صباح يوم جديد في فيلا مصطفى الرفاعي
فريده: صباح الخير ياست الكل
أميرة: صباح النور ياقمري انت ها البطل جاهز للامتحانات خلاص اخر يوم
فريده: شور بيبي شور انا قدها وان شاء الله هتبقي زي الفل
أميرة: ماشي ياقلبي بالتوفيق يلا روحي كلي قبل ماتمشي ويبقي شوفي ليا رد تيماء علي الجواز اي
فريدة: حاضر يلا سلام
ذهبت فريده وتناولت طعامها ثم خرجت الي امتحانها
____________ندى محمد ____________
في منزل منصور
كانت تيماء جالسه هي وحمزه ووالدتها يتناولون الطعام
حمزه: تيماء فكرتي كويس
تيماء بحزن مش عارفه ياحمزه انا بجد مخنوقه ومش مستريحه وفي نفس الوقت عايزه اخلص من اللي عمي بيعملوا فيه بجد انا تعبت ثم بدأت بالبكاء
أمينه: وعمك بيعملك ايه ياست تيماء انتي نسيتي نفسك ولا اي اتكلمي عدل عن عمك دا في مقام والدك
تيماء: بزعاق ماحدش يقدر ياخد مكان بابا وعمي اللي انتي بدافعي عنه ده بكره تشوفي وتعرفي هو بيعاملني ازاي وحمزة اهو قدامك اسأليه وهو هيرد عليكي حتي بيعامل حمزة وحش لما بيدافع عني انا بجد تعبت
حمزه: وهو يهدأها خلاص ياتيماء اهدي انتي ماشيه علي امتحان ولازم تكوني مركزه وسيبي كل حاجه علي الله وكل حاجه هتتكشف لوحدها احنا مهما اتكلمنا ماحدش هيصدقنا
تيماء: وهي تمسح دموعها انا ماشيه علي الإمتحانات يلا سلام
حمزه: استني هوصلك مش هينفع تمشي كده
حمزه وهو يسوق وتيماء بجانبه تنظر من النافذه بحزن
قال حمزه لكي يلطف من الجو اي ياهندسه سرحان في ايه احنا لحقنا نسرح ولا اي شكل الواد مز
ضحكت تيماء من بين دموعها وهي تخبطه علي كتفه اتلم ياواد انت بلا قله ادب وبعدين انا اصلا مش عارفه شكله انا اصلا ماشفتهوش من زمان
غمز لها حمزه وقال ياراجل طيب هصدقك
تيماء: صدق ياخويا وبعدين انت مش ناوي تتجوز ولا اي ولا انت حبيت القعده جنب بباك وتهزيقه في الداخله والطالعه
حمزه: وهو يتذكره رحمه ويقول والله ياتيماء انا فعلا تعبت بس الحمدلله الشقه جهزت وتقريبا لقيت العروسه
تيماء: كده ياحزوم من غير ماتقولي مين بقي الحلوه اللي وقعت الكبير
حمزه: هحكيلك لما ترجي من الامتحانات يلا علشان وصلنا وشدي حيلك ربنا معاكي وبالتوفيق ياهندسه
تيماء: ماشي ياباشا فلت منها بس اعمل حسابك مش هسيبك غير لما اعرف مين
حمزة: ماشي ياهندسه يلا سلام
تيماء: سلام ياكبير ثم دخلت الي الجامعه
______________ندى محمد ______________
في شركة الاستيراد والتصدير
دخل أمجد ابن عم سليم وشريكه في الشركه: سليم هاي سليييم
سليم بعد أن فاق من شروده: عايز اي يارخم
أمجد: اللي واكل عقلك مالك سرحان في اي
سليم: ياعم اتنيل يعني هفكر في مين يعني
أمجد: علي بابا يلاا يلا أعترف
سليم: مخنوق يا أمجد ومش عارف اتصرف بابا وماما عايزني اتجوز تيماء بنت عمي منصور لو تعرفها وانت عارف إني بحب أروي
أمجد: وانت ماقولتش ليهم لي بعدين انت وافقت
سليم: ايوه وافقت علشان هما عايزينها تيجي تقعد عندنا علشان تستريح من عمايل عمها ومش هترضي تيجي علشان انا موجود فاطلبوا مني اني اتجوزها
أمجد: طيب أروي هتعمل اي معاها
سليم: مش عارف بس أحسن حاجه اني مااعترفت ليها بحاجه علشان لو انا اعترفت وهي طلعت بتحبني ماكنتش هقدر اتجوز تيماء
أمجد: معلش كله خير يلا امضي علي الاوراق دي علشان اجتماع يوم الخميس
أخذ سليم الاوراق ومضي عليها ثم اخذها أمجد وقال تمام ياصحبي وخرج من المكتب
أنت تقرأ
فرحه بعد مأساه
Losoweتمر علينا الكثير من الصعاب التي لاتحتمل ولكن ثق بالله ان هذه الصعوبات اختبار منه لكي يختبر مدى صبرنا وثقتنا فيه وتوكل عليه واعلم انه سوف يزيل عنك كل بلاء لانه رؤف رحيم بالعباد
