احببتك دون أن اراكى

التاسعة

احببتك دون ان اراكى:-بقلم #كوثرمحمد
...............................
الحلقة التاسعة:-
فى شقة عاصم
....................
عاصم:- السلام عليكم يا اهل الدار
راويه:- وعليكم السلام ورحمه الله وبركاته.......حمدالله على السلامة يا حبيبى
عاصم:- يقبلها فى وجنتها الله يسلمك يا حبيبتى......هو سامر صحى ولا لسه
راويه:- لا يا حبيبى لسه نايم سيبه برحته
عاصم:- اوك وسمراء فينها لسه مارجعتش
راويه:- لسه راجعة من شوية بتغير وجاية علشان نخلص
عاصم:- انا عايز سامر يتهبل من الاكل النهاردة
راويه:- اكيد يا حبيبى هيتجنن كمان
عاصم:- مش عايزة اعمل معاكى حاجه
راويه:-ههههههه شكرآ يا حبيبى خيرك سابق
عاصم:- لا بجد لو عايزة حاجه قولى
راويه ؛- عيزاك تروح ترتاح شوية على ما نخلص اليوم لسه طويل
                         وتدخل سمراء
سمراء:- انا جيييييت
عاصم:- اهلآ لمضه هانم
سمراء:- كدا يا عصومى ماشى الله يسمحك
عاصم:- يشدها من خدها ايه يابت الادب دا انا مش واخد على كدا ولا علشان سامر رجع بقا وكدا
سمراء:- ليه يعنى هو انت ايه وهو ايه انتوا الاتنين اخواتى
عاصم:- اه يا بكاشة ماشى هسيبك علشان خاطر سامر بس
راويه:- روح بقا يا عاصم خلينا نخلص اللى ورانا
عاصم:- حاضر انا ماشى اهو بس مافيش تصبيرة كدا ولا ايه
راويه:- لا مافيش اعتبر نفسك لسه فى المكتب
سمراء:- انا هدخل اشوف ايه الاخبار فى المطبخ
راويه:- خدينى معاكى
                       فى المطبخ
سمراء:-  ازيكم يا بنات ايه الاخبار
بنت1:- الحمدلله تمام انتى عاملة ايه
بنت2:- الحمدلله ازيك يا سمورة
بنت3:- كله تمام حمدالله على سلامة اخوكى
سمراء:- الله يسلمكم.......فين الاوردر بتاع مدام سميحة
بنت1:- اهو لسه هبداء فيه
سمراء:- هاتى انا هعمله وانتى اعملى معاهم
            وبداء الكل فى التجهيز ......وبعد وقت ليسه بقليل
بنت2:- كل حاجه خلصت
بنت1:- ودى الأوردرات الخارجية
بنت3:- وانا كمان خلصت
راويه:- طيب يلا غلفوا كل حاجه وابعتوها على عنوانها
سمراء:- انا كمان خلصت طلبات مدام سميحة وهتصل ب ليلى تبعت حد يأخدها علشان مافيش حد نبعته
راويه:- تمام وروحى صحى سامر اللى جاى من السفر علشان ينام هو ماكنش بينام هناك ولا ايه
سمراء:- باين عليه كدا
سامر:- لا يا ختى انتى وهى كنت بنام بس تعبت من الطيارة
كلهم اتخضوا
راويه :- حرام عليك يا سامر حضتنا
سامر:- لا والله اسم الله عليكى
سمراء:- ليه يا خويا كنت راكب قطر(قطار)
البنات ايه المز دا
سمراء:- الله الله  انتوا هتعاكسوا اخويا قدامى ولا ايه
راويه:- يلا كل واحدة على شغلها وانت يا سامر روح صحى عاصم و لوچى على ما نحضر السفرة
سمراء:- وانا هكلم ليلى على ما تخلصوا
              سمراء تكلم ليلى فى الفون
ليلى:- السلام عليكم ورحمه الله
سمراء:- وعليكم السلام ورحمه الله
ليلى:- عاملة ايه يا سمورة
سمراء:- الحمد لله انتى عاملة ايه يا لولو
ليلى:- الحمدلله بخير
سمراء:- ايه الاخبار
ليلى :- الاخبار عندك انتى فين الاكل
سمراء:- كل حاجه جاهزة ابعتى حد يجى ياخدها
ليلى:- ليه انتى مش جايه ولا ايه
سمراء:- لا طبعآ ما انا قولتلك انى هكون مع اخويا النهاردة
ليلى:- اه صحيح معلش نسيت
سمراء:- ولا يهمك ابعتى حد بسرعة يلا وطمنى مدام سميحة وقوليلها انى عاملة كل حاجه بنفسى
ليلى:- تمام يا قمر تسلم ايدك هبعتلك عم حسين السواق هو عارف بيتك هيجيلك عالطول
سمراء:- تمام بس خليه يرن عليا اول ما يوصل
ليلى:- ماشى يلا سلام
                     ليلى بعد ان اغلقت مع سمراء
     ..........................................
ليلى:- سمراء:- اتصلت وبتقول كل حاجه تمام وبتقول ان هى عاملة الاكل كله بنفسها
سميحة:- طيب كويس هى اللى هتجيبه ولا هتبعت مع حد
ليلى:- انا بعت عم حسين السواق يجيبه
سميحة:- طيب تمام اول ما يوصل جهزى السفرة عالطول
ليلى:- حاضر
سميحة:- واعملى حسابك ان منى ونرمين جاين على الغدا
ليلى:- تمام كله هيكون جاهز ان شاء الله فى المعاد
سميحة:- انتى بعتى حساب الاكل
ليلى :- اه بعته مع عم حسين
سميحة:- تمام يلا روحى
        وبعد وقت قليل وصلوا كل من منى ونرمين الى فيلا الشرقاوى وتم الترحيب بيهم