الملاك المتمرد «قيد التعديل»

الفصل السادس عشر..

نكمل روايتنا(الملاك المتمرد)بقلم سلسبيل كوبك..
الفصل ال16..
اخر حاجة وقفنا عندها في الفصل ال15..
_عند ملاك...
ملاك مسكت في سور السلم و مكنتش بتتنفس بشكل طبيعي و دماغها تقيلة اوي..نزلت ببطء و كان فاضل تلت سلالم بس..
ملاك حطت ايديها علي قلبها و كانت تايهة و لسة بتنزل سلمة الرؤية انعدمت و ملاك وقعت علي السلالم و وقعت علي الارض..
صوت ارتطام جسمها بالارض عمل صوت قوي..
الكل لف يشوف في ايه سيف اول ما شاف ملاك مرمية علي الارض جري عليها بسرعة..
سيف(بقلق):ملاك ملاك..
سيف حط رأسها علي رجله و حاول يفوقها...
سيف:هاتي ماية و برفيوم..
سيف(بزعيق):انجزي...
تاج كانت نازلة علي السلالم لقت الكل متجمع اخر السلم بصت لقت ملاك مرمية علي الارض و في دم نازل من جمب رأسها...
تاج:حصل ايه؟!
مني:مش شايفة انها وقعت...
عفاف:خد يا بيه..
سيف رش ماية علي وش ملاك و شممها برفيوم مفاقتش...سيف شالها بين ايديه و طلع علي اوضتهم و حطها علي السرير و الكل طلع وراه....
سيف شاف نبضها لقاه سريع و بدأ يتفحص جرحها لقاه مش بسيط اوي و لا عميق...
سيف:حد يجبلي علبة الاسعافات و انزلوا مش عايز حد معايا انا ههتم بمراتي..
تاج(بسخرية):كنت تهتم بمراتك الاصلية الاول..
تاج سابتهم و نزلت تفطر و الباقي نزل و عفاف جابت علبة الاسعافات الاولية ل سيف..
سيف بدأ يطهر الجرح ل ملاك و ملاك كانت حاسة بآلم و باين ده من حركة عينيها..
سيف:ملاك سمعاني؟!
ملاك بدأ تفتح عينيها ببطء و بصت ل سيف و حطت ايديها علي رأسها بوجع..
ملاك(بتعب):حصل ايه؟!
سيف:مش فاكرة حاجة؟!
ملاك(بتعب):بالذكاء كدة لو كنت فاكرة كنت هسأل..
سيف ضغط علي الجرح اللي في رأسها و هي اتوجعت..
سيف:جنابك شربتي خمرة امبارح و بعدها نمتي و صحيتي دماغك مش مظبوطة حصل عدم اتزان وقعتي...
سيف:فوقي بقي علشان تأخدي عقابك..
ملاك:الازازة كانت في عربيتك و انا عارفة انك مش بتشرب قولت اكيد بدون كحول..
سيف:قرأتي؟!لا يبقي متتكلميش و في عربيتي و لا مش في عربيتي تشربيها ليه عيلة غبية...
ملاك:شكرا..
سيف:مش هتهاون في عقابك يا ملاك اصبري عليا بليل لما نخلص الحفلة..
سيف:قومي يلا غيري هدومك..
سيف ساب ملاك و نزل...ملاك رجعت رأسها لورا بوجع و غمضت عينيها و افتكرت حاجة و بعدها قامت مفزوعة...
ملاك:اهدي لا مش هيعملك حاجة..انسي مفيش حاجة من الكلام ده..
ملاك قامت غسلت وشها و غيرت هدومها..
"ملاك لبست بنطلون اسود و تي شيرت ب ¾ كم اسود في ابيض..و سيبت شعرها علي ضهرها"..
ملاك نزلت ل تحت لقت الكل بيفطر..
ملاك:صباح الخير..
مني:صباح النور يا حبيبتي..
سهي:حاسة بايه دلوقتي؟!
ملاك:الحمد لله...اومال فين جودي و مالك؟!.
مني:راحوا المدرسة..
ملاك:طيب...
سيف(ببرود):كلوا مش عايز كلام..
الكل كان بيأكل الا ملاك كانت بتلعب في الطبق و شاردة فاقت لما لقت حد بيضغط علي ايديها من تحت الترابيزة رفعت رأسها لقت سيف..
سيف(بحدة):كلي..
تاج:سيف الcredit card عايزاك تملاها ليا..
سيف:طيب يا تاج..
تاج:عن اذنكوا راحة الجامعة..
رزق:خلي بالك من نفسك..
عفاف:احم سيف بيه..
سيف:خير؟!
عفاف:الفستان ده وصل ل ملاك هانم..
ملاك:اه خالد بعته بعد اذنك حطيه في اوضتي..
عفاف:حاضر يا هانم..
رزق:انت هتروح الحفلة يا سيف؟!
سيف:ايوه انا و ملاك هنروح..
رزق:و انا و نور كمان هنروح..
رزق:جاك جاي يا ملاك صح؟!
ملاك:ايوه يا رزق بيه..
رزق:خلي بالك منه بقي..
سيف(بعدم فهم):بمعني قصدك ايه؟!!
ملاك:مفيش حاجة..
رزق:اصله بتاع ستات يعني شوية..
ملاك بصت ل رزق بغيظ واضح و كملت اكلها...
سيف:الساعة 9:30 تكوني جاهزة..
ملاك:طيب..
سيف قام مشي و راح ل شغله...و كل واحد شاف هيعمل ايه..
************************************
-في مكان تاني...
_عند تاج..
ريتاج:يا بنتي..
تاج(بعصبية):اخرسي يا ريتاج اخرسي...النهاردة المفروض اجازة حرام عليكوا..
ريتاج:معلش مش عايزين نتطرد..
ريتاج و تاج دخلوا المدرج لقوا كل زمايلهم قاعدين..
تاج:تعالي نقعد هناك..
ريتاج:طيب..
تاج و ريتاح راحوا قعدوا و بعد فترة دخل الدكتور...
تاج(بصدمة):الله يخرب بيتك مقولتيش ليه انه هو مكنتش هصحي ليه ابدا..
جاسر(بخبث):طبعا بشكر كل اللي صحيوا مخصوص علشان يحضروا محاضرتي الاضافية..
تاج(بغيظ):ربنا يسامحك يا ريتاج..
جاسر:نبدأ بس اللي مش هيلتزم بالصمت و الهدوء يتفضل يطلع بره من البداية..
ريتاج:بلاش تتجنني يا تاج خلينا ننجح ابوس ايدك..
تاج:طيب طيب..
جاسر شرح و كان في بنات بيتكلموا عليه و معجبين بيه..شرحه كان حلو و تاج اعترفت ب ده لنفسها بس..
جاسر:كدة تمام اشوفكوا المحاضرة الجاية..
الكل بدأ يمشي...ريتاج كانت بتربط الكوتشي...
تاج:انجزي يا ريتاج الكل مشي..
ريتاج:خلاص اهو خلصت...
ريتاج و تاج كانوا ماشين و جاسر بيلم حاجته..
جاسر:يا مدام..
تاج(لنفسها):اهدي يا تاج ده بيغيظك..
تاج:يلا يا ريتاج..
جاسر:يا مدام تاج...
تاج لفت ل جاسر بغضب و قربت منه..
تاج(بغضب):في ايه بقي؟!عيل رزل.
جاسر(برفعة حاجب):انا عملت حاجة!!!
تاج(بغضب):اومال بتنادي عليا ليه؟!
جاسر(برفعة حاجب):هو انتي الوحيدة اللي اتولدت اسمها تاج يعني..
تاج(بعصبية):شخص مستفز و تستاهل الحرق...
جاسر(بضحك):متشكر..
جاسر سابهم و مشي...تاج مشيت بغضب و راحت لعربيتها...
تاج(بغضب):الحيوان الحقير الزبالة...بوظ العربية..
ريتاج(بضحك):خلاص معلش تعالي في عربيتي..
تاج(بغضب):ريتاج قسما بربي ما اعرفك تاني..
ريتاج:خلاص روقي يا بنتي..
تاج:غوري قدامي يلا..
ريتاج و تاج ركبوا عربية ريتاج و روحوا لبيتهم..
_عند جاسر..
جاسر كان متخيل شكلها لما تعرف اللي عمله في عربيتها..
جاسر ركب عربيته و راح علي الڤيلا بتاعته..
جاسر:يا مساء الاناناس..
..:بيئة..
جاسر:ماشي يا عم المتحضر..
...:سعاد يا سعاد..
سعاد:نعم يا عدي بيه..
عدي:حضري الغداء يلا..
سعاد:حاضر..
جاسر:هطلع اغير هدومي..
عدي:طيب يا جاسر...انجز..
جاسر:امر؟!
عدي(بغضب):جاسر..
جاسر:لا الحق اغور في داهية بقي..
جاسر طلع علي اوضته خد دوش و غير هدومه و نزل ل تحت..
جاسر:خير يا عدي؟!
عدي:النهاردة في حفلة انا هروح ليها هتيجي معايا..
جاسر:امر يعني و لا طلب و لا معلومة و لا سؤال؟!!
عدي(بغضب):شكلك بتموت في قلة السمع يا جاسر...
عدي:هتيجي معايا غصب فهمت كدة..
عدي ساب الاكل و مشي راح علي شغله..
جاسر:ده ايه البيت الملعون ده؟!
جاسر:سعاد سعاد..
سعاد:نعم يا بيه؟!
جاسر:شيلي الاكل و اعمليلي فنجان قهوة من ايدك العسل..
سعاد:حاضر يا بيه..
جاسر قام و راح علي اوضته بدأ يشوف مادته و دروسه و يفكر في تاج و يا تري هتعمل ايه تاني..
"عدي عنده 30 سنة بيحب الشغل جدا جاد عن جاسر شوية هو اللي بيدير شركات والده رجل اعمال لسة متجوزش لغاية دلوقتي..طويل بشرته بيضاء عيونه باللون الارصاصي عريض و طوله متوسط"..
************************************
-في مكان تاني....
_في القصر...
عدت فترة كبيرة و ملاك كانت راحة جاية في الجنينة..
عمر(بخضة):في ايه يا ملاك خضتيني؟!
ملاك(بتوتر):عمر مريم مش موجودة..
عمر(بخضة):ازاي يعني مش موجودة؟!
ملاك:معرفش بيقولوا اخر مرة شافوها الصبح..
عمر:انتي هتقلقيني ليه يا ملاك؟!
ملاك:معرفش اتصلت بيها مردتش بيديني مغلق..
عمر طلع تليفونه و جرب مرة و اتنين و تلاتة..
ملاك:هنعمل ايه؟!
عمر:خلاص اهدي انا هتصرف..
ملاك:طيب..
عمر:اطلعي البسي سيف ساعة و جايلك..
ملاك:طيب طيب ابقي طمني..
عمر:ماشي عن اذنك..
عمر ركب عربيته و عمل كذا اتصال و مشي...ملاك دخلت للقصر..
مني:ها يا بنتي؟!
ملاك:لسة..قولت ل عمر قالي هيتصرف..
سهي:مش معقولة تكون اتخطفت...
ملاك:ممكن برضو ابن عمها ده..
سهي:جايز كل شئ جايز..
ملاك:هو جودي و مالك ده كله عند سيدرا...قلقانة عليهم ليحصل زي..
ملاك سكتت بسرعة و بصت بتوتر ليهم..
مني:سكتي ليه يا ملاك اتكلمي..
ملاك:لا مفيش...هتصل بيهم..
ملاك طلعت جري علي اوضتها و طلعت تليفونها اتصلت بتليفون جودي..
الخط اتفتح..
ملاك:ازيك يا حبيبتي فينك؟!.
جودي:انا و مالك في العربية اهو يا ملاك..
ملاك:طيب خلوا بالكوا من نفسكوا..
جودي:حاضر...باي..
ملاك:باي..
ملاك فتحت الفستان اللي خالد بعته و طلعته و عجبها..
ملاك دخلت خدت دوش و غيرت هدومها...الباب خبط..
ملاك:ادخل..
سارة:سي...
سارة(بصدمة):بسم الله ما شاء الله..
ملاك:بجد حلوة؟!!
سارة:اوي احلي من سيدرا هانم بكتير..
سارة(بتوتر):احم اسفة سيف بيه منتظر حضرتك..
سارة خرجت بسرعة و نزلت ل شغلها..
سارة:اوف ايه اللي انا قولته ده..
ملاك نزلت براحة و راحت للباقي...
مني:واو..
سهي:مرات ابني طبعا..
ملاك(بضحك):يعني انفع ابقي صاحبة الليلة..
مني:طبعا طبعا..
سهي:هشوف علي التلفزيون بقي..
ملاك(بضحك)طبعا طبعا..
ملاك:يلا عن اذنكوا..
ملاك:باي..
**********************************
-في مكان تاني...
_في الحفلة..
رزق:اتفضلي يا حبيبتي..
نور:شكرا..
رزق مسك ايد نور و دخلوا الحفلة"كانت عبارة عن قاعة كبيرة فيها ترابيزات بس و كان في مكان للرقص و موسيقي هادية و شاشات عرض"..
في صحافيين جريوا علي رزق و نور..
صحفي:رزق بيه حضرتك اعلنت زواجك بنور هانم..هل لهذا غرض معين؟!
رزق:لو كان الحب غرض يبقي ايوه انا اتجوزتها ل غرض..
نور:ممكن لو سمحت توسعوا...
نور و رزق راحوا وقفوا عند ترابيزة...
نور:بحبك..
رزق:و انا بموت فيكي..
خالد:تمام يا عم صابر زمانها جاية مع سيف..
صابر:عارف يا ابني...بس البت اللي هناك دي مش مريحاني..
خالد:دي لما ملاك تشوفوها هتتعصب..
صابر:لازم نبعدهم بعيد عن بعض..
خالد:تفتكر هي هتسكت..
صابر:هبقي اكلمها..
خالد:مش عارف شايفة نفسها جميلة علي ايه بس..
صابر(بتريقة):لانها حور..
خالد(بضحك):الاسم حلو لكن الشكل مقرف..
صابر:يا شيخ اتلهي اوف..
خالد(بضحك):لا بس ملاك ايه من ساعة ما اتجوزت و هي بقت منفضة لينا خالص..
صابر:دي سُنة الحياة...محمد بيه عامل ايه؟!
خالد:روحت و اطمنت عليه و قال هيشوف الاخبار علي التلفزيون...
صابر:طيب...
حور:هاي يا خالد...
خالد:هاي يا حور..
حور:اومال فين ملاك؟!
خالد:لسة مجتش..
حور:ليه بقي؟!و لا تكون خايفة لاني انا اللي هكسب..
خالد:لا ملاك مبتخافش...و الخسارة بتحولها ل مكسب و هتشوفي...و بلاش تكوني واثقة اوي كدة..
خالد:علشان المرة اللي فاتت قولتي نفس الكلام بس ملاك هي اللي كسبت..
حور(بغضب):انا اللي هكسب المرة دي..
خالد:طيب..
صابر:امشي يا حور بعيد عننا بقي..
"حور كانت لابسة فستان احمر ضيق علي جسمها و مفتوح من الجمبين و لبست صندل بكعب احمر و حطت مكياج روچ باللون الاحمر و كحل و بودرة..و سيبت شعرها الاصفر علي ضهرها و كتفها"..
عدي(بحدة):بطل لعب يا جاسر..
جاسر:هو انا عملت حاجة؟!!
عدي:امشي يا جاسر غور من وشي..
جاسر:خلاص يا عم اسفين..
عدي:عيل رزل..
جاسر:هو مين بس اللي عزمك؟!
عدي:رجال الاعمال كلهم معزومين و متنساش احنا بنشتغل في ايه؟!يعتبر ده جزء من مجالانا..
جاسر:مجالك انت يا عدي انا معيد في جامعة..
عدي:طيب متشكر...لما اموت هتبيع الشركات يعني و الله اقتلك قبل ما تفكر..
جاسر:بعد الشر يا ابني...بس سؤال؟!
عدي:خير اتفضل..
جاسر:انت هتكون مُت هتعرف منين اني بعتهم..
جاسر:لا اهدي اهدي متتهورش..
عدي بصله بغضب و كان بيبص علي الترابيزة بعصبية يدور علي اي حاجة يضرب جاسر بيها..
خالد:اهو جاك و حراسه..
صابر:اه باين عليه قوي بس جبان..
خالد:ازاي؟
صابر:يبان انه قوي بس جبان لانه داخل حتي بالحراسة بتاعته ما في حراسة هنا..
خالد:طب عن اذنك لحظة..
خالد راح ل جاك..
خالد:اهلا مستر جاك نور مصر..
ملحوظة:-"جاك بيتكلم عربي كويس"..
جاك:شكرا يا خالد..
خالد:كويس انك لسة فاكرني..
جاك:دي مش حاجة تتنسي يا خالد..
جاك:فين مديرتك؟!
خالد:اه ملاك لسة في الطريق..
جاك:اسمها ملاك..
خالد:اه و لما تتعامل معاها هتحس براحة هي غير كل البنات اللي انت اشتغلت معاهم..
جاك:هنشوف..
جاك:اول مرة اشتغل معاها بس نجرب..
خالد:اتفضل..
_عند ملاك..
ملاك خرجت بره القصر لقت سيف واقف"كان لابس بدلة باللون الاسود و قميص اسود فتح اول زرارين و جذمة سوداء و لبس ساعته و حط البرفيوم الخاص بيه"
سيف اول ما لمح ملاك اتصدم جدا لما شافها و فضل مصدوم شوية مركز معاها و بس..
"ملاك كانت لابسة فستان باللون الكحلي طويل ضيق من فوق بحمالة علي الكتف و من عند منطقة البطن شفاف و فيه خرز بسيط جدا و نازل بوسع بس مش اوي بس تقيل شوية و ضهرها باين لانه من قدام و الضهر علامة سبعة بسيطة...و حطت مكياج بسيط روچ باللون النبيتي و كحل يبرز عينيها و خدودها حمراء لوحدها..و عملت شعرها علي شكل ضفيرة علي ورا بشكل جميل و منزله كام خصلة علي وشها..و لبست اكسسورات بسيط حلق بيلمع شيك و انسيال بسيط جدا...و لبست صندل بكعب اسود"..
ملاك(بصوت عالي):سيف..
سيف(بخضة):ها؟!!
سيف:في ايه بتزعقي ليه؟!
ملاك:بناديك من الصبح يا ابني..
سيف:بطلي اوڤر...
-سيف فتح باب العربية ل ملاك و ملاك ركبت و جمبها سيف و السواق قدام و حواليهم حراسة من كل الاتجاهات..
-و بعد فترة وصلوا للقاعة و سيف نزل و ملاك نزلت من نفس اتجاهه و كان سيف مد ايده ل ملاك و ملاك مسكت في ايده و بدأت الكاميرات تعمل شغلها و ملاك و سيف دخلوا القاعة اول ما ملاك دخلت الكل قعد يصقف..
سيف(بهمس):مكنتش اعرف انه ليكي جمهور كدة..
ملاك(بفخر و همس):طبعا يا ابني انا اي حد و لا ايه...
سيف(بهمس):طب اخرسي...
الصحفيين عملوا هجوم علي سيف و ملاك لدرجة ان سيف حضن ملاك خوف عليها...
سيف(بهمس):دول لو رايحيين البوفيه مش هيعملوا كدة..
ملاك غصب عنها ضحكت و بصت ل سيف..
صحفي:احم سيف بيه و ملاك هانم صدفة غريبة..
سيف:اشمعنا يعني؟!
صحفية:ايه علاقتك ب المحامي الكبير سيف بيه يا ملاك هانم؟!
ملاك سكتت معرفتش ترد بس اتصدمت لما لقت سيف بيتكلم..
سيف:مجرد اصدقاء حميمين..عن اذنكوا...
سيف مسك ايد ملاك و راح ل ترابيزة لوحدهم..
ملاك(بحدة):سيب ايدي...
سيف:اسف..
خالد:مساء الخير ايه الجمال ده كله يا قمر؟!
ملاك:انت وسيم يا خالد انت كمان...اخبارك ايه؟!
خالد:محبوس في ام الشغل..
خالد:تعالي سلمي علي جاك..
ملاك(بغرور):من امتي و انا اللي بروح بسلم علي الاشخاص دي..
خالد(بضحك):مسخرة...لما جاك ده جه حور مسابتش دراعه..
ملاك:مدلوقة..
عدي:ناس كدة مش بتعبرنا قولت اجي..
سيف(بفرحة):عدي...عاش من شافك..
سيف حضن عدي و عدي حضن و طبطب علي ضهره..
عدي:اقدملك جاسر اخويا..
سيف:اهلا يا جاسر..
جاسر:اهلا يا سيف بيه..
جاسر:تشرفت بمعرفتك يا ملاك هانم..
ملاك:شرف ليا..
عدي(بهمس):اومال فين سيدرا؟!
سيف:هنتكلم بعدين..
عدي:اخيرا يا ابني شوفتك..
سيف:اعمل ايه الشغل خدنا من بعض..
عدي:ما قولتلك تعالي اشتغل معايا..
سيف:و الله طب ركز و اشرب عصير..
عدي:طيب طيب..
جاك:ملاك هانم..
ملاك:افندم!
جاك:اكيد عارفاني..
ملاك:لا و الله محصليش الشرف..
جاك:انا جاك اشهر مصمم في العالم كله..
ملاك:اه اهلا تشرفت بحضرتك..
جاك سلم علي ملاك و رفع ايديها و باسها تحت انظار سيف و الباقي..
ملاك:ميرسي..
جاك:كلموني كتير عن جمالك بس مكنتش اتوقع انك هتطلعي احلي كمان..
ملاك:شكرا علي المجاملة..
جاك:لا بالعكس انتي جميلة جدا..
_
رزق:خلي بالك يا ملاك..
ملاك:طيب...
سيف:قصدك ايه؟!
ملاك:مفيش..
رزق:اصل جاك بتاع ستات..
_
سيف سحب ايد ملاك من ايد جاك و سلم عليه و ضغط علي ايده بقوة..
سيف:المحامي سيف الدين فؤاد رضوان ممكن تكون سمعت عنه و لو مسمعتش انصحك تسمع لانك هتندم اوي...
سيف:اتفضل علي ترابيزتك..
خالد:احم مستر جاك تعالي معايا..
-جاك بص بغضب ل سيف و سيف كان بيبص ليه ببرود و حاوط خصر ملاك و قربها منه...
جاك:تعالي يا خالد..
ملاك(بحدة):ايه اللي انت عملته ده؟!.
سيف:اومال عايزاني اسيبك مع راجل بتاع ستات..
ملاك(بحدة):انا عارفة حدودي كويس و عارفة اتعامل مع الاشكال الزبالة دي ازاي و كمان كل اللي بينا هيبقي شغل..
سيف(بعصبية):ما واضح اوي بامارة انك كنتي بتكلميه عادي...و كمان شغل مع الراجل ده مفيش..
ملاك(بحدة):انت مين علشان تقول كدة انت صاحبي و بس و العلاقة دي ممكن تتقطع بسهولة..
ملاك(بسخرية):يا سيف بيه يا صاحبي..
ملاك مسكت فستانها و راحت ل ترابيزة صابر و وقفت عليها...
عدي:في ايه؟!
سيف حكي بالمختصر القصة كلها..
عدي:طب ما ليها حق تضايق تبقي مراتك و تقول عليها صاحبتي..
سيف:اهو اللي طلع قدامي و كمان كلها كام شهر و نتطلق...
جاسر:احم اعذروني عن اذنكوا..
_عند ملاك..
ملاك(بعصبية):الحقير..
صابر:خلاص يا بنتي الناس هتبدأ تلاحظ..
جاسر:Prinsess malak..
ملاك:اهلا استاذ جاسر..
جاسر:مش محتاجة تتعصبي الجمال ده كله و يتعصب..
ملاك:لولا انه باين انك طيب كان زماني مسكت اي حاجة و ضربتك بيها..
جاسر(بضحك):متشكر يا ستي..
جاسر:انا جاسر معيد في الجامعة..اخو صاحب سيف..
ملاك:اهلا تشرفت بيك..انا ملاك..
جاسر:كنت بشوف صورك كتير...بتطلعي دايما بإطلالة جذابة..
ملاك:الفضل كله يرجع ل مستر صابر و فريق العمل..
جاسر:و انتي..لانه لولا وجودك لولا وجودهم..
ملاك:غلبتني بالكلام..
جاسر:مبحبش اتكلم عن نفسي كتير..
ملاك(بضحك):مغرور..
جاسر:اوي..
جاك:ملاك هانم تسمحيلي بالرقصة دي؟!
-سيف بص علي ملاك و اتعصب و اتعصب اكتر لما ملاك قبلت و بدأوا يرقصوا...
رزق:تيجي يا حبيبتي؟!
نور:ماشي.
رزق و نور راحوا و بدأوا يرقصوا..
بنت:سيف بيه تسمحلي؟!
سيف:اكيد..اسمك ايه؟!
بنت:تالا..
سيف:اتفضلي..
سيف و تالا راحوا يرقصوا..حور راحت ل عدي..
حور:عدي بيه تسمحلي؟!
عدي:اتفضلي..
و التمانية بدأوا يرقصوا مع بعض..و بدأوا يبدلوا البنات....
_ملاك رقصت مع رزق و حور مع سيف و تالا مع جاك و نور مع عدي...
و بدلوا البنات تاني...
_ملاك مع عدي و تالا مع رزق و حور مع جاك و نور مع سيف..
عدي:ليكي حق تزعلي بس..
ملاك:بس؟!
عدي:متكبريهاش..
ملاك:نفسي اعرف انتوا ليه يا رجالة مش بتحترموا عقليتنا و تفكيرنا...اوف..
بدلوا البنات تاني..
_سيف مع ملاك...حور مع جاك..تالا مع عدي..رزق مع نور..
سيف:فكي وشك..
ملاك:فكاه ملكش دعوة..
سيف:و الله ايه اللي مضايقك يعني علشان تزعلي كدة..
ملاك:انت مش مهتم يبقي مش هتعرف..
سيف:و الله؟!
ملاك:ايوه..
سيف قرب ملاك منه اوي و الكل بدل البنت اللي معاه الا سيف فضل ماسك في ملاك...
سيف:خلاص يا ستي انا اسف حلو كدة...لكن ده ميمنعش اني هعاقبك علي غلطة امبارح..
ملاك:بتدور علي اي حاجة علشان تعاقبني..
سيف:لا انتي غلطتي امبارح و انتي معترفة..
ملاك:انت اللي حاطط كحول في عربيتك..
سيف:ملكيش دعوة انا راجل..
ملاك:هه و ملكش دعوة انا ست..
سيف:طبب هنشوف الراجل و الست في البيت يا ملاك...الصبر جميل لاني جبت اخري منك..
اعلنوا عن انتهاء الرقصة و كل واحد رجع لترابيزته...و بعدها عرضوا مشروع شركة محمد و مشروع الشركة اللي حور بتشتغل فيها و بعد فترة وصلت النتائج..
سيف:شايفك واثقة..
ملاك(بسخرية):علشان انا وثيق من الفوز..
خالد(بضحك):وثيق من الفوز وثيق من الفوز..
المعلن:الشركة اللي ربحت السنة دي شركة محمد الشرقاوي و اللي بتمثلها ملاك سالم محمد الشرقاوي..
ملاك بصت ل سيف بانتصار و سيف كان مندهش نوعا ما..
ملاك راحت و استلمت الجائزة و ودوها المايك..
ملاك:مبدأيا احب اشكر فريق العمل كنا بنصور في ظروف صعبة و بنتحمل و كلنا بنشيل بعض و كل فرد من افراد الشركة بعتبره شارك في الجائزة دي...و احب اشكر جدي اللي مهما حصل هيفضل قدوتي اينعم هو مش موجود لاسباب مرضية بس متأكدة انه فخور بيا و بنجحاتي و بشكر خالد اللي بيمشي الشركة في غياب جدو و مدير اعمالي و شكر خاص ل صابر بيه حقيقي بشكره تعب معانا جدا...
ملاك:بشكر كل اللي حضروا الحفلة..شكرا..
ملاك نزلت و راحت ل ترابيزة سيف اتصدمت لما باسها علي خدها..
و قعدوا يباركوا ل بعض و رزق و حور و جاك كانوا متعصبين...
خالد:اشوفك في التصوير..
ملاك:طيب..
خالد حضن ملاك و ملاك باست خده..
عدي:نبقي نتكلم بقي و هبقي اعزمك انت و المدام..
عدي:يلا باي..
عدي سلم علي سيف و حضنه و سلم علي ملاك..
جاسر:باي يا prinsess..
ملاك(بابتسامة):باي..
رزق:مبروك يا ملاك..
ملاك:شكرا..
رزق:هتروح يا سيف؟!
سيف:اه بس مش دلوقتي..
نور:كنتي رائعة يا ملاك..
ملاك:شكرا..
سيف:تعالي..
سيف خد ملاك و ركبها العربية و راح ل مطعم شيك..
سيف:انزلي..
ملاك:ده اعتبره ايه؟!
سيف:بمناسبة فوزك...يلا..
سيف و ملاك دخلوا المطعم و طلبوا الاكل و بدأوا يأكلوا و يتكلموا...
***********************************
-في مكان تاني...
_عند مريم..
مريم كانت مرمية علي الارض فاقدة الوعي بدأت تفوق و بتبص حواليها لقت مكان ضلمة..
مريم(بدموع):يا رب...
مريم(بصوت عالي):في حد هنا؟!حد سامعني..
مريم قعدت تعيط و كانت خايفة لقت حد بيفتح الباب و بيدخل..
شخص:هي دي؟!
شخص2:اه يا بيه..
الشخص قرب من مريم و نزل ل مستواها و مريم كانت خايفة و كان لابس قناع..
الشخص:انتي بقي مرات سيف الدين؟!
مريم(بدموع):لا..
الشخص(بحدة):بتقول ايه دي يا مؤمن..
مؤمن:ازاي يا بيه هي كانت موجودة و خدناها..
الشخص(بزعيق):متأكدتوش ليه غلطتك دي هتموتنا كلنا..
مريم(بدموع):عايزين مني ايه؟!
الشخص:انتي اسمك ايه؟!.
مريم(بدموع):مريم..
الشخص:انتي مين؟!.
مريم(بدموع):بشتغل في مكتب سيف بيه..
الشخص:مرات سيف اسمها ايه؟!.
مريم(بدموع):في اتنين..
الشخص(بغضب):شوفت غلطتك عملت ايه يا حيوان انت؟!
مؤمن:اسف يا بيه هصلح غلطتي بوعدك..
الشخص(بغضب):بكرة البت دي تكون ميتة فاهمة..
مؤمن:حاضر يا بيه...
الشخص(بغضب):حسابي معاك بعدين..
مريم(بعياط):ارجوك مش عايزة اموت ارجوك معملتش حاجة..
خرجوا و سابوا مريم لوحدها بتعيط..
_عند عمر..
عمر عمل كل اتصالاته و دور علي مريم كتير لكن معرفش يوصلها و زياد كمان مختفي عمر كان مخنوق و رجع علي بيته...
***********************************
-في مكان تاني...
_عند سيف..
سيف:خدي..
ملاك:ايه ده؟!.
سيف:هدية بمناسبة الفوز..
ملاك(بفرحة):شكرا جدو كان دايما بيجبلي هدية لما نكسب...شكرا..
-سيف فتح العلبة ظهر عقد شيك اوي و غالي..سيف مسك العقد و قام قرب من ملاك و لبسه ليها و ملاك كانت مبسوطة اوي..
ملاك:شكرا يا سيف..
سيف رجع مكانه و مسك ايد ملاك باس باطن كفها ببطء ملاك اتوترت و خجلت..
ملاك:شكرا..
سيف:يلا بينا..
ملاك:طيب..
سيف و ملاك ركبوا العربية و راحوا للقصر..
حارس:سيف بيه..
سيف:ايه؟!
حارس:اتفضل لحظة معايا..
سيف:طيب..ملاك روحي جايلك..
ملاك:طيب..
ملاك دخلت القصر و كانت هتطلع لقت حد ماشي دايخ و مش متوازن قربت منه و سندته و كانت الدنيا ضلمة...
ملاك:انت كويس؟!.
معتز(بسُكر):اه اه...
معتز:انتي جميلة..
ملاك بصت باندهاش ل معتز..
ملاك:احم انت مين؟!
معتز:انتي اللي مين؟!حورية..
معتز قرب من ملاك و سحبها ليه و كان بيقرب منها..
ملاك(بصوت عالي):سيف....
ملاك زقت معتز بعيد عنها و جريت بعيد بس معتز جري وراها و مسكها من شعرها و قربها منه...ملاك ضربته في كتفه..
سيف(بغضب):معتز..
سيف قرب من معتز ضربه بوكس وقعه علي الارض..ملاك كانت واقفة في ضهر سيف...سيف راح شغل النور و جاب ماية حدفها علي معتز...
سيف(بغضب):فوق يا معتز..
ملاك(بخوف):مين ده؟!
سيف:ابن عمي..
-سيف اتخض لما لقي جسم ملاك بيقع علي الارض قرب منها و كان بيبص عليها و علي معتز و فجأة لقي ملاك بتنزل دم من انفها...

_السؤال:يا تري هيحصل ايه؟!خمنوا🌚💜..
***********************************
يتبع:::😍💜..
بحبكوا😍💜..
رأيكوا يهمني😍💜..