احببتك دون أن اراكى

السادسة

اسفة على التاخير

احببتك دون ان اراكى (امبراطورية سين)
.............................. بقلم #كوثرمحمد
الجزء الثانى:-
....................الحلقة السادسة (6)
شيرين وصلت الفندق اللى فيه سيف وسمراء............ وحجزت غرفة فى نفس الدور ولكن بعيدة عنهم شوية
    ...........................................
عند سيف وسمراء بعد أن استيقظت سمراء من النوم............ ودخلت تأخذ شور وبعد أن خرجت من الحمام........... استيقظ سيف
سيف:- انتى اخاتى شور خلاص
سمراء:- اه يا حبيبى......... يلا انت كمان قوم علشان انا جعانة اوى
سيف:-وهو يدخل إلى الحمام......... ثوانى واجهز
سيف:- بصوت عالى شوية........... سمراء تعالى هنا بسرعة
سمراء:- بخضة.......... فى ايه يا سيف
سيف:- بقولك تعالى هنا بسررررعة
سمراء:- وهى على باب الحمام........ فى ايه يا سيف ايه اللى حصل
سيف:- وهو يشدها إلى الداخل ويغلق الباب........... مش من المفروض ناخد شور مع بعض
سمراء:- بخجل........ بس انا اخد شور خلاص
سيف:- وهو يشدها تحت المياه........  تاخدى تانى ايه المشكلة
سمراء:- حرام عليك يا سيف انا لبست خلاص كدا لسه هغير تانى
سيف:- علشان تحرمى تخدى شور من غيرى بعد كدا........ اتعودى بعد كدا من هنا ورايح ناخد الشور مع بعض
سمراء :- ونفرض ان انا عايزة اخد شور وانت مش موجود اعمل ايه
سيف:- تستنى لحد ما اكون موجود
سمراء:- واذا كان ضرورى
سيف:- بتفكير.......امممممم .......تتصلى بيا وتقوليلى
سمراء:- وهى تخرج من تحت المياه......
لأ بقا انت كدا زوتها اوى
سيف:- وهو يشدها مرة اخرى...... انتى رايحة فين
سمراء:- هخرج اغير لبسى بدل ما اخد برد... ولا انت عندك استعداد تقضى شهر العسل لوحدك وانا فى السرير عيانة
سيف:- لأ وعلى ايه .......اتفضلى اخرجى
سمراء:- وهى تخرج من الحمام.......ايو كدا خليك ناصح
.......وتخرج سمراء تبدل ملابسها ...... وسيف ينهى الشور...... ويخرج يجد سمراء امام المرأة تمشط شعرها وتغنى
سمراء:- وهى مبتسمة..... تغنى اغنية ل راغب علامة....... انت الحب الكبير....... الاول والاخير....... ولاغيرك يا حبيبى قلبى لهواه اسير
سيف:- وهو يحضنها من ضهرها...... انا اول مرة اعرف ان صوتك حلو كدا
سمراء:- وهى تعطيه الفرشاه..... وانا اول مرة اغنى اصلن
سيف:- وهو ياخد منها الفرشاه...... ودى اعمل بيها ايه
سمراء:- وهى تشاور على شعرها....... عقابك تسرح شعرى
سيف:- وهو يمشط شعرها ....... دا من دواعى سرورى ......... دا احلى عقاب
سمراء:- بضحك..... بس ما تقولش تعبت
سيف:- وهو يقبلها فى رقبتها....... ياريت كل التعب كان بالشكل دا
سمراء:- طيب ممكن نخلص لبس وننزل نتفسح ......ولا انت ناوى تحبسنا زى ما قولت
سيف:- وهو يضحك بصوت عالى..... ايه انتى رجعتى فى كلامك ولا ايه
سمراء:- كلام.....كلام ايه
سيف:- مش انتى قولتى........وهو يقلدها .........بعد العمرة هنروح نتفرج على الناس اللى من غير هدوم
سمراء:- وهى تضحك عليه........ احنا مالنا بيهم .... احنا ننزل نتفرج على البلد ونتفسح
سيف:- وهو يعطيها الفرشاه....... خلصى لبس يا قلبى على ما اطلب الاكل.... ناكل وننزل نتمشى ...... وبكرا الصبح ناخد جولة فى البلد من اول اليوم لاخره ايه رايك
سمراء:- بفرحة وهى تقبله من خده....... طبعآ موافقة
سيف:- بخبث..... دا ايه دا بقا ان شاء الله هو انتى بتبوسى اخوكى ولا ايه........ انا جوزك
سمراء:- بخجل...... يعنى عايز ايه
سيف:- وهو يقرب منها........ عايز من دا ........ ويقبلها قبلة طويلة جدآ
سيف:- وهو يلتقط انفاسه...... اوعى تانى مرة تعملى غير كدا
سمراء:- وهى تنظر الى الارض..... حاضر
سيف:- وهو يرفع وشها..... انتى لسه بتتكسفى منى.......ويضحك عليها ....... طيب يلا بدل ما الغى النزول
...... وتذهب سمراء لأرتداء ملابسها وسيف يطلب الطعام
     ......................................
عند راويه فى المشفى...... بعد ان فاقت
عاصم:- وهو يقبلها من جبنها.... حمدلله على السلامة يا حبيبتى
راويه:- بتعب........ الله يسلمك يا حبيبى
سامر وناهد:- حمدالله على سلامتك يا رورو
راويه:- الله يسلمكم....... انا جبت ايه
ناهد:- جيبتى عريس زى القمر
سامر:- انا حاجز من دلوقتى لبنتى
عاصم:- انتيل .....مش لما تتجوز الاول
سامر:- وهو ينظر لناهد....... عجبك كدا
ناهد:- وهى مكسوفة........ وانا ايه ذنبى
سامر:- انا هخلص توضيب الشقة ونتجوز عالطول
عاصم:- انت بتكلمها هى ليه روح كلم ابوها
راويه:- بضحك وتعب...... اطلع برا يا سامر انا مش قادرة اضحك
عاصم:- يلا يا بابا على برا.... مع السلامة..... خد خطيبتك وامشى
سامر:- بقا كدا ...... دى اخرتها ...... ماشى يا عم...... ماشى يا رورو يخونك الدم اللى لسه وخداه منى
راويه:- ادا هو انت اتبرعتلى بدمك
سامر:- اه شوفتى بقا دمك زى العسل ازاى
راويه:- وانا بقول دمى بقا تقيل كدا ليه
سامر:- بزعل مصتنع...... بقا كدا ماشى انا سايبكم وماشى ...يلا يا ناهد
ويخرج ويسبهم
عاصم:- بضحك ...... خد يا عم انت تعالى بس
ناهد:- سيبك منه..... يلا احنا هنمشى علشان الحق اجى بالليل
راويه:- لأ يا قلبى ما تتعبيش نفسك
ناهد:- ولا تعب ولا حاجه انا متفقة مع عاصم وهو هيفهمك....... يلا سلام عليكم
عاصم وراويه:- وعليكم السلام ورحمة الله وبركاته
..... وتخرج ناهد وتلحق بسامر
ناهد:- استنا يا سامر....... فى ايه انت زعلت بجد ولا ايه
سامر:- بضحك...... انا عمرى ما ازعل لا من عاصم ولا من راويه..... بس حسيت انى دوخت مرة واحدة فاعملت نفسى زعلان علشان عاصم ما يخدش باله
ناهد:- الف سلامه عليك........ ما انا قولتلك خد عصير بعد ما اخدوا منك الدم
سامر:- ما انا كنت كويس معرفش ايه اللى حصلى على غفلة
ناهد:- يمكن علشان جعان
سامر:- يمكن..... يلا بينا
......... ويمشى الاثنين....... ويذهبوا الى منزل عاصم
ناهد:- اطلع انت هات لبس لوچى وانا هستناك هنا
سامر:- وانا هعرف اجيب ايه
ناهد:- هكتبلك اللى هنحتاجه فى ورقة
سامر:- ما تطلعى معايا ونخلص عالطول ولا انتى خايفة منى
ناهد:- مش حكاية خايفة منك........ بس علشان لو حد شافنا ولا حاجه
سامر:- ممكن ناخد مرات البواب معانا ينفع
ناهد:- اذا كان كدا ماشى
......... وبالفعل اخدو مرات البواب وطلعوا الى شقة عاصم ...... اخدت ناهد كل ما تحتاجه لوچى من لبس لمدة يومين .........واتجه الى منزلها ........ وهناك اصر والديها على سامر انت يأكل معاهم....... وبعد الحاح شديد من الكل وافق سامر........ وبعد ذالك فضل شوية مع لوچى...... وبعدها استاذن لكى يرتاح شوية ويعود مرة اخرى لكى يصتحب ناهد الى المشفى عند راويه.......... وذهب سامر
      .........................................
نروح مكان تانى بقالنا كتير مرحناش ...عند نرمين وهى تكلم مها فى الفون
نرمين:- ايه يا مها ..... فينك مش بتسألى يعنى
مها:- بخبث.......  معلش يا نونا ........ الشغل بقا
نرمين:- ادا انتى اشتغلتى تانى
مها:- اه طبعآ..... امال هفضل كدا من غير شغل يعنى
نرمين:- اشتغلتى فين بقا..... اكيد مع مصطفى
مها:- لاوالله انا بشتغل سكرتيرة فى شركة استراد وتصدير ...... واحد صاحب بابا هو اللى شغلنى فيها
نرمين:- مصطفى فين دلوقتى
مها:- مصطفى اشتغل محاسب فى شركة فى الغردقة
نرمين:- هو مش كان فى شرم
مها:- ما هو ساب شرم واشتغل مع واحد صاحبه
نرمين: ؛ اه ماشى........ طيب على كدا مش هشوفكم ولا ايه
مها:- بتأفف مع نفسها........ مش عارفة والله يا نونا......... المهم ايه اخبار اللى عندك
نرمين:- تقصدى مين........ سيف والزفتة دى
مها:- اه .... ايه شكلك كدا فى حاجه
نرمين:- اه ياختى..... خدها وسافرو على باريس
مها:- بنت المحظوظة ...... باريس مرة واحدة
نرمين:- اه شوفتى بقا......... لا وكمان كانوا لسه جاين من العمرة
مها:- كمان ....... اه طبعآ ....... ما هى ما صدقت بقا
نرمين:- انا مش عارفة سيف عجبه فيها ايه ........ لأ وكمان بيعاملنى معملة وحشة اوعى
مها:- بخبث...... تلاقى الست زفتة دى معبية دماغه منك
نرمين:- ليه هو انا كنت عملت لها حاجه
مها:- ما هو غل وغيرة منك
نرمين:- بغرور....... اكيد طبعآ......... هى تيجى جمبى ايه دى
مها:- اه طبعآ ....... انتى فين وهى فين
نرمين:- بس تصبر عليا لما ترجع من السفر.... انا هطلعه على دماغها
مها:- هتعملى ايه يعنى
نرمين:- مش هخليها تتهنا بيه تانى...... بس المشكلة فى خالتى
مها:- ليه مالها خالتك
نرمين:- من يوم ماخفت وبقت تمشى وانا مش بعرف اتحرك فى الفيلا برحتى خالص.......... كل ما اجى اعمل حاجه الاقيها فوق دماغى
مها:- مرة تانى اما تحبى تروحى تاخدى مامتك معاكى
نرمين:- ليه بقا
مها:- علشان خالتك تتلهى عنك وتاخدى راحتك
نرمين:- يا بنت الايه ..... كانت تايهة منى فين دى
مها:- علشان تعرفى مقامى يا بنتى.
نرمين:- اه ياختى عارفة طبعآ
مها:- يلا باى بقا علشان اشوف الشغل
نرمين:- اوك باى
..... ويقفلوا الاتنين
        ..........................................
ونطير على باريس نشوف العرسان بيعملوا ايه
      ..............................
سمراء وسيف وهما بيتمشوا فى شوارع باريس
سمراء:- الله يا سيف البلد جميلة اوى
سيف:- انا مش شايف الا جمالك انتى وبس
سمراء:- بخجل....... لأ بجد البلد فعلن جميلة
سيف:- وهو يضمها اليه ....... يا حبيبتى والله انتى فى عينى اجمل
سمراء ؛- وبعدين معاك بقا الله
سيف:- بضحك......... خلاص ماشى .......تعالى ندخل المطعم دا اكله جميل جدآ
سمراء:- انت جربته قبل كدا
سيف:- اه جيت مرة هنا كان عندى شغل
سمراء:- شغل تابع شركة امريكا
سيف:- اه
سمراء:- اه صحيح انت عملت ايه فى الشركة دى
سيف:- سيبتها لواحد صاحبى
سمراء:- طيب هو انا ممكن اطلب منك طلب
سيف:- وهما يدخلون المطعم ........... انتى تأمرى عالطول مش تطلبى
سمراء:- وهى تجلس على الكرسى........ ربنا يخليك ليا يا حبيبى........ انا كنت عايزة اروح اشوف الشركة دى والمكان اللى كنت عايش فيه انت وسامر
سيف:- اوك يا حبيبتى...... بعد ما نرجع اظبت امورنا وناخد اجازة تانى ونسافر امريكا ولا يهمك ابدآ
سمراء:- هو ماينفعش نروح من هنا
سيف:- اه طبعآ ينفع ....... خلاص ياقلبى ناخد اسبوع هنا وناخد اسبوع هناك...... ايه رايك
سمراء:- ربنا يخليك ليا يا حبيبى يارب وميحرمنيش منك ابدآ
سيف:- ولا منك يا قلبى..... . مش نطلب الاكل بقا
سمراء:- نطلب بقا
........... ويطلب سيف المنيو وياتى به الجرسون..... ......
سيف:- تحبى تاكلى ايه يا قلبى
سمراء:- اللى هتاكل منه
سيف:- افتكر ان سمراء ما بتعرفش فرنساوى........ اقرائلك المنيو وانتى تاختارى
سمراء:- بابتسامة بسيطة......... انا بعرف فرنساوى كويس اوى زى الانجليزى بالظبط( قالت الجملة كلها بالفرنسية)
سيف:- بإعجاب شديد.......... اول مرة اعرف...... وتعرفى لغات تانى غيرهم
سمراء:- اسبانى وكنت قربت اخلص كورس الالمانى قبل الجواز
سيف:- طيب نطلب الاكل وبعد كدا نشوف موضوع اللغات دا
سمراء:- بضحكة خفيفة....   اوك اطلب انت برضه
.......... ويطلب سيف الطعام وبعد شوية ياتى اليهم الطعام ويبداؤ الاكل
سيف:- اتمنا اختيارى يعجبك
سمراء:- اكيد يا حبيبى..... مادام اختيارك اكيد هيعجبنى......... بعد ما تذوقت الطعام...... امممممم طعمه جميلة جدآ
سيف:- بالهنا والشفا يا قلبى
سمراء:- الله يهنيك يا حبيبى..... ممكن يا حبيبى بعد الاكل اطلب ايس كريم
سيف:- يا حبيبتى قولتلك قبل كدا انتى تامرى مش تطلبى
........ ونسيبهم بقا يخلصوا اكل
       .........................................
ونشوف شيرين بتعمل ايه
شيرين فى غرفتها فى الفندق....... بعد ما سألت على سيف....... وعرفت انه نزل هو ومراته....... وهى رايح جاى فى الغرفة ........ اه طبعآ واخد السنيورة بيفسحها......... وانا قاعدة على نارى هنا انا لازم افكر فى حاجه اعملها ارجع سيف ليا من تانى
........... ونسيبها تاكل فى نفسها
      ....................................
ونرجع نشوف راويه وعاصم........بعد مع سامر عمل نفسه زعلان
راويه:- معقول سامر يكون زعل منى
عاصم:- معقول يا حبيبتى....... ما انتى عارفة سامر بيحب يهزر...... شوية وهتلاقيه جاى او بيكلمنا فى الفون
راويه:- لأ بس شكله كان فى حاجه
عاصم:- ما تشغليش بالك انتى بس..... المهم هنسمى البيبى ايه
راويه:- الاسم اللى يعجبك يا حبيبى
عاصم:- ايه رايك نخلى لوچى هى اللى تسميه
راويه:- اه صحيح هى فين
عاصم:- هى عند مامت ناهد
راويه:- ليه كدا يا عاصم نتقل على الناس
عاصم:- يا حبيبتى والله ناهد هى اللى اصرت......... وحكلها على الحوار اللى دار بينه وبين ناهد وسامر
راويه:- والله اصيلة البنت دى ربنا يسعدها يارب
عاصم:- يارب ........ يلا ارتاحى انتى دلوقتى قبل ما البيبى يصحه
    .......................................
ونسيبها بقا ترتاح
ونرتاح احنا كمان ونكمل بكرا
        ..................................
توقعتكم بقا ايه اللى هيحصل؟
نرمين هتعمل ايه؟
وشيرين ناوية على ايه؟
وسيف وسمراء هيعملوا ايه؟
اشوفكم على خير
مع تحياتى #كوثرمحمد