ليلاً في فيلا الرافعي
كان الكل مجتمعا حتي جاء اليهم جدهم
الرافعي: نورتونا يااولاد
الجميع: بنورك ياجدي
الرافعي: انا جمعتكم اليوم علشان اقولكم علي خبر جواز سليم انا عارف انه جه مفاجئ بس حصلت ظروف منعتنا ان احنا نعمل فرح وكل حاجه جت بسرعه
أمجد: خير ان شاء الله ياجدي وبعدين
الرافعي: اللي حصل ان سليم اتقدم لتيماء قبل ما تخلص امتحانات بس هي قالت مش هتعمل خطوبه او اي حاجه غير لما تخلص علشان تركز في الاختبارات واحنا وافقنا ولما هي خلصت رحنا ثاني بس للأسف مامتها تعبت في اليوم ده لان هي عندها القلب ونقلناها المستشفي ولما نقلناها والدكتور كشف عليها قال انها محتاجه عمليه في اسرع وقت طبعاً كانت رافضه في الاول ولما ضغطنا عليها وتيماء اتحايلت عليها وافقت بس قالت انا عايزه سليم يكتب علي تيماء وتكون مراته قبل ما ادخل علشان لو جرى ليا حاجه ابقي مطمنه علي بنتي وان هي بقي ليها سند علشان انا مش هبقي مطمنه وهي عايشه مع جوزي
تيماء رفضت في الأول وقالت انا مش هينفع اتجوز وانا لسه ما اتعرفت عليه
مامتها قالت ده طلبي ولو وما اتنفز انا مش داخله العمليات ومش هعمل حاجه
وقتها تيماء وافقت علشان مامتها وجبنا المأذون وكلمنا محمد خال سليم وكتبنا الكتاب وهى دخلت العمليات وعملت العمليه ولما فاقت واطمنا عليها قالت لتيماء انها تروح مع جوزها ويبقي تيجي وتطمن عليها كل فتره
طبعا تيماء وافقت علشان ماتزعل مامتها وخصوصاً انها لسه خارجه من العمليات ومشيت معانا
بس هو ده اللي حصل
رامي: طيب هي ليه ماقعدت مع جوز امها عادي وكمان هي مش عندها اخوات
الرافعي: علشان جوز امها واللي هو عمها مش بيعاملها حلو وعندها ابن عمها هو ضابط شرطه وممكن ماجد يكون عارفه إسمه حمزة عمران الهلالي
ماجد: اه أعرفه دا صحبي في الشغل
أمجد: طيب ليه ابن عمها ماتجوزها
الرافعي: علشان هما الاثنين متربيين سوى وزي الاخوات بالضبط وكل واحد شايف الثاني اخ ليه
أمجد: اه ماشي
الرافعي: اي اسأله ثانيه
رامي: اه عايزين نشوف زوجه اخي المصون هي فين
الرافعي: بتجهز الاكل مع أميره وفريده ويلا يابنات روحوا ساعدوها خلاص انتو عرفتوا كل حاجه
البنات وهم يقومون قالوا حاضر ياجدي ثم توجهو الي المطبخ وجلس الشباب والرجال ينتظرون الطعام
بعد ان انتهي الطعام وضعت الفتيات الطعام علي السفره ونادت أميرة عليهم قاموا جميعاً وجلسوا علي السفره وذهبت الفتايات الي غرفه أخري لكي يأخذوا راحتهم في الاكل وبعد الانتهاء نادي الجد علي تيماء لكي يتعرفوا عليها
الرافعي: تيماء ياتيماء تعالي ياحبيبتي علشان اعرفك علي العيله
تيماء: حاضر ياجدي دخلت عليهم وهي تحمل اكواب الشاي وقالت السلام عليكم
الجميع: وعليكم السلام
الرافعي: اعرفكم تيماء منصور ودول بقي ياستي
محمود ابني وابنه ماجد ضابط شرطه مع حمزه ابن عمك
وعنده رحمه وموده واكيد انتي اتعرفتي عليهم
وده حسين ابني وابنه رامي وعنده شركه تصاميم
وده أمجد ابن ابني حسن بس اتوفي
تيماء: الله يرحمه ويغفر له واتشرفت معرفتكم
الجميع: الشرف لينا
وكان يوجد من ينظر لها بخبث ومكر
أنت تقرأ
فرحه بعد مأساه
Randomتمر علينا الكثير من الصعاب التي لاتحتمل ولكن ثق بالله ان هذه الصعوبات اختبار منه لكي يختبر مدى صبرنا وثقتنا فيه وتوكل عليه واعلم انه سوف يزيل عنك كل بلاء لانه رؤف رحيم بالعباد
