الملاك المتمرد «قيد التعديل»

الفصل الخامس و الثلاثون..

نكمل روايتنا(الملاك المتمرد)بقلم سلسبيل كوبك..
الفصل ال35..
اخر حاجة وقفنا عندها في الفصل ال34..
ملاك خرجت من الاسانسير الاول و سيف كان نازل علي السلم..
و فجأة الكل سمع صوت ضرب نار...
سيف(بخضة):ملاك!!
سيف نزل جري علي السلم و اتخض لما لقي ملاك مرمية في الارض..
سيف جري عليها بسرعة لقي انفها بينزل دم و مغمي عليها..
سيف:عمر اطلب الاسعاف بسرعة..
عمر:حاضر..
سيف(بقلق):ملاك فتحي عيونك علشان خاطري..
سيف:انا اسف حقك عليا انا و الله اسف..
بعد فترة جت عربية الاسعاف و نقلوا ملاك و سيف ركب معاها..و وصلوا للمستشفي دخلوا ملاك اوضة الفحص..
جودي:بيقولوا في مري..
جودي سكتت اول ما شافت ملاك و سيف..
جودي:ايه هي الهانم مستحملتش..
سيف(بغضب):جودي قسما بربي كلمة كمان بره شغلك لاكون قاتلك في ايدي و مش هيهمني حد..
سيف(بغضب):لو مش قادرة تفحصيها او تعالجيها شوفيلي دكتور تاني و غوري في ستين داهية..
جودي(بغيظ):لا متخافش اقدر اعالجها كويس..
جودي بدأت تفحص ملاك و ودتها حقن..
جودي:شبه انهيار عموما هي هتفوق حاليا..
ملاك فعلا بدأت تتحرك يمين و شمال و بدأت تفتح عينيها لقت جودي..
ملاك:هو انا دخلت جهنم و لا ايه؟!.
سيف غصب عنه ضحك علي جملة ملاك و علي شكل جودي..
جودي(بغيظ):لا يا حبيبتي انتي في مستشفي اللي انا بشتغل فيها..
جودي(بغرور):مسألتيش نفسك انتي ليه لما بتتعبي بتيجي هنا و بكون انا الدكتورة بتاعتك..اقولك انا علشان سيف بيحبني و بيحب يشوفني و انتي كابسة عليه..
ملاك:خديه و اولعوا انتوا الاتنين بجاز...انا ناقصاكوا..
سيف(بحدة):جودي اطلعي بره..
جودي:طيب يا حبيبي..
جودي خرجت بره الاوضة سيف قعد علي السرير قدام ملاك..
ملاك:ايه بتبصلي ليه؟!
سيف:بايعاني اوي كدة يا ملاك..
ملاك لا رد...
سيف:للدرجة دي انا تقيل اوي علي قلبك..
ملاك:عايز ايه يا سيف؟!
سيف:مش عايز يا ملاك مش عايز..براحتك..
ملاك:هسافر النهاردة يا سيف..
سيف:سافري يا ملاك..
ملاك:فين تليفوني؟!
سيف:عايزاه ليه؟!
ملاك:هشوف صور الفساتين علشان اختار فستان..
سيف:هتطلعي من هنا علي المطار؟!
ملاك:اه لا..
ملاك:اوف لسة مجهزتش الشنطة بتاعتي و الباسبور و...
ملاك:اوف يا الله..
سيف:اهدي اهدي اهدي..
سيف قام وقف و نزل لمستوي ملاك و شالها بين ايديه..
سيف:هنلحق متخافيش..
ملاك:اه هودي حلا عند جدو..
سيف:لا حلا الشئ اللي يضمنلي انك راجعة تاني..
ملاك:قصدك ايه؟!
سيف:قصدي انك وقت ما تكوني عايزة تنهي علاقتنا تيجي تتكلمي بكل صراحة مش تخترعي قصة..
ملاك:قصدك اني مسافرة علشان ابعد عنك انت اتجننت انا لو عايزة اسيبك مش هعمل كدة..
ملاك:لو عايزة اسيبك مكنتش هعبرك و كنت هسافر علطول لو..
سيف:يعني انتي مش عايزة تسيبيني؟!
ملاك فتحت عينيها من الصدمة انها يعتبر اعترفت ليه..
سيف(بخبث):ايه يا روحي مالك؟!
ملاك:عايزة اروح..
سيف:عيوني..
ملاك:علفكرة بقي مش رجولة ها مش رجولة..
سيف ركب ملاك العربية و لف يسوقها هو..
سيف:عارفة كام مرة في اليوم بتخطفي نفسي بذمتك..
سيف:بحس بقلبي بيوقف لما الاقي فيكي حاجة..
سيف:ده كله و مش واثقة في حبي ليكي...
ملاك:في حب بيجرح يا سيف و انا مش عايزاه...
سيف:ايه اللي هيجرحنا طول ما احنا مع بعض و جمب بعض..
ملاك:ربنا يخليلك مراتك و عيالك يا سيف..و ربنا يشفي سيدرا و تكملوا حياتكوا مع بعض في سعادة..
ملاك(بوجع):آآآه..
سيف وقف العربية بسرعة و ملاك خبطت في تابلو العربية..
ملاك:في ايه؟!
سيف(بنفس سريع):مفيش..
سيف كمل سواقة لغاية ما وصل للقصر..
سيف:انزلي يا ملاك..
ملاك:سيف انت عايز ايه مني انت ليه دايما محسسني اني الوحيدة اللي مذنبة..
ملاك:ليه دايما كدة ليه محسسني الاحساس ده...
سيف:و انتي ليه محسساني ان حبي و لا فارق معاكي حبي ملهوش اي قيمة عندك..انا ذات نفسي مليش قيمة عندك..
سيف:ايه يا ستي في ايه بقي حرام..
ملاك:انت عرقت ليه؟!نفسك ماله؟!
سيف:خخ شي ج وو ا(خشي جوا)..
ملاك(بصدمة):اوعي تقول انك عندك القلب..دي الاعراض اللي كانت بتيجي ل جدو..
ملاك قربت من سيف و حطت ايديها علي ايده اللي محطوطة علي قلبه..
سيف(بابتسامة سخرية):لقيتي حجة علشان متتقبليش حبي...انزلي يا ملاك انزلي..
سيف اتفأجي لما لقي ملاك حضنته و قعدت تعيط..
سيف:في ايه؟!اهدي كدة..
سيف:يا بنتي ما تخليكي قوية شوية..
سيف:ملاك بصيلي...
ملاك لا رد...
سيف:طب بطلي عياط بقي..
سيف:يلا اسمعي الكلام يا ملاك متخلنيش اقلق..
سيف:طب احكيلي حصل ايه؟!افتكرتي حاجة؟!
سيف:طب اعمل ايه طب؟!يا بنتي متتعبيش قلبي ابوس ايدك..
سيف:ملاكي..
سيف:يا بنتي ردي عليا..
ملاك:بس بقي ما تسبني الله..
سيف(برفعة حاجب):ده حضني علفكرة..
ملاك:يا رزل وسع كدة..
سيف:هنقضيها في العربية و لا ايه؟!
ملاك:سيف اذهب للجحيم..
سيف:مش رايح ليها من غيرك يا روحي..
ملاك:اوف بقي...
ملاك:هتسبني اسافر؟!
سيف رفع ايده و فك شعر ملاك نزل علي كتفها و ضهرها..
سيف:امممم هفكر..
ملاك:سيف..
سيف:قولتلك هفكر..
ملاك:السفر الفجر يا سيف..
سيف:لسة قدامنا وقت كبير..
سيف:علشان كدة بقي اقضي معاكي شوية وقت لطيف..
ملاك:هنروح فين؟!
سيف:هتشوفي..
سيف ساق العربية و راح ل مكان شبه مجهول و ضلمة..
ملاك(بخوف):سيف..
سيف:طول ما انا معاكي متخافيش..
سيف نزل من العربية و فتح باب ملاك و ملاك مسكت فيه جامد..
سيف:جاهزة؟!
ملاك:ايوه..بس لايه؟!
سيف:هنعرف..
فجأة في انوار كتير اشتغلت و حصل العاب نارية و مكتوب اسم ملاك في الجو..
ملاك(بفرحة):الله حلو اوي..
ملاك باست خد سيف و حضنته اكتر..
سيف:عجبك؟!
ملاك:اوي اوي...
سيف:حاجة بسيطة يلا حفلة بسيطة..
ملاك:احتفالا بسفري يعني..
سيف:لا توديع..
سيف(بغيرة):اه الفستان الاصفر كان حلو عليكي..
ملاك:فستان اصفر!!!بتاع ايه؟!
سيف:هي مش مجالاتك اتعرضت و لا ايه؟!
ملاك(برفعة حاجب):بتقولها من تحت الضرس ليه يا عم..
سيف:لا عادي..و يا تري بقي متغرقتيش ماية؟!
ملاك:اه..
سيف:بحسب..
ملاك:ليه يعني؟؟
سيف:و هدومك تلزق عليكي و جاك ما هيصدق و يفضل يبص عليكي متجوزة سوسن انتي..
ملاك لا رد..
سيف:حصل صح؟!
ملاك:جاك فك العقد اللي بينا علشان ضربته بالقلم و قولتله انك جوزي مش صاحبي..
سيف:ايه الجمال اللي بسمعه ده؟!
ملاك:يا رزل..
سيف قرب من ملاك و باس خدها و رقبتها و كتفها..
سيف:مش عريان شوية الفستان؟!
ملاك:سيف انت عايز ايه؟!ده مفيش غيرك و غيري..اهدي كدة الله..
تليفون سيف رن..
سيف:لحظة..
الخط اتفتح..
عمر:كله تمام يا سيف...
سيف:طيب يا عمر..
سيف:جهزت كل حاجة؟!
عمر:اه..
سيف:و الحاجة التانية اللي قولتلك عليها..
عمر:تمام..
سيف:شكرا يا عمر..
عمر:باي سيبني مع مراتي بقي خليك في مراتك..
ملاك:ايه رأيك تختار معايا فستان لكتب الكتاب..
سيف:وريني فساتينك..
ملاك:بص ايه رأيك في ده..
سيف:لو في منه اللون الاسود او الابيض هيبقي اشيك..
ملاك:لا للاسف مفيش غير اللون الاصفر..
سيف:وريني غيره..
ملاك:اهو..
سيف:لا..
ملاك:ليه لونه حلو؟!
سيف:و لما تيجي تلبسيه ضهرك هيبقي ايه نظامه علشان اكون عارف ده ضهرك كله هيبقي باين في ايه متعصبنيش..
ملاك:خلاص خلاص اهدي..
سيف:بتعصبيني يا ملاك...
ملاك:اسفين لحضرتك يا فندم نكمل بقي..
سيف:كملي يا اختي..
سيف و ملاك قعدوا كتير يختاروا فستان و في الاختار معجبهمش حاجة..
سيف:بصي انا هتصرف..
ملاك:علي ضمانتك..
سيف:علي ضمانتي..
ملاك:هو كدة معتز انتهي من حياتنا يا سيف؟!
سيف:العائلة فاهمة انه سافر تاني..هو بالفعل سافر..
سيف:متخافيش طول ما انا موجود..
سيف:كان في موضوع يعني عايز اتكلم معاكي فيه..
ملاك:ايه؟!
سيف:يعني مش ناوية نجيب فارس..
ملاك:فارس مين؟!
سيف:ابننا يا روحي..
ملاك:مفهتمش انت عايز ايه؟!
سيف:نجيب فارس..
ملاك:اااااااااااه فهمت..
ملاك:لا مش ناوية اجيب فارس و اقفل الموضوع علشان منقلبهاش خناقة..
سيف:و لا حتي جنة..
ملاك:و لا حتي جنة يا سيف متجننيش يا عم الله..
سيف:ليه بس ده حتي فارس و جنة هيبقوا حلوين..جنة تاخد غمازاتي فارس يأخد عيوني..
ملاك ربعت ايديها و بصت ل سيف برفعة حاجب...
سيف:جنة تأخد جمالك تأخد ضحكتك..
سيف:بعني مزيج كدة و كدة متزعليش..
ملاك:سيف يلا نروح..
سيف:مفيش امل لما نروح نجيب فارس و جنة..
ملاك:لا يا سيف..
ملاك راحت للعربية و فتحت الباب ركبت و سيف لف و ركب و بدأ يشغل العربية...
سيف:و لا حتي زين..
ملاك:و لا حتي حزلقوم يا سيف..
سيف:نصبر شوية كمان هو انتي هتطيري..
ملاك:سوق بقي و خلينا نروح..
سيف:اوامرك ملاك هانم تؤمري بحاجة تانية..
ملاك:ظريف..
بعد فترة وصلوا للقصر و سيف لف و مسك ايد ملاك و دخلوا للقصر..
مني:حمدلله بالسلامة يا حبايبي..
سيف و ملاك:الله يسلمك يا تيتة/يا مدام مني..
سيف:اسمها تيتة.. مدام مني ايه؟!
ملاك:يا رزل سيبني اتكلم براحتي الله..
مني:سيف بطل ترزل عليها..
سيف:حاضر يا تيتة..
ملاك:جودي و مالك و حلا ناموا؟!
مني:اه..
مني:سيف تاج اخبارها ايه؟!
سيف:قريب هتبقي موجودة..
سيف:تصبحي علي خير نامي و ارتاحي تاج كويسة..
مني:ماشي يا حبيبي..تصبحوا علي خير..
سيف:بقولك يا تيتة ابقي اقنعي البت دي تجبلنا فارس...
ملاك(بخجل مع مزيج من الغضب):سيف!!
مني(بضحكة خفيفة):زي ابوك مش هتتغير يا سيف..
سيف:هو يعني كان جاب غيري ما كان يجبلي فارس..
ملاك:هو انت عايز اي حد اسمه فارس و خلاص..
سيف:يا ستي اي ولد كدة..
ملاك:قدامي يا سيف علي فوق..
سبف:هنجيب فارس و جنة..
ملاك:سيف..
سيف:قلبه..
ملاك:غور في داهية..
ملاك سابت سيف و طلعت علي اوضتهم سيف طلع وراها..
سيف:طب حزلقوم..
سيف(بقلق):ملاك مالك؟!
ملاك:حاسة بوجع في رأسي..
سيف:طب تقومي تنامي شوية قبل السفر..
ملاك:لا هاخد مسكن و اجهز الشنطة و اقعد معاك شوية قبل ما اسافر..
سيف:طب يلا مستنيكي..
سيف باس خد ملاك و دخل الحمام غير هدومه..
ملاك غيرت هدومها و جهزت شنطة سفر صغيرة و خرجت ل سيف..
سيف:اللي في بالي صح؟!
ملاك:يعني لو اتاخرت او كدة..
سيف:بس قصير يا ملاك..
ملاك:طويل اهو يا سيف و هلبس عليه الجاكت ده..
سيف:اوف يا ملاك..
"ملاك كانت لابسة جيبة سوداء قصيرة و فوقها تي شيرت ابيض بحمالة رفيعة اوي علي الكتف و فوقه جاكت رمادي بكم و طويل لغاية قبل الركبة بشوية..حطت مكياج بسيط اوي و سيبت شعرها علي ضهرها و كتفها"..
سيف:طب تعالي..
ملاك راحت ل سيف و سيف خدها في حضنه و ناموا علي السرير..
ملاك:و النبي يا سيف اظبط المنبه كويس ممكن تروح علينا نومة...
سيف:فاهم فاهم..
-ملاك كانت نايمة في حضن سيف و حاطة ايديها علي صدره سيف مسك ايديها و حطها علي مكان قلبه و فضل ساكن و محدش بيتكلم فيهم..
سيف:ملاك..
ملاك:اممم..
سيف:في حاجة عايزة تقوليها ليا؟!
ملاك:لا...و انت؟!
سيف:في بس لما نخلص كتب كتاب شروق و خالد..
ملاك(بفضول):لا لا قول بليز قول في ايه..
سيف:قولتلك بعد كتب الكتاب يا ملاك بطلي فضول و اتعلمي التقل..
ملاك:عيل رزل طيب يا عم..
***********************************
-في مكان تاني...
_عند عمر و مريم..
مريم:رد عليا ها مين دي رد ها..
عمر:يا بنتي بطلي شك..
عمر:دي تاج..
مريم:لقيتوها اخيرا؟!
عمر:ايوه لقيتها..
عمر:خليكي جمبها لغاية ما تصحي..
مريم:حاضر بس انت رايح فين؟!
عمر:ورايا مشوار تاني..
مريم:الساعة 2 بليل؟!!!
عمر:يا مريم يا حبيبتي متعودتش حد يسألني رايح فين و لا هعمل ايه..
عمر:عموما يا ستي رايح اعمل حاجة ل سيف..
مريم:طب و ملاك عاملة ايه؟!
عمر:الحمد لله..
مريم:طب عايزة اكلمها..
عمر:البنت هتسافر بكرة سيبيهم يقضوا وقت حلو قبل ما تسافر متشلنيش ابوس ايدك..
مريم:عمر انت تعرف غيري زهقت مني صح..قول زهقت مني..
عمر:دي هرمونات نكد اخر الليل و لا ايه؟!
مريم(بدموع):بكرهك بس كدة...
عمر:طب تعالي و انا اصالحك..
مريم:لا انت مبقتش تحبني..
عمر:يالهوووووي يا بت هموت علي ايدك يا بت..
مريم:ده بدل ما تقول بموت فيكي..
عمر(بصدمة):يا نهارك اسود في ايه بت قلبتي كئابة ليه..
مريم:امشي امشي انت لو بتحبني مكنتش هتقول كدة.
عمر:انا همشي علشان لو قعدت ثانية كمان الهرمونات عندك هتزيد و انا مش ناقص..
عمر خد حاجته و مشي ركب عربيته..مريم قعدت تدبدب في الارض برجليها..
تاج(بصريخ):الحقوووووني..
مريم(بخضة):حصل ايه؟!
مريم طلعت جري علي اوضة تاج و فتحت الباب..
تاج(بخوف):انا فين و انتي مين؟!
مريم:انا مريم مرات عمر و بشتغل مع سيف بيه مش فاكراني..
تاج:و مين جبني هنا؟!
مريم:اهدي بس هجبلك ماية تهديكي..
تاج:هو هو فين سيف؟!
مريم:انتي في بيت عمر يا تاج..
تاج:طب طب يعني انا هو..
مريم راحت قعدت جمب تاج و مسكت ايديها..
مريم:اهدي يا روحي اهدي..بصي يا ستي عمر جابك هنا اوامر من سيف ممكن حماية مش عارفة ليه..
مريم:بس اهم حاجة اهدي خالص في حراسة بره البيت و انا معاكي..و في هدوم ليكي قومي خدي دوش عقبال ما احضرلك اكل تاكليه..
مريم:متقلقيش خالص الدنيا امان..و انا حاسة باللي انتي مريتي بيه لاني مريت بيه برضو علشان كدة اهدي..
تاج:يعني انا مش هبقي في المكان القذر ده تاني..
مريم:لا يا روحي متخافيش..
تاج:شكرا..
مريم:اهدي الهدوم هنا يا رب تيجي مقاسك يا قمر انتي..هنزل اجيب الاكل باي..
مريم نزلت تعمل عشاء...تاج قامت دخلت الحمام خدت دوش طويل اوي كانت بتفكر في جاسر و طلعت غيرت هدومها...
مريم:تحبي تاكلي هنا و لا تحت؟!
تاج(باحراج):اي حاجة..
مريم:ده بيت عمر يعني بيتك و عمر بيعتبرك زي ما سيف بيعتبرك انتي اخته يبقي اختي انا كمان..
تاج:تسلمي..
مريم:يلا ننزل نأكل تحت بقي يا قمر..
تاج:يلا..
************************************
-في مكان تاني...
_عند خالد..
شروق(بدموع):توعدني انك هتيجي؟!.
خالد(بصدمة):في ايه يا ستي؟!!
خالد:هرجع ان شاء الله..في ايه قلبك رهيف كدة ليه؟!
شروق:علشان انا بحبك..
خالد:يا ستي و انا كمان بس متعيطيش..
شروق:انت يا خالد بتحبني زي ما بحبك؟!
خالد مسك ايد شروق و باسها..
خالد:يا عبيطة لو مكنتش بحبك مكنتش هعبرك اساسا...و ان شاء الله هأجي قريب..
خالد:ده بكرة كتب كتاب يعني هتكون مراتي من بكرة تفتكري هسيب اليوم ده...
خالد:بحبك..
خالد باس رأس شروق و خدها في حضنه..
شروق:بحبك اكتر مكنتش متخيلة اني هتجوز واحد مصري...
خالد:ليه يا اختي مش قد المقام و لا ايه؟!
شروق(بابتسامة):بحبك..
خالد:بضعف يا بنتي و الله..
شروق(بضحكة خفيفة):طب يلا علشان تلحق ترجع بسرعة..
خالد:بحبك..فستانك هيوصل قبل ميعادي بساعة..
خالد:هأجي علي كتب الكتاب علطول اسف..
شروق:و لا يهمك بحبك..
خالد:يلا باي..
خالد باس خد شروق و خد شنطته و ركب عربيته و وراه حراسة راح لقصر سيف..
_عند سيف..
سيف:هتوحشيني..
ملاك(بصوت واطي اوي):و انت..
سيف:يا بت هسحب منك الكلمات بالعافية..
ملاك:الله اعملك ايه؟!
سيف:متعمليش حاجة..
تليفون ملاك رن..ملاك كنسلت..
ملاك:هقوم البس الجذمة..
"ملاك لبست بوط بكعب مقفول قصير باللون الاسود"..
سيف حضنها من ورا و باس رقبتها..
سيف:هكلمك كل شوية..
ملاك:تمام..
سيف:فستانك هتأخديه معاكي بس بشرط..
ملاك:ايه؟!
سيف:مش هتفتحيه و هتشوفيه الا قبل ما تتحركي من هناك...فاهمة؟!
ملاك:بس..
سيف(بتحذير):ها؟!
ملاك:حاضر..
سيف:يلا تعالي..
سيف مسك شنطة هدوم ملاك الصغيرة و مسك ايد ملاك و خرجوا بره اوضتهم..
ملاك:هسلم علي مالك و جودي و حلا..
سيف:طيب هسبقك علي تحت..
ملاك:ماشي..
ملاك دخلت اوضة جودي باست رأسها و غطتها كويس..
ملاك:هأجي بسرعة..
ملاك راحت ل مالك و باسته برضو..
ملاك:بحبك..
ملاك قامت لاوضة حلا حضنتها و باستها..
ملاك:يا روحي بحبك و الله...سامحيني بعدت عنك بس و الله بحبك يا روحي و محدش هيقدر يأخدك مني ابدا مهما كان مين..
ملاك قامت و نزلت ل تحت..
خالد:فين ملاك؟!
سيف:نازلة ورايا..المهم..
خالد:خير؟!
سيف:الف مبروك...بس...
خالد:امممم..
سيف:خلي بالك من ملاك خلي بالك منها اعتبرها امانة بسلمها ليك لغاية ما ترجعوا..
خالد:متخافش انا افدي ملاك بروحي..
سيف:ده العشم..
ملاك:اخيرا شوفتكوا من غير ما تتخانقوا..
خالد:يلا يا بنتي هنتأخر..
ملاك:و باقي الفرقة؟!
خالد:سافروا المغرب..
ملاك:طيب..
خالد:هسيبكوا تودعوا بعض يلا..
خالد ركب العربية و الحراس ركبوا العربيات...اتبقي ملاك و سيف..
سيف:خلي بالك من نفسك..
ملاك:و انت..خلي بالك من مالك و جودي و حلا..
سيف:طيب..
سيف حضن ملاك و ملاك مسكت فيه جامد فضلوا حاضنين بعض لمدة خمس دقايق و محدش فيهم بيتكلم..
ملاك:هتأخر..
سيف شال شعر ملاك اللي علي وشها و باس رأسها..
سيف:بحبك..متتأخريش و تعالي بسرعة..
ملاك:حاضر...
سيف:و متكلميش ناس كتير..
ملاك:باي..
ملاك باست خد سيف و سابته و راحت ناحية العربية..
ملاك:متأكد انك كويس؟!
سيف:ايوه..
ملاك:تمام باي..
ملاك ركبت العربية و شاورت ل سيف بمعني باي و العربية اتحركت..
خالد:الفراق صعب؟!
ملاك لا رد..
خالد:عرفتي ليه انا مش طايقه..
ملاك:خالد سيف جوزي و انت كأخ ليا لازم تحبه لاني..
خالد:لانك؟!حتي انتي مش واثقة من احساسك..
ملاك:فاضل قد ايه علي المطار؟!
خالد:ساعة و تلت..
ملاك:ممكن تكون ساكت فيهم لاني حقيقي تعبت حقيقي كل حاجة جاية عليا انا..
خالد:انتي المظلومة دايما صح..
ملاك لا رد..
ملاك:مش قادرة اتكلم..
خالد:عموما ربنا يسعدك يا ملاك و يكون هو فعلا اللي يستحقك..
بعد فترة وصلوا للمطار و ختموا الباسبور و كل الاوراق المتعلقة بالسفر و ركبوا الطيارة..
خالد:ايه مش هتتصوري زي كل مرة..
ملاك:عندك حق..
ملاك طلعت موبايلها و قعدوا يتصوروا هي و خالد..
ملاك:هتروحوا شهر العسل فين؟!
خالد:لسة بفكر...بقول ايسلندا..
ملاك:جزر المالديف حلوة..
خالد:لسة فاضل اسبوعين يعني مش حكاية..
ملاك:عموما ان شاء الله هتفرحوا و تعملوا احلي و اجمل فرح يا حبايبي انتوا..
ملاك(بصدمة):فستاني!!!!!
خالد:متخافيش سيف وداه ليا..
ملاك:اوف شكرا يا خالد..
خالد:علي ايه بس؟!
ملاك:يا حبيب الروح انت..
خالد:تسلمي..انتي اختي ملاك و تاكدي اني بحبك..
ملاك:عارفة و واثقة يا حبيبي..
خالد:قولتي ل سيف؟!
ملاك:لا..
خالد:ليه؟!
ملاك:معرفش بخاف بتوتر بس هيجي اليوم اللي اعترف ليه..
خالد:عموما ماشي..
ملاك:هنام شوية..
خالد:طيب..
ملاك:تصبح علي خير..
خالد:و انتي من اهله..

_محطتش حاجة تشويقية اهو..برئية انا🌚😌..
************************************
يتبع::::💜..
بحبكوا💜..
يا رب الرواية تعجبكم💜..
رأيكوا يهمني💜..