ချစ်သော ...Doctor ❤ (Zawgyi & Unicode)

ချစ်သောဒေါက်တာ ❤️ 16

unicode....

ပတ်၀န်းကျင်တစ်ခုလုံး ကားသံ လူသံတွေနဲ့ဆူညံနေပေမဲ့ သူ့အတွေးတွေနဲ့ မျက်လုံးတွေက တစ်နေရာတည်းကို ဦးတည်ကာစိုက်ကြည့်နေလေသည်။
တုန်ယင်နေတဲ့လက်တွေက စိတ်လှုပ်ရှားမှုကိုဖော်ပြနေပေမဲ့ လူမသိအောင် မြိုသိပ်ထားတဲ့ကြောက်ရွှံမှုတွေကအတိုင်းသားမြင်နေရလေသည်။

ရှောင်ကျန့် မျက်လုံးတွေကို စုံမှိတ်ကာ ထိုင်ခုံတန်းပေါ်ကိုမှီချလိုက်သည်။
ခွဲစိတ်ဓားကိုကျွမ်းကျင်စွာကိုင်ပြီး သူ့အတွက် အခက်အခဲဆိုတာမရှိခဲ့တဲ့ ကျွမ်းကျင်မှုကို ဒီနေ့တော့ သူကျရှုံးမတတ်ဖြစ်ခဲ့တာက အိပ်မက်ဆိုးတစ်ခုလိုပင်။
ခွဲစိတ်မှုစတုန်းက အကုန်အဆင်ပြေလာခဲ့ပေမဲ့ အဆုံးသတ်ခါနီးမှာ​ေ၀၀ါးလာတဲ့အမြင်အာရုံတွေ နဲ့ အတူ ​ဖြစ်ပေါ်လာတဲ့ကြောက်ရွှံစိတ်က ခွဲစိတ်မှာမှာ တစ်စုံတစ်ရာ အမှားအယွင်းဖြစ်မှာကိုပင်။
ချွေးတွေဆက်တိုက်ထွက်လာသည့်သူ့ကို ဘေးက ကူညီပေးနေတဲ့ အားချင်က ရိပ်မိသည့်ဟန်စိုးရိမ်မျက်၀န်းတွေနဲ့ ချွေးတွေကို သုတ်ပေးရင်း

" ရှောင်ကျန့် ငါဆက်လုပ်လိုက်မယ် နင်နားလိုက်တော့"

" ရတယ် အားချင် ငါအဆုံးထိ တာ၀န်ယူချင်တယ် စိတ်မပူနဲ့ ငါဘာမှမဖြစ်ဘူး"

အားချင်နဲ့ သူနာပြုတွေကို တချက် ခေါင်းညိတ်ပြကာ အဆင်ပြေကြောင်းပြောလိုက်ပြီး ဓားကို ပြန်ကိုင်လိုက်သည်။
တရိပ်ရိပ်ဖြစ်နေတဲ့ အမြင်အာရုံတွေက မျက်မှန်တပ်ထားသည်တိုင် အကုန်​ေ၀၀ါးလာတဲ့နောက်ဆုံး ဓားနဲ့ သူ့လက်ကို လှီးချလိုက်မိသည်။

သွေးတွေပန်းထွက်လာတာကြောင့် အကုန် ရုတ်ရုတ်သဲသဲဖြစ်ကုန်မှာစိုးတာကြောင့် လက်ကို ဂွမ်းစနဲ့ဆုပ်ကိုင်ကာ လူနာကိုအားချင်နဲ့အပ်ပြီးထွက်လာရသည်။
တော်သေးသည်။
ခွဲစိတ်မှုအောင်မြင်လို့။

အခုတလော ညမအိပ်နိုင်တာကြာပြီ။
ဆေးတွေကို ကိုယ့်ဘာသာကိုယ်သောက်ကာ တစ်ယောက်တည်း ကြိတ်ကုနေခဲ့ပေမဲ့ တိုးတက်မလာတဲ့အပြင်ပိုးဆိုးလာတဲ့ အကြောင်းရင်းက အရင်ရောဂါဟောင်းပြန်ထလာတာဘဲဖြစ်မည်။