احببتك دون أن اراكى

12

الحلقة الثانية عشر:- بقلم #كوثرمحمد
..........................
معانا شخصية جديدة حنتعرف عليها النهاردة
...............................
بعد كام يوم بدون احداث جديدة
فى شركة الشرقاوى
..........................
سمراء:- ازاى يعنى يشغل واحدة من غير ما يرجع ليا
ناهد:- انا مش عارفة والله وكلمته قال انه كلم محمود بيه
سمراء بغيظ:- ماشى انا هكلم محمود بيه واعرف منه كل حاجه
وانتى اعرفى عنها كل حاجه مش عايزة حاجه صغيرة تخفا عليكى
ناهد:- حاضر عن اذنك
سمراء:- اتفضلى
سمراء مع نفسها اما نشوف اخرتها ايه معاك يا استاذ مصطفى
     .....................................................
سمراء فى الفون:- السلام عليكم
سميحة بفرحة:- وعليكم السلام ورحمه الله وبركاته
سمراء:- عاملة ايه يا ست الكل
سميحة:- الحمد لله بخير انتى عاملة ايه
سمراء:- الحمد لله بخير طول ما انتى بخير
سميحة:- يارب دايمآ يا حبيبتى
سمراء:- وحشانى اوى وعايزة اشوفك
سميحة:- وايه مانعك ما تيجى انتى مش
عايزة أستأذان
سمراء:- ربنا يخليكى يا ست الكل بعد ما اخلص شغل هجيلك
سميحة:- وانا فى انتظارك
سمراء:- ان شاء الله مع السلامه
سميحة:- مع السلامه
       ........................وبع انتهاء المكالمة
سميحة:- محمود سمراء جايه بعد الشغل على هنا
محمود:- ليه فى حاجه
سميحة:- بتقول وحشتها وعايزة تشوفنى
محمود:- اكيد فى حاجه
سميحة:- انا بقول كدا برضه
محمود:- ياخبر بفلوس
سميحة:- على رايك
             وبعد وقت ليس بطويل وصلت سمراء
على الباب سمراء ترن الجرس
ليلى:- حاضر (بعد ما فتحت) يا الف اهلا وسهلا بست البنات
سمراء:- (وهى تحضن ليلى) اهلا بيكى يا لولو عاملة ايه وحشانى
ليلى:- انتى اكتر يا حبيبتى انتى عاملة ايه
سمراء:- الحمد لله بخير
ليلى:- يارب دايمآ
سمراء:-مدام سميحة فين
ليلى:- فى الصالون مستنياكى
سمراء:- طيب عن اذنك هدخل لها
ليلى :- اتفضلى
سمراء:- تدخل عند سميحة ومحمود............السلام عليكم ورحمه الله
الاتنين:- وعليكم السلام ورحمه الله وبركاته
سمراء:- (تحضن سميحة) وحشتنى اوى اوى اوى يا ست الكل
سميحة:- (وهى تحضنها ايضآ) انتى اكتر يا حبيبتى
       (وبعد السلامات كلها والكلام الكتير)
سمراء:- محمود بيه كنت عايزة اتكلم مع حضرتك فى موضوع مهم
محمود بضحك:- كنت عارف ان وراكى موضوع
سمراء:- حضرتك عارفنى ما بحبش الغلط
محمود:- خير يا سمراء فى ايه
سمراء:- الاستاذ مصطفى
محمود:- ماله
سمراء:- البنت اللى شغلها فى الشركة
محمود:- مالها كمان
سمراء:- مش مرتاحة لشكلها تحس انها
محمود:- انها ايه ممكن تتكلمى عالطول
سمراء:- يا فندم انا اسفة فى اللفظ بس تحس استغفر الله العظيم انها بنت شمال
محمود:-انتى شوفتى عليها حاجه
سمراء ؛- لحد دلوقتى لاء
محمود:- خلاص لما تشوفى عليها حاجه نبقا نتكلم
سمراء:- انا اسفة يا فندم
محمود:- ماتتأسفيش انتى مش غلطانة بس بتمشى ورا احساسك
سمراء:- وحضرتك عارف ومجرب ان دايمآ احساسى فى محله
محمود:- عارف بس مش كل مرة هيكون صح وبكرة الايام تبين الصح من الغلط
سمراء:- ان شاء الله عن اذنك
         بعد ما خرجت من عند محمود
سميحة:- سمورة تعالى عايزاكى
سمراء:- بزعل تحت امرك
سميحة:- مالك
سمراء:- أبدآ مافيش
سميحة:- عليا انا برضه
سمراء:- شويه مشاغل فى الشغل
سميحة:- طب تعالى اقعدى معايا شويه ولا وراكى حاجه
سمراء:- لاء مافيش حاجه انا فاضيه باقى اليوم
سميحة:- بعد كلام كتير ملوش لازمه
سميحة:- حبيبتى انتى لحد دلوقتى متجوزتيش ليه
سمراء:- لسه ماجاش النصيب
سميحة:- ليه هى الرجاله معندهاش نظر
سمراء:- لا مش كدا بس مافيش حد مناسب
سميحة:- المناسب دا من وجهه نظرك يبقى ايه
سمراء:- اولآ يكون على خلق ويكون محترم ويخاف ربنا فيا
سميحة:- والحب مافيش حب يعنى
سمراء:- اكيد لو عمل كدا هيكون بيحبني 
سميحة:- يعنى انتى مافيش حد فى دماغك
سمراء:- لا طبعآ
سميحة:- ربنا يبعتلك ابن الحلال الى يريحلك قلبك
سمراء:- يارب بعد اذنك انا لازم امشى الوقت أتاخر
سميحة:- طيب ماشي بس خلينا نشوفك ماتغبيش علينا
سمراء:- ان شاء الله يلا سلام عليكم
سميحة:- وعليكم السلام
       ...............................................
بعد كام يوم فى امريكا تم الاتصال بين سيف وضابط CSb ووضع الخطة المناسبة
               ..................................
وبعد كام يوم ليس بيهم شئ جديد
   .................................................
فى مكتب سيف
سيف:- رامى تعالى عايزك
رامى:- بعد ما دخل ( تحت امرك)
سيف:- اتصل ب ألين وقولها على معاد الرحلة اللى نزلين فيها مصر بعد بكرة تجهز الناس
رامى:- تمام بس هيكون الساعة كام
سيف:- هيكون 12 pm ( ظهرآ)
رامى:- اوك هبلغها حالآ
سيف:- قولها مش هسمح باى تاخير
رامى:- حاضر///
بعد وقت قصير دخل رامى عند سيف
رامى:- انا كلمت ألين وقولتلها على كل حاجه وقالت ان كلهم هكونوا موجودين فى المعاد
سيف:- تمام كدا فى واحد هيجب الجوزات بتاعتهم خدهم وهاتهم عالطول بس من غير اللى هيجبهم مايعرف ان انا هنا
رامى بتعجب:- وكل دا ليه
سيف بنرفزة:- نفز اللى بقول عليه وخلاص من غير اسئلة
رامى:- انا اسف عن اذنك
سيف :- بعد ان هداء / استنا يا رامى انا اللى اسف متزعلش منى انا كنت مضايق شوية
رامى:- محصلش حاجه ولا يهمك
سيف:- انت عارف انت غالى عندى قد ايه
رامى:- عارف وعلشان كدا مش زعلان بس كنت عايز اعرف ايه اللى بيحصل
سيف:- ما تستعجلش هتعرف كل حاجه فى وقتها
رامى:- وانا مستنى
         .............................................
فى مصر فى شقة عاصم
....................................
سمراء ؛- مالك يا رورو انتى تعابة ولا ايه
راويه:- مش عارفة يا سمراء باين عليا حامل
سمراء بفرحة:- ادا بجد الف مبروك
راويه:- استنى بس انا لسه مش متأكدة
سمراء:- ان شاء الله هتكونى حامل وتجيبى ولد عسول كدا شبه لوچى
راويه:- ربنا يسمع منك يارب
        على دخول عاصم
عاصم:- بتدعى على مين
سمراء:-بفرحة بندعى عليك انت يا عصومى
راويه:- سمراء وبعدين
سمراء:- هو انا بقول حاجه غلط
راويه تبرق لها:- وبعدين معاكى
عاصم:- هو فى ايه
سمراء بضحك:- ههههههه وانا مالى انا هروح انام تصبحوا على خير
عاصم و راويه:- وانتى من اهل الجنة
عاصم:- هى البت دى مالها اتجنتت ولا ايه
راويه:-بقلق ماتخدش فى بالك ما انت عارفها بتحب تهزر
عاصم:- طيب كنتى بتدعى على ايه
راويه:-بكسوف اصل انا يعنى
عاصم:- فى ايه مالك اتكلمى عالطول
راويه:- اصل انا ممكن اكون حامل
عاصم:- بفرحة بجد ياحبيبتى
راويه:- لسه مش متأكدة يعنى
عاصم:- طيب احنا بكرة الصبح نروح تعملى تحليل ونتأكد
          ......................................
      وفى صباح يوم جديد على الجميع
       .............................................
تستيقظ سمراء على حلم هى مش عارفة ايه هو
سمراء:- خير اللهم اجله خير مين الشخص دا اللى حلمت بيه دا اول مرة احلم بحد معرفوش يارب اجعله خير
            ..........ً...................
عند عاصم ورايه
......................
عاصم:- يلا يا رورو علشان نلحق المعمل بدرى علشان اطمن
راويه:- فى ايه يا عاصم لسه بدرى اوى دا انا مش مستعجلة زيك
عاصم:- وهو يحضنها يا حبيبتى عايز اطمن عليكى
راويه:- حاضر هجهز لوچى الاول علشان الباص زمانه جاى
عاصم:- لاء روحى انتى اجهزى وانا هجهز لوچى
راويه:- بجد اما نشوف
          ....................................
ونسبهم يجهزوا ونروح مكان تانى
...............................................
فى الشركة عند سمراء
..............................
يدخل حازم عند ناهد
...............................
تعالوا نتعرف على حازم هو شاب وسيم جدآ ومحترم جدآ وبيحب الشغل عنده 29 سنة وعيونه شديدة السواد وجسمه رياضى جدا لانه بيحافظ على ممارسة الرياضة بشكل مستمر
................نرجع تانى
حازم:- صباح الخير يا انسة ناهد
ناهد:- صباح الخير يا استاذ حازم خير فى حاجه ولا ايه
حازم:- كنت عايز الانسة سمراء فى موضوع مهم
ناهد:- الانسة سمراء فى اجتماع دلوقتى فى حاجه تحب اقولها عليها
حازم:- لا خلاص انا هجيلها وقت تانى
ناهد :- اوك برحتك
حازم :- عن اذنك
ناهد:- اتفضل
بعد ما حازم خرج
ناهد:- يا تراه عايز ايه دا  
          .............................................
ياتراه حازم عايز ايه هنعرف فى الحلقة الجايه؟
ومين البنت اللى سمراء مش مرتحالها؟
وايه حكاية الحلم بتاع سمراء؟
ويا تراه راويه هتطلع حامل ولا لاء؟
        ..............................
مع تحياتى #كوثرمحمد