نايف وده ينهي المكالمه : انا ما اقدر اجيكم اتكلمي عالجوال
المديرة بعد ما يئست من حضوره : اممممم بنتك ريم اليوم سرقت بعض اغراض من زميلتها ولازم تكون متواجد حتى تحل المشكله
نايف بصدمه : وش تقوليين ؟!!
نايف وكأن شكوكه صارت حقيقة ومتاكد منها
رد عالمديرة ببرود : الحين مشغول بكره امر عليكم وافهم الموضوع ونحله بإذن الله
المديرة : بانتظارك يا ......
قطع عليها الكلام واغلق الخط بوجها
نظرت المديرة للهاتف وكانه حد كب مويه بارده عليها وانقهرت كيف يسكر الخط بوجهها وصارت تغلي من العصبيه
خرجت من الادارة ونظرت لريم بتكبر ولي امرك بكره رح ييجي ونتفاهم معه
ريم بجراءه : انت ما لك علاقة انا كلامي مع المديرة وانت مجرد مساعده لها ونظرت للمساعده بتكبر
المساعدة فورت من العصبية : قسم بالله اذا ما بلعتي لسانك لاكتب لك انذار الحين
وبنفسها كان تتساءل على وش شايفه نفسها هي وابوها الحيوان
دخلت المديرة : ليه صوتكم طالع
المساعدة : حضرتها سارقه من زميلتها وانا اتصلت بولي امرها وقال انه بكره رح ييجي يتفاهم
المديرة وكانها مصيبه صارت : ليه يا وداد تتصلي بولي امرها مين طلب منك تتصلي وبعصبية مييييين ؟
المساعدة : لازم ولي امرها يعرف انها سراقه لحتى يربيها
ريم :مربيه غصب عنك يا
قاطعتها المديرة بحزم : ريم روحي على صفك وانتي يا وداد الحقيني عالادارة
غادرت ريم المكان بثقه ودخلت المديرة والمساعده للادارة والمديرة تفكر بحل لهاذي المشكله وخاصة انها مو قد هاذي العايلة .....
اغلق الخط بوجه المديرة وهو حاس بركان بداخله ويفكر بطريقة كيف يحل الموضوع ولا مرة بحياته توقع يكون عنده طفل يسرق وخاصة انه الخير واجد عنده تنهد بقهر وهو يكتم بغيضه ويعد بالثواني انتهاء دوامه حتى يرجع عالبيت ويتفاهم مع ريم .
انتهى دوام ريم وهي تفكر ليه رغد عملت كذا وليه تكرها ونايف وش رح يعمل فيها اسئلة كثيرة كانت تجول في خاطرها تنهدت ودخلت البيت بهدوء مرت من جانب صاله الطعام كان ما فيها احد تنهدت براحه واسرعت بالصعود لغرفتها قبل وصول نايف ........
دخلت البيت واحس حالي اغلي غلي من القهر بركان بداخلي كانت ساميا واقفه عند الدرج بدون ما ارد عليها السلام وبصراخ : وين ريم ؟
ساميا : اكيد بغرفتها على الاقل رد السلام علينا نازل صراخ ...؟!
طنشتها واسرعت باتجاه الدرج وبعدها توجهت لغرفتها فتحت الباب بقوة كانت جالسة على الارض ومعها كتاب تنهدت وحاولت اخفف من عصبيتي
وجلست على السرير وناديتها : ريم تعالي هنا اجلسي شوي ودي اتكلم معك بموضوع
قامت بهدوء وجلست بجانبي
أنت تقرأ
طفولتي المشتته
Misteri / Thrillerباختصار الرواية تحكي عن بنت ضاعت بين امها وابوها وهم ما متقبلينها لانو والد ريم تزوج امها عن طريق الانتقام وكانت بين الاسرتين عداوة قديمة ما تعرفها والدة ريم وبعد انجاب ريم الاب طلق زوجته وعاشت ريم طفولة مشتته #الروايه ليست من تأليفي✨
