عشقت من لا يرحم ( جاري تعديل السرد)

الفصل التاسع والعشرون

كيف أقولها وقلبي يتألم من البكاء، كيف أحببت يوماً قلباً لا يعرف البكاء، كيف اشتقت لعينيك وأبحث عنها بين النجوم، هل تعرف حقاً معني البكاء، هل تعرف يوماً معنى الوفاء، هل تركت القلب يهوى وعشقت البكاء، أبداً لن تعرف البكاء، لن يعرف قلبك البكاء، هل تعلمت كيف تبكي، هل فازت عيناك بقلبي، هل عشقت الحب مثلي، أبداً لن تكون حبيبي، هل رأيت بريق عيناي، هل سمعت صوت الناي، هل عشقت الحب من أجلى ولم تحب سواي، أبداً لن تكون حبيبي لن تعرف البكاء، لن يعرف قلبك البكاء*******💙
___________________________________
فى مبنى المخابرات المصريه وخاصه فى مكتب الصقر ، يجلس نوح بكل برود وثبات على المقعد ويحرك يده حركات دائريه على المكتب تصدر صوتا وملامح وجه لاتبشر بشيئ ابدا ، ولاكن عند الصقر فابروده يدل الموت نعم فهذا هوا الصقر
تحدث نوح ببرود يقتل الاعصاب/ قولى بقا يا رأفت كنت بتعمل ايه قدام البيت عندى لاء وجالك الجرأه تفضل ماشى ورايا ولحد هنا ، دا انت قلبك مات بقا
نظر له رأفت بخوف وجسم يرتعش ولكنه حاول أن يدارى خوفه وتحدث بثبات مزيف/ انا مش فاهم حضرتك بتتكلم عن ايه ولا عاوز منى ايه
ابتسم نوح ببرود ومسك قلم اخذ يحركه فى الهواء وتلك الحركات دبت الرعب فى قلب رأفت فتحدث نوح بهدوء/ اممم شكلك عاوز تلعب وانا بحب النوع الى زيك شكلنا هنتسلى يارأفت
قام نوح من على الكرسى وتحرك تجاه رأفت الذى ظهرت ملامح الذعر على وجه
سار نوح بهدوء وشمر اكمام قميصه واقترب من رأفت وابتسم ابتسامه مميته وثوانى وكان وكان رأفت ملقى على الارض من لكمه نوح
نوح بغضب وصوت عالى/ انطق ياروح امكك انت مش خارج من هنا قبل ماتقول كل حاجه فااهم
رأفت بتوسل/ ياباشا انا معرفشى انت بتتكلم عن ايه اصلا
وفر نوح بغضب وقال/ شكلك مش ناوى تجيبها لبر ، وانهال نوح على رأفت بالضرب
فتحدث رأفت بألم شديد/ خلاص انا هحكى كل حاجه
اعتدل نوح فى وقفته وعدل ثيابه وساعد رأفت على الجلوس وجلس مقابله وقال بابتسامه/ كده تعجبنى يارأفت ، دلوقتى عاوزاك تحكيلى كل حاجه تعرفها عن الناس دى ، واوعدك محدش هيجى جمبك
ابتلع رأفت ريقه بدأ فى السرد/ انا ياباشا رأفت السيد عندى ٣٥ سنه ومتجوز وشغال فى شركات الهلال عامل على قدى انا ومراتى متجوزين من سبع سنين ومخلفناش وبعد سبع سنين ربنا اراد وحملت
جه بعدها بااسبوع لقيتهم بعتولى اروح مكتب صاحب الشركه لانو عاوزنى انا استغربت جدا من الموضوع وقلقت هوا يعرفنى منين اصلا انا معرفوش ولا عمرى شوفته ، المهم ياباشا روحت المكتب ولقيت صاحب الشركه الى هوا منصور ومعاه واحد اسمه احمد واحده اسمها جومانه وواحد قاعده على كرسى المكتب ولابس قناع انا اتخضيت
احمد قالى اقعد يارأفت خايف ليه ، قعدت قدامهم وكلهم عاملين يبصولى نظرات غريبه انا مفهمتهاش
اتكلم منصور وقالى انى عاوزنى اساعدهم فى موضوع مقابل فلوس
انا اترددت بس قولتلهم موضوع ايه
جومانه وقتها ردت وقالت خطف ، انا اتنفضت من مكانى وقولت انتوا اكيد مجانين انا مستحيل اعمل كده ، منصور قالى اهدى يا رأفت هنتفاهم وهتاخد الفلوس الى انت عاوزاها، قولتلهم لاء انا اسف مش عاوز منكم حاجه وبكره هسيبلكم الشغل وخرجت بس وانا خارج سمعت صوت الراجل الى لابس قناع والى عرفت بعدها انه اسمه الملك قالى روح بس هتندم اووى وساعتها هتيجى راكع انا مدتشى كلامه اهميه وخرجت
وصلت البيت لقيت الباب مفتوح ومراتى مرميه على الارض وبتنزف وجرنا حواليها، قلب وقع جريت جبت دكتوره وقالت انها اتعرضت لاعتداء بالضرب شديد وده عمل نزيف فالبيبى مات، طبعا دا كان صدمه ليا ولمراتى بس الحمد لله على كل حال بس لقيتها بتدينى جواب مكتوب فيه((ايه رايك فى الهديه اتمنى تكون عجبتك ودلوقتى هتنذف الى قولنالك عليه والا مراتك هتحصل ابنك هنبعتلك بليل التفاصيل))
انا وقتها عرفت ان ربنى وقعنى مع ناس مش سهله وفعلا وافقت انى اساعدهم بس كان غصب عنى والله كنت خايف على مراتى ، وبليل بعتولى صوره البنت وعنوانها وانى اراقبها من اول اما تخرج من البيت ولما تسمح الفرصه اخطفها وخطفتها وودتها المخزن وخرجت معرفشى ايه الى حصل
وطبعا بعدها خطفوا مراتى مقابل انى انفذلهم حاجتهم منها الحادثه الى حصلتلك بعد خطف البنت علطول
وخطف واحده تانيه بردو اسمها شهد وتسهيل لاحمد انه ينزل الصعيد
دا والله الى حصل وبعد كده رجعولى مراتى ومن ساعتها معرفشى اى حاجه ومشوفتهمشى غير من يومين طلبونى وقالولى انى اراقبك وانا قولت استغلها فرصه واقولك علشان تساعدنى
زفر رأفت بارتياح بعدما تخلص من ذلك العبئ
ارتسمت على وجه نوح ابتسامه / وانا هساعدك يارأفت ودلوقتى انت فى حمايتى ومحدش يقدر يأذيك لا انت ولا مراتك ، مسك نوح تليفونه وكلهم حد من رجالته يروح يجيب مرات رأفت ويجى ، وبعدها نوح كان جدته فردوس وقالها انه هيجيلها واحد ومراته وعاوزيها تعيشهم معاها فى الدوار وتخلى خاله محمود يشغل رأفت معاه
بص رأفت لنوح بامتنان/ مش عارف اقول ايه لحضرتك ياباشا شكرا لحضرتك على ال انت عملتوا معانا غيرك كان قتلنى
ابتسم نوح/ وانا مقدرشى أذيك يارافت انت متعرفشى الكلام الى قولته تساعدنى فى حاجات كتير قد ايه
شكره رأفت وخرج
______________________________________
فى فيلا رعد وعمار ، جالس عمر يلاعب ريان ويضحك معه من قلبه فهو يعشق هذا الصغير ، كان عمر يجلس ويحكى لريان عما يفعله به ابويه وكأنه يفهمه ، تحدث عمر/ بس ياسيدى اهو علطول من كده ابوك يضربنى وامك تضربنى وشهد تضربنى وعمار اخويا حتى سلمى ، بقيت ملطشه قفايا سخن يابنى، حسبى الله ونعم الوكيل فى ام العيله الهبله دى الواحد مش عارف يشم نفسه فى البلد يااااااه
ثم اخرج هاتفه وفتح الفيس بوك ..أحد مواقع التواصل الاجتماعى
نظر عمر بصدمه للمنشور الذى الجمه/ ايه شاهد وزه براس كلب....سبحان الله ويخلق مالا تعلمون
عجايب....واخذ يتابع الأخبار وكان الصغير نام ، جائت سلمى من خلف عمر ضربته على مؤخره رأسه(قفاه) / منور يازميلى والنبى واحشنى ياعمر، كده ياراجل متسألشى عليا ياخساره تربيتى فيك ياجذمه
عمر بصراخ= فى ايه يابنت الهبله انتى بتضربينى لييييه هوا انا بقيت ملطشه للرايح والى جاى هوا انتى قفشتينى فى وضع مخل علشان تضربينى ، ضحكت سلمى من قلبها على هذا المجنون / ايه ياعمر ياحبيبى مالك متزرزر ليه
عمر بغضب/ متزرزر ليه عاوز اسألك الهانم ضربتنى ليه ها اقنعينى
سلمى بضحك/ يصبح عليك ياعمر مصبحشى
عمر/ ذنب قفايا ايه دلوقتى انضرب ليه ى ، سلمى ووشها احمر من كتر الضحك على شكل عمر/ اخويا ياعم فى ايه
جت شهد وقالت/ بالذمه انتى عندك دم ياجذمه ما منظر واحده عاوزه تتطلق وجايه الساعه ٣ الفجر معيطه وسخنه والدنيا مقلوبه ، سلمى/ فى ايه ياشهد ماخلاص بقا سيبينى فى حالى
فرح/ لاء ياماما دا انتى تفوقيلى كده بقا انتى هبله والله الى زيك بيفضل قاعد مهموم بقا وحزين وانتى ولا هنا خالص
سلمى/ فرح ياحبيبه قلبى انتى عارفانى لما بزعل تلاقينى مشغله اغانى وباكل واضحك عادى فافكك
شهد وهى بتاكل/ فكك ياجذمه، والله انك مافيش فايده فيكى جبله ياعنى انتى الى مزعله نوح حبيب اخته لاء ومقموصه
سلمى بغيره شديده على نوح فعلا اخطأ فى حقها فهو مازال حب طفولتها الوحيد والأبدى/ حبيب مين ياعنيا ليلتك سوده ياشهد يابنت ام شهد
شهد بخبث/ وانتى مالك حبيبى ولا لاء دا اخويا
سلمى فهمت ماترمى اليه ياشهد وقالت فى سرها/ يابنت المجنونه اصبرى عليا ، خلاص بقا عمار حبيب قلب اخته من جوه بقا
شهد ببرود/ لو عاوزه زياره لقبرك قوليلى
فرح بصراخ من المجنونتين/ بس يا بجره منك ليها وتعالوا نطلع عل اوضتى نشوف هنعمل ايه فى المصيبه دى ، وانت ياعمر خلى بالك من ريان
عمر بصوت عالى/ منا الخدامه الفلبينيه الى جبهالك رعد ناقص تقوليلى رضعيه
شهد/ هى البت دى شتمتنا دلوقتى ، سلمى/ ايوه تقريبا
فرح بصوت عالى/ يلا يازفته منك ليها
طلعت سلمى وشهد لاوضه فرح وقعدوا يتكلموا فى المشكله ، فرح/ دلوقتى عاوزين نعرف انتى ليه مدتيش نوح فرصه يحكيلك كل حاجه يا اغبى خلق الله
شهد بهدوء/ سلمى انتى بتضيعى حبك من ايديكى وانتى الى بتضيعيه، برضو ليه ماسيبتهوش يحكى
سلمى وصوتها بان فيه العصبيه/ بس بقا حرام عليكو كلكوا فاكرين انى انا السبب وانى غلطانه وانى كان لازم اديلوا فرصه وهوا مدليش فرصه ليه ادافع عن نفسى واحكى وجه نظرى بدل ماينزل فيا ضرب كسرنى واهنى وذلنى كفايه نظراته ليا الى كانت بتحرقنى ليه مش بتحطوا الذنب عليه ليه بتلومونى انا لييييه ليه محدش عاتبه ليه انا حسوا بيا وبوجع قلبى
احتضنتها شهد / خلاص ياقلبى اهدى خلينا نفكر بردو هنعمل ايه لان الوضع ده ميتسكتشى عليه
فرح / شهد فعلا عندها حق سلمى بلاش تهور وعصبيه خلينا نفهم ونهدى كده حبكوا صعب يتمحى او يتنسى ولازم نرجعكوا لبعض تانى من غير مشاكل
سلمى بثبات عكس النار الى جواها وبتكوى قلبها/ استحاله انا ونوح نرجع لبعض اصل مافيش علاقه بتتبنى على كدب وخداع
شهد بصراخ/ فى ايه يااغبى مخاليق ربنا هتشلينى مشوفتش فى غبائك احنا بس هنربى نوح من اول وجديد وتخليه هوا الى يحفى وراكى هنمشى بمبدأ شوق ولا تدوك
وصلت رساله على تليفون سلمى فتحتها واتفاجأت من الى شافته ودموعها نزلت فى صمت اتخضت فرح وشهد عليها خدت التليفون من سلمى وشافت الرساله وقالت/ هنروح نقابل الزفت الى اسمه احمد يلا