فرحه بعد مأساه

التسامح...

تيماء وهي ترجع الي الخلف كانت تقول ابعد عني يا رامي احسن ليك بدل ماتندم
رامي وهو يقترب منها كان يقول ابعد ايه دي الفرصه جت لحد عندي بقالي سنه مستني ان احرق دم سليم واخليه يتعذب زي ماعذبني
تيماء: طيب انا دخلي ايه
رامي: ماهو سليم بيحبك وانا انتظرت الفتره دي كلها لحد مااعرف هو بيحب مين وهيتجوز مين علشان امسكه من الايد اللي بتوجعه
تيماء: طيب فهمني هو عمل ليك ايه
رامي: هو السبب في بعد الانسانه اللي بحبها ثم بدأ وحكي ما حدث
من سنه تقريباً كنت بحب وحده كانت عارضه ازياء وهي كمان كانت بتحبني او زي ماوهمت نفسي وفي السنه دي شركتي كانت هتفلس علشان خسرت سفقه كبيره والانسانه اللي انا حبتها لما عرفت ان شركتي هتفلس سابتني وقالت انا مش هتجوز انسان فقير انا عايزه انسان يرفعني لفوق مش ينزلني الارض تاني بعد ماترفعت
زعقت معاها وقلت ليها إزاي انا السبب في اللي انتي وصلتي ليه وانا السبب انك تكوني بنأدمه وكمان حبيتك ليه تسبيني في الظروف دي اقفي جنبي وساعديني وانا عن قريب هقف تاني علي رجليا وهتكون من اكبر الشركات
قالتلي لا وانا هروح للأحسن منك ابن عمك سليم عنده شركه كبيرة وغني وانا بصراحة اول ماشفته في الحفله ومن قبل ماأعرف ان شركتك هتفلس انا اعجبت بيه وبشخصيته وهروح وهصارحوا بأعجابي ليه وانت شوف شركتك اللي هتقع دي وبعدها سابتني ومشيت
انا الصراحه اتصدمت اكبر صدمه وكمان غرت من سليم وقلت ان لازم انتقم بس الاول اوقف الشركه من تاني وبعدها اشوف ليه حل وقتها رحت لجدي وقلت ليه انه يعطي ليا مبلغ علشان اقدر ارجع الشركه تاني وهو وافق وفعلا حاولت انساها واسست الشركه من جديد واجتهدت وكانت اروي وموده بيساعدوني ووقفين جنبي لحد مارجعت زي الاول واحسن طبعا اللي حبتها لما عرفت ان خلاص وقفت من تاني جت تترجاني انها ترجع وخصوصاً انها لما راحت لسليم هو صدها وقال انا مش بتاع حب والكلام الفارغ ده وراح رمي ليها شيك وقالها روحي شوفي حد غيري يااما تسافري وتسيبي البلد
طبعاً انا رفضتها وقولتلها انا بردوا مش بتاع حب وخلاص حبك مات جوايا وانتي اللي اخترتي ويلا امشي من وشي بصراحه انا كنت بقول ليها الكلام ده وانا من جوايا موجوع بس خلاص هي دلوقتي سابتني ومشيت وبسبب الباشا اللي كان شايف نفسه ولما عرفت انه بيحبك واتجوزك قولت اخليه يكرهك ويسيبك وقلبه يوجعه زي ما انا قلبي موجوع

وبالمره اتسلي معاكي واخد حقي من عمك عمران اللي استلف مني فلوس علشان خاطر التحاليل والاشاعات اللي بتعملها مامتك والدين اتراكم عليه وانا طردته من الشغل وقولت ليه يشوف شغل غير هنا ويسدد دينه ولما كلمته علي الفلوس عرضك عليا وقال ان اتجوزك وانا بصراحه رفضت بس ماكنت اعرف انك حلوه كده
وبعد ان انتهي من كلامه بدأ يقترب منها وهو يقول شفتي بقي طلعتي كارت ربحان بالنسبه ليا ازاي

جلست تيماء علي الارض وبدأت بالضحك
استغرب رامي رده فعلها بعد الذي عرفته وخصوصاً انه سوف يؤذيها
تيماء من بين ضحكاتها قالت علي فكره انت غلط في العنوان بالنسبه لسليم اما عمي عادي انا هبقي اسددلك دينه
رامي باستفهام ازاي غلط في العنوان
تيماء: بص ياسيدي سليم اصلا مش بيحبني وهو متجوزني غصب يعني انا مش فارقه معاه اصلا
رامي: انتي اكيد بتضحكي عليا علشان ما أئذيكي واسيبك بس مش عليا الكلام ده
تيماء وهي ترجع ظهرها للخلف وتسند علي الحائط قالت بكل هدوء لا مش بضحك عليك هحكيلك علي اللي حصل وايه اللي خلي سليم يتجوزني ثم بدأت بسرد كل ما كان يفعله عمها وحكت له علي الحقيقه غير الذي قاله جدهم
وبعد ان انتهت قالت بس ياسيدي هو ده اللي حصل وسليم بيحب وحده وانا عرفتها وان شاء الله هخلص السنه دي وهاخليه يطلقني واشوف حياتي
رامي: مستحيل يعني انا كده مش هعرف انتقم وقلبي هيفضل واجعني
تيماء: اسمعني يارامي كويس الانتقام مش هيجيب نتيجه غير الكره والمشاكل واحنا عايشين في الحياه دي بندور علي الناس اللي تحبنا ونحبها مش ندور علي الكره والانتقام ياريت تفوق ودور علي الانسانه اللي بتحبك بجد ايوه في وحده بتحبك بجد وبتتمني منك انك تسمعها وتحبها وعلي كلامك الاولي دي ماكانت بتحبك ولا بتحب سليم هي بتحب نفسها وبتحب الفلوس وكمان كويس انها مشيت علشان انت بتقول انها كانت عارضه ازياء يعني اكيد لبس محزق ومش كويس وانت يوم القيامه كنت هتسأل عنها فوق ودور علي اللي تشبهك وتكون محترمه ومحجبه ومسلمه بجد مش في البطاقه وخلاص وعلي فكره هي موجوده وانا اعرفها وهي اعترفت ليا بعد ضغط مني بس مش هقول مين وانت فتح عينك كويس ودور عليها وماتخلي الانتقام يعميك علشان هتخسر كتير صدقني وهتندم في الاخر