لقاء القدر

مشاكسات

بعدما تجهز الجميع وقفوا ليخططوا اين سيركبوا

صقر: انا وايسل في العربيه بتاعتي وجميله وسلمي في عربيه جورج(حارس) ورحمه في عربيتك يا خالد

رحمه باعتراض:لا مش اركب انا مع الاخ دا انا هركب مع ايسل

صقر: مش هينفع لان السواق هو اللي هيسوق وانا هركب ورا وجميله وسلمي مع بعض مفيش غير عربيه خالد

خالد وهو يهمس لرحمه: متخفيش يا قطه مبعضش فنظرت له بابتسامة صفرا ثم ركبوا جميعا السيارات

كان الوضع في كل سياره مختلف عن الاخري فجميله وسلمي لم تخلوا جلستهم من المزاح والتحدث في المواضيع العاديه بيننا في سياره صقر وايسل كانوا يتحدثوا قليلا ثم يخيم الصمت تاره بينما سياره خالد لم تخلو من مشاكساته وازعاجه لها وهي ترد لع الصاع صاعين

خالد بحذر وهو يقود: رحمه اهدي هنعمل حادثه

رحمه بعند: والله انت اللي بدات استحمل فقامت رحمه بوضع يديها علي عين خالد ثم تبعدها فاوقف خالد السياره والتفت لرحنه: اقسم بالله لوما اتهديتي لرميكي في الصحرا دي خلي الديابه تاكلك

فجلست رحمه ببراءة كالقط السيامي فنظر لها خالد بابتسامة نصر: عيله مبتجيش غير بالعين الحمرا نظرت له بغيظ ثم اكمل الطريق

رحمه: ممكن تشغل اغنيه نظر لها خالد ثم فتح الكاسيت لأغنية لحماقي يا ستار جلست رحمه تغني معه بينما خالد يسترق لها النظرات

رحمه: الا قولي هو انت خريج ايه

خالد: هندسه معماري

رحمه: بس تصدق شكلك ميديش مهندس خالص

خالد وهو ينظر لها ويغمز بطرف عينيه: اومال يدي ايه ها

رحمه بابتسامة مستفزة: سمكري سيارات نظر لها بغيظ ثم ارقف السياره مره اخري واقترب من كرسيها

رحمه بتوتر: ايه في ايه يا عم انت ابعد شوية

خالد وهو مستمتع بتوترها ويقترب اكثر: شكلي سمكري سيارات مش كده

رحمه بتوتر اكبر: مين قال كده دا انت شكلك يدي ظابط كده وحاجه قد الدنيا بس ابعد يلا

خالد بابتسامة لعوب: بس تصدقي شكلك قمر كده وانتي متوتره تصدقي مكنتش عارف انك بتتكسفي

رحمه بغيظ وقد نسيت توترها وقربها منه: ليه يا اخويا هو انا مش انثي وبتكسف بردوا

خالد وهو ينظر حوله: انتي بس انا مش شايف اي انثي انت شايف يا جعفر ياصديقي

رحمه بغيظ : وحيات امك طب لم الليله عشان منيمكش في المستشفى النهارده

خالد بسخريه: تنيميني في المستشفي طب مش تتكلم علي قدك يا شبح اصل شكلها وسعت منك