طفولتي المشتته

الفصل 110

جالسه تمشط شعر روعه وتتأمله قصير
لحد اذنها لونه اسود حالك
تحب هذا اللون تنرفزت من حركه روعه الكثيره
وكل ما تربط لها قرن صغير تتحرك
وما يضبط معها : وبعدين معك ؟!!
روعه وهي تحط يدها على شعرها بضجر : لاص ماما «خلاص ماما»
ريم بإصرار : لا ما خلصنا
اقعدي بدون حركه
وبطلوع الروح حتى رتبت شعرها
بعد ما كملت وقفتها وناظرتها ومشطت غرتها
وعدلت ملابسها
وباستها على خدها بقوه : عسل يا ناس
منيره من خلفها : عسل طبيعي والا مغشوش ؟؟؟
ريم بدون ما تناظر لمنيره : اكيد طبيعي 100%
تأملت منيره روعه بإعجاب دائما مرتبه ونظيفه
بالرغم انه ملابسها عاديه
بس تحس بأناقتها وترتيبها
وتلفت الانتباه مع ملامحه العاديه بس فيها جاذبيه
اقتربت منها وقرصتها بخدها : ربي يحفظك
روعه بدلع وهي تمثل البكاء بحضن ريم : ماما
ابتني «ضربتني»
ابتسمت ريم على كلام منيره : يمه منها شكايه
روعه وهي ماده بوزها وتضرب بالهواء وكأنها تضرب منيره : آمه «خامه»
اقتربت منها منيره وقرصتها بخدها : اراويك مين الخامه
فرخت صوت روعه وهي تبكي وحضنت امها
ريم ابعدت منيره وابتسمت : بعدين معك
ما تجوزين عن حركاتك ؟؟
منيره بابتسامة : تجنن يا ناس ما اقدر لازم اقرصها بخدودها
وقفت ريم وهي تحمل روعه وتهز فيها : خلاص يا حبيبتي
منيره ضربتك
رح اضربها هالدبه
ابعدت وجهها عن حضن ريم وناظرت منيره ودموعها
على خدودها : دبه
حاولت تمسكها منيره وتقرصها ابعدتها
ريم وصارت تركض وهي تحمل روعه
وصوت ضحكهم طالع
قاطعتهم ام منيره وهي داخله : الحمد لله على نعمه العقل
ريم من بين ضحكاتها : شوفيها يا خالتي اكلت ابنتي مثل الغول
منيره بتوعد : رح تشوفين مين الغول انت والدب القطبي للي بحضنك
ريم مسحت دموع بنتها وابتسمت : بسم الله عليها
كل هالحلاوه وتقولين دب
كملوا مناقرتهم بالضحك وكملواوالاستهبال**
حياتها كانت بذي القريه جميله بالرغم من بساطتها
تحس بالسعاده وهي مع منيره وامها
لكن لما تتذكر اهلها وعناد تتبخر السعاده
ويخيم عليها الحزن والألم
نفسها تشوف عناد وتسأله ليه عمل فيها كذا ؟؟؟
نفسها تشوف ابوها وتسأله مبسوط وهي بعيده عنه ؟؟
نفسها تشوف امها للي انقطعت اخبارها
وتقول لها شوفي يمه صرت جده وعندك حفيده
تنهدت
و توجهت للمزرعه الصغيره تشتغل فيها هي ومنيره وروعه تركض خلفهم وتضحك
والبراءة تشع من عيونها

**
**
__
**
**
**
علاقته مع ابوه متوتره بسبب ريم
صار هذي الايام يتجنب يجلس معه
حتى ما يفتح نفس الاسطوانه
ما حد حاس فيه
نار تغلى بداخله لما يسمع نغزات ياسر
واسئله امه المشككه
هو على يقين وثقه بريم
بس احيانا الشيطان يدخل ويوسوس
له
بس بداخله رفض نهائي للفكره
لانه ثقته بريم تعدت الحدود ولو يشوف بعيونه
ما يصدق
وبدت له الشكوك بكلام الجاره ومصداقيتها
هو كيف صدقها لما قالت انها راحت مع عمها
لازم سأل كل الجيران وتأكد منهم
او على الاقل المفروض سأل ام منيره
كانت علاقتها بريم قويه
ضرب على جبهته يشتم غباءه لانه لما راح مع نايف
سأل عن ام منيره وقالوا له ما احد يعرفها
كل الجيران للي كانوا بالمنطقه رحلوا
بس لو سأل ام منيره قبل سنتين كان لقى الاجابه
بس قهره لما خبرته الجاره انه ريم راحت مع عمها
جن جنونه وتضايق كيف تتركه وتروح بدون ما تخبره
وتوقع انها تركته مو عاجبيتها الحياه معاه
مع انها ولا مره شكت له
من لما طلع من السجن وهو يعصر مخه ويفكر
بمكان تروح له ريم
مو خاطر في باله شيء
مسح على وجهه وطلع من غرفته متوجه للجامعه