احببتك دون ان اراكى (إمبراطورية سين)
................................بقلم #كوثرمحمد
الجزء الثانى
................. الحلقة الخامسة(5)
عند سمراء وسيف.... بعد ما الطائرة وصلت باريس
سيف:- حمد الله على السلامة يا حبيبتى
سمراء:- الله يسلمك يا حبيبى
سيف:- الله عليكى....... كل مرة تقولى فيها كلمة حبيبى...... بحبك اكتر
سمراء:- يعنى لو بطلت اقولها مش هتحبنى
سيف:- انا هفضل أحبك لأخر يوم فى عمرى
سمراء:- ربنا يطول فى عمرك وتفضل تحبنى لأخر يوم فى عمرى انا
سيف:- أحنا هنفضل نرغى كتير........ مش نمشى ونكمل كلام فى الفندق احسن
سمراء:- وهى تبتسم........... نمشى أحسن
سيف:- وهو يخرج بالشنط.......... إن شاء الله هخليكى تحلفى بشهر العسل دا
سمراء:- أحلف بيه إزاى
سيف:- هعرفك إزاى لما نوصل
سمراء:- بخجل........ اوك
........... وهنا يأتى ياسر إليهم
ياسر:- إيه يا سيف لسه ما خلصتش
سيف:- خلصت خلاص وماشين
ياسر:- انتوا نزلين فين
سيف:- ليه....... بتسأل ليه
ياسر:- علشان أقوم معاكم بالواجب
سيف:- لا يا عم متشكرين انت قومت بالواجب فى الطيارة
ياسر:- يعنى لو احتاجتم حاجة كدا ولا كدا
سيف:- بقولك ايه يا ياسر....... احنا فى شهر العسل....... يعنى مش عايز اشوف حد........ وأنا هنا معرفكش..... فاهم
ياسر:- وهو يضحك.......... ماشى يا عم خلاص......... على العموم أنا هنا يومين لو احتجت حاجة....... رقمى معاك
سمراء:- هو الطاقم كله هيفضل هنا يومين ولا إنت بس
ياسر:- لأ الطاقم كله..... ليه فى حاجة
سمراء:- لأ أبدآ بسأل بس
ياسر:- اوك...... يلا عايزين حاجة
سيف:- سلامتك
ياسر:- يلا سلام عليكم
سيف وسمراء:- وعليكم السلام ورحمة الله وبركاته
....... بعد ياسر ما مشى
سيف:- كنتى بتسألى عن الطاقم ليه..... فى إيه فى دماغك
سمراء:- وهى تنظر حواليها........ لما نوصل الفندوق هقولك
سيف:- اوك..... يلا بينا
.......... ويتجه الاثنين إلى الفندوق
.................................................
عند راويه فى المشفى
............................. سامر كان بيسأل الممرضة على البيبى
الممرضة:- البيبى الحمدالله كويس وصحته بخير........... دكتور الأطفال هيشوفه وبعد كده ممكن تاخدوه
سامر:- طيب يلا علشان تأخدى الدم وبعد كده ناخد البيبى
ناهد:- طيب هو ولد ولا بنت
الممرضة:- هو ولد.......... الف مبروك
ناهد:- الله يبارك فيكى
سامر:- يلا يا انسة وانا هشوفك بعد ما نطمن على مامته الأول
........ ويذهب سامر مع الممرضة
ناهد:- مبروك يا عاصم يتربه فى عزك
عاصم:- بحزن......... الله يبارك فيكى يا ناهد
ناهد:- وبعدين معاك يا عاصم وحد الله مش كدا
عاصم:- لا إله إلا الله...... مش عارف لو راويه حصلها حاجة انا هعمل ايه بالعيال
ناهد:- بعد الشر عليها.......... إن شاء الله هتقوم بالسلامة
عاصم:- صحيح هى لوچى فين أنا نستها خالص
ناهد:- اطمن هى عندنا فى البيت مع ماما ماتخفش عليها
عاصم:- انا مش عارف من غيركم كنت عملت ايه......... انا متشكر اوى
ناهد:- مافيش شكر ولا حاجة........ احنا بقينا أهل ولا إنت بتعتبرنى واحدة غريبة ولا ايه
عاصم:- لا طبعآ غريبة إيه بس......... ربنا اللى يعلم أنا بعتبرك زى سمراء بالظبط
ناهد:- ربنا يعزك ويخرجلك راويه بالسلامة
عاصم:- بتنهيدة............ يارب
ناهد:- ها ناوى تسمى البيبى أيه
عاصم:- مش عارف...... لما راويه تقوم بالسلامة نبقى نسميه
ناهد:- إن شاء الله تقوم بالسلامة
............ وهنا يخرج سامر
ناهد:- تعالى أقعد هنا.......... اخدو منك دم كتير ولا ايه
سامر:- بهزار........... دول كان ناقص يعصرونى
ناهد:- أنا هروح اجبلك عصير يعوض الدم اللى اخدوه
عاصم:- لأ خليكى أنتى جانبه وأنا هروح أجيب
سامر:- ولا انت ولا هى............ انا كويس انا كنت بهزر........ هما اخدو حاجة بسيطة مش كتير.......... وبعدين ياعم علشان دمى يبقا خفيف
عاصم:- هو انت عندك دم اصلن
سامر:- ايو كدا يا عم فكها محدش واخد منها حاجة
ناهد:- احنا مش هنكلم سمراء ولا ايه
عاصم:- لأ محدش يكلمها ولا يقولها حاجة
ناهد:- لأ انا كنت عايزة اطمن عليها وصلت ولا لسه
سامر:- سبيها براحتها لما توصل هى هتكلمنا لوحدها
عاصم:- ولما تتكلم محدش يقولها حاجة خالص...... علشان دى مجنونة وممكن تقطع شهر العسل وترجع
سامر:- انت هتقولى ما انا عارفها
ناهد:- طيب نقولها انها ولدت نطمنها بس
عاصم:- لأ ولا كلمة .......ولما راويه تخرج بالسلامة هخليها تكلمها بنفسها بس نطمن عليها الاول
.......... وهنا يخرج الدكتور وعاصم يجرى عليه..... وبعد منه سامر وناهد
عاصم:- خير يا دكتور طمنى
الدكتور:- الحمدلله المدام كويسة وهتخرج حالآ تروح على اوضتها .....بس ياريت محدش يقولها دلوقتى على موضوع الرحم دا.... الا لما حالتها تتحسن
سامر:- يعنى نقولها امته يادكتور
الدكتور:- يعنى يومين تلاتة كدا ....... تكون صحتها اتحسنت
سامر:- شكرآ يا دكتور
عاصم:- طيب هى هتقدر تمارس حياتها عادى
الدكتور:- اه طبعآ دا ما يقصرش على حياتها فى حاجة غير انها مش هتخلف تانى
عاصم:- طيب انا ممكن اشوفها امته
الدكتور:- هى اول ما تفوق من البنج هتخرج فى الاوضة.......وتقدر تدخل لها...... بس بلاش الكلام الكتير
سامر:- شكرآ لحضرتك
الدكتور:- العفوا دا واجبى...... عن اذنكم
سامر:- اتفضل
............ وبعد ما الدكتور مشى
ناهد:- حمدالله على سلامتها يا عاصم
عاصم:- الله يسلمك يا ناهد
سامر:- احنا نطمن عليها واخدك اروحك علشان انتى اتأخرتى اوى
ناهد:- انا هتصل بماما استأذن منها وابات مع راويه
عاصم:- لأ روحى أنتى وانا اللى هبات معاها
ناهد:- مش هينفع انت تبات معاها......... انا بنت زيها وهعرف اتصرف فى حاجات أنت مش هتعرف تتصرف فيها
عاصم:- انا مش هقدر امشى واسيبها
سامر:- ناهد معاها حق....... انت مش هتعرف تعمل لها حاجة لكن ناهد هتعرف تتعامل معها لو احتاجت حاجة
عاصم:- طيب روحى ارتاحى شوية وتعالى بعدين........ ونبدل مع بعض...... لسه بدرى على الليل
ناهد:- خلاص لما اطمن عليها همشى وأرجع لها تانى بليل
عاصم:- وهاتى لوچى معاكى
ناهد:- اجيبها ليه
عاصم:- علشان تروح معايا
ناهد:- وهى لما تروح معاك هتعرف تتعامل معها.......... سيبها اليومين دول مع ماما هى هتعرف تتعامل معها
عاصم:- انا مش عايز اتعبها معانا اكتر من كده
ناهد:- ولا تعب ولا حاجه...... ماما بتحب الأطفال ولوچى هادية جدآ....... وبعدين انت لما هتيجى بكرا هتسيبها مع مين
سامر:- ناهد بتتكلم صح.......... انت ممكن تلوص بيها......... وبعدين انت مش بتعرف تتعامل معها خالص...........وبعدين هتأكلها إزاى وتلبسها إزاى
عاصم:- خلاص اللى تشوفوه
ناهد:- خلاص واحنا مروحين نعدى على البيت نجيب كام غيار ليها وبعد كده نروح
عاصم:- المفتاح معاك يا سامر
سامر:- اه معايا اطمن
............. وهنا تخرج راويه من غرفة العمليات ويدخلوها إلى غرفة عادية........ ويدخل لها عاصم لكى يطمئن عليها.......... وبعد منه يدخل سامر وناهد
........................................
عند سيف وسمراء وصلوا إلى الفندق وصاعدوا إلى غرفتهم
سمراء:- وهى تقف فى التراس........ الله يا سيف المنظر من هنا تحفة
سيف:- وهو يحضنها من ضهرها............ المنظر تحفة علشان أنتى بتبصى عليه ياحبيبتى
سمراء:- هو احنا مش هننزل ولا ايه
سيف:- بخبث........ مش لما نرتاح الأول ولا ايه😉
سمراء:- بخجل....... انا مش تعبانة
سيف:- وهو يدخل بيها من التراس........... بس انا تعبان أوى وعايز ارتااااااح
سمراء:- الف سلامة عليك يا حبيبى
سيف:- ايو بقا......... تعالى اقولك على حاجة مهمة
........ ونسيبهم بقا لوحدهم😉
..............................................
عند شيرين بتكلم رانيا فى الفون
شيرين:- ايو يا رانيا عايزة ايه
رانيا:- انتى فين يا شرى اختفيتى بعد ما طلعنا من المطار........... انتى مش هتاكلى معانا ولا ايه
شيرين:- لأ يا رانيا انا فى مشوار كدا وهتاخر شوية ويمكن كمان مرجعش النهاردة
رانيا:- ليه انتى رايحة فين وناوية على ايه
شيرين:- انا دلوقتى قدام الفندق اللى سيف نازل فيه
رانيا:- وانتى عرفتى الفندق منين............ انتى مشيتى وراهم ولا ايه
شيرين:- ايو مشيت وراهم....... امال كنت هعرف طريقهم ازاى
رانيا:- طيب وانتى ناوية على ايه
شيرين:- هروح اقبله ويمكن انزل فى الفندق انهاردة........ يلا سلام بقا
رانيا:- سلام....................... وبعد شيرين ما قفلت..................... باين عليكى هتعملى مصيبة ياشيرين
........................................
توقعاتكم بقا
شيرين هتعمل ايه؟
سمراء هتعمل ايه؟
وسيف هيتصرف ازاى؟
ونكمل بقا بكرا واشوفكم على خير
مع تحياتى #كوثرمحمد
أنت تقرأ
احببتك دون أن اراكى
General Fictionمقدمة احببتك دون ان اراكى حين سمعت عنك احببتك دون ان اراكى احببتك وانا لا اعرف عنك سوى اسمك احببت كل من يحكى عنك كل من يذكر اسمك اسمك اسمك الذى ابهرنى فكيف يكون شكلك وجهك كيف يكون هل انتى سمراء كما هو اسمك ام ماذا ؟ هل مجرد ان اسمع عنك احبك فكيف احب...
