دخل الرئيس الي المصنع وهو يضحك وعندما فتح مصباح المصنع تفاجئ بوجود سليم
الرئيس: انت ايه اللي جابك هنا
سليم بصدمه لا مش معقول أمجد هو انت
أمجد وقد اخرج سلاحه قال بتعمل ايه هنا ياسليم ومين معاك
سليم وهو مازال في صدمته انت اللي بتعمل ايه ياأمجد قول اللي في بالي غلط ومش انت اللي بتاجر في الاسلحه
أمجد: لا اللي في بالك صح ياسليم وانا بتاجر فيها من ثلاث سنين بس بقيت الرئيس بعد ما الانصاري مات وكمان موت المنشاوي
سليم بزعاق ليه يا أمجد ليه دخلت نفسك في المتاهه دي ليه ناقصك ايه كل حاجه موجوده عندك ليه دمرت نفسك ومستقبلك وحياتك ليه
أمجد: بضحكه استهزاء قال عندي كل حاجه فعلا هيبقي عندي كل حاجه ازاي وانا يعتبر شغال عند سيادتك انت اللي ليك الكلمه وكمان واخد نص الشركه ولما بابا وصي جدي عليا ما كان عطي ليا اي حاجه وكنت في الآخر هدور علي شغل او اشتغلت معاك بس مش هيكون ليا حاجه انت تفتكر ان الكام سهم اللي جدو كتبهم ليا دول حاجه
سليم: مستحيل تكون انت أمجد انت ازاي خدعتنا بالشكل ده مش مصدق ان الطمع والغيره والحقد عموك لدرجه انك ضيعت نفسك كده بجد انت انسان ما تستاهل حبنا ليك
أمجد: وفين الحب ده ماما وبابا انفصلوا وعشت مع والدي وهو اتوفي قبل مااخلص جامعه وقتها جدي خلاني اشتغل في الشركه تحت رحمتك لحد مااخلص جامعه وكتب ليا الكام سهم دول علي اساس انها شفقه يعني وانا مش بحب الشفقه من حد وقتها اتعرفت علي الانصاري وعرض عليا اني اشتغل معاه وطبعا مارفضت علشان انا محتاج يكون ليا مكان واسم مش اكون تحت رحمه حد
سليم وهو يضحك قال فعلا انت غبي ليه ماجيت اتكلمت معايا ليه مافتحت قلبك ليا او حد من ولاد اعمامك واتصاحبت عليه وهو اكيد كان هيرحب بكده فعلا تيماء عندها حق لما قالت لازم نلحق نفسنا ونبعد الغيره والكره والحقد من قلوبنا قبل مايفوت الاوان ونندم ونضيع نفسنا ليه ياأمجد ماجيت ليا وقولتلي انا عايز يبقي ليا مكانه في الشركة وعلي فكرة عمر ماهيكون ليك مكان في اي حاجه ولا هتثبت وجودك في اي شغل من غير ماتجتهد وتحارب علشان توصل كان فيها ايه لو اخدت الكام سهم اللي بتقول عليهم دول واجتهدت وكبرتهم او من خلال فلوسها عملت لنفسك شركه مستقله وكنت وقتها مش هتبقي تحت رحمتي زي مابتقول مع اني عمري ما كنت ببص ليك كده خالص انا كنت بعتبرك شريكي وصديقي وكل حاجه
ثم أكمل وقال بزعاق ليه فهمني ليه اخترت الطريق السهل ومشيت فيه وعلي فكره كل روح ماتت هتتحاسب عليها يوم القيامة بجد انا فعلا دلوقتي شفقان عليك من اللي هيحصل ليك يوم القيامة كل واحد مات بسببك او بسبب الاسلحه اللي بدخلها دي هيتعلق في رقبتك يوم القيامة بجد مش عارف اقول ربنا بسامحك ولا اقول ايه
أنت تقرأ
فرحه بعد مأساه
De Todoتمر علينا الكثير من الصعاب التي لاتحتمل ولكن ثق بالله ان هذه الصعوبات اختبار منه لكي يختبر مدى صبرنا وثقتنا فيه وتوكل عليه واعلم انه سوف يزيل عنك كل بلاء لانه رؤف رحيم بالعباد
