الروايه دي مختلفه عن باقي الروايات فياريت يكون في تفاعل لان الروايتين الي فاتو مكنش فيهم تفاعل خالص وانا زعلانه خالص فياريت كل الي يقرأ يقول رأيه ولو معجبتكمش قولو عشان مكملش تنزيل فيها
يارب الرواية تعجبكم💕
———————————————————————————
في ليله من ليالي الشتاء البارده كانت تنظر فتاه من النافذه والي قطرات المطر المنهمره وكانت تبكي وهي تدعوا الله
يارب انا ماليش غيرك بجد انا تعبت تعبت قوي وقلبي متحطم يارب قويني وقف معايا ثم مسحت دموعها وذهبت الي الفراش ونامت نوما عميقا
انها تيماء منصور فتاه في رابعه كليه هندسه فتاه في غايه الجمال ذات بشره بيضاء وعيون زرقاء مثل لون السماء الصافيه تعيش مع والدتها وزوج والدتها وهو عمها عمران توفي والدها منذ سنتين في حادث
يوجد بداخلها الكثير من الالم والوجع
وهنتعرف عليهم اكثر مع الاحداث
في الصباح
أمينه والدتها: تيماء اصحي ياحبيبتي علشان ما تتأخري علي الامتحان
تيماء: حاضر ياماما صحيت اهو ثم توجهت الي المرحاض وتوضأت وصلت الضحي وقرأت بعض آيات القرأن وارتدت ملابسها ونزلت الي الأسفل
تيماء: صباح الخير ياست الكل
أمينه: صباح النور ياحبيبتي يلا الاكل علي السفره كلي بسرعه علشان ماتتأخري
تيماء: حاضر ياست الكل
ثم ذهبت الي السفره وجدت حمزه يجلس ويتناول الفطور
تيماء: صباح الخير علي الاندال اللي سبونا وبياكلوا
حمزه: وهو يضحك صباح النور اني آسف بس كنت جعان اوي والله
تيماء: ماشي ياباشا هو احنا نقدر علي الحكومه بردوا
حمزه:حكومه اه بس مش علي اختي
تيماء:يا قلب اختك انت
حمزه: حبيبي ياهندسه وربنا يكرمك ويوفقك وتبقي احلي بشمهندسه في الدنيا
(حمزه عمران ابن عمها ضابط شرطه يحب تيماء مثل اخته الصغيره شاب وسيم ذو جسم رياضي وعيون عسليه وبشره قمحيه وشعر اسود كثيف)
جلست تيماء وتناولت معه الفطور ثم قامت وقالت انا ماشيه ياماما عايزه حاجه
أمينه: شكراً ياحبيبتي وربنا يوفقك يارب
تيماء : يارب آمين
ثم خرجت مع حمزه لكي يوصلها قبل ان يذهب الي عمله
بعد ان اوصلها حمزه الي الجامعه
تيماء: تسلم ياباشا
حمزه: حبيبي يابشمهندس خلي بالك من نفسك ومش عايزك تزعلي من بابا ماشي
تيماء: ان شاء الله يلا في رعايه الله
وانطلق حمزه بسيارته الي عمله
__________________ندي محمد____________
في فيلا مصطفي الرافعي
مصطفي: ميرو حبيبتي جهزتي الفطار عايز امشي كده هتأخرت علي الشركه
أميرة: احلي فطار لاحلي عيون
مصطفي: تسلم ايدك ياقلبي هي فين فريدة
أميرة: مشيت علي الجامعة عندها امتحانات اليوم
مصطفي: اها تصدقي نسيت يلا ربنا يوفقها وشوفها احلي بشمهندسه في الدنيا وتشتغل معايا انا وآسر في الشركة
أميرة: تصدق آسر وحشني هكلمه لما نخلص أكل
مصطفي: يبقي تسلميلي عليه
أميرة وقد ظهر علي وجها الحزن: انا مضايقه أوي من سليم مش عارفة هو لي متغير كده
مصطفي بحزن معلش احنا بردوا غلطنا لما سافرنا تركيا وسبناه في مصر وهو صغيرمع جده اكيد حس اننا مش بنحبه وبنفضل آسر عنه
أميرة: يعني كنا هنعمل اي ماهو كان داخل ثانوي وما كانش ينفع يسافر معانا واحنا كان لازم نسافر علشان نصفي الشركه اللي هناك ونستقر في مصر
مصطفي: خلاص ياحبيبتي ماتزعليش ودعيلوا ان ربنا يهديه ثم قبل رأسها وقال يلا انا ماشي علي الشركه عايزه حاجه
أميرة: تسلم ياحبيبي في رعايه الله
خرج مصطفي واتجه الي شركته اكبر شركه هندسيه في مصر
أنت تقرأ
فرحه بعد مأساه
Randomتمر علينا الكثير من الصعاب التي لاتحتمل ولكن ثق بالله ان هذه الصعوبات اختبار منه لكي يختبر مدى صبرنا وثقتنا فيه وتوكل عليه واعلم انه سوف يزيل عنك كل بلاء لانه رؤف رحيم بالعباد
