أنت تقرأ

احببتك دون أن اراكى

General Fiction

مقدمة احببتك دون ان اراكى حين سمعت عنك احببتك دون ان اراكى احببتك وانا لا اعرف عنك سوى اسمك احببت كل من يحكى عنك كل من يذكر اسمك اسمك اسمك الذى ابهرنى فكيف يكون شكلك وجهك كيف يكون هل انتى سمراء كما هو اسمك ام ماذا ؟ هل مجرد ان اسمع عنك احبك فكيف احب...

#اولى #بعيد #جديدة #دى #رواياتى #صفحتى #لان #نشرها

22

38 3 0 
                                    

                                              
الحلقة دى هدية منى لكل ام بمناسبة ( عيد الام) اتمنة تعجبكم
وكل سنة وكل ام طيبة وبخير
واسيبكم مع الحلقة
      .........................................
احببتك دون ان اراكى( امبراطورية سين)
الجزء التانى:- بقلمى #كوثرمحمد
الحلقة التانية والعشرون(22)
......................................
بعد ما خارج كل من سيف وسمراء وسامر وناهد من المشفى بكل سعادة ........ بعد ان عرفوا بحمل كل من ناهد وسمراء .......... وكانت الفرحة الاكبر من نصيب سامر وناهد .......... فبعد فترة زواج ليست بگبيرة تم تحقيق حلم ناهد ......... واصبحت تحمل بداخلها قطعة منها ومن سامر
........ تواجهوا الاربعة الى إحدى المطاعم الفاخرة على ضفاف النيل للغداء .......... وبعد ان جلسوا وطالبوا الغداء ......... وبعد قليل اتى اليهم الطعام ........ وبدائوا جميعآ بتناول الطعام
سمراء:- بفرحة ........ انا اكتر واحدة فرحانة النهاردة ...... اكتر منكم كلكم
سامر:- ليه بقا ان شاء الله
ناهد:- اكيد انا اكتر منك ....... لان الحمدلله اخيرآ هبقا ماما
سمراء:- لأطبعآ مش علشان هبقا ماما
سيف:- بضحك .......... انا عارف ليه
سامر:- طيب ما تقولنا يا ابو العريف
سيف:- وهو يمسك ايد سمراء ......... علشان حبيبت قلبى هتبقا عمتوا
سمراء:- بضحك ........ انت اللى عالطول كاشفنى كدا .......... مافيش مرة تخيب معاك
سيف:- بنظرة حب ....... لو مرة خيبت معايا ........ اكون بطلت احبك ........ وانا لو بطلت احبك هكون ميت
سمراء:- بسرعة ........ بعد الشر عليك يا حبيبى
ناهد:- ايه يا عم انت السيرة الغم دى ........ خلينا فرحنين شوية
سامر:- معاكى حق .......... دا انت نكد يا اخى
......... الكل يضحك عليه
سامر:- بقولك ايه يا سيف
سيف:- قول يا عم ...... انت النهاردة كل طلباتك اوامر
سامر:- مادام كدا بقا ......... اعمل حسابك ناهد من بكرة اجازة ....... لحد الحمل ما يسبت
....... لسه ناهد هتعترض ..... يرد سيف
سيف:- من غير ما تقول ....... انا من نفسى كنت هديها اجازة هى وسمراء
سمراء:- باعتراض .......... طيب هى ماشى ...... لكن انا ليه
سيف:- هو انتى مش حامل زيها ولا ايه؟
سمراء:- ايو بس انا مجربة قبل كدا ...... لكن هى لسه اول مرة ......فعلشان كدا هى تاخد اجازة براحتها ........ لكن انا هنزل الشغل عادى
سيف:- امرى الى الله ....... بس لو تعبتى
سمراء:- تقاطعه ........ من غير بس ..... لو تعبت انا من نفسى هاخد اجازة
سامر:- كدا تمام ...... يلا بينا بقا علشان نروح نفرح اهل ناهد
سيف:- واحنا كمان فى ناس عايزة تفرح معانا ..... ويغمز لسمراء😉
.......... ويذهبوا جميعآ
    ..................................................
فى ڤيلا الشرقاوى
........ منى وهى تجلس مع سميحة
منى:- تصدقى يا سميحة ....... نرمين وحشتنى اوى ....... ونفسى اشوفها
سميحة:- هى مش بتكلمك كل يوم
منى:- بتكلمنى ...... بس برضه عايزة اشوفها
سميحة:- انا مجربة وحاسة بيكى
منى:- انا دلوقتى عرفت احساسك لما كان سيف مسافر .......... بس انتى كنتى عارفة ان سيف مسيروا راجع ........ لكن نرمين هتعيش هناك عالطول
سميحة:- طيب ما تسافرى عندها كام يوم كدا ........ وما تفتكريش انى بقولك كدا علشان انتى قاعدة معانا ......... لا ابدآ والله انتى
تقاطعها منى
منى:- انا عارفة والله من غير ما تقولى ...... بس فعلآ هى وحشانى وانا هسافر لها واعملهم مفاجئة
.......... وهنا يدخل سيف وسمراء
سيف:- مين اللى هتعمللهم مفاجئة يا خالتو
سميحة:- خالتك عايزة تسافر ل نرمين
سيف:- وماله بس بعد المفاجئة بتاعتى
منى:- مفاجئة ايه؟
سيف:- بصراحة هما اتنين ......... الاولى هى ....... ان سمراء حامل
سميحة:- بفرحة......... بجد يا حبيبتى
سمراء:- بخجل ........ بجد يا ماما
منى:- الف مبروك يا حبايبى ........ وايه المفاجئة التانية
سيف:- يشاور لسمراء ........ قولى انتى مش مفاجئتك
سمراء:- بصراحة كدا احنا عملنالكم رحلة عمرة ....... بمناسبة عيد الام
منى:- بفرحة ...... بجد ..... الله ....... انا كنت عايزة اعملها بس كنت مكسوفة اطلبها منكم
سيف:- وهو يقبل جبنها ......... ازاى يعنى يا مونى ........ فى ام تتكسف تطلب حاجه من ولادها
منى:- ربنا يخليكم لينا يارب ......... ويسعدكم
سمراء:- وفى حاجة كمان ........ انتوا مش هتطلعوا لوحدكم
سميحة:- انتوا هتطلعوا معانا
سيف:- لأ طبعآ احنا مش هينفع نطلع علشان الولاد والحمل كمان
منى:- امال مين هيطلع معانا
سمراء:- هيطلع معاكم بابا طبعآ ...... وليلى كمان
سميحة:- بس دا انا قولت هنطلع صحبة كبيرة
سيف:- بضحك ......... ما انتى لو سمعتيها للاخر كنتى عرفتى ......... ان راويه وعاصم كمان طلعين معاكم
سمراء:- ومامت ناهد وباباها كمان طلعين معاكم
سيف:- ها ايه رايكم فى الصحبة دى
سميحة:- اه كدا حلو اوى .... هتكون صحبة حلوة
منى:- بس انا معرفش الناس دول
سميحة:- اهى فرصة نتعرف عليهم
سيف:- بس انتى يا ماما تعرفيهم ...... شفتيهم يوم فرح سامر
سميحة:- ماشفتهمش كويس ........ واهى فرصة هنتعرف عليهم تانى
سمراء:- طيب عن اذنكم انا علشان اطمن على الولاد
سميحة:- سيبيهم لسه نايمن من شوية
سمراء:- طيب هطلع اغير وانزل
سيف:- ما تعملوش حسابنا على الغدا ....... اخنا اتغدينا برا
سميحة:- طيب يا حبيبى ....... ارتاحوا شوية ....... وبعدين انزلوا
سيف وسمراء:- عن اذنكم .......... ويصعدوا الى جناحهم
سمراء:- وهى تخلع حجابها ........ انا هتصل بسامر اقوله على المفاجئة
سيف:- وهو يحضنها من ضهرها ....... طيب مش الاول نغير وناخد شور الاول ......... وبعدين ابقى كلميه براحتك
سمراء:- وهى تلف وشها ليه ......... اللى تشوفه
سيف:- وهو يحملها ........ هو دا الكلام المفيد .......... ويذهب بها الى السرير
........ ونسيبهم بقا فى حالهم
      ................................................
عند ناهد وسامر بعد ما وصلوا الى منزل اهل ناهد .........وتم الترحيب بيهم ........ وابلغت ناهد والدتها بخبر الحمل ........ والدة ناهد بفرحة تزغرط ....... لوووووووووولى
عم على:- بفرحة ........ الف مبروك يا ولاد ........ ربنا يطول فى عمرى لحد ما اشيله على ادايا
سامر:- ربنا يطول لنا فى عمرك وتشيل عيال عيالهم
عم على:- بضحك ...... يااااه بس انا اشوف دا الاول
نجوى:- ان شاء الله تشوفه وتفرح بيه كمان
ناهد:- هو ايه اليوم دا ......... انتوا بتحبوا النكدا كدا ليه
نجوى:- معلش يا حبيبتى ....... هو كدا الشعب المصرى بيخاف يفرح
......... الكل يضحك عليها
عم على:- معلش يا حبيبتى ...... انا كنت بحلم باليوم دا من يوم ما اتولدتى ...... وانا بحلم اشوف عيالك
سامر:- واهو الحلم هيتحقق ...... ان رح بقا
عم على:- يلا احنا نحتفل بالخبر دا ...... انا هنزل اشترى حاجة حلوة
سامر:- معلش يا عمى ...... خليها وقت تانى ........ علشان احنا لازم نمشى دلوقتى
نجوى:- ليه يا حبيبى ........ انتوا مش هتتغدوا معانا
ناهد:- وهى تقبل امها ........ معلش يا ماما احنا اتغدينا برا مع سيف وسمراء
نجوى:- ماشى يا حبيبتى براحتكم ...... وخدى بالك من نفسك ...... وما تشليش حاجة تقيلة ....... وتك
ناهد:- تقاطعها ........ حاضر يا ماما حاضر ...... يلا سلام عليكم
............. ويذهبوا الى منزلهم ....... ويدخلوا عند عاصم وراويه .......... وبعد السلامات كلها ......... ابلغهم سامر بحمل ناهد وسمراء
راويه وعاصم:- بفرحة ......... الف مبروك
راويه:- خلى بالك من نفسك ... وما تش
........ يقاطعها سامر
سامر:- لسه واخدة الدرس دا من شوية
عاصم:- بضحك ........ ما تسيبها ياعم تقولها السبع وصاية
راويه:- بقا كدا يا عاصم ماشى ........ وانت كمان يا سامر ...... انا غلطانة ....... وتقوم وتاخد ناهد معاها ........ تعالى ندخل جوا نتكلم براحتنا ........ بعيد عنهم
ناهد:- وهى تقوم معاها بضحك ....... يلا علشان دول دمهم تقيل ....... انا ادخل اشوف حبايبى الصغيرين
سامر:- بضحك ....... طيب ماشى لينا بيت نتكلم فيه
عاصم:- بضحك ........ سيبهم يا عم يتكلموا مع بعض
سامر:- سيبك منهم ....... المهم انت عامل ايه فى المشروع الجديد
......... ونسيبهم بقا ملناش دعوة بيهم
     ...............................................
ونروح نشوف عصافير الحب
..................................
سيف:- وهو يمشط شعر سمراء ........ عارفة يا حبيبتى انا نفسى فى ايه؟
سمراء:- وهى تاخد منه الفرشاه ......... نفسك فى ايه يا حبيبى
سيف:- نفسى نجيب تؤام تانى
سمراء:- ليه يا حبيبى كدا بس حرام عليك
سيف:- ليه يا حبيبتى ..... ولد وبنت تانى وكدا يبقا تمام والحمد لله
سمراء:- نفرض بقا مطلعوش ولد وبنت ........ نفرض طلع ولدين ولا بنتين ....... هنعمل ايه
سيف:- ولا حاجه هيبقا نصيب
سمراء:- وهى تتجه الى الباب ......... خلاص يا حبيبى سيبها على ربنا
سيف:-وهو يمسك من دراعها ...... ونعم بالله ...... تعالى هنا انتى رايحة فين كدا
سمراء:- فى ايه يا سيف انا نازلة تحت
سيف:- ما انا عارف انك نازلت تحت ....... هتنزلى كدا
سمراء:- بعدم فهم ....... كدا اللى هو ايه
سيف:- بشعرك كدا
سمراء:- وايه يعنى هو فى حد معانا
سيف:- لأ طبعآ مش حكاية فى حد معانا ........ انا محبش حد يشوف شعرك غيرى
سمراء:- وهى تاخذ حجابها ....... حاضر اهو .......... وتلف حجابها وهما نزلين على السلم
.......... وبعد ما ينزلوا ........ ويجلسوا مع الجميع
سميحة:- بخبث ........ كل دا بترتاحوا
سيف:- بهزار ......... ايه يا ميحة ........ دا يادوب مسافة السكة بس
.........الكل يضحك عليه
محمود:- سكتك طويلة اوى
سمراء:- بخجل ....... عن اذنكم هعمل تلفون
الجميع:- اتفضلى
منى:- عيب عليكم الكلام دا .......كسفتوها
سيف:- بضحك ....... هى خدت على كدا خلاص
سميحة:- بضحك ........ وهو احنا قولنا ايه علشان تتكسف
منى:- ايه الكلام دا يا سميحة ............ اذا كنت انا اتكسفت
سيف:- خلاص انا هروح اشوفها
...... ويروح لها سيف ........وكانت سمراء بتكلم سامر فى الفون
سيف:- كلمتى سامر
سمراء:- وهى تنهى المكلمة ......خلاص يا حبيبى هكلمكم تانى ........ وبعد ان اغلقت ....... اه كلمته ...... هيبلغ حماه وحماته ويرد علينا
سيف:- طيب هتكلمى عاصم وراويه ولا ايه
سمراء:- كلمتهم ما سامر كان عندهم ........ وفرحوا اوى ....... وعاصم هيكلمك علشان يشكرك
سيف:- ويشكرنى انا ليه ....... دى فكرتك انتى
سمراء:- بس تنفيذك انت
سيف:- المهم اهل ناهد يوافقوا
سمراء:- ان شاء الله هيوافقوا
......... وتمر الايام بدون احداث جديدة ........ والكل فى انتظار يوم السفر ....... واتفقوا انهم هيتقبلوا فى المطار ......... بعد ما راويه وعاصم اتفقوا....... يسيبوا اولادهم مع المربية ........ اللى سيف جابها لولاده ........ وياتى يوم السفر ....... والكل يتجمع بالمطار ........ ومع وصول منى وسميحة .......... تحدث مفاجئة
    ................................................
ونكمل بكرة
وكل سنة وكل ام طيبة
يا تراه ايه هى المفاجئة ؟
والرحلة دى هتكمل ولا ايه هيحصل؟
التفاعلات معدومة خالص
اتمنة تتفاعلوا مع حلقة النهاردة اكتر
واشوفكم بكرة مع الحلقة قبل الاخيرة
مع تحياتى #كوثرمحمد
احببتك دون أن اراكىحيث تعيش القصص. اكتشف الآن