احببتك دون ان اراكى
..............................بقلم #كوثرمحمد
الحلقة التاسعة عشر(19)
....................................
بعد خروج سمراء من المشفى
تم تجهيز كل شئ للخطوبة
وبعد كام يوم تم تحضير جنينة الفيلا على اكمل وجه اشرف سيف على التجهيز بنفسه وكانت فى منتها الجمال والروعة
............................................
ومع بداية اليوم وصلت الماكيرة الى سمراء فى شقتها لانها رفضت انها تروح الكوافير وصممت انها تلبس فى بيتها وكان سيف فرحان جدا برائيها دا ووافق عالطول
دخلت الكوافيرة التى طلبت من سمراء ان تاخد شور وتجهز نفسها لكى تبداء فى عمل اللازم لها
سمراء:- انا مش عايزة احط اى حاجه فى وشى
الكوافيرة:- امال انا جايه ليه .....يعنى ولا شعر ولا ميكب
سمر:- انا قولت اللى عندى انتى بس ظبطى الطرحة حلو وخلاص
الكوافيرة:- هو انتى صحيح وشك بسم الله ماشاء الله مش محتاج بس انتى عروسة يعنى لازم تكونى مختلفة النهاردة
سمراء:- وانا مش عايزة اكون مختلفة علشان ملفتش ليا الانظار
ناهد:- بعد ان رات ان مافيش فايدة من الجدال مع سمراء........ خلاص مش هنحط ميكب بس ممكن كحل وملمع للشفاه وبس
.......لسه سمراء هتتكلم منعتها راويه وقالت
راويه:- خلاص بقا يا سمراء مش هنضيع اليوم فى الميكب هو زى ما ناهد قالت كحل وملمع شفاه وبس ويلا علشان نلحق نخلص احنا كمان
سمراء ؛- بعدم اقتناع .......امرى الى الله
الكوافيرة:- الحمد لله ممكن تلبسى بقا علشان نبدا
..........ونسبهم يجهزوا ونروح للعريس نشوفه بيعمل ايه
....................ً.......................
سميحة بعد ان رائت الجنينة
سميحة:- بسم الله ماشاء الله جميلة اوى تسلم ايدك يا حبيبى
سيف:- تسلمى يا ست الكل
سميحة:- انا مبسوطة انك عملت الخطوبة هنا مع ان الخطوبة على العروسة بس مش مهم سمراء بنتى برضه
سيف:- ينظر لامه من تحت لتحت......... بتكلمى وتنقضى نفسك فى نفس الوقت
سميحة:- بس ياواد انت......انت عارف ان انا بحب سمراء دى حبيبتى بس مش عايزة حد يتكلم عليها
سيف:- واحنا مالنا ومال الناس يا ميحة
سميحة:- بضحك .....ياواد بس بقا المهم انت مش هتجهز ولا ايه
سيف:- بخبث...... يعنى انا هعمل ايه وهو انا العروسة
سميحة:- لا يا حبيبى انت العريس
سيف:- سيبك انتى من الكلام دا كنت عايز اقولك على سر بس اوعى حد يعرف خالص ماشى يا ميحة
سميحة:- خير يا حبيبى قول
سيف؛- احصل انا محضر مفاجئة ل سمراء النهاردة
سميحة:- مفاجئة ايه دى......يارب يكون اللى فى بالى
سيف:- وايه هو اللى بالك يا ست الكل
سميحة:-بفرحة وخبث......... هتكتب الكتاب
سيف:- بفرحة ويقبل راسها وايدها.............طول عمرك فهمانى انتى
سميحة:- ههههههه دا انا اللى مرابيك واللى رابة خير من اللى اشتره
سيف:- يعنى انتى موافقة
سميحة:- طبعآ الف مبروك يا حبيبى
سيف:- الله يبارك فى عمرك يا امى
سميحة:- بس مش كتب الكتاب بيكون محتاج اوراق وحاجات كدا المؤذون بيحتاجها
سيف:- انا عملت كل حاجه وساعدنى سامر فى الحاجات اللى بيطلبها من العروسة هو جابها. وكل حاجه جاهزة والمؤذون هيجى الساعة 6
سميحة:- ربنا يكمل على كل خير......بس انت قولت ل محمود
سيف:- طبعآ قولته هو انا ينفع اعمل حاجه من غير ما قوله
سميحة:- ماشى يا حبيبى وانا اخر من يعلم
سيف:- ازاى بس دا انتى الكل فى الكل (ويقبل يداها) بس سمراء هى اخر من يعلم ...... يلا استاذن انا علشان اجهز
.............ويذهب سيف لكى يجهز هو الاخر
....... .....................................
ونروح مكان تانى خالص
................. ................
نرمين:- يعنى خلاص هو خطوبته النهاردة
منى:- اه ياختى شوفتى يا خايبة حتة بيت لا راحت ولا جات عرفت تلف عليه
نرمين:- انتى تعرفيها ........هى انطى سميحة قالتلك مين
منى:- اه قالتلى بس بعد ما طلعت عينى وانا بحاور معاها لحد معرفت هى مين
نرمين:- وطلعت مين بقا بنت ال......
منى:- البت اللى بتشتغل عند محمود فى الشركة
نرمين:- بيت مين دى
منى:- اللى اسمها سمراء باين مش فاكرها اللى فضلو يتكلموا عنها يوم العزومة
نرمين:- بتفكير...........اه اه افتكرتها لا وكمان شفتها
منى:- شفتيها ..........شفتيها فين
نرمين:- شفتها عند انطى سميحة لما روحت اشوف سيف ومكنش هناك ما انا حكتلك عنها
منى:- ااااه هى دى بقا.......... طيب وانتى هتعملى ايه دلوقتى هتضيعيه من ايدك كدا
نرمين:- مش نرمين اللى تسيب بيت زى دى تاخد منها حاجه عيزاها
منى :- يعنى هتعملى ايه يا نصحة ما النهاردة الخطوبة
نرمين:- لسه خطوبة مش جواز ولو جواز برضه مش هسيبهم
منى:- اما نشوف
......ونسبهم لشرهم ونروح نشوف العرايس عاملين ايه
.......................... ........................
فى شقة سمراء
....................
ناهد:- بسم الله ماشاء الله .....ايه القمر دا
راويه:- صلى على النبى كدا فى قلبك
ناهد:- اللهم صلى عليه
سمراء:- بخجل.........عليه افضل الصلاه والسلام
الكوافيرة:- بصراحة ليكى حق ترفضى تحطى ميكب انتى ماشاء الله عليكى وشك زى القمر
سمراء:- بكسوف بس بقا الله
راويه:- انتى مكسوفة...( بطريقة مسرح مصر)
........الكل يضحك .........وهنا الباب يخبط
سامر:- ممكن ادخل
راويه:- تفتح الباب فتحة صغيرة (موارب) ....... نعم يا سى سامر
سامر:- ايه يا رورو عايز اشوف العروسة
راويه:- بغلاسة ......ليه
سامر:- ايه ياااا رورو فى ايه
راويه:- تدفع كام
سامر:- بقيتى مادية اوى يا راويه
........وهنا يأتى عاصم ....ايه فى ايه
سامر:- شوف مراتك يا عم
عاصم:- فى ايه يا راويه مالك
راويه:- عايز يشوف العروسة وانا بقوله ادفع
عاصم:- خلاص ادفع ياعم
سامر:- حتى انت... ماشى امرى الى الله ...عايزة كام يا ستى
راويه:- بتفكير امممممم......والله شوف سمراء تستاهل كام
سامر:- لا دى فلوس الدنيا كلها متكفيش سمراء
راويه:- ماشى ياعم خلاص هات اللى فى جيبك كله
عاصم :- بضحك ادفع يا معلم
راويه:- وانت كمان يا عصومى هى مش اختك انت كمان
عاصم:- ينهااااار........ ماشى ادفع هو فى اغلى من سمراء
سامر:- بضحك .......ادفع ...ادفع ياخويا
.......وكل واحد فيهم اخرج ما فى جيبه واعطه الى راويه..... التى اعطتهم الى سمراء
راويه:- خدى دا ليكى
سمراء:- ادا ليه كل دا
راويه:- بضحك......قلبت سامر وعاصم اخد منهم ضريبة علشان يشوفوكى
سمراء:- بضحك حرام عليكى ليه كدا
راويه:- امال اخوات على الفاضى........... ويلا بقا علشان نمشى
سمراء:- تتكسف ووشها يحمر وتخرج ل سامر وعاصم
اللى اول ما شفوها اطلقوا التصفير
سامر:- يقبلها من جبنها .......بسم الله ماشاء الله ربنا يحفظك
عاصم:- يقبلها ايضآ ..........الف مبروك يا حبيبتى ربنا يتمم بخير
سمراء:- بخجل ووشها فى الارض.......ربنا يخليكم ليا
راويه:- وهى تبكى........يلا بقا هنتأخر على الناس
وهنا يلتفت سامر ليراه ناهد لاول مرة
سامر:- ينظر الى ناهد باعجاب ........ مش تعرفونا
راويه:- دى ناهد صحبت سمراء ....ويلا بقا
ويذهب الجميع الى السيارات...تركب راويه مع عاصم ولوچى
وتركب سمراء فى عربيها مع سامر اللى جهزها لها ومعهم ناهد
...........................................
وبعد قليل يوصلوا الى فيلا الشرقاوى ويكون سيف بانتظارهم على باب الفيلا ليدخل معاهم
.....سيف اول ما يراة سمراء
سيف:- بسم الله ماشاء الله ايه الجمال دا كله انا مقدرش على كدا
......( بالفعل كانت سمراء فى منتها الجمال كانت جميلة بفستانها وحجابها الذى اضاف لها جمال على جمالها كان الفستان من اللون النبيتى بحزام ذهبى فى الوسط والطرحة بلون الحزام وعليها تاج فضى فأصبحت ملكة متوجة على عرش قلبه)
وكان سيف يرتدى بدلة كحلى وقميص ابيض بدون رابطة عنق( فهو يكره رابطة العنق) ويكون هو ايضآ ملك لها
.......ويدخل الجميع الى المكان المخصص لهم وتقبل سميحة سمراء بفرحة
سميحة:- الف مبروك يا عروسة ابنى
سمراء:- بخجل ووشها يحمر....... الله يبارك فيكى يا ماما
سميحة:- احلى مرة اسمع منك كلمة ماما احلى من كل مرة
سمراء:- بخجل ليه هو انا مش بقولها عالطول
سميحة:- المرة دى انتى بنتى بجد
سمراء:- بدموع.........ربنا يخليكى ليا يارب
محمود:- وبعدين بقا انتى مش هتخلينا نسلم على العروسة ولا ايه يا سميحة
سميحة:- وهى تمسح دموعها....... اهى عندك سلم برحتك
محمود:- يقبلها من جبنها.......... الف مبروك يا سمورة
سمراء:- الله يبارك فيك يا فندم
محمود:- بضحك ......لا يا فندم ايه انا تقولى ليا يا عمى او يا بابا اللى يريحك
سمراء:- حاضر يا...بابا
سيف:- مش يلا بقا فى ناس كتير لسه هتسلم عليها
ويذهب سيف مع سمراء ويجلسوا فى المكان المخصص لهم
سيف :- بصوت خفيف.....مبروك عليا انتى
سمراء:- بكسوف.... الله يبارك فيك
سيف:- بس انتى حلوة اوى من غير ميكب
سمراء:- تتكسف ........بس انا مش حاطة ميكب
سيف:- بخبث.....امال الحمرة اللى فى خدودك دى ايه ويضحك
سمراء:- تتكسف اكتر وتنظر الى الأرض وتسكت
وبعد وقت من المباركات والتهانى
تم تشغيل الدى چى
ومع اصوات الاغانى
تدخل نرمين وهى تلبس لبس يكشف اكتر ما يستر وتضع ميكب اوڤر اوى
نرمين:- بتكبر.....الف مبروك وتنظر الى سمراء بحقد .......وتذهب
سميحة تقرب منهم بكرسيها ومعها ليلى
ليلى :- الف مليون مبروك يا حبايبى
سيف وسمراء:- الله يبارك فيكى يا لولو
سميحة:- مش يلا يا حبيبى تلبس عروستك شبكتها
سمراء:- تنظر لها وتتكسف وتفرك يداها فى بعض
سيف:- لاء يا ماما مش دلوقتى بعد المفاجئة الاول
سميحة:- خلاص يا حبيبى اللى تشوفه
سمراء:- مفاجئة..... مفاجئة ايه دى
سيف:- هتعرفى حالآ
قام سيف وذهب الى الدى چى واتكلم معاهم شوية ومسك الميك منهم واتكلم فيه
سيف:- فى الاول احب اشكر كل الحاضرين على تشرفهم لينا النهاردة ومشركتهم لفرحتنا
ويوجه كلامه ل سمراء
سيف:-امام الجميع....... سمراء تقبلى تتجوزنى
سمراء:- تخجل ووشها يحمر
سيف:- انا المرة دى بطلب ايدك قدم الناس كلها
سمراء:- مش عارفة ترد
سيف:- طيب بصى لو موافقة قولى للراجل الطيب اللى هناك دا انك موافقة ......ويشاور على المؤذون
تنظر سمراء الى ما يشاور عليه سيف وتشوف المؤذون
سامر:- يقرب من سمراء...... ها ايه رايك يا حبيبتى
سمراء:- بخجل وكسوف تنظر الى الارض وتسكت
سامر:- يقبلها فى جبنها ويقولها الف مبروك يا حبيبتى
وهنا يتم كتب الكتاب مع فرحة الجميع الا القليل منهم واللى بان على وشهم الحزن والضيق مثل نرمين ومنى امها ومن جه اخرى مها ومصطفى
نرجع للفرح تانى
سيف يقرب من سمراء ويقبل جبنها امام الجميع ويقول لها
سيف:- الف مبروك يا زوجتى
سمراء:- تنظر الى الأرض وبخجل الله يبارك فيك
سيف:- ممكن البسك الشبكة بقا
سمراء:- تهز راسها بمعنى اه
ويبداء سيف بتلبسها طقم الماظ فى منتها الجمال من اختيار سيف والبسها الدبلة وهى مع كل لمسة جسمها يرتعش
سيف بعد ان انتها من تلبيسها الشبكة
سيف:- ممكن تلبسينى دبلتى
سمراء:- بخجل .....هو لازم انا
سيف:- بضحك......امال اجيب الجيران.....امال انا كتبت الكتاب ليه
سمراء:- بكسوف..... طيب ماشى
وتعطيها ليلى الدبلة لكى تلبسه ل سيف وهى يداها ترتعش
وبعد الانتهاء وقفوا الاثنين لكى تلقوا التهانى
وبعد ما بارك سامر ل سمراء وهو يبارك الى سيف ياتى عاصم ويبارك الى سمراء ويقبلها من جبنها وهنا يراه سيف
سيف:- بنرفزة وهو يبعد عاصم عنها......ايه يا عم انت حيلك حيلك انت ازاى تبوس مراتى كدا
عاصم:- بأستغراب .........فى ايه ياسيف ببارك لها فيها ايه يعنى
سيف:- فيها انها مراتى وما حبش حد يقرب عليها
عاصم:- بتعجب .....انت اكيد اتجننت دى اختى يا عم
سيف:- لاء دى بنت عمك يعنى تجوزلك
......وهنا فهم عاصم ان سيف ميعرفش انهم اخوات فى الرضاعة
سمراء حاولت تهدى سيف علشان الناس بدائو ياخدو بالهم بس هو ماهمهوش واضايق اكتر وهنا تدخل سامر
سامر:- ايه فى ايه مالك يا سيف ايه اللى حصل
سيف:- اسأل ابن عمك
سامر:- فى ايه يا عاصم
عاصم:- دا مجنون بيغير على سمراء منى انا
سامر:- بضحك بصوت عالى....... ما هو معزور برضه ماهو ميعرفش
سيف:- اضايق من ضحك سامر...... انت بتضحك على ايه دلوقتى وايه هو اللى معرفهوش
سامر:- وهو لسه بيضحك.... اصل عاصم اخويا فى الرضاعة
وهنا سيف تنح وفتح فمه
عاصم:- اقفل بوقك دا بدال ما يدخل فيه الدبان
سيف:- بس دا اخوك انت مش اخوها هى
سامر:- امى انا اللى رضعته يعنى اخونا احنا الاتنين
سيف:- بتفهم....... انا اسف يا عاصم مكنتش اعرف
عاصم :- ولا يهمك ياعم
سيف:- بهزار.......بس برضه متحضنهاش تانى انت فاهم
الكل يضحك على سيف وعلى غيرته وهنا جائت نرمين
نرمين:- بغيظ جواها وضحكة صفرة........ ما تضحكونا معاكم
سيف:- برخامة وهو يضم سمراء....... لاء مش عايزين نضحك حد معانا احنا كدا حلوين
سمراء:- تخجل من سيف وتحاول تبعد ايده عنها ....بس سيف ضمها اكتر
وهنا نرمين تتغاظ اكتر وتسبهم وتمشى
سمراء:- وهى تبعد ايده عنها........حرام عليك ليه كلمتها بالطريقة دى كدا كسفتها
سيف:- هى دى بتتكسف ولا بتحس انتى مش شايفة لبسها ولا شكلها
سمراء:- كل واحد حر فى حياته وربنا يهديها
سيف :- فى نفسه ....ربنا يهداها
سمراء:- هو سامر راح فين
سيف:- مش عارف.... سيبك منهم ممكن نتكلم شوية مع بعض
......ونسبهم يتكلموا مع بعض شوية
ونروح فى حته تانية
نرمين وهى ماشية تبرطم خبطت فى حد ياترا مين؟
.............................................
يا تراه سامر راح فين؟
وسيف هيقول ايه ل سمراء ؟
ونرمين خبطت فى مين وتعمل ايه؟
كل دا هنعرفه فى الحلقة الجايه
انتظرونى مع تحياتى #كوثرمحمد
أنت تقرأ
احببتك دون أن اراكى
General Fictionمقدمة احببتك دون ان اراكى حين سمعت عنك احببتك دون ان اراكى احببتك وانا لا اعرف عنك سوى اسمك احببت كل من يحكى عنك كل من يذكر اسمك اسمك اسمك الذى ابهرنى فكيف يكون شكلك وجهك كيف يكون هل انتى سمراء كما هو اسمك ام ماذا ؟ هل مجرد ان اسمع عنك احبك فكيف احب...
