عشقت من لا يرحم ( جاري تعديل السرد)

الفصل الرابع والعشرون 💔💔💔

اقترب نوح من سلمى بنظرات مرعبه
وثوانى ودوى صوت صفعه فى المكان ارتحت على اثرها سلمى فوق الارضيه وسقطت معها دموعها
ونوح تتسارع انفاسه واحمر وجه من شده الغضب
كان يتحكم فى دموعه الا تسقط بسبب وجع قلبه مما رأى معشوقته فى احضان شخص آخر
كم صعب تخيل هذا المنظر ماذا لو رأوا المنظر كما رأوه
لما فعلت به هذا
لما تريد فى كل مره ان تكسر قلبه عندما يوجد بصيص من الامل فى تللك العلاقه التى أصبحت معقده أكثر من اللازم
ينطفئ الامل ويحل محله وجع القلب
أصبحت تلك العلاقه مهزوزه مكسوره معقده
كلما حاول جعل العلاقه أكثر قوه تتمزق أكثر واكثر
وكأنك تبحث عن ابره فى كومه قش
ياالله لما كل تلك الابتلائات لم أعد تحمل كثره قلب اكتر من ذلك
بوجع القلب صعب صعب جدا تحمله
ولاكن لن أضعف تلك المره امام عيونها فاما فعلته ليس بالامر الهين يجب معاقبتها اشد عقاب على مافعلته
اقترب منها نوح بخطوات بطيئه دبت الرعب ف قلبها وارتجفت خوفا مما هى قادمه عليه
اقترب منها نوح وساعدها على الوقف
ومره اخرى دول صوت صفعات تهبط على وجه سلمى
ظل يضربها حتى أصبح وجها مليئ بالدماء
نوح بغضب وقهر ووجع قلب كبير وصوت يحمله الالم= لييييييه.....ليييييه تعملى كل ده ليه تكسرنى وتكسرى قلبى
ليييييه تعملى كده
لييييه وجع القلب ده انتى عارفه انتى بعملتك دى عملتى ايه كسرتنى ودوستى على قلبى باوسخ جذمه عندك كسرتى ابوكى وحنيتى ضهره
انتى عملتى مصيبه
بس ده السبب وكان بيشاور لقلبه
دا الخاين إلى حبك وعشقك وسلمك مفاتيح قلبه وروحه
دا إلى كان بيثق فيكى اكتر من نفسه
دا إلى كنتى انتى امانه
بس على قد حبى وعشق ليكى ياسلمى على قد ماكرهتك اكتر ماعشقتك
ونفسى اخنقك بايدى دلوقتى
بس مش بيدى ده (قلبه) خاين مش هيقدر يعملها
بس انا هوريكى الويل ياسلمى
هوريكى ايام تخليكى تتمنى الموت ومش هطوليه بردو
وهنكتب الكتاب سواء برضاكى أو غصب عنك ومن انهارده اعتبرى عذابك ابتدى يابنت الحديدى
وهخليكى تندمى على اليوم إلى فكرتى فيه تخونينى
ودلوقتى دخلتى سجن العامرى يابنت مهاب
وهتشوفى عذابى هيبقى عامل ازاى
اعتدل نوح فى وقفته وعدل هدومه وبصلها نظره استحقار وكره شديد= ودلوقتى تحطى اى حاجه على وشك تداريه الهباب إلى فيه
وتنزلى ولا كأن حصل حاجه فاهمه
وهتوافقى على كتب الكتاب
وسابها ومشى وقفل الباب جامد اتتفض سلمى على أثره
اتكورت على نفسها وفضلت تعيط بصوت عالى بحزن وقهر على حالها وعلى الظلم إلى اتعرضتله على ايد نوح مادهاش فرصه تدافع عن نفسها وحتى لو اتكلمت مستحيل يصدقها بعد المنظر إلى شافه
كان نوح فى القضيه القاضى شاف وحكم علطول من غير مايسمع رائ المجنى عليها
اتكتب عليها تعيش فى سجنه ودوق ظلمه
فضلت سلمى بتبكى بقهر على إلى وصتلته
&&&&&&&&&&&&&&&&&&&&&&&&&&&&&&&
فى اوضه سحر ومهاب
سحر قاعده وحشه بقبضة فى قلبها ومش مرتاحه وقاعده سرحانه
وقصادها سهير قاعده سرحانه ودموعها نازله وحشه بخوف وقلق
دخلت عليهم فردوس وشافت حالتهم قلقت
فردوس= فى ايه ياولادى جاعدين اكده ليه وكل واحده فيكوا سرحانه كأنها شايله هموم الدنيا
فى حاجه حصلت
سحر بقلق= مش عارفه والله ياماما
فردوس= كيف يعنى مش عارفه مالك احكى ياضنايا وطلعى كل إلى جواكى
سحر = مش عارفه ياماما اول مره مهاب يسافر واقلق عليه كده هوا علطول بيسافر كنت ببقى قلقانه عليه بردو
بس مش زى دلوقتى حاسه بقبضه فى قلبى وخوف حاسه ان فى حاجه
وكمان مهاب متصلش يكلمنى هوا عمره ماعمالها
مش مرتاحه ياماما
فردوس بهدوء= اهدى يابتى تفائلوا بالخير تجدوه اكيد حصلت حاجه منعتوا يحكى معاكى واكيد دلوقتى هتلاقيه بيكلمك متقلقيش
وجهت بصرها لسهير والى لسه بتبكى فى صمت
فردوس= وانتى ياسهير مالك يابت وليه عم تبكى
سهير = مش عارفه ياماما يمكن نفس إلى بتحسه سحر انا حاسه بيه ويمكن اكتر خايفه اوى على عثمان وكمان حلمت ببنتى انهارده والموضوع ده قالقنى اكتر
فردوس= حلمتى ببتك مين اروى
سهير= لاء ياماما انا عندى بنت تانيه بس ماتت
فردوس= لاحول الله يارب كيف حوصل اكده
سهير= كنت خلفت بنت بعد قبل اروى بسنه
وكان عمرها سنه وقتها حملت فى اروى وجبتها
اروى تمت السنه وهى تمت السنتين وفى يوم سيبتها نايمه وقامت على صريخ نوح بدور عليها مالقتهاش قلبنا عليها البلد بحالها
لحد اما بعد اختفائها بأسبوع لاقينا الظابط بيكلمنا وبيقول انه لاقا بنتى رد الامل فيا تانى روحت اشوفها بس لاقيتها حصه متفحمه حرقوا بنتى وهى عيله لسه سنتين ذنبها ايه
وحلمت بيها النهارده وكانت بتبكى وبتنادى على عثمان
فخايفه على عثمان اووى
فردوس فى نفسها ولأنها من وقت ما صحيت وهى قلقانه بردو بس محبتش تبين علشان متقلقهومشى
فحبت تغير الموضوع فرسمت ابتسامه على وشها = بطلوا نكد كده وهوما بخير ان شاء الله وتعالوا احكيلكوا قصه حبى انا وابو العيال
سحر بضحك= ايوه ياعم
سهير= كان اسمه ايه ابو العيال
فردوس بتنهيده لذكريات حبها= الحاج عطا الحديدى الراجل ده حبيته فوق ماتتخيلوا عدينا كل مراحل الحب والعشق بكتير
هوا كان راجل فقير وانا كمان كنا ناس على قد حالنا
هوا كان بيحبنى ومش مبين وانا بردو
لحد اما فى يوم اتقدملى بس اهلى رفضوا وكانوا عاوزين يجوزونى لحد تانى وقتها انا رفضت وقولت لو مش هتجوزه هرمى نفسى فى البحر
وقتها وافقوا عليه واتحوزنا وكنت معاه خطوه بخطوه وعدينا مراحل كتير صعبه فى حياتنا اووى بس استحملنا واشتغلنا احنا الاتنين وحطينا القرش على القرش لحد اما عملنا الدوار والشركه إلى بقت شركات وبقينا أكبر عائلات الصعيد
سحر = يادوسه يا جامد حبه من الضفاير
سهير= طب محصلشى حاجه كده ولا كده
فردوس= بس يابت انتى وهى عيب لما تكبروا
ضحكت سحر وسهير ونسيوا شويه من هموهم
)الضحك ده وراه مصيبه 🙂)
تليفون سحر رن
اول اما فتحت الخط
سحر = الوو
.......
رمت التليفون ووقعت على الارض
&&&&&&&&&&&&&&&&&&&&&&&&&&&&&&&
فى اوضه امنيه قاعده بتقرأ روايه على الفون ومندمجه معاها اووى لدرجه انها محستش بسليم وهوا بيخبط على باب الاوضه(كان عامل فرح😂)
ولما دخل عليها الاوضه وقعد على الكرسى إلى جمبها وفضل مركز فى ملامحها وهى مش حسه بيه
سليم بهيام= انتى حلوه كده ازاى
امنيه انتفضت من مكانها = ااااااع....ايه الغباء ده ياسليم حد يخض حد كده وبعدين انت ازاى تدخل من غير استئذان هى وكاله من غير بواب
سليم= ايه ياماما مابراحه على نفسك شويه ليطقلك عرق
امنيه= سليم انت عبيط
سليم = لاء ليه
امنيه= طب هسألك سؤال اما نشوف انت ذكى ولا ايه
سليم= معاكى موقع ويكيبيديا اتفضلى
امنيه= سليم هى الجموسه بتشرب ايه
سليم بسرعه وبلاهه= ايه السؤال التافهه ده بتشرب لبن
امنيه وهى بتسقف = الله عليك يابنى عبقرى عبقرى
سليم بفخر = طول عمرى ياماما
امنيه= الجموسه بتشرب لبنننننن
سليم= ايه ده ....بتشرب ميه
أمنيه= داانت إلى جموسه والله
سليم= الله فى واحده تشتم جوزها وتقوله جموسه
امنيه= جوز مين يابابا اوعى تكون صدقت اللعبه دى مافيش جواز
سليم= لاء هنتجوز يا امنيه حتى ولو غصب عنك
امنيه= والله والست أريج دى بتعمل ايه فى حياتكوا كوز دره فى حياتك ولا ايه مش فاهمه
سليم= بوصى ياامنيه انا عندى ثقه كامله فيكى فاهحكيلك كل حاجه
بس عارفه لو عرف طل بره الاوضه دى هعمل ايه انا هولع فيكى انتى فاهمه
امنيه= بخوف..حاضر
سليم اتنهد= بوصى ياستى انا نوح خطوبتنا من جومانه واريج مزيفه واى كلام فشنك يعنى
امنيه= فشنك ازاى يعنى
سليم= يعنى دى خطه احنا عاملينها علشان نكشف بيها جومانه والى بيساعدها من العيله
امنيه= يعنى فى حد مننا عاوز يدمر العيله دى
سليم يايماء= ايوه وانا خطبت أريج لانى عرفت انها متفقه مع جومانه فاحنا حبينا نحطهم مع بعض على نكشف الحقيقه
امنيه = امممم بقا الموضوع كده
سليم= مش عاوزك ياامنيه تشكى ولو ثوانى فى حبى ليكى فاهمه لانى بعشقك بجنون وهتجوزك بردو
وانا عارف انك من جواكى عامله فرح دلوقتى
امنيه فعلا كانت فرحانه وقالت بعدم وعى= سليم انا بحبك
سليم بصدمه= نعم بتقولى ايه
امنيه بصتله بخجل ومقدرتشى تتكلم
سليم= لاء والنبى مش وقته قوليها تانى
امنيه بخجل= خلاص بقا ياسليم هى طلعت مره واحده
سليم= معلشى قوليها كمان مره
سكت امنيه
سليم= خلاص هروح لاريج وهى تقولهالى
امنيه بشراسه= نعم ياخويا تروح لمين
عارف ياسليم لو شميت خبر انك قربت منها ولا كلمتها هولع فيكى
سليم= بخوف مصتنع= خلاص ياسيد فى ايه
امنيه= سيد مين ده ياخويا
سليم= انتى سيد ياقلبى
حدفته امنيه بالمخده وطلعت تجرى وراه وفضلوا يضحكوا
وفجأه سمعوا صوت صويت جاى من تحت
&&&&&&&&&&&&&&&&&&&&&&&&&&&&&&
نوح وصل الدوار وداخل وهوا مهموم والحزن واضح فى عيونه مش عارف يعمل ايه ولا يقول ايه وازاى هيتجوزها بسرعه كده حاسس ان الدنيا اتبهدلت من حواليه
دخل الدوار شاف الكل قاعد ومتجمع وشاف البنات كلهم بيعيطوا اتخض وقلق خصوصا لما لاقى البنات متجمعه حوالين سلمى خاف ليكونوا عرفوا إلى حصل دخل بخطوات بطيئه وتقيله لاقى امه بتجرى وبتحضنه وبتعيط
سهير بعياط= ابوك بيموت يانوح ابوك بيروح مننا
نوح اتخض= ماما فى ايه فهمينى ايه إلى حصل وبابا مالوا
قرب فارس بدموع فى عنيه = بابا وعمو مهاب عملوا حدثه والمستشفى كلمت عمو عادل لانوا اخر واحد عمو مهاب كلمه وهوا كلم عمتو سحر
نوح = طب هوما فى انهى مستشفى
ليث= فى المستشفى بتاعتنا فى القاهره
نوح= هنتحرك حالا
اتحركت العربيات عربيه فيها الحاج محمود وفردوس ومحمد وملك وعيالهم
وعربيه فيها فارس وياسمين وسحر وسهير وحمزه
وعربيه فيها خالد وفيروز وعدى واروى وعمر واحمد
وعربيه امنيه وسليم وشهد وفرح ورعد وعمار
وعربيه فيها نوح وسلمى وليث ومراد ونورا ونوجا ايملى
واتحرمت الخمس عربيات القاهره لمستشفى الحديدى
وبعد ساعات طويله وصلوا المستشفى ونزلوا جرى
ياسمين وهى بتكلم الممرضه(سماح)= سماح بابا جه فى حدثه هنا هوا فين دلوقتى
سماح بشفقه عليهم= لسه والله يا دكتوره ياسمين ف اوضه العمليات
وصلوا قدام اوضه العمليات اول اما سلمى وامنيه شافوا عادل جريوا عليه وحضنوه وانهاروا فى العياط
عادل بتوهان وحزن على صحاب عمره= معلشى ياحبايبى متقلقوش هوما بخير
امنيه بعياط= بابا عمو مهاب يابابا هوا كويس
سلمى بانهيار تام= بابا يا عمو بابا هيسيبنى خلاص
عادل بسرعه= لاء متقوليش كده ياحبيبتى انتى متعرفيش مهاب الحديدى وعثمان العامرى هيقوموا ويبقوا زى الفل
فضلوا قاعدين قدام غرفه العمليات حوالى اربع ساعات لحد اما طلع الدكتور
جريوا كلهم عليه
عادل= طمنى يادكتور مهاب وعثمان عاملين ايه
الدكتور= الحمد لله العمليه عدت على خير والاستاذ عثمان هيدخل العنايه المركزه لحد اما تستقر حالته اما الاستاذ مهاب فهوا فقد دم كتير وعاوزين حد يتبرعله
سلمى بسرعه ولهفه = انا عينتى زيوا يادكتور
الدكتور= طب كويس تعالى ورايا
دخلت سلمى ورا الدكتور واتبرعت لباباها وخرجت وهى مش قادره تمشى ودايخه لانها اتبرعت بدم كتير
لحقها مراد وجابلها عصير علشان تعوض إلى فقدته وبعد ساعتين فى اوضه العمليات
خرج الدكتور وقال بحزن= اسف ياجماعه المريض دخل فى غيبوبه لان الحادثه اثرت على دماغه بس الغيبوبه مش طويله هوا ممكن فى اقل من شهر يفوق وانا هدخله العنايه حالا
دخل عثمان ومهاب العنايه وطبعا منعوا الزيارات بقوا شايفينهم من ورا الزجاج والدموع فى عنيهم وسلمى اتحايلت على الدكتور علشان يدخلها تشوف باباها
ودخلت واتكلمت معاه وعيطت كتير وشكتله من ظلم وقسوه الحياه وقد ايه هى محتجاله دلوقتى
وبعدين خرجت
&&&&&&&&&&&&&&&&&&&&&&&&&&&&&&&
بعد اسبوع فى فيلا الحديدى بعد اما اقنعت ياسمين ومراد الدكتور المتابع لحاله مهاب وعثمان انهم يتابعوا الحاله من البيت
سلمى قاعده فى اوضتها ومسكه ادوات المكياج بتحاول تدارى إلى فى وشها مكان مكان مابيضربها نوح وهى بتحط الميكب قعدت تعيط على حالتها والى وصلتلوا والحزن إلى بقت فيه وزعلانه على حاله باباها إلى لسه مافاقشى من الغيبوبه ولا عمها عثمان إلى بيدولوا حقن منومه كل شويه علشان ميحسش بالالم
مدت ايديها تتحسس مكان ضرب نوح إلى اثرها لسه موجود وفجأه دخل عليها عمر
اتخضت سلمى ومعرفتشى تعمل ايه
انصدم عمر من منظر وش سلمى وقرب ناحيتها بسرعه وحط ايده على وشها صرخت سلمى من الألم( اصل نوح ضربها بافترا😂💔🙂🙂)
عمر بقلق وخوف= سلمى ايه ده فى ايه مين عمل فيكى كده
سلمى بتعيط ومش قادره ترد ولا عارفه تقول ايه
عمر= انطقى مين عمل فيكى كده
سلمى= نوح
عمر بصدمه= نوح ونوح يعمل فيكى كده
ليه
سلمى= يوم الحادثه انا كنت نايمه لانى تعبت حسيت بحد بيدينى حقنه بدأت افتح عينى براحه لقيت جومانه واريج واقفين بيضحكوا وجومانه بتبصلى وتقول ان الحقنه دى بتشل اعضائى جسمى عيونى بتبقى مفتوحه بس مش قادره اتحرك
ولقيتها مركبه كاميرا واريج بدأت تشيل هدومى من عليا بس مش كلها ولقيت احمد دخل الاوضه ا
..و ناام جمبى وحضنى وجومانه صورتنى وخرجت بعد اما خرجت جه نوح وشافناه نزل ضرب فى احمد بس احمد هرب منه وقتها كان مفعول الحقنه بدأ ينتهى وبدأت اتحرك بس مش اووى
وبعدين نوح جه وضربنى
وضحكت بالم وبعدها انفجرت من العياط
عمر بيحاول يهديها
عمر= اهدى ياحبيبتى والله اجيلك حقك من الكلاب دول
سلمى= انا هتجوز نوح
عمر= نعم ياختى بعد إلى عملوا فيكى
سلمى= ممكن تفهمنى دلوقتى انا لازم اعرف جومانه واريج ونوح عملوا كده ليه
وكمان نوح هيتجوزتى
وانا لازم اتجوزه وهوريه الويل هخليه يشوف سلمى جديده على إلى عمله فيا
عمر لسه هيعترض ويحاول يمنعها
الخدامه خبطت وقالت لسلمى ان نوح عاوزها
نزلت سلمى وخرجت مع نوح ورجعت
نوح= أهلا بيكى فى حجيم الصقر
سلمى خافت راحت فين شخصيتها القويه
بصوا العيله إلى قاعده قدامهم
نوح بثقه= انا وسلمى اتجوزنا
&&&&&&&&&&&&&&&&&&&&&&&&&&&&&&&