحيدة مليش صحاب مبسوطة بيكي..
مريم:انا اكتر..
ملاك:من هنا و رايح احنا صحاب...موافقة؟!
مريم:اه..
ملاك:تعالي نتعشي يلا يلا..
ملاك مسكت ايد مريم و خرجت ل بره...
سهي:ايه ده مين يا ملاك؟!
ملاك:دي واحدة صاحبتي يا طنط..
سهي:تمام..نورتينا..
مريم:تسلمي يا مدام سهي..
سهي:هو العشاء جهز؟!
سهي:عفاف العشاء جهز؟!
عفاف:بنحطه يا هانم ..
سهي:تمام...نادي سيف يا ملاك..
ملاك:طيب..
ملاك راحت لاوضة المكتب و خبطت الباب...
سيف:ادخل...
ملاك:العشاء..
سيف:طيب روح انت يا عمر تعالي يا ملاك..
عمر:عن اذنكوا...
عمر خرج بره الاوضة و ملاك دخلت و قفلت الباب...
سيف:تعالي في ايه؟!
ملاك:نعم...انا عملت حاجة يعني ايه ده؟!
سيف:اوف يا ملاك تعالي قربي..
ملاك قربت من سيف و سيف شاور ليها بمعني تنزل ل مستواه و سيف باسها علي خدها لفترة طويلة و ملاك واقفة مصدومة...
سيف:مالك؟!
ملاك(بتوتر و ارتباك):احم هو ايه يعني بيكون زي اللي هو يعني انت انا مش يعني..
سيف قعد يضحك بقوة و بصوت عالي علي لغبطة ملاك...
سيف(بضحك):طيب طيب تعالي نتعشي..
سيف مسك ايد ملاك و خرج بره الاوضة و راح للسفرة لقي الكل قاعد ما عدا تاج..
سيف(بحدة):تاج هانم ناوية تنزل امتي؟!
مني:اصل اصل...
سهي:هي بتذاكر...
سيف:و ده يمنع الاكل؟!.
ملاك:سيبها براحتها وقت ما تكون عايزة تاكل تاكل..
سيف:ملكيش دعوة..
ملاك(بغيظ):و اشمعنا انا يعني؟!
سيف:اهو كدة...و انجزي يلا علشان ورانا مشوار..
جودي:خدني معاك يا بابا...
سيف:مينفعش يا جودي..
مالك:سيبيهم يا جودي عايزين يخرجوا مع بعض..
ملاك:هه ابوكوا ده نفسه يولع فيا بجاز و لا يرميني من كوبري و لا يقتلني..
سيف(بحدة):طب نخلص قومي البسي..
ملاك:حاضر الله..
ملاك طلعت اوضتها غيرت هدومها..
"ملاك لبست جيبة ضيقة باللون التلجي لغاية قبل الركبة بشوية و تي شيرت ب ¾ كم باللون البنفسجي و دخلته في الجيبة و لبست كوتشي باللون الاسود عالي نوعا ما و سيبت شعرها علي ضهرها و حطت روچ خفيف و كحل حدد عينيها و اختارت شنطة باللون الاسود ضهر"..
ملاك نزلت و ملقتش سيف موجود...
ملاك:ايه لعب العيال ده بقي؟!
عمر:مستنيكي في العربية..
ملاك:اه طيب..
ملاك:مالك جهز نفسك بكرة وراك مدرسة و انتي يا جودي...
ملاك:مريم البيت بيتك طبعا طنط سهي و مدام مني مش هيسبوكي..
ملاك:عن اذنكوا..
ملاك خرجت لقت سيف راكب عربيته و مرجع رأسه لورا و اتعدل لما شاف ملاك و فتح عيونه من الصدمة..
ملاك فتحت باب العربية و ركبت جمبه..
ملاك:اطلع..
سيف(بحدة):اطلع يا اختي انتي مش شايفة لابسة ايه؟!.
ملاك:لابسة ايه؟!
سيف(بحدة):الجيبة اللي لازقة فيكي دي و لا جسمك اللي باين من فوق ده..
ملاك(بملل):طيب امشي بقي...مش هتتحكم فيا انت امشي يا سيف رايحين فين...
سيف:طيب يا ملاك...
سيف ساق العربية بسرعة كبيرة و ملاك كانت ماسكة في باب العربية بقوة..
ملاك(بصريخ):الله يخرب بيتك يا سيف..
سيف(بسخرية):قابلي بقي..
سيف ساق بسرعة اكبر و فجأة وقف العربية و ملاك نطت من علي الكرسي و رجعت تاني..
ملاك(و هي بتنهج):آه حرام عليك..
ملاك(بصريخ):يا حيوااااااان...
سيف ساق العربية بسرعة اكبر بكتير و ملاك مكنتش مستحملة..
ملاك(بتعب):وقف يا سيف هرجع..وقف..
سيف:للاسف مش هينفع..
ملاك(بتعب):ليه؟!
ملاك لقت عربية سوداء جت جمبها و واحد طلع مسدس و وجهه علي عربية سيف..
سيف(بصريخ):اقفلي الشباك بسرعة..
-ملاك ارتبكت و ايديها ارتعشت و معملتش حاجة...و في شخص ضرب نار بس سيف رجع جسم ملاك بايده و قفل شبابيك العربية بسرعة..
ملاك(بخوف):ايه ده يا سيف؟!
سيف:متقلقيش مفيش حاجة..
سيف فتح الدرج اللي قدام ملاك و طلع منه مسدس..
سيف:ارجعي ورا..
ملاك(بخوف):حاضر...
ملاك رجعت ورا في الكرسي اللي ورا و وطت رأسها و هي حاطة ايديها علي رأسها..
سيف فتح الشباك بتاع ملاك و قعد يضرب نار علي العربية اللي قدامه...
سواق العربية التانية مات و العربية قعدت تتحرك يمين و شمال لغاية ما اتقلبت و انفجرت...
ملاك(بصريخ):عاااااااااااااااااااااا...
سيف فضل سايق بسرعة كبيرة لغاية ما وصل ل مكان هادئ و وقف العربية...
سيف نزل و فتح الباب الخلفي بهدوء..
سيف:انزلي يا ملاك..
-ملاك خرجت من العربية و هي بتعيط بقوة لقت سيف فارد ليها دراعه بمعني انها تحضنه و هي جريت عليه و حضنته بقوة و قعدت تعيط...
سيف:لازم تكوني اقوي من كدة..
ملاك(بعياط):مبحبش الدم مبحبش ضرب النار...
سيف:خلاص اهدي انا معاكي اهو و محصلش حاجة اهدي بس..
سيف:و كمان يعني تسمحيلي اقول حاجة..
ملاك:ايه؟!
سيف قرب ملاك منه اكتر و مال علي ودنها..
سيف(بهمس):تسمحيلي اتغزل في جمالك؟!
ملاك رفعت عيونها في عيون سيف بخجل و سيف ابتسم و بانت غمازاته...
ملاك(بفرحة):اخيرا شوفت غمازاتك في ابتسامة هادية..
سيف(بخبث):يعني كنتي مستنية؟!
ملاك(بتوتر):لا و ابعد عني عيل رزل و سئيل..
سيف:بجد؟!
ملاك:ابعد بقي عيل عايز الحرق و بعدين فين المشوار اللي كنا هنروحه..
سيف:طب خلينا شوية طب..
سيف:هاتي ايدك..
سيف مد ايده ل ملاك و ملاك حطت ايديها في ايده و سيف راح قعد قدام البحر و ملاك قعدت جمبه علي الارض...سيف شال شعر ملاك من علي كتفها و قرب منها و باس رقبتها...
ملاك(بحدة خفيفة):شكلك اخدت عليا...فوق يا سيف..
سيف بصلها بطرف عينه و بعدها بص للبحر..
سيف:ايه الماضي الاليم بتاعك؟!
ملاك(باستغراب):ماضي!!!معنديش ماضي اليم..
ملاك:انا واحدة غنية بشتغل عندي فلوس و عربيات و كل ما اتمناه عندي بيت و عندي اهل مش محتاجة حاجة...تفتكر هيبقي عندي ماضي اليم ..
ملاك(بسخرية):هبقي بتبتر علي النعمة بقي..
سيف بص ل ملاك نظرة مطولة و بعدها حول نظره للبحر....ملاك حطت ايديها علي كتف سيف..
ملاك:وحشتك سيدرا؟!
سيف هز رأسه بخفوت بمعني اه...ملاك شالت ايديها بسرعة من علي كتف سيف...
ملاك:ربنا يخليكوا ل بعض..و تخف ان شاء الله بالسلامة...
سيف:يا رب..
سيف:يلا قومي اتحركي..
ملاك:طيب الله..
سيف قام وقف و راح للعربية بس ملاك كانت بتحاول تقوم مش عارفة بسبب الجيبة لقت سيف بيمسكها من دراعها و قومها...
سيف:مالها البناطيل يعني؟!
ملاك:بتسلم عليك..
سيف:ظريفة..
سيف و ملاك ركبوا العربية و ملاك لقت سيف وقف قدام مستشفي جدها..
ملاك:شكرا..
ملاك نزلت هي و سيف و راحوا لاوضة محمد..
سيف:تعالي..
ملاك:هو مش في العناية؟!
سيف:لا..
ملاك و سيف دخلوا اوضة عادية للمرضي لقوا محمد و معاه الدكتور..
الدكتور:اهم حاجة انك تكون كويس..
محمد:شكرا يا دكتور...
ملاك(بدموع):جدو..
ملاك جريت علي محمد حضنته..
محمد(بوجع):آه..
ملاك(بدموع):اسفة يا جدو بس انت وحشتني اوي..
سيف شاور للدكتور علشان يطلع و سيف وقف ربع ايده و بص ل ملاك و جدها...
محمد:عاملة ايه يا حبيبتي؟!
ملاك:الحمد لله يا حبيبي انت عامل ايه؟!
محمد:كويس يا حبيبتي..بخير الحمد لله..
ملاك:الحمد لله..
محمد:فين الواد خالد؟!
ملاك:بقالي يوم و نص مكلمتهوش للاسف..
محمد:معلش يا حبيبتي...
محمد:اخبارك يا سيف؟!
سيف:الحمد لله يا محمد بيه..
محمد:كويس...يلا يا ملاك روحي مع سيف..
ملاك:هقعد معاك شوية طب..
محمد:لا عايز انام يلا...
ملاك:يا جدو..
سيف:ملاك اسبقيني علي العربية و جاي ليكي..
ملاك:بس..
سيف(بحدة):يلا...
ملاك:طيب..
ملاك باست خد محمد و راحت علي العربية...
سيف:حسيت ان حضرتك عايز تكلمني..
محمد:نبيه من يومك..
سيف:تسلم..
محمد:اخبارك انت و ملاك ايه؟!
سيف:كويس..
محمد:انا عارف ان ملاك هبلة معلش استحملها غصب عنها..
محمد:انا ممكن اموت في اي وقت خلي بالك منها يا سيف..
سيف:متقلقش يا محمد بيه هي مهما كانت مراتي..
محمد:طيب..
محمد:هي نور عيني ممكن متحبهاش بس و الله قلبها طيب و حنينة اينعم عنيدة شوية..
سيف:شوية؟!!!!!!!!
محمد:شويتين..
سيف:يوووووووووه ده الحجر احلي منها...
محمد(بضحك):معلش معلش..
محمد:بس حنينة و طيبة..
سيف:طيب..عايز حاجة؟!
محمد:لا تسلم..
-سيف خرج من المستشفي لقي ملاك بتشرب من ازازة ركز كويس لقي ملاك بتشرب خمرة...
سيف جري علي ملاك فتح الباب بسرعة و مسك الازازة منها و رماها علي الارض بغضب...
ملاك نزلت من العربية و وقفت قدام سيف..
سيف(بعصبية):انتي غبية ازاي تشربي ده؟!
ملاك(بتوهان):خالي من الكحول..
سيف(بعصبية):ما واضح واضح اوي من حالتك....
سيف مسك دراع ملاك بغضب و قربها منه..
سيف(بغضب)ريحتك مقرفة..انتي ازاي تعملي كدة؟!
ملاك(بتوهان و سُكر):انا انا..
سيف(بغضب):اتكلمي..
ملاك(بتوهان و سُكر):آآآه ايدي براحة..
ملاك زقت ايد سيف بعيد عنها و بعدت عن العربية..ملاك فتحت ايديها علي اخرهم..
ملاك(بتوهان):فيها ايه لو شربت شوية؟!معملتش جريمة..
سيف(بغضب):ملاك انتي سكرانة يلا تعالي اركبي..و حسابك لما تكوني فايقة..
ملاك(بتوهان):تؤ تؤ انت انت شخص وحش و مش بتحبني و بتكرهني...
ملاك كانت هتقع بس سيف لحقها و رفعها ليه بقوا وشهم قريب من بعض..
سيف(بعصبية):ملاك فوقي يلا علشان نروح..
ملاك بصتله بابتسامة و بعدها غمضت عينيها ببطء و فتحتهم لغاية ما رأسها تقلت و نامت بين ايدين سيف..
سيف(بغضب):اصبري عليا لما تفوقي..
سيف شال ملاك و ركبها العربية و ساق و بعد فترة وصلوا للقصر...
سيف نزل و شال ملاك بس ملاك كانت في عالم تاني مش حاسة بحاجة سيف رفعها ليه شوية و بص ل ملامحها...
سيف(بسخرية):هه برئية!!
سيف طلع لاوضته و حطت ملاك علي السرير و غطاها زي ما هي...سيف دخل خد دوش و غير هدومه و خرج نام جمبها..
************************************
-في الصباح الباكر...
_في القصر..
مني:صباح الخير..
سهي:صباح النور..
مني:من امتي بتصحي بدري؟!
سهي:مش عارفة مش جايلة نوم..
مني:بيقولوا ان رزق و نور رجعوا بليل الفجر..
سهي:ايوه..
مني:طيب...
مني قعدت جمب سهي في الجنينة..
سهي:سيف صاحي من بدري اوي في اوضة مكتبه بيشتغل....
مني:ربنا معاه...
سهي:يا رب..
مني:صاحية بدري يا مريم..
مريم(باحراج):اه..
مني:تعالي يا مريم اقعدي..
مريم:نعم..
مني:عارفة انك محرجة و مش متعودة عمر حكي ليا حصل ايه..متضايقيش يا روحي كل الامور هتتحل ان شاء الله..
مريم(بدموع):يا رب..
سهي:سيف ابني مش هيسيبك متخافيش..
مريم:ربنا يخليه ل حضرتك..
سهي(بخضة):مالك يا جودي؟!
جودي(بعياط):روحت اصحي ملاك مرضيتش تصحي..
الكل بص ل بعضه بخوف و لسة هيقوموا..
سيف(ببرود):نايمة واخدة منيم و تعبانة مش هتفوق دلوقتي..
سيف(ببرود):امي اتعاملي مع جودي و مالك دلوقتي..
سيف كان هيمشي بس جودي مسكت ايده...
جودي(بعياط):ملاك تعبانة ليه؟!
سيف:مفيش حاجة تعب بسيط يا جودي هتفوق كمان شوية متقلقيش..
جودي:طيب..
سيف مشي...و سهي طلعت غيرت هدوم جودي و صحت مالك و جهزتهم للمدرسة..
باص جودي جه الاول جودي ودعت سيف و الباقي و بعدها مالك ركب الباص..
مني:هي مراتك فيها حاجة يا سيف؟!
سيف(ببرود):لا تعبت شوية امبارح و مكنتش عارفة تنام ودتها منوم هتفوق قريب...
سهي:ربنا يشفيها..
الكل:يا رب..
نور:صباح الخير...
الكل:صباح النور..
سيف:عمي صحي يا نور هانم؟!
نور:اه يا حبيبي..
سيف:جهزوا الفطار..
سهي:عفاف يا عفاف..
سارة:ست عفاف في المطبخ يا هانم...اؤمري..
سهي:جهزوا الفطار يلا..
سارة:حاضر..
الفطار جهز و رزق نزل و بدأوا يقعدوا..
_عند ملاك..
ملاك بدأت تتحرك ببطء علي السرير و هي حاسة بتنميل في كل جسمها بدأت تفتح عينيها و حطت ايديها علي رأسها..
ملاك(بوجع):آآه ايه الصداع ده؟!اوف..
ملاك قامت ببطء قعدت نص قعدة علي السرير و فتحت عينيها ببطء و بصت يمين و شمال حست نفسها في مكان غريب و هي مكنتش مركزة اساسا..
ملاك(بوجع):اوف ايه اللي حصل؟!
ملاك بدأت تمشي ببطء بره الاوضة و هي بتسند علي الحيطة..و بعدها مسكت في سور السلم و بدأت تمشي في ممر الدور..
_عند الباقي..
شخص:وحشتوووووووووووووني..
سيف(بفرحة):معتز..
سيف راح ل معتز و حضنه بقوة..
سيف:فينك يا ابني واحشني ده كله في لندن..
معتز:معلش بقي الدنيا حلوة هنا و مزز قمرات..
مني:حبيبي عامل ايه؟!
معتز:بخير يا تيتة وحشتوني اوي..
معتز:عاملين ايه وحشتوني اوي..
معتز:وحشتني يا عمي..
رزق:و انت و الله يا معتز...
معتز:مين المزز دي؟!.
سيف(بحدة):معتز..
معتز:خلاص اسف..
سيف:مدام نور مرات رزق و مريم صديقة للعائلة..
معتز:اه اومال فين البت تاج و عمر لسة زي ما هو و لا..
سيف:اهدي اهدي..
"معتز ابن عم سيف ابوه و مامته متوفيين بيحب الستات اوي و رجل اعمال عنده 29 سنة من عمر سيف...عيونه باللون البني,بيلعب چيم و بيحافظ علي جسمه,وطوله مناسبه جدا,نظراته لعوبه نوعا ما,خبيث"...
معتز:تعرف حقيقي انا مبسوط اني رجعت اخيرا..
سهي:مبروك يا معتز هتستقر هنا؟!
معتز:قولي يا رب..
الكل:يا رب..
سيف:يلا تعالي..
معتز:لا لا ورايا مشوار مهم اوي...هعمله و اجي بليل متأخر الصبح نتكلم..
سيف:مشوار ايه؟!
معتز:اهدي بس..هبقي اقولك بعدين...
سيف:طيب مستنينك...
معتز:باي..
معتز خد حاجته و سلم علي الكل و ركب عربيته و راح مشواره....
_عند ملاك...
ملاك مسكت في سور السلم و مكنتش بتتنفس بشكل طبيعي و دماغها تقيلة اوي..نزلت ببطء و كان فاضل تلت سلالم بس..
ملاك حطت ايديها علي قلبها و كانت تايهة و لسة بتنزل سلمة الرؤية انعدمت و ملاك وقعت علي السلالم و وقعت علي الارض..
صوت جسمها بالارض عمل صوت قوي..
_السؤال:يا تري هيحصل ايه؟!خمنوا🌚💜..
************************************
يتبع::::😍💜..
بحبكوا😍💜..
رأيكوا يهمني😍💜..
يا رب الرواية تنال إعجابكم😍💜..