احببتك دون أن اراكى

23

احببتك دون ان اراكى( امبراطورية سين)
الجزء التانى:- بقلمى #كوثرمحمد
الحلقة الثالثة وعشرون(23)
......................................
فى المطار بعد ما تدخل منى وسميحة مع سيف وسمراء ومحمود
سيف:- يلا يا جماعة كله يجمع هنا عندى ...... ويبداء فى تعرفى منى وسميحة على اهل ناهد ........ منى وهى تراه ام ناهد لاول مرة
منى:- هو انتى اسمك ايه
نجوى:- اسمى نجوى
منى:- انتى متاكدة
نجوى:- بضحك ........ اه طبعآ هو انا هغلط فى اسمى
منى:- يعنى ملكيش اسم تانى
....... وهنا تتدخل سميحة
سميحة:- فى ايه يا منى ...... مالك
منى:- بصى كدا يا سميحة ..... مش شبه ماما الله يرحمها
سميحة:- يخلق من الشبه 40
منى:- لأ مش بالشكل دا ...... دا ولا انا ولا انتى اخدنا شكل ماما
سيف:- هو فى ايه بالظبط ...... مالك يا خالتوا ...... واذا كانت شبهها يعنى ايه المشكلة
منى:- اسكت انت مش عارف حاجة
....... وهنا يتدخل عم على
عم على:- لامواخذة يعنى ...... هو حضرتك يعنى
منى:- تقاطعه ........ لأ انا مش مجنونة ..... بس الحكاية اننا كان لينا اخت وضاعت وهى صغيرة
سيف:- ايه ...... ايه الكلام اللى انتى بتقوليه دا
منى:- ايو اسمع بس ..... ما تقولى حاجة يا سميحة
سميحة:- هقول ايه بس يا منى ....... دا موضوع فات عليه سنين كتير ....... ومش وقته خالص
سيف:- لأ بقا دا وقته وانا لازم افهم كل حاجه
ناهد:- وانا كمان عايزة افهم
محمود:- ومعاد الطيارة يروح علينا ....... لما نرجع ان شاء الله نبقا نتكلم
سيف:- لسه ساعتين على الرحلة ........ ممكن نقعد وتحكلنا كل حاجه ......... من طقطق لسلاموا عليكم
......... وتبداء منى تحكى هى وسميحة ....... وبعد ما انتهت
نجوى:- ببكاء ....... انا مش مصدقة ..... معقول بعد العمر دا كله الاقى اهلى
...... الكل بتعجب😮😮😮 ايه انتى اختهم
عم على:- ايو اختهم ....... من كلامهم .... ومن اللى انا اعرفه ....... يبقا هى اختهم
سيف:- وايه اللى انت تعرفه
عم على:- انا كنت شاب صغير لسه عندى حوالى 15 سنة ......... وفى يوم دخل علينا عمى مصطفى الله يرحمه ...... ومعه بنت صغيرة كان عندها حوالى اربع او خمس سنين ........ وكانت تايها من اهلها ...... ومكنتش عارفة حاجة غير ان اسمها سامية
ناهد:- امال ايه نجوى دا
عم على:- نجوى دا عمى هو اللى سماها بيه ........... وكتبها على اسمه ........ علشان هو مكنش بيخلف ........ وسمها نجوى على اسم مراته
سيف:- كمل يا عم على
عم على:- المهم عمى فضل يدور فترة كبيرة على اهلها .......... بس ما وصلش لحاجه خالص ........ لان كل اللى عرفه منها وقته اسمها بس ........ ومكنتش عارفة حاجة تانى خالص ........ وبعد ما عمى اخدها عنده ...... بعد فترة مراته تعبت وجالها فشل كلوى ........ وقتها مكنش فى اهتمام والعلاج بتاع اليومين دول ........ فامكملتش كتير وماتت
منى:- وبعدين كمل
عم على:- وبعدين هو جابها عندنا ..... تعيش معانا ...... وامى حبتها اوى لانها كانت عندها صبيان بس ....... وكان نفسها فى بنت بس كدا ....... وعاشت معانا
سيف:- ايه الفيلم العربى القديم دا
نجوى:- والله يا بنى هو دا كل اللى حصل ........... واللى حكتهولى حماتى الله يرحمها
ناهد:- ببكاء ........ طيب محدش حكالى ليه الحكاية دى
نجوى:- انا لما اتجوزت ابوكى ...... اتفقنا اننا مانجبش سيرة الحكاية دى خالص
منى:- وهى تحضن نجوى ببكاء ........ انا اول ماشفتك ..... كأنى شفت ماما الله يرحمها ..... تعبت اوى بسبب غيابك
نجوى:- الله يرحمها ....... هو احنا ملناش اخوات غيرنا
منى:- لأ انا وانتى وسميحة بس
نجوى:- وهى تنظر الى سميحة .......... هو انتى مش مصدقة
سميحة:- ها ....لأ طبعآ مصدقة ....... وتاخدها فى حضنها ........ انا اللى مخلينى مصدقة هى ناهد ........ من يوم ما شفتها وانا فى حاجة بتشدنى ليها ...... بس مكنتش عارفة ليه
محمود:- طيب الحمدلله انكم لقيتوا بعض ......... نكمل كلام فى الطيارة ....... علشان معاد الرحلة
سيف:- انا بقول كدا برضه ........ ولما ترجعوا بالسلامة ان شاء الله ........ هيبقا لينا كلام تانى
........ وبداء الجميع فى توديع بعضهم البعض ......... ورحلت الطائرة بيهم ........ وبعد ما رحلت الطائرة
سامر:- الواحد دماغه مش مستوعبة كل اللى حصل دا
سمراء:- بصراحة ولا انا ........ انت ايه رايك يا سيف
...... سيف فى دنيا تانية
سمراء:- وهى تهزه ......... سيف ...سييييف
سيف:- ها ...... بتقولى حاجة
سمراء:- لاااا دا انت مش هنا خالص
سيف:- يلا نمشى علشان انا تعبان
سامر:- يلا بيا علشان اللى انتوا فيه مش شوية
     ..............................................
....... ويذهبوا جميعآ الى ڤيلا الشرقاوى
........ وبعد ما وصلوا الڤيلا
سمراء:- انا هطلع اشوف الولاد ...... تعالى معايا يا ناهد
ناهد:- يلا احسن دماغى هتنفجر من التفكير
سيف:- ومين سمعك
سامر:- وانا كمان والله ....... انا عايز فنجان قهوة
سيف:- قوم اعمل لنفسك واعملى معاك
سامر:- ليه هو مافيش شغلين هنا
سيف:- لأ مافيش غير مربية الاولاد ....... ودى ملهاش دعوة بالمطبخ ....... وبعدين ما انت طول عمرك بتعملنا القهوة ولا نسيت
سامر:- وهو يقوم ....... خلاص يا عم ...... دا انت زنان
  ...................................................
.......... عند سمراء وناهد فى غرفة الاولاد
سمراء:- مالك يا بنتى ....... فيكى ايه
ناهد:- يعنى مش شايفة اللى حصل
سمراء:- ايه اللى حصل ........ واحدة كانت تايها من اهلها ....... وبكرم ربنا تلقيهم ....... هنعمل ايه فى امرالله
ناهد:- ونعم بالله ........ بس
سمراء:- تقاطعها ...... ما بسش ولا حاجه ......... ويلا ننزل نحضر اكل ...... احسن سامر يجوع ويفضحنا
ناهد:- بضحك ....... انتى هتقوليلى ما جربته .هههههههه
سمراء:- ايو كدا اضحكى ...... محدش واخد منها حاجة
......... وينزلوا سوا الى سيف وسامر ........ يجدوا سيف بيجرى ورا سامر
سمراء:- بضحك ........ انتوا بتعملوا ايه
سامر:- الحقيننننننى يا سمراء من المجنون دا
سيف:- انا اللى مجنون برضه
ناهد:- ايه لعب العيال دا ...... فى ايه حصل
ناهد وسمراء:- ما تفهموناااااا
سيف:- وهو يمسك بسامر ....... الله يخربتك قطعت نفسى
سامر:- هو انا قولتلك تجرى وراية
سمراء:- وهى تضع يداها فى وسطها ........ مش هنفهم احنا بقا
سيف:- المتخلف دا ....... بهدل المطبخ كله علشان يعمل فنجان قهوة ....... وفى الاخر يقولى ملقتش مكان السكر
سمراء:- وانت بقا بتجرى وراه علشان بهدل المطبخ
سيف:- لأ طبعآ ...... انا بجرى وراه علشان  معملش قهوة
سمراء وناهد:- 😮😮 ناااااااااعم علشان معملش قهوة بس
سامر:- بضحك ....... شفتوا بقا مين فينا المجنون
سمراء:- وهى تجلس وتضع رجل فوق الاخرة ......... بص بقا انت وهو ........ احنا كنا نزلين نعمل لكم اكل ....... وبما ان المطبخ بقا كدا ......... اتفضلوا انتوا الاتنين ....... نضافوا
سيف:- لأاااا انا مليش دعوة هو اللى بهدلوا
سامر:- وانا مالى انت اللى كنت عايز قهوة
سمراء:- انا قولت اخر كلام عندى ...... يا اما مافيش اكل
سامر:- لأ كله الا الاكل
سيف:- يابنى انت متخلف ...... ما نجيب دليفرلى
سامر:- اه صحيح
سمراء:- بقا كدا طيب👌انت وهو ليكم عقاب حلو اوى لو المطبخ ما اتعملش
سامر:- يعنى هتعملى ايه ...... هتضربنا
سمراء:- وهى تضحك ........ لأ يا حبيبى ......... مش هنكلمكم ولا تقرابوا منا لحد ما الجماعة يرجعوا ...... ولا هنعمل اكل خالص فى البيت ...... وشوف بقا هتعمل ايه انت وهو فى 10 ايام
سيف:- لالالالا ما فيناش من كدا ....... انا مقدرش على بعدك كل دا
سمراء:- دا اخر كلام عندى ......... يا المطبخ يا الحرمان
سامر:- مش مهم هبعد عنك 10 ايام .....مع انا معايا نهودى حبيبتى
ناهد:- لا يا حبيبى انا مع سمورتى حبيبتى
سامر:- بقا كدا طيب ....... اهئ اهئ
سيف:- انت هتعيط ولا ايه ........ انجر قدامى على الزفت ...... يا زفت
........وبعد ما دخلوا الى المطبخ
ناهد:- بضحك ...... يا نهارك ...... دا انتى طلعتى قوية قوى
سمراء:- يا حبيبتى انا عارفة نقطة ضعفهم وبلعب عليها
ناهد:- طيب هما هيعرفوا ينضفوا المطبخ
سمراء:- ايو الاتنين بيعرفوا ...... انتى ناسية انهم كانوا عايشين لوحدهم فى امريكا ......... وكمان كانوا بيخدموا نفسهم بنفسهم
ناهد:- طيب والاكل ....... هنعمل فى ايه
سمراء:- بضحك ....... الدليفرلى موجود
........ ويضحكوا الاتنين بصوت عالى
.......وبعد ما انتهوا سيف وسامر من المطبخ
سامر:- وهو يجلس بتعب ........ اتفضلى يا ختى انتى وهى اعملونا اكل
ناهد:- بتعب مصتنع ...... انا تعبانة ومش قادرة اقوم من مكانى
سمراء:- وانا كمان زيها
سامر:- يعنى ايه مافيش اكل
سيف:- لأ يا خويا فى دليفرلى
سامر:- انت واخد على كدا ولا ايه
سيف:- لأ طبعآ ..... بس سمعت حد بيقول الدليفرلى موجود ....... 😉ويغمز لسمراء
.......... الكل يضحك ويطلبوا الدليفرلى ......... وبعد وقت وهزار وضحك ......... وبعد ان يصل الطعام ...... وياكلوا مع الهزار والضحك ......... ينتهى اليوم بضحكه ......... وبعد ايام تنتهى العمرة ..... ويرجعوا المعتمرين ........ ومنى تطلب من نجوى انها تروح تعيش معاها فى ڤيلتها ......... لكن نجوى ترفض فى الاول ........ ومع الحاح منى واثرارها .......... توافق نجوى بعد ان عرفت ان الڤيلا فى الاصل ترجع لاهلها ........ وان منى كانت عايشة فيها بعد تنازل سميحة عن نصيبها ....... وانها الان اصبحت لها النصف فيها
........ وتمر الايام ........... وتطلب نجوى من سامر انهم يجوا يعيشوا معاهم ........ ولكن سامر يرفض
......... وبعد ايام اخرة تتصل نرمين ..... بمنى وتبلغها انها حامل ........ وتذهب الى سميحة لتبلغها
سميحة:- بفرحة ........ الف مبروك يا حبيبتى ...... هتبقى تيتة
منى:- بفرحة ....... الله يبارك فيكى يا ميحة ...... انتم السابقون
سميحة:- بضحك ....... ربنا يكملها على خير يارب
منى:- يارب ........ انا هسافر لها علشان اكون معاها ...... واهتم بيها وارعيها
سميحة:- وماله يا حبيبتى سافرى ........ بس هتقعدى معاها لحد ما تولد
منى:- اه طبعآ ....... ما انا ماينفعش اسيبها لوحدها ........ ما انتى عارفة نرمين مدلعة وهتتعب ماهر معاها
سميحة:- خلاص يا حبيبتى اللى يريحك اعمليه
منى:- خلاص خلى سيف يحجزلى تذكرة لدبى فى اسرع وقت
سميحة:- طيب ليه مستعجلة كدا
منى:- انا كدا كدا كنت عايزة اسافر من بدرى ......... بس العمرة ورجوع نجوى ...... دا اللى خلانى أأجل السفر
سميحة:- خلاص يا حبيبتى ...... هكلم سيف يحجزلك
منى:- طيب انا همشى دلوقتى ....... ولما يحجز كلمينى ........ سلام عليكم
سميحة:- وعليكم السلام
......... وتذهب منى ....... وتكلم سميحة سيف وتطلب منه ان يحجز لها ............ وبعد كام يوم تسافر منى الى دبى  ....... وتمر ايام بل شهور ....... وفى اثناء تواجد سمراء بالشركة .......... تشعر بالتعب وبوجع الولادة ........ وتسرخ سرخة تسمع كل الشركة ......... ويتجمع كل من بالشركة عليها ......... ويدخل سيف
سيف:- فى ايه ....... ايه الصوت دا
احد الموظفين:- دى مدام سمراء
سيف:- ليه فيها ايه
سمراء:- بسريخ ........ انت لسه هتتكلم ..... انا بولدددددددد
...... يحملها سيف ويجرى بها الى السيارة ........ ويذهب بها الى المشفى
    ..............................................
ونكمل بكرة
وتوقعاتكم بقا
سمراء هتجيب ايه المرة دى؟
وناهد هتولد امته؟
ونرمين هيحصل معاها ايه؟
واشوفكم بكرة على خير؟
مع تحياتى #كوثرمحمد