مابين الحب والقوة

الفصل الخامس(الجزء الثاني)

تولين بصدمة:-فاقدة اي..... انت بتقول اي
جاء سراج ان يتحدث وجد فريال تدلف إلي الغرفة وخلفها سيف الذي يظهر علي وجههم الخوف والقلق

فريال بخوف وهي تتفحص تولين بعينيها
:-انتي كويسة يا تولين اي ال حصل وليه روحتي المكان دا اصلا
ظلت تولين تنظر لها تحاول ان تتذكر من هيا هذه المرأة وعن ماذا تتحدث ولكن لا يوجد فائدة

سراج:-ممكن اتكلم معاكوا علي انفراد وسيبوا تولين ترتاح
نظر له سيف بشك ف هو يشعر انه يخبئ شيء ولكنه كبير
خرج الجميع إلي الخارج وتركوا تلك المسكينة وهيا تحاول ان تعيد ما فقدته ولكن لا فائدة ف رأسها تؤلمها بشدة حتي غفت من كثرة الألم

ف الخارج
سيف بغضب:-انت بتقول اي..... دا جنان
فريال بدموع:-يعني اي مش فاكرة احنا مين يعني هيا مش فاكرة امها
سراج بتنهيدة:-هيا محتاجة وقت عشان تفتكر بس مش اكتر ثم صمت قليلا يحاول ان يجمع باقي كلامه حتي يرمي لهم الصدمة الأكبر
سراج:-بس هيا عارفة اني جوزها وهيا مراتي
نظرت فريال له بصدمة اما سيف فنظر له بغموض
سيف:-وانت ليه قولت ليها انك متجوزها وكل دا كدب
سراج ببرود:-عشان انا هتجوزها فعلا وانا هيا كنا متفقين قبل ما يحصل ال يحصل
سيف بحدة:-مستحيل تولين تكون موافقة علي الجوازة دي احنا مش هبل قصادك عشان تضحك علينا
اقترب منه سراج وهو ينظر ف عينيه:-انا قولت انها موافقة وممكن اجيب شهود علي كدا وانا مش هعيد كلامي مرتين انا هبعت اجيب مؤذون وهنكتب كتب الكتاب وياريت محدش يقول قصادها حاجة
ثم امسك هاتفه وهو يجري مكالمة مع اخدي حراسه حتي مر بعد الوقت حتي جاء الحارس ومعه المؤذون الذي نظر لهم بدهشة ولكنه ادي عمله دون اي كلمة حتي جاء دور توقيع تولين علي الورق حتي يتم كتب الكتاب
سراج:-انا هدخل ليها
ثم اخذ الورق ودخل إليها ف الغرفة وجدها تجلس وهيا تضع يديها علي رأسها وتغمض عينيها
سراج بهدوء:-تولين
تحركت تولين وهي تنظر له بتعب وهي تجيب
:-نعم
سراج:-دا ورق محتاج انك توقعي عليه تبع المستشفي
نظرت له تولين وهي تنظر له بتشوش حتي قالت
:-ماشي
اقترب سراج منها وهو يحمل الورق اما هيا ف كانت توقع دون ان تنظر حتي ما مكتوب داخل الورق ثم اعطته القلم وهي تعيد رأسها إلي الخلف مرة اخري وتغمض عينيها
سراج بقلق:-انتي كويسة
تولين بصوت مرهق:-اه كويسة بس راسي بتوجعني شوية
سراج بخوف:-طب مش تقولي يا تولين انا هروح اجيب الدكتور
ثم خرج من الغرفة واعطي الورق ل المؤذون ثم ذهب حتي يجلب الطبيب
داخل غرفة تولين
كان الطبيب يتفحصها وهو يسألها بعض الأسئلة حتي انتهي وهو يقول
:-انا عايز اعرفك يا مدام تولين انه خطر انك تضغطي علي نفسك عشان تفتكري لأنك كدا هتعرضي نفسك للخطر وممكن تفقديها نهائيا وانا هبعت ممرضة تحط ليكي مسكن ف المحلول عشان تقدري تنامي مش غير وجع ثم ذهب اما سراج ف جلس امامها علي الكرسي وهو ينظر لها بنظرات لم تفهمها
تولين:-انت بتصبص ليا كدا ليه
سراج:-لا عادي اصلك وحشاني اووي
نظرت له تولين حتي نطقت
:-هو انا اتعرفت عليا ازاي واتجوزنا امتي وعندنا ولاد ولا لأ
سراج:-لما تروحي معايا بيتنا انا هفكرك بكل دا اما بقا كان عندنا ولاد ولا لأ ف هو لأ لأننا لسه متجوزين من شهرين بس
صمتت تولين عندما وجدت الممرضة تدخل الغرفة وهي تضع المسكن داخل المحلول ثم خرجت ظلوا ينظرون لبعضهم للحظات حتي غفت تولين من كثرة التعب اما سراج ف ظل يتأملها لثواني حتي تذكر ان سيف وفريال مزالوا ف الخارج