احببتك دون أن اراكى

الحلقة الاولى

الحلقة الاولى
نتعرف على الاشخاص
البطلة سمراء بنت فى 24 من عمرها تتمتع بعيون عسليه وبشرة خمرية وقوام ممشوق( ممكن نقول منيكان) يغطيه لبسها الطويل والواسع نسبين وحجابها الذى يضيف اليها جمال فوق جمالها تعمل سمراء فى شركة الشرقاوى للسياحه منذ 4 سنوات هى خريجة كلية سياحة قسم ارشاد سياحى ومعها كرس كومبيوتر

البطل سيف الشرقاوى وهو ابن صاحب الشركة وهو مقيم حاليآ فى امريكا منذ 5سنوات تقريبآ وشكله وسيم جدآ عيونه خضراء بلون الزرع وشعره بنى مصفر وجسمه رياضى جدا ( ممكن نقول اجنبى هو شبه مامته)
باقى الاشخاص هنعرفهم فى الأحداث

فى شركة الشرقاوى تعمل سمراء على مكتبها تنفذ مشروع لاحد الافواج السياحية التى ستاتى الى القاهرة فى اقرب وقت للاستمتاع بالوقت فى القرى السياحية فى شرم والساحل وغيرهم من المناطق الخلابة فى مصر والاستمتاع بجوها الجميل

وهى مهتمه باحد غير عملها فقط يثق بها السيد محمود الشرقاوى وهو صاحب الشركة وهو والد سيف
تعمل سمراء بكل جهد وهذا الذى اوصلها الى هذة الثقة والمكانة فى العمل فهى الكل فى الكل كما يقولون عنها يوجد من يحبها لجهدها. ولجمالها البسيط ايضآ كما يوجد من يغير منها ليس لجمالها البسيط وانما ايضآ لجهدها وثقة البعض فيها

تدخل فتاة جميلة على سمراء بعد ان استاذنت(هى صديقة سمراء الوحيدة فى الشركة ل سمراء وسكرتتها الخاصة وكاتمة اسرارها وزميلة الدراسة ايضآ)

.........:- صباح الخير يا سمورة
سمراء:-صباح الفل يا نهود
ناهد:- فى مشكلة
سمراء:- خير ان شاء الله
ناهد:- الفوج اللى جاى من فرنسا بعت اميل بيطلب يقدم موعد الزيارة الاسبوع دا بدل من الاسبوع الجاى
سمراء:- وايه المشكلة فى كدا
ناهد:- عندنا فى نفس الوقت افواج تانية مين هيكون معاهم فى الارشاد
سمراء:- مافيش مشكلة انا هحلها انتى حددى معاهم المعاد وانا هرتب كل حاجه متشغليش بالك انتى............فى حاجه تانية
ناهد:- محمود بيه فى مكتبه وكان عايزك ضرورى
سمراء:- ولسه فاكرة تقولى دلوقتى روحى انتى مكتبك وانا هروحله

وبعد شويه فى مكتب محمود الشرقاوى بعد سمراء ما استاذنت بالدخول
سمراء:- السلام عليكم ورحمه الله
محمود:- وعليكم السلام ورحمه الله وبركاته
سمراء:- حضرتك طلبتنى يا محمود بيه
محمود:- ايو ياسمراء كنت عايز منك طلب
سمراء:- تحت امر حضرتك
محمود:- الامر لله يا بنتى انتى عارفة ان سميحة بتحبك وهى طالبة انك تروحى عندها النهاردة ايه رايك
سمراء:- يافندم انا تحت امرها سميحة هانم دى حبيبتى
محمود:- خلاص كلميها وشوفى هتروحى عندها امته
سمراء:- خلاص حضرتك ولا يهمك هخلص الموعيد اللى عندى واروح لها
محمود:- ماشى روحى انتى شوفى اللى وراكى
        ≈≈≈≈≈≈≈≈≈≈≈≈≈≈≈≈≈≈
فى فيلا الشرقاوى
سميحة فى الفون:- خلاص ماشى انا فى انتظارك ما تتأخريش عليا انتى وحشانى اوى
سمراء:- انتى اكتر خلاص مش هتاخر مسافت السكة وهكون عند حضرتك
سميحة:- وانا مستنياكى مع السلامه
سمراء:- مع السلامه
( تعريف سميحة هى السيدة الاولى فى منزل الشرقاوى وهى والدت سيف وهى سيدة فى العقد الخامس من عمرها وهى لا تستطيع المشى بسبب حادث حصل لها منذ سنتين وهى تعمل على العلاج الطبيعى لكى تستطيع المشى مرة اخرة)
سميحة بعد ان اغلقت الهاتف
سميحة:- ليلى يا ليلى
تاتى سيدة فى نصف العقد الرابع من عمرها وهى خادمة سميحة وكاتمت اسرارها😉😉

ليلى:- نعم يا هانم تحت امر حضرتك
سميحة:- جبتى كل حاجه قولتلك عليها علشان سمراء جايه
ليلى بفرح:- كل حاجه جهزة حضرتك زى ما امرتى
سميحة:- خلاص روحى ابدائى على ما تكون جات
ليلى: حاضر يا هانم
                وتذهب ليلى لتفعل ما امرت بيه
      -------------------------------------------
فى مكان تانى
فى شقة فى احد الاحياء الراقية فى القاهرة
روايه:- لوچى تعالى هنا علشان مش ازعل منك
لوچى:- مامى انا مش عايزة اكله انا عايزة سمراء
روايه:- قولت قبل كدا اسمها طنط سمراء
لوچى:- هى مش بتحب اقول لها طنط
هى بتقول قولى سمراء بس مش قولى طنط
راويه:- ماشى يا حبيبتى تعالى خلصى اكل علشان سمراء مش تزعل منك
لوچى:- حاضر يا مامى
راويه:- يلا يا لمضه
( تعريف راويه هى زوجت عاصم ابن عم سمراء وهى تسكن فى الشقة التى بجوار شقة اهل سمراء التى تسكن بها سمراء بعد وفات والديها فى حادث منذ 10 سنوات واخوها الوحيد فى بعثه للخارج منذ 3سنوات
راويه تحب سمراء جدآ وتعتبرها مثل اختها الصغيرة راويه وهى تبلغ من العمر 27 سنة وهى صديقتها التانيه بعد ناهد راويه تعمل فى البيت على تجهيز الاطعمة بالطلب وتوصلها الى المنازل ومعها مساعدين
ولديها ابنه واحدة وهى لوچى تبلغ من العمر 5سنوات
عاصم البحيرى ابن عم سمراء واخوها فى الرضاعة حيث بعد وافت امه ارضعته زوجت عمه مع سامر اخو سمراء فهو اصغر من سامر بكام شهر وهو مهندس معمارى وله شركة صغيرة خاصه بيه)
         -------------------------------------------
نكمل الحلقة التانية يارب الحلقة تعجبكم وقولوا ايه رايكم اكمل ولا ايه