الحلقة الثالثة:-
دخلت سمراء مع ليلى الى المطبخ
سمراء:- كدا يا لولو متقوليش على المقلب دا
ليلى:- هههههههههههه اعمل ايه ما الهانم محرجة عليا انى اقولك
سمراء:- ماشى يا لولو المهم الحاجة جاهزة علشان نخلص عالطول
ليلى:- كل حاجه تمام زى ما انتى بتحبيها شوفى عايزانى اعمل ايه وانا تحت امرك
سمراء:- اوك يلا نبداء بسم الله
وبعد فترة خلصت سمراء وليلى
سمراء:- كدا كل حاجه تمام حضرى السفرة انتى وانا هجهز الاطباق
ليلى راحت جهزت السفرة واته محمود بيه
محمود :-ايه الروايح الحلوة دى شكل سمراء عاملة حاجات حلوة اوى
سمراء بابتسامة:- لا عادى يا فندم دى حاجات بسيطة
سميحة:- كل اللى على السفرة دا وحاجات بسيطة دا انا طلبت مكرونة بس انتى عاملة حاجات كتير
سمراء:- ما انا قولت على ما المكرونة تخلص اجهز جمبها شوية نواشف اعوض غيابى
سميحة بضحك:- يا حبيبتى انتى كدا هتبوظى الدنيا كدا بالأكل دا انتى عارفة ان محمود ممنوع من الدهون
سمراء:- ماتخفيش كله تحت السيطرة وتغمز لها😉
محمود:- انتو هتفضلو ترغو كتير والاكل هيبرد كدا انا مش هستنا
سميحة :- خلاص يلا نبداء بسم الله
سمراء وهى تجلس :- بس يارب الاكل يعجبكم
محمود وهو ياكل:- دا الاكل تحفة تسلم ايدك
سميحة:- انتى مش شايفة بياكل ازاى وكانه اخر ذاته
سمراء بضحك:- بالهنا والشفا
وبعد انتهاء الغداء
سمراء:- انا لازم امشى بقا زمان راويه هتتجنن عليا انا اتأخرت ومكلمتهاش
سميحة:- خلاص ماشى يا حبيبتى بس متاخريش عليا تانى
سمراء:- ان شاء الله مش هاخر تانى
يلا سلام عليكم
سميحة ومحمود:- وعليكم السلام ورحمه الله ربنا معاكى
سميحة:-طمنينى لما توصلى
سمراء على الباب ان شاء الله
---------------------------------------------
عند راويه يرن جرس الباب
راويه :- دى اكيد سمراء انا هعرف شغلى معاها وتفتح الباب
شخص:- السلام عليكم
راويه :- وعليكم السلام ورحمه الله
شخص:- حضرتك دا منزل الانسة سمراء رأفت
راويه:- اه خير فى حاجه سمراء كويسه
شخص:-اطمنى حضرتك انا بس لقيت الشنطة دى ولما فتحتها عرفت العنوان من البطاقه والفون لقيه مقفول
راويه فى نفسها اه الغبيه وقعت شنطتها فين دى
شخص:- فى حاجه يا هانم
راويه بعد ان فاقت :- ها لا ابدآ شكرآ ليك هات الشنطة وانا هوصلها ليها
شخص:- بس حضرتك مين
راويه:- ماتخفش انا مرات اخوها
شخص:-اه اتفضلى شوفى لو فى حاجه ناقصة كدا
راويه:- لو فى حاجه ناقصة ماكنتش جبتها من الاول
شخص:- طيب استاذن انا
راويه:- اتفضل مع السلامه ومتشكرة مرة تانيه
فى هذه الحظة ياتى عاصم
عاصم :- السلام عليكم ورحمه الله
راويه :- وعليكم السلام ورحمه الله
عاصم:- مين الاستاذ
راويه:- الاستاذ لقه شنطة سمراء وجابها على هنا
عاصم:- شكرآ ليك طيب اتفضل ادخل
شخص:- شكرآ ليك انا لازم امشى
عاصم:- طيب اتفضل اشرب حاجه ماينفعش من على الباب كدا
شخص:- شكرآ بس علشان يعنى
عاصم:- مافيش بس اتفضل ياراجل اهو نرد الجميل
شخص:- ولا جميل ولا حاجه انا عملت الواجب
عاصم:- خلاص بقا اتفضل حتى صاحبة الشنطة تشكرك بنفسها
شخص:- خلاص اللى تشوفو
عاصم:- اتفضل البيت بيتك البيت نور
شخص:- شكرآ ليك منور بصحابه
بعد ان دخلوا وجلسوا
عاصم:انا عاصم البحيرى
شخص:- اهلا بيك استاذ عاصم انا طارق صلاح الملاح
عاصم:- اهلا استاذ طارق تشرفنا بيك
طارق:- الشرف ليا انا
وبعد التعارف جائت راويه ومعاها اكواب عصير
راويه:- اتفضلوا
طارق:- شكرآ
وبعد ذلك جرس الباب رن
خرج عاصم وفتح الباب واذا بها تقف على الباب
سمراء وهى تدخل:- السلام عليكم ورحمه الله
عاصم:- وعليكم السلام ورحمه الله وبركاته ايه اللى اخرك
سمراء:- ادخل الاول يا ابيه وبعدين نتكلم مش قادرة هموت من التعب
عاصم :- اتفضلى فى ضيف جوا
سمراء:- ضيف مين دا
عاصم:- ادخلى وانتى تعرفى
سمراء:- اوعه يكون عريس من بتوعك
عاصم:- ههههههه لاء ياختى مش عريس دا واحد لقا الشنطة بتاعت حضرتك يا هبلة
سمراء:- بجد طيب الحمدلله
عاصم:- احنا هنرغى والراجل جوا ادخلى اشكريه بنفسك
سمراء:- طيب براحه داخله اهو
سمراء وعاصم داخلوا لطارق وبعد التحية
سمراء:- مش ممكن طارق معقول الصدفة دى
طارق باستغراب:- حضرتك تعرفينى
سمراء:- طبعآ حضرتك احنا كنا مع بعض فى نفس الكليه انت اكيد متعرفنيش بس انا اعرفك كويس طارق الملاح اللى مدوخ البنات
طارق:- ههههههه انتى كنتى معايافى نفس الدفعة
سمراء:- لاء انا كنت فى الدفعة اللى بعدك بسنة
طارق:- اهلا وسهلا انا تشرفت بيكى
سمراء:- الشرف لينا وشكرآ على الشنطة
طارق :- مافيش داعى للشكر اما انا معملتش غير الواجب
وبعد فترة من الكلام استأذن طارق بالرحيل على امل بالزيارة مرة اخرة
-------------------------------------------
فى مكان تانى وبلد تانية فى امريكا
بعد الترجمة
سيف:- انا مليت من كل حاجه هنا انا لازم انهى كل حاجه هنا وارجع بلدى تانى
شخص:- انت بتقول ايه ازاى انت عملت ليك اسم كبير هنا هتسيب كل حاجه كدا وتمشى
سيف:- اعمل ايه لازم ارجع والدى مريض وبعتلى علشان ارجع وانا بقالى هنا 5 سنين مشوفتش فيها اهلى غير كام مرة كدا على الماشى لما اكون بعمل شغل فى مصر
شخص:- خلاص انزل شوفهم وارجع تانى
سيف:- مش هينفع انا اهلى وحشونى قوى وغير كدا انا عايز اطمن على امى لازم اشوف عملت ايه فى موضوع رجليها شكل العملية الاخيرة ماجبتش ناتيجة
شخص:- خلاص شوف حد يمسك الشغل على ما ترجع وخد وقت بس ماتسبش الشغل كدا كله مرة واحدة
سيف:- هشوف ربنا يسهل
-----------------------------------------
اتمنة حلقة النهاردة تعجبكم
تعلقتكم بقا وياريت بلاش حلوة وجميلة عايزة تفاعل مع القصة
أنت تقرأ
احببتك دون أن اراكى
General Fictionمقدمة احببتك دون ان اراكى حين سمعت عنك احببتك دون ان اراكى احببتك وانا لا اعرف عنك سوى اسمك احببت كل من يحكى عنك كل من يذكر اسمك اسمك اسمك الذى ابهرنى فكيف يكون شكلك وجهك كيف يكون هل انتى سمراء كما هو اسمك ام ماذا ؟ هل مجرد ان اسمع عنك احبك فكيف احب...
