Kiss or Slap

Ng

___________________Chapter Ng

Sinabunutan agad ako ni Jandra pagkarating nila. Gamit nila iyong sasakyan nila Duval at sabay-sabay na silang nagsidatingan. May dala pa silang mga pagkain na binili sa department store.

"Aray!" Napatawa ako.

"Malandi kayong dalawa! What are you both up to, huh?" Malisyosa niyang sinabi.

"May griller ba kayo?" Tanong ni Yeji at itinaas iyong dala niyang paper bag. "I'm gonna grill Korean barbeque. May dala ako bulgogi tas daegi bulgogi."

"Meron sa labas, pero lilinisan pa 'yon." Nagturo pa ako ng direksyon.

Ngumisi si Duval at inakbayan si Mecho na ngayon ay nakaupo sa sandalan ng sofa. He looked grumpy as usual.

"Nandito naman si Mecho para tumulong maglinis!" Aniya.

"Sakto! Hindi pa ako nagdi-dinner. Kayo ba?" Si Jandra.

Mecho rolled his eyes. Inilabas niya ang kanyang cellphone. Nagkatinginan kami nila Yeji.

"Ano'ng gagawin mo?" I voiced out.

"Tatawagan 'yung kasambahay namin para palinisan 'yung griller."

Humagalpak ng tawa si Yeji at Duval. Nilapitan naman siya ni Jandra at inagaw ang cellphone.

"You're so grumpy! Hindi ka papasa kay Tito Anton niyan!" Umirap siya't ibinato kay Yeji ang cellphone ni Mecho.

Nalaglag ang panga ko. Mabuti na lang at walang kahirap-hirap na nasalo ni Yeji iyon!

"Shut your girl up, Encinas." Umirap si Mecho kay Yeji.

Pinagkibit balikat ni Yeji iyon at sinundan si Duval sa aming kusina.

"Linisan mo na 'yung griller sa labas!" Utos ni Jandra.

Kumurba ang labi ko dahil sa hitsura nila. It was like, a mom is nagging on her son. Ang cute. Nabaling na lamang ang atensyon ko nang tawagin ako nila Yeji sa kusina. Iniwan ko muna si Jandra at Mecho roon sa sala at dinaluhan sila Yeji.

"We bought popcorns pero hindi ako marunong nito," problemadong sinabi ni Yeji.

"Si Jandra, magaling." Ngumisi ako.

Bumalik ako sa sala at naabutang sinasabunutan na ni Jandra si Mecho. Napatawa ako bago siya tinawag.

"Iluto mo raw 'yung popcorn," I said.

"Hindi ba sila marunong?" Jandra asked, furrowing her brows habang papalapit sa akin.

Tumagos ang tingin ko at napunta kay Mecho na gulo-gulo ang buhok. Nakabusangot na siya ngayon at nakahalukipkip.

"Sabi niya. Marunong ka 'di ba?" Ngumisi ako at bumaling kay Jandra.

"Leave it to me," she flipped her hair.

"Mecho," tawag ko sa kanya. Humalukipkip ako at humilig sa hamba ng daanan papunta sa kusina. Liningon niya ako nang nakanguso at nakasalubong ang dalawang makakapal na kilay. "Iyong grill. Linisin mo na."

"Utusan mo si Duval."

"May ginagawa siya," paliwanag ko.

"Ayaw ko."

"Ang tamad mo." Binatuan ko siya ng masamang tingin.

Nang bumalik ako sa kusina ay nagtatawanan na ang tatlo dahil nagtatalsikan ang mga popcorn sa sahig! Parang fireworks iyong na pumuputok sa kawali tapos lumilipad sa ere. Ito naman si Jandra. Imbes na magpanic ay talagang vinideohan pa ang nangyayari!