احببتك دون أن اراكى

16

احببتك دون ان اراكى
............................... بقلم #كوثرمحمد
الحلقة السادسة عشر(16)
....................................
فى مكان اخر فى امريكا ( بعد الترجمة)
        ..........................................
شخص1:- انت لازم تعرف مكانه فين بسرعة
شخص 2:- حاضر بوس
شخص 1:- عايز القيه قدامى فى غمضة عين فاهم
شخص 2:- تمام تحت امرك
شخص 1:- يلا مستنى ايه
       ...........................................
نرجع مصر تانى
.......................بعد كام يوم من اخر مرة كانت سمراء فى فيلا الشرقاوى سيف على الهاتف
سيف:- ايه يا عم انت ايه الاخبار مافيش اى رد يعنى
سامر:- ههههههه اهدا ياعم شوية فى رد طبعآ
سيف:- طيب ماتقول عالطول
سامر:- عندها شرط ياعم
سيف:- انا موافق على اى شرط
سامر :- مش لما تعرف الشرط الاول
سيف:- طيب قول واخلص
سامر:- فترة الخطوبة 6 شهور حصل قبول تكمل الجوازة محصلش يبقا كل شئ قسمة ونصيب
سيف:- 6 شهور بحالهم كتير اوى يا عم
سامر:- بضحك...... ايه يا عم ما فيش صبر خالص
سيف:- صبر ايه بس ما انت مش حاسس بيا خالص
سامر:- بضحك اكتر.....لا مش حاسس خالص يلا سلام
سيف:- استنا يا زفت انت
سامر: - زفت كمان .....عايز ايه تانى
سيف:- هتنزل امته علشان نعمل الخطوبة
سامر:- يعنى وفقت خلاص على الشرط
سيف:- امرى الى الله هو انا اقدر اقول حاجه
سامر:- خلاص انا بخلص كل حاجه هنا وهنزل  على اخر الشهر
سيف:- لسه هستنا على اخر الشهر انت ايه يا اخى انجز بقا حرام عليك
سامر:- بضحك جامد اوى......يابنى فاضل على اخر الشهر اسبوع واحد بس... اول ما انزل هنتقابل ونتفق على كل حاجه
سيف:- ماشى امرى الى الله يلا سلام
سامر:- مع السلامه
       ............................................
فى مكتب سمراء فى شركة الشرقاوى تدخل ناهد ومعاها بعض الملفات
ناهد:- انسة سمراء الملفات دى كلها غلطات على الاخر
سمراء:- ملفات ايه دى
ناهد:- دى ملفات من الحسابات
سمراء:- مش المسئول عن الحسابات الاستاذ مصطفى
ناهد:- الاستاذ مصطفى واخد اجازة مرضى ليه كام يوم والانسة مها هى اللى عاملة الحسابات دى
سمراء:- والمفروض مين يراجع وراها
ناهد:- هو الاستاذ مصطفى
سمراء:- يعنى مافيش غيره يراجع وراها اكيد فى حد تانى
ناهد:- مافيش غير استاذ ياسر وهو حاليآ مش موجود مسافر
سمراء:- مسافر فين دا
ناهد:- مسافر فى العمرة
سمراء:- بتعب.....ااااه طيب هنعمل ايه دلوقتى
ناهد:- مش عارفة والله
سمراء:- بعد تفكير...... طيب ابعتهالى اما اشوف اخرتها ايه
ناهد:- حاضر هبعتلها حالآ........ وبعد شويه ( تدخل فتاة طويلة وبيضاء وتضع ميكب اوفر اوى وتلبس جيبة سوداء ضيقة جدا وتصل الى فوق الركبة وعليها قميص احمر ومفتوح من الصدر بطريقة بشعة جدآ ومسيبة شعرها القصير الى كتفها بلونه الاصفر من الصبغة)
مها:- بتأفف ... نعم انتى طلبتينى
سمراء:- تبص لها بأشمئزاز....... ايو طلبتك وبعدين ايه انتى دى لما تتكلمى معايا تحترمى نفسك فى الكلام معايا انا هنا مدرتك  وبعدين ايه القرف اللى انتى لبسه دا انتى فى شركة محترمة يا انسة
مها:- هو احنا مش فى شركة سياحة برضه ولا ايه
سمراء:- احنا هنا مواظفين مش سياح يا انسة
مها:- بتأفف.......طيب حضرتك عايزة ايه منى
سمراء:- تعطيها الملفات بقرف اتفضلى راجعى  الحسابات دى اللى حضرتك عملها كلها غلط
مها :- يعنى اعمل ايه انا خلصتها خلاص
سمراء ؛- أستغفر الله العظيم يا انسة الحسابات لازم تتسلم للأدارة سليمة ....اتفضلى وخلال 24 ساعة تكون الملفات دى قدامى مفهوم ولا ايه
مها:- بغيظ......... طيب.... وتاخد الملفات وتمشى
سمراء:- أستغفر الله العظيم ادا فى كدا
سمراء:- ناهد تعالى عايزاكى...... وبعد شويه تدخل ناهد
ناهد:- تحت امرك
سمراء:- الامر لله وحده .....بكرة زى دلوقتى لو اللى اسمها مها دى ماجبتش الملفات مظبوطة 100٪ يتعملها جزا 3 ايام
ناهد:- اللى تشوفيه عن اذنك
          ............................................
عند سيف فى فيلا الشرقاوى
سيف:- ان شاء الله هنروح نطلب سمراء بعد اسبوع من النهاردة
سميحة:- بفرحة..... بجد يا سيف هى وفقت خلاص
سيف:- ايو. وافقت
محمود:- وليه اسبوع
سيف:- يكون اخوها رجع من امريكا
محمود:- على خيرة الله
سميحة:- ربنا يتمم بخير
سيف:- يارب.....المهم ايه رايكم اجيب خاتم ولا اسورة
سميحة:- هات اللى يعجبك سمراء مش هتقول حاجه
سيف:-انا عارف انها مش هتقول حاجه بس انا عايز اجيب حاجة تليق بيها
محمود:- خلاص هات الاتنين وريح نفسك هى تستاهل
سيف:- يقبل ايد والده....ويقول هو دا الكلام السليم
سميحة:- المهم هتقولها امته ان احنا اهلك
سيف:- يوم ما نروح
محمود:- لا يا ابنى ماينفعش الكلام دا سمراء ممكن تفهم غلط
سميحة:- صح وبعدين ممكن تزعل مننا
سيف:- خلاص سيبونى افكر وبعدين اقولكم وربنا يسهلها من عنده
        ..........................................
تانى يوم فى شركة الشرقاوى احضرت مها الملفات وطلبت الأذن بالدخول عند سمراء وبعد ان دخلت
مها :- اتفضلى الملفات اهى
سمراء:- بأشمئزاز من شكلها..... هو يا انسة محدش قالك انك لما تدخلى على حد ترمى السلام الاول
مها:- بتأفف..... معلش مأخدش بالى المرة الجايه
سمراء:- وهى تاخذ منها الملفات .... رجعتيهم كويس
مها:- ايو
سمراء:- صلحتى الاخطاء
مها :- ومازالت على وضعها.......ايو
سمراء:- طيب اتفضلى على شغلك
.......وبعد ما خرجت
سمراء:- الصبر من عندك يارب......ناهد تعالى
ناهد:- حاضر..............بعد ما ناهد دخلت....... تحت امرك
سمراء:- الامر لله وحده.....خدى الملفات دى ورجعيها ولو فيها حاجه هاتيها
ناهد:- حاضر عن اذنك
........ويمر اليوم بدون شئ جديد
         ......................................
وبعد كام يوم كان يوم الاجازة وسمراء كانت فى البيت وكانت تمشط شعرها وجرس الباب يرن تظن سمراء انها راويه وتذهب لتفتح الباب دون ان تعرف مين على الباب
    ......................................................
سمراء:- انت ايه اللى جابك هنا وعايز ايه
سيف:- وهو ينظر لشعرها بانبهار.....انا جى اتكلم معاكى فى موضوع مهم
سمراء:- انت مجنون ولا ايه تتكلم معايا فى ايه وازاى وانا لوحدى
سيف:-  اولآ...لما تيجى تتكلمى معايا اتكلمى بأدب...... ثانيآ...انا مستأذن من اخوكى وابن عمك عارف انى جاى وهو مستنى جوا فى شقته اللى هى دى( ويشاور على شقة عاصم)
سمراء:- طيب اتفضل قدامى
سيف:- وانتى هتيجى كدا
سمراء:- كدا اللى هو ايه
سيف:- بخبس.....كدا بشعرك ولا لبسك دا عادى ولا ايه....انا بالنسبالى عادى
سمراء:- بتلثم............ تضع يداها على شعرها يالهوى هو انت من الصبح شايفنى كدا انت انت قليل الادب على فكرة وتجرى🏃. على غرفتها تلبس وتضع حجابها  .....وسيف ينتظر على باب الشقة ...وبعد ان انهت لبسها وخرجت وجدت سيف يقف كما هو
سمراء:- بخجل.....انت لسه واقف هنا ليه
سيف:- وهو يتفحصها من اعلى راسها الى اسفل قدميها وكأنه اول مرة يراها فكانت سمراء ترتدى فستان طويل مشجر بحمالة رفيعة وعليه جاكت جينز قصير عند الخصر وطرحة بلون الفستان ولا تضع اى مساحيق تجميل فهى لا تحتاج اليها فهى جميلة الملاح بدون ميكب
سمراء:- ها ... وصلت لحد فين
سيف:- بعد ان افاق من شروده......ها بتقولى حاجه
سمراء:- لا دا انت مش هنا خالص بقولك لسه واقف هنا ليه
سيف:- كنت مستنيكى
سمراء :- ليه
سيف:- هو ايه اللى ليه
سمراء:- ليه مستنينى
سيف:-  عادى علشان ندخل سوا عند ابن عمك
سمراء:- ليه هو انا كنت هتوه مش عارفة اروح لوحدى
سيف:- لاء انا اللى مش عايز اروح لوحدى
سمراء:- تبص له باستغراب.... وكانت تانى مرة ترا وجه بوضوح وهنا شعرت ان فى نغزة بقلبها ....وقالت طيب اتفضل
....وتذهب هما الاثنان الى شقة عاصم ورن الجرس
عاصم فتح الباب وكانت معه لوچى
عاصم:- اهلا وسهلا اتفضلو
سيف:- اهلا بيك استاذ عاصم
عاصم:- لاء استاذ ايه بقا احنا هنكون اهل انت تقول عاصم عالطول واعتبرنى اخوك بالظبط
سيف:- اكيد طبعآ يا..... يا عاصم
لوچى:- تتكلمة ببراءة......انت عريس سمراء
سيف:- وهو يضحك......اه انا عريس سمراء
.......وهنا سمراء احست ان اسمها فيه شئ غريب وگأنها اول مرة تسمعه ووشها يحمر
سمراء:- عن اذنكم انا هدخل اشوف راويه
عاصم و سيف:- اتفضلى
عاصم:- روحى يا لوچى مع سمراء جوا
لوچى:- لاء انا عايزة اتفرج على العريس
..........عاصم و سيف يضحكوا عليها
عاصم؛- بضحك معلش يا سيف اصلها شقية اوى
سيف:- بالعكس دى عسل اوى ربنا يخلهالكم
عاصم:- ربنا يخليك وعقبال مانشوف عيالكم
سيف:- بتمنى.....ياارب.
........وبعد منغاشات مع لوچى وتعرف عاصم لسيف بالطريقة المعتادة.....تأتى سمراء ومعاها بعض العصائر وراويه امامها معاها بعض الحلويات
راويه:- اهلا وسهلا بيك يا استاذ سيف....وهى  تضع ما بيداها على المنضدة الصغيرة التى امامهم وسمراء تضع ما بيدها وتجلس بجوار عاصم بتلقائية
سيف:- وهو ينظر ل سمراء بضيق.... اهلآ بيكى يا مدام...... راويه مش كدا
عاصم:- ايه يا عم انت مكسوف ولا ايه
سيف:- لا ابدآ ولا مكسوف ولا حاجه ....ويرجع بنظره الى سمراء
سيف:- انا كنت جاى اتكلم فى موضوع مهم
عاصم:- خير اتفضل
سيف:- يوجه كلامه ل سمراء.... انسة سمراء كنت عايز اكلمك عن نفسى
سمراء:- بتلقائية..... اتفضل
سيف:- طبعآ انتى متعرفيش عنى او عن اهلى اى حاجه
سمراء:- تنظر له بمعنى كمل
سيف؛- اولآ....انا زى ما قولتلك قبل كدا انى اعرف عنك كل حاجه بس اللى ماتعرفهوش ان كل حاجه عرفتها عنك من امى وابويا مش من سامر زى ما قولتلك قبل كدا....... هو سامر قالى عنك حاجات بس اللى خلانى اعجب بيكى هو كلام اهلى عنك من غير ما اشوفك ولما جيت الشركة اول مرة بحجة الشغل ما كنتش اول مرة ادخل الشركة
سمراء:- بتعجب.....ازاى يعنى واهلك يعرفونى منين
سيف:- انا لسه جاى فى الكلام...... اهلى يعرفوكى كويس اوى ....وانتى كمان تعرفيهم كويس اوى.....انا اسمى سيف الدين محمود الشرقاوى
سمراء ؛- بعد ان استوعبت الاسم......نعم..... انت بتقول ايه طيب ازاى
سيف:- لو سمحتى اهدى شوية علشان اعرف افهمك
سمراء:- بعصبية.....اهدى ازاى يعنى....يعنى انت ابن صاحب الشركة وكنت جاى تشتغلنى
سيف:- نعم اشتغلك....اشتغلك ازاى يعنى
......لسه سمراء هتتكلم سيف يقاطعها
سيف:- بغض النظر عن بشتغلك دى انا كان قاصدى انى اشوفك على طبيعتك وبس وكل اللى كان فى دماغى اشوف البنت اللى اهلى بيمدحوا فيها عالطول
سمراء:- بيمدحوا
سيف؛- ايو انا كنت فاكر انهم بيبالغو فى كلمهم عنك بس لما شوفتك واتكلمت معاكى
..........لسه سمراء هتتكلم سيف يشاور لها انها تستنا يكمل كلامه
سيف:- انا يا انسة مكنتش متخيل ان لسه فى بنات بالشكل اللى اهلى بيقولو عليه كدا ......انا اه عشت من عمرى 5 سنين فى امريكا بس موصفات البنت اللى تنفع تكون زوجة وام ملقتهاش غير لما سمعت عنك
سمراء:- اه وانت قولت اجيب واحدة خام لسه  متعرفش حاجه عن اى حاجه واعملها جارية عندى بعد ما حضرتك لفيت وعملت كل ما هو محرم ........ ولسه هتكمل
سيف:- قاطعها....جارية..... وكل ما هو محرم....بصى يا سمراء
سمراء:- استغربت انه قال اسمها كدا عالطول
سيف:- يكمل.....بغض النظر عن انفعالك وكلامك دا انا مش هرد او ادافع عن نفسى لانى عارف مش ممكن تصدقى ان ميكونش ليه اى علاقة من اى نوع بس كل اللى هقولوا انك ممكن تتكلمى مع سامر وهو عاشرنى اكتر من 3 سنين وانا جى النهاردة مش علشان اقول مواصفاتى او انا ايه ....انا كل اللى كنت عايز اقوله هو اهلى مين علشان نكون على وضوح
عاصم:- بعد ما خرج من صمته.....انت كدا قولت كل اللى عندك ولا لسه فى حاجه تانى
سيف:- لاء اى حاجه تانى انا مش هتكلم فيها اى سؤال سمراء عايزة تسأله انا تحت امرها
سمراء:- تبص عليه وتسكت
عاصم:- ها يا سمراء فى اى اسئلة عندك
سمراء:- لما اتكلم مع سامر الاول
سيف؛- وانا منتظر منك مكلمة او من سامر علشان هيكون فى قاعدة تانية بس ان شاء الله هيكون ابويا معايا.....وامى مش هتكون موجودة وانتوا طبعآ عارفين السبب
عاصم:- اللى فيه الخير يقدمه ربنا
سيف:- ينهض......طيب استاذن انا وياريت يا سمراء تفكرى كويس قبل ما تكلمى سامر ...وبعد ما تكلميه قارنى بين تفكيرك وبين كلام سامر وشوفى انتى هتوصلى لايه عن اذنكم
الجميع:- اتفضل
     بعد سيف ما مشى
عاصم:- ها ايه رايك يا سمراء فى الكلام دا
       .......................................
ياتراه هيكون رد سمراء ايه؟
حلقة كمان اهى
يلا التفاعل بقا
مع تحياتى #كوثرمحمد