Kiss or Slap

M

____________________Chapter M

Sa huli ay naging konserbatibo pa rin ako sa pinili kong susuotin, or at least my outfit is a bit on the modest side kumpara sa mga kasama namin. Si Jandra ay nakabalandra ang katawan sa kanyang black bikini top at tinabunan niya ng sarong ang kanyang bikini bottom, mayroon namang nagshorts at biki top, some just wore their bikini tops and bottoms as it is.

Ako ay nakasuot lamang ng crop top and sarong. Sabi ni Jandra sa akin, mas maganda raw ang balakang ko kaya dapat ay hindi na raw dapat ako nagsarong pa.

"Hi, Isha!" Bati ng isang varsity sa akin na naka-topless na.

I smiled awkwardly. Tumagos naman ang tingin ko sa kanya noong makita si Kyle sa likuran niya, kinawayan niya ako at nginitian. Gaya ng iba, wala na rin itong damit pang-itaas.

"Hi, Isha!" Kyle said.

Lumingon ako sa dagat nang makarinig ng tilihan. May mga babae sa gilid na nagtitilihan habang umaandar palapit iyong speedboat kung saan nakasakay sina Yeji, Duval, at Mecho. Namangha pa ako nang mamataang si Mecho ang nagmamaneho noon. While Yeji and Duval were just waving their hands.

"Ang pogi ni Mecho, ano?"

Kanina ko pa nga naririnig na pinupuri nila si Yeji at Duval. Nagpantig lang ang tainga ko nang marinig na pinuri nila si Mecho.

"Oo! Ang hot pa!"

I rolled my eyes. Kyle glanced at me, si Jandra ay nagpaalam sa akin upang subukang mag-surfing kasama iyong iba pang cheerleaders. Iniwan niya rin sa akin iyong Polaroid camera niya.

"Gusto mong mag-jetski?" Tanong ni Kyle.

Humalukipkip ako at nanatiling nakatingin sa gawi nila Mecho.

"Ayaw ko pang mabasa, eh." Pagdadahilan ko.

"Are you feeling alright?" Humalakhak siya't humalukipkip. His biceps showed upon flexing his arms. "Mukhang wala ka sa mood."

"Baka nilalamig?" Hilaw akong ngumiti. Isa iyong walang kwentang dahilan dahil kahit nakasuot ng sunblock ay napapasa pa rin ako sa init.

"May sun loungers doon, oh. Kung gusto mo, roon ka muna," Kyle smiled and patted me on the head like a little kid. "Magje-jetski lang ako."

"Sure."

Kaysa naman tumunganga ako rito ay sinunod ko na lamang iyong sinabi ni Kyle. Naupo ako sa sun lounger at inabala ang sarili sa pagkuha ng mga litrato. Ngumuso na lamang ako nang makitang paahon na sila Mecho at bumaba sa speedboat. Yeji was laughing at nakipaghype five sa kanya. Si Duval naman ay kumaway sa iilang babaeng tumawag sa kanya.

Napatingin si Mecho sa gawi ko. Walang nag-iwas ng tingin sa aming dalawa. Ngunit una akong napaiwas nang may biglang lumapit sa aking lalaki. Hindi namin kasama at hindi rin pamilyar.

"Hi. I'm Ausell." He smiled shamelessly said at me. Inabot niya iyong kamay niya. "What's your name?"

Lumipat ang tingin ko kay Mecho at nakitang may kumakausap na rin sa kanyang babae. Naglaho ang ngiti ko at ibinalik ang atensyon sa lalaki.

"Isha." Tinanggap ko iyong kamay niya.

He is also tall, I think he's taller than Mecho for a few centimeters. Malakas din ang dating niya, pero mukhang pilyo ito at mapang-asar na tipo.

"Hi, Isha. You are sitting on my sun lounger," tumawa si Ausell.

Para naman akong natauhan sa sinabi niya at napatayo bigla.

"Hala! Sorry!"

"No, okay lang. Pwede namang tayong dalawa riyan?" Humagalpak siya ng tawa bigla.