احببتك دون أن اراكى

الثامنة

احببتك دون ان اراكى....... بقلم #كوثرمحمد
...........................  . .............. ........... ...
الحلقة الثامنة
...................
فى فيلا الشرقاوى
                تصل السيارة وتدخل الفيلا وينزل منها سيف ويصعد الى درجات السلم الخارجى ويرن الجرس
ليلى:- حاضر مين اللى جاى على الصبح دا( وتفتح الباب)
ليلى:- عاااا سيف( يضع يده على فمها
سيف:- شششش بشويش بعد ما سلم عليها بابا وماما فين
ليلى:- بنفس الصوت على السفرة
سيف:- بنفس الصوت ماشى اعملى حسابى فى الفطار
ليلى:- على نفس الصوت حاضر حالآ
يدخل سيف بشويش
سيف:- بصوت عالى شويه ممكن افطر معاكم
سميحة:- عاااا سيف حبيبى ( يجرى سيف الى حضن امه)
سيف:- وحشتينى اوى اوى يا امى
سميحة:- بعياط انت اكتر يا حبيبى
محمود:- وانا مليش فى الاحضان دى ولا ايه يا استاذ سيف
سيف:- بعد ان ترك يد امه بالعافية/ لا طبعآ ازاى كدا / دا انت الخير والبركة يا حاج محمود ( ويحضن والده) وحشتنى اوى والله يا بابا
محمود:- انت اكتر يا حبيبى اخيرآ يا سيف اخيرآ
سيف:- اخيريا بابا اهو جيت
سميحة:- يارب تكون اخر مرة ياسيف
سيف:- مش عارفة والله يا ست الكل بس المرة دى الزيارة طويلة شويه
محمود:- يعنى ايه ناوى تسافر تانى
سيف:- هسافر اخر مرة اصفى فيها كل حاجه وارجع عالطووووول
سميحة:- بجد يا سيف يعنى خلاص هترجع نهائى
سيف:- يقبل ايد امه/ ايو يا ست الكل نهائى بس المرة الجايه
سميحة:- كل مرة تقول اخر مرة وتغيب بالسنة
سيف:- لا يا امى المرة دى هتكون اخر مرة ان شاء الله
سيف:- ايه مش هنفطر ولا ايه
سميحة:- اه طبعآ يا حبيبى يا ليلى حضرى فطار لسيف
ليلى:- جهزت اول ما دخل اتفضل يا غالى
سيف:- وحشتنى يا لولو اتعلمتى تعملى اكل ولا لسه
ليلى:- ليه هو انا مش بعرف اعمل اكل
سيف:- طيب اعملى حسابك انا عايز اكل من اللى القلب يحبه كدا حاجات كدا مشويات على محمريات على شوية محاشى من كل الاصناف مش عايز حاجه ناقصة
سميحة:- كل اللى انت بتحبه هيكون موجود على الغدا ان شاء الله
سيف:- طيب انا هطلع ارتاح شويه من السفر يكون بابا على ما بابا يرجع من الشركة
محمود:- لا اطمن انا قاعد لك مافيش شركة
سيف:- ليه بس يا باشا انت متعطلش نفسك
محمود :- بضحك انا واخد اجازة
سيف :- مش فاهم
محمود:- لما نقد مع بعض هفهمك كل حاجه اطلع ارتاح انت دلوقتى
سميحة:- مش لما يخلص اكل الاول
سيف:- لا انا الحمد لالنهاردة
        ويطلع سيف الى غرفته
    ---------------------------------------------
فى شركة الشرقاوى
...........................
سمراء بعد ان ذهبت الى الشركة
.............................................
سمراء:- ناهد تعالى عيزاكى حالآ
ناهد:- خير يا سمراء شكلك فرحانة اوى النهاردة
سمراء:- جدآ جدآ فوق ما تتخيلى
ناهد:- طيب ما تفرحينا معاكى
سمراء:- اصل اخويا سامر رجع النهاردة من امريكا
ناهد:- الف حمدالله على سلامته
سمراء:- الله يسلمك علشان كدا انا عايزة اخلص كل الشغل المهم خلال ساعة واحدة
ناهد:- دا اللى هو ازاى يعنى
سمراء:- ماعرفش اتصرفى المهم امشى بعد ساعة واحدة بس
ناهد:- ربنا يسهل على العموم احنا مخلصين شغل الاسبوع كله بس شوية ملفات عايزة امضة وكام اجتماع كدا
سمراء:- لا اجتماعات ايه لا اجلى هاتى الملفات ارجعها وامضيها ............اه صحيح هو المرتب نزل
ناهد:- ايو الاستاذ مصطفى بيقول هتنزل النهاردة فى الصراف
سمراء:- كويس علشان عايزة اجيب حاجة وانا ماشية
          تليفون سمراء يرن
سمراء:- طيب روحى انتى
           وترد على الفون
سمراء:- السلام عليكم ورحمه الله
ليلى:- وعليكم السلام ورحمه الله وبركاته
سمراء:- ازيك يالولو عاملة ايه
ليلى:- الحمد لله بخير انتى عاملة ايه
سمراء:- الحمد لله فى احسن حال
انا عارفة ان مدام سميحة زعلانة منى بس غصب عنى والله هجلها فى يوم تانى
ليلى:- لا يوم تانى ايه دى عايزاكى دلوقتى حالآ
سمراء:- ليه خير فى حاجه ولا ايه
ليلى:- لا ياقلبى مافيش بس سيف بيه وصل النهاردة وهى عايزاكى تكونى معايا النهاردة
سمراء:- لا والله يا ليلى مش هينفع انا كمان اخويا وصل النهاردة ولازم افضل معه شوية دا انا كنت لسه هكلم محمود بيه واستاذن منهانى امشى بدرى النهاردة
ليلى:- حمدالله على سلامته
سمراء:- الله يسلمك معلش اعتذرى لمدام سميحة بالنيابة عنى
ليلى:- خدى اهى معاكى
سميحة:- ازيك يا سمورة عاملة ايه
سمراء:- الحمد لله بخير انتى عاملة ايه يا ست الكل
سميحة:- انا اسعد واحدة فى الدنيا النهاردة
سمراء:- ربنا يسعدك دايمآ يارب وحمدالله على سلامة ابن حضرتك
سميحة:- الله يسلمك ها هتيجى النهاردة
سمراء:- لا والله انا كنت لسه بقول ل ليلى ان اخويا رجع النهاردة برضه ومش هينفع اسيبه النهاردة
سميحة:- بجد طيب حمدالله على سلامته
سمراء:- الله يسلمك والله انا اسفة
سميحة:- لا يا حبيبتى بتتاسفى على ايه انا اللى اسفة بتعبك معايا بس انتى عارفة ليلى ماتقدرش على الاكل الكتير وكمان بينى وبينك ابنى طالب اكل كتير وليلى فى حاجات متعرفش تعملها
سمراء بعد تفكير:- خلاص ولا يهمك انا هتصرف ابعتيلى اللى انتى عايزة على الواتس و شاء الله هيكون موجود عندك فى المعاد اللى انتى عايزة
سميحة:- بجد يا قلبى منحرمش منك ابدآ
سمراء:- ولا منك ياست الكل
سميحة:- ربنا يخليكى يلا سلام
سمراء:- مع الف سلامه ........... وبعد ان اغلقت الفون ارسلت لها قائمة باسامى الاكل اللى هى عايزة
سمراء تطلب راويه على الفون
راويه:- السلام عليكم
سمراء:- وعليكم السلام ورحمه الله وبركاته
راويه:- ايه يا قلبى هتتاخرى ولا ايه
سمراء:- لا انا جايه بس بقولك انتى عندك اوردرات النهاردة
راويه:- ولو عندى انتى تأمرى ومتخفيش انا عملة حسابى على كل اللى سامر بيحبه
سمراء:- ربنا يخليكى يا قلبى بس انا مش بسأل علشان كدا
راويه:- امال علشان ايه
سمراء:- علشان سميحة هانم ابنها هو كمان رجع وكانت عايزة شوية حاجات كدا
راويه:- ولا يهمك شوفى هى عايزة ايه ويكون عندها فى المعاد
سمراء:- ربنا يخليكى ليا يارب هبعتلك القايمة على الواتس
راويه:- ماشى يا قلبى
سمراء:- وانا بعد ساعة هكون عندك وهعمل معاكى
راويه:- ولا تشغلى بالك ابدآ
سمراء:- منحرمش منك ابدآ يا احلى رورو فى الدنيا
راويه:- خلاص يا بكاشة انعتى القايمة يلا سلام
سمراء:- مع الف سلامه
           بعد اغلقت الفون وبعتت لراويه
سمراء:- يلا يا ناهد هاتى الورق امضيه علشان اخلص
ناهد:- كل الورق اهو على المكتب
سمراء:- كل دا الله المستعان
            وبعد اكتر من ياعة انتهت سمراء من عملها واتجهت الى المنزل
       -------------------------------
فى فيلا الشرقاوى:-
----------------------- سميحة على الفون
سميحة:- السلام عليكم
منى:- وعليكم السلام ازيك يا ميحة عاملة ايه
سميحة:- مش كبرنا على الدلع دا يا منى
منى:- لا ياختى ولا كبرنا ولا حاجه احنا لسه شباب
سميحة:- سيبك من الكلام دا بقولك انا عزماكم على الغدا النهاردة
منى:- وايه المناسبة
سميحة:- لما تيجى هتعرفى
منى:- اوك يا حبيبتى
سميحة:- متاخيرش
منى :-خلاص ماشى يلا سلام
سميحة:- مع السلامه
      وبعد ان اغلقت الهاتف
سميحة:- بقول ايه يا محمود
محمود:- قولى يا حبيبتى عايزة ايه
سميحة:- عايزة اجوز سيف
محمود :- ياريت ايدى على كتفك عندك عروسة
سميحة:- طبعآ عروسة انما ايه
محمود:- اوعى تكون نرمين بنت اختك
سميحة:- نرمين دى ايه دى اخرها تكون عروسة المولد
محمود:-  ههههههه الحمد لله طمنتينى امال مين العروسة
سميحة:- واحدة انت عارفها كويس اوى وبتحبها اوى
محمود :- يارب تكون اللى فى بالى
سميحة:- هى ان شاء الله اللى فى بالك
محمود وسميحة مع بعض:- سمراء
سميحة:- ايو ايه رايك
محمود:- ودى عايزة رأى بس هو سيف ممكن يوافق
سميحة:- وليه لاء عيبها ايه بقا ان شاء الله
محمود:- مافيهاش اى عيب بس ممكن سيف يعترض علشان محجبة وهو كان فى امريكا وكدا يعنى
سميحة:- ليه هو الحجاب عيب ولا ايه
محمود:- لا طبعآ بس هو ممكن يفكر فى واحدة زى اللى كان بيشفهم هناك
سميحة:- لا لا لا ابنى متربى وعارف دينه كويس وانا عارفة اخلاقه كويس وعارفة بيفكرة ازاى
محمود:- وانا مش هلاقى واحدة احسن من سمراء دى كفايه انها شايلة الشغل كله على دماغها
سميحة:- لا وكمان لما بطلب منها حاجه مش بتتاخر عليا
محمود:- الشهادة لله البنت بتحبك زى امها
سميحة:- والله وانا بحبها زى بنتى اللى مخلفتهاش
محمود:- طيب هتكلميه انتى ولا اكلمه انا
سميحة:- لا انت ولا انا
محمود:- دا ازاى يعنى امال مين اللى هيقوله
سميحة:- لما هو يشفها الاول وبعد كدا يقرر
محمود:- ماشى ياستى اللى تشوفيه مناسب اعمليه
سميحة:- سيبنى اخطط انا ومتشلش هم
محمود:- ربنا يسهل
سميحة:- ان شاء الله هيسهل
      ........................................................
اهى الحلقة طويلة ويارب تعجبكم
        مع تحياتى.     #كوثرمحمد