بسم الله الرحمن الرحيم
نسمي كدا و نركز معلش عشان الشخصيات كتير 😂
اولا احنا عندنا الخمس عائلات الاساسيه بتاعه الجزء الأول وكمان في اشخاص هتظهر مع الوقت ودول هبقا اكتب note عندهم
عائله كنان الألفي
كنان الألفي :احد اهم رجال الأعمال في مصر وعنده شركه باسم عيلته وعنده ٥٦ سنه وبالرغم من سنه الا انه مواظب على الرياضه ذا باقي صحابه ودا مش مبين عليهم الرقم دا😂
جميله الألفي :جراحه عندها مستشفى خاصه بيها بالمجان (طبعا هديه من كنان.. اوعدنا يارب 😂) وعندها ٥١ بس جميله عكسه كنان بتكره الرياضه قد عينها بس مع دا كله فهي مش تخينه اوفر يعني
عمار الألفي :الابن الأكبر بيشتغل مع ابوه في شركته وعمار تقريبا اكتر حد شبه باباه في شخصيته العقله الا ان عرق جميله المجنون بيظهر ولما يظهر بيظهر وبشده 😂
مازن الألفي :في السنه الاخيره لكليه هندسه واكتر حد شبه باباه في الشكل... ماشي على خطا مازن الكبير بس اكتر شويه😂.. وبالرغم من حبه لمازن الا ان مبيكرهش في حياته قد بنته او يمكن انه......
مريم الألفي :تؤام مازن في السنه الاخيره في كليه تربيه قسم علم نفس وبالرغم من انها تؤام مازن الا انهم مش شبه بعض خالص فهي اكتر حد هادي في العيله دي
سليم الألفي :طالب في كليه شرطه السنه الاخيره واكتر حد محبوب في العيله بسبب عدم حضوره الدائم لطبيعه دراسته
مالك ومليكه الألفي :اكتر أتنين مجانين في العيله ... في تالته ثانوي وبالمناسبة مالك مش هامه الدراسه قد ما هامه حبه للكوره وبيلعب في احد الانديه وكمان منتخب مصر للشباب
معلش العيله كبيره شويه 😂
اللي بعده🔊🔊
*ملحوظه الابطال كلهم نفس السن وكذلك البطلات قصدي على الناس الكبيره طبعا
مازن الجارحي وسلمي
مازن : شريك كنان في الشركه وصديق عمره وبالرغم من سنه دا الا ان مازن هيفضل مازن (اللي قرأ الجزء الأول هيفهم 😂)
سلمي الجارحي :دكتوره أسنان وعندها مركز طبي للأسنان(هديه من مازن) (شيفاكي ياللي بتدعي على جوزك 😂) سلمي بقا بتهتم بنفسها جدااااا عشان طبعا مازن
مرام الجارحي : والله انا احترت اكتب مرام فين 😂(هتعرفوا اول فصل)معيده في كليه صيدله عنيده جدا زي والدتها
مروان الجارحي :صاحب مازن المقرب وكمان معاه في كليه هندسه
مروان بقا مش شبه باباه خالص
ميرال الجارحي :طالبه في كليه أسنان سنه تالته واكتر حد شبه بباها في شخصيته المرحه
*متقلقوش من فكره الغبطه بين مازن ومازن هبقي اقول اسم العيله او الكبير والصغير ومن الأحداث هتفهموا هو مين ان شاء الله
حاتم وغزل
حاتم الشريف :لواء في قطاع القوات الخاصه وبالرغم من صعوبه مهنته الا انه محافظ على شخصيه المرحه
غزل الشريف :مهندسه متقاعده 😂قصدي انها سابت الشغله.. عشان تهتم بولادها بس زي ما بيقولوا كدا جات تكحلها عمتها وهنفهم دا بعدين
أسر الشريف :ماشي على خطوات والده وبيشتغل ظابط في القوات الخاصه وخاطب هدى بنت يحيى
كارمن الشريف :تؤام أسر واكتر واحده قريبه ليه متخرجه من السن قسم اسباني بس مش بتشتغل في المجال دا... اتجهت للسوشيل ميديا وبقت انفلونسير قد الدنيا 😂(لقتها بتاكل عيش اكتر😂)
حسام وريم
حسام الأسيوطي :عنده شركه للهندسه وعايش هو وعيلته في امريكا
ريم الأسيوطي :رسامه اشتغلت على نفسها لحد ما بقت من أشهر الشخصيات في مجالها ف أمريكا
حور الأسيوطي :مهندسه ولكن لا تعمل ودا بردوا هنعرفه بعدين 😉
حور وحبيب :أصغر أفراد العيله ثانويه عامه حبيب من الشخصيات العقله جدا وحور هاديه جدا (مش شبه ريم وحسام خالص 😂)
اخر عيله
يحيى وعائشه
يحيى نعيم :مدير احد اكبر المستشفيات في اسكندريه الام تكن اكبرهم
عائشه :كانت بتعمل في مجال اداره الأعمال وحاليا لا تعمل
مؤمن :الابن الأكبر وماسك شركه والدته بعد اما قررت تقعد في البيت وخاطب كارمن بت حاتم بعد معاناه
هدى :طالبه في كليه طب السنه الاخيره من الشخصيات الخجوله جدا
طبعا مننساش صهيب
صهيب :هو الطفل اللي البنات ربوه وهو صغير دكتور في كليه هندسه ومدير شركات كنان للهندسه اللي كنان فتحها ليه مخصوص ومع انه وصل لسن ال٣٥ لسه متجوزش لانه مقدرش ينساها بالرغم من جوازها وانجبها كمان
اسفه على الاطاله بس كان لازم اقول الشخصيات الجزء الأول بس نسيت 😂🙃ودا كبر الموضوع اعزروني في روايتي الأولى ان شاء الله اتلافي الأخطاء
المهم استنوا اول الفصل النهارده بالليل
وشكرا
جهاد عهدي
