أنت تقرأ

احببتك دون أن اراكى

General Fiction

مقدمة احببتك دون ان اراكى حين سمعت عنك احببتك دون ان اراكى احببتك وانا لا اعرف عنك سوى اسمك احببت كل من يحكى عنك كل من يذكر اسمك اسمك اسمك الذى ابهرنى فكيف يكون شكلك وجهك كيف يكون هل انتى سمراء كما هو اسمك ام ماذا ؟ هل مجرد ان اسمع عنك احبك فكيف احب...

#اولى #بعيد #جديدة #دى #رواياتى #صفحتى #لان #نشرها

16

31 2 0 
                                    

                                              
احببتك دون ان اراكى( امبراطورية سين)
الجزء التانى:- بقلمى #كوثرمحمد
.................الحلقة السادسة عشر(16)
بعد سمراء ما حكت ل سميحة عن امها ...... سميحة كلمت منى علشان تحكلها اللى قالته سمراء
منى:- الو
سميحة:- يابنتى مليون مرة اقولك ..... قولى السلام عليكم
منى:- حاضر يا سميحة ....... المهم انتى عاملة ايه
سميحة:- انا الحمدلله بخير ...... انتى عاملة ايه
منى:- الحمدلله تمام ...... سمراء عاملة ايه والولاد اخبارهم ايه
سميحة:- كلهم بخير الحمدلله ....... المهم انا اتكلمت مع سمراء ...... وعرفت منها كل حاجه عن مامتها
منى:- ها وبعدين طلعتى منها بايه
سميحة:- ولا حاجه..
منى:- يعنى ايه ولا حاجه
سميحة:- يعنى مامت سمراء .ماهياش اختنا سامية
منى:- وعرفتى ازاى .... هى سمراء قالتلك ايه
سميحة:- مامتها اصلها من الصعيد ...... واهلها كلهم هناك ..... هى علاقتهم اتقطعت بينهم من بعد وفات اهلها ...... وعمها اصر انهم يفضلوا معه ........ وبعد وفات عمها كان سامر كبر واهتم باخته ....... والباقى بقا اناى عارفة
منى:- يعنى اخر امل لينا ضاع
سميحة:- يا منى انا قولتلك مليون مرة ما تعشيش فى الوهم
منى:- بعياط ...... كان عندى امل كبير ان تكون مامت سمراء هى اختنا
سميحة:- خلاص بقا يا منى ...... وماتفكريش فى الموضوع دا تانى
منى:- خلاص يا سميحة ...... انا هقفل دلوقتى ........ وهبقا اكلمك بعدين
سميحة:- انتى كويسة يا منى
منى:- الحمدلله اطمنى يا حبيبتى...... يومين كدا ان شاء الله وهاجى ازوركم
سميحة:- تنورى ياحبيبتى ....... وهاتى معاكى نرمين وماهر
منى:- ان شاء الله ...... يلا سلام
سميحة:- مع السلامة
.......... وتغلق سميحة مع منى ....... وتذهب لتراه احفادها
        ...........................................
............. بعد مرور ايام ......... ياتى يوم السبوع ......... والكل متجمع فى ڤيلا الشرقاوى ....... وتم الاحتفال بسبوع سامى و سامية ......سيف يتغزل فى سمراء
سيف:- اول مرة اشوف واحدة والدة قمر كدا
سمراء:- بخجل ....... وبعدين معاك بقا
سيف:- طيب بقولك ايه تعالى اقولك كلمة سر
سمراء:- لأ مافيش كلام غير لما اتم الاربعين
سيف:- نعااااام...... اربعين ايه بقا ان شاء الله
سمراء:- بضحك ....... اربعين الولادة يا حبيبى
سيف:- يعنى انا لسه هستنا اربعين يوم
سمراء:- وهى تتركه وتذهب ........ فات منهم اسبوع
سيف:- وهو يشد شعره ........ الصبر من عندك يارب
سامر:- فى ايه يا بنى ........ انت بتكلم نفسك ولا ايه
سيف:- والنبى سيبنى فى اللى انا فيه
سامر:- بضحك ....... فى ايه مالك بس
سيف:- مش عارف اقولك ايه بس
سامر:- قول يمكن الحل عندى
سيف:- وهو ينظر له من فوق لتحت ...... تفتكر 
سامر:- قول بس انت
سيف:- بغيظ........ اختك يا عم
سامر:- اشمعنا
سيف:- انت هتدخلى قفيا ....... اختك بتقولى بعد الاربعين
سامر:- بضحك بعد ما فهم ........ يخربيت الشيطان يا جدع ........... طيب ما هو ما ينفعش فعلآ غير بعد الاربعين علشان هى هتكون تعبانة ......... وغير هيكون عندها (........) اربعين يوم ....... فهمت ولا لسه
سيف:- اااااااااااه ........ هى الحكاية كدا 
سامر:- اه يا خويا كدا
سيف:- اصل انا ماشفتش الموضوع دا من يوم ما اتجوزنا
سامر:- ما انت هتشوفها ازاى ........ اذا كان الحمل حصل من يوم الفرح
سيف:- ااااااااه ......... طيب ربنا يصبرنى بقا
سامر:- هههههههه ....... ربنا معاك يا عم
.........وبعد وقت طويل ينتهى اليوم ........ وكل واحد يذهب الى منزله
      .............................................
فى منزل سامر بعد ما روحوا البيت
سامر:- بضحك وهو يحكى لناهد عن كلام سيف ........ سيف هيموت على نفسه
ناهد:- بحزن ......... ربنا يفرحهم
سامر:- مالك يا قلبى ........ شكلك مش مبسوطة ........ حد زعلك ولا حاجه
ناهد:- لالالا ابدآ ........ انا بس .....
سامر:- انتى ايه ...... ما تتكلمى
ناهد:- اصل انا كنت عايزة اروح اشوف دكتور كدا يعنى
سامر:- بخوف ...... مالك يا حبيبتى انتى تعبانة ولا ايه ........ طيب حاسة بايه
ناهد:- لأ ابدآ انا كويسة
سامر:- امال عايزة تروحى للدكتور ليه
ناهد:- علشان اشوف موضوع الحمل دا
سامر:- احنا مش قولنا نخليها على ربنا
ناهد:- ونعم بالله ....... بس انا نفسى يكون عندى ولاد
سامر:- خلاص يا حبيبتى......... انا هسأل على دكتور كويس واحجز عنده
ناهد:- وهى تحضنه ....... ربنا يخليك ليا يا حبيبى
سامر:- حلو اوى كدا ......... زى ما انتى
.......... ونسيبهم بقا وبلاش تطفل
      .........................................
نروح نشوف راويه وعاصم
....................................
عاصم:- مالك يا راويه ......... بقالك كام يوم مش على بعضك
راويه:- بحزن ......... مافيش يا عاصم انا كويسة الحمدلله
عاصم:- لأ يا حبيبتى انتى مش كويسة
راويه:- مالى بس يا حبيبى ....... ما انا زى الفل اهو
عاصم:- وهو يمسكها من اكتفها ....... يعنى انا مش عارفك ........ لما بيكون فيكى حاجة بيبان عليكى
راويه:- وهى تجلس على حرف السرير ......... انا خايفة اوى على سمراء
عاصم:- بعدم فهم ......... ليه مالها سمراء
راويه:- لأ هى كويسة .......بس انا خايفة لو حملت تانى ........ ويحصلها زى اللى حصلى
عاصم:- وهو يحضنها ويملس على شعرها ......... معقول يا راويه لسه بتفكرى فى الموضوع دا
راويه:- والله يا حبيبى غصب عنى
عاصم:- يا راويه ياحبيبتى ........ كل واحد ومكتبله نصيبه........وربنا قال........ قل لن يصيبنا إلا ما كتب الله لنا
راويه:- ونعم بالله 
عاصم:- استغفرى ربنا يا حبيبتى....... وكل واحد بياخد نصيبه
راويه:- استغفر الله العظيم ....... انا اسفة يا عاصم غصب عنى
عاصم:- وهو يقبلها....... طيب تعالى اقولك كلمة سر
راويه:- بضحك ......... ودا وقته
عاصم:- بخبث....... دا هو دا وقته
.......... ونسيبهم بقا فى حالهم
      ...........................................
وتمر الايام بحلوها ومرها ......... وسيف كل يوم اشتياقه لسمراء بيذيد ........ وينتهى الاربعين يوم ........ اللى سيف بيعدهم بالدقيقة والثانية
       .........................................
فى غرفة سميحة ومعها سمراء
سمراء:- خلاص يا ماما فهمتى اللى قولتلك عليه
سميحة:- بضحك ........ خلاص يا حبيبتى فهمت وهعمل كل حاجه زى ما قولتى ........ بس
سمراء:- بس ايه يا ماما
سميحة:- انا هحتاج ليلى معايا تساعدنى
سمراء:- ما فيش مشكلة يا ماما ...... اللى يريحك اعمليه
سميحة:- يلا اطلعى انتى على اوضك ..... علشان تجهزى كل حاجه
سمراء:- وهى تقبلها ...... طيب عن اذنك يا ماما
....... وتذهب سمراء الى غرفتها  ........ لكى تجهز ما اتفقت مع سميحة عليه
      .........................................
عند سيف فى الشركة ........ يتكلم فى الفون
سيف:- ايو عملت اللى قولتلك عليه
......:- --------------------
سيف:- طيب تمام هعدى عليك كمان ساعتين
.......:- -----------------------
سيف:- تمام يلا سلام
............ ويغلق الهاتف ......... وبعد قليل يكلم ناهد
ناهد:- ايو يا سيف بيه
سيف:- يابنتى هو انا مش قولتلك مليون مرة بلاش بيه دى .......... انتى مابتفهميش
ناهد:- ما هو اصل 
سيف:- ولا اصل ولا فصل ....... المهم انا اخرى النهاردة كمان ساعة ........ يعنى اى حاجه عندك مستعجلة ....... هاتيها دلوقتى
ناهد:- حاضر .....حالآ احضر لحضرتك كل حاجه
.......... ويغلق مع ناهد ......... ويجلس ينهى اعماله
        .......................................
عند نرمين وهى تجلس مع ماهر فى الحديقة الخاصة بڤيلتهم
ماهر:- بعصبية وغضب ....... انا مش قولت مليون مرة بلاش اللبس الزفت دا
نرمين:- هو انا خرجت بيه برا ........ ما انا قاعدة بيه فى البيت اهو
ماهر:- بصوت عالى كله غضب. ........ صوتك دا مايعلاش عليا انتى فاهمة ولالأ
نرمين:- بخوف..... حاااضر حاضر
ماهر:- يلا اطلعى البسى علشان نروح نجيب شوية حاجات
........ وتطلع نرمين بدون ولا كلمة ........ بعد ما تطلع نرمين ....... منى وهى تجلس بجوار ماهر
منى:- بضحك ...... انت عملت ايه فى البنت ...... طالعة تجرى وهى بتبرطم
ماهر:- بضحك ...... اعمل ايه بس يا مرات عمى. ....... ما بتجيش غير بالعين الحمرا
منى:- معلش يا حبيبى استحمل علشان خاطرى
ماهر:- والله يا مرات عمى انا استحملها العمر كله .......... بس هى تحن شوية
منى:- بضحك ........ اصبر يا حبيبى ........ الصبر حلو ....... وبعدين تعالى هنا ........ ايه حكاية مرات عمى دى اللى ماسك فيها
ماهر:- بضحك .......... امال اقولك ايه بس........ تحبى اقولك يا طنط
منى:- بضحك ........ ايه رايك تقولى يا ماما
ماهر:- وهو يمسك ايديها ويقبلها ......... حاضر يا ماما
............ وهنا تاتى نرمين ....... وياخدها ماهر ويخرج
       .......................................
ونكمل بكرة
يا تراه ايه اللى سميحة وسمراء بيخططو ليه؟
وسيف بيعمل ايه وبيكلم مين؟
وماهر هيعمل ايه مع نرمين ؟
نرمين هتحب ماهرولا ايه؟
يلا انطلقوا واشوفكم بكرة على خير
مع تحياتى #كوثرمحمد
احببتك دون أن اراكىحيث تعيش القصص. اكتشف الآن