وصلنا البورت الجميل بسلاام 💜ولقينا وضاح دا اخو وائل الصغير سلم علينا كلنا بي شوق وركبنا العربية عشان نمشي البيت💕 .....في المسافة دي نتعرف على اهل وائل ...( ماما نورة ام وائل مرة طيبة طيبة حد الطيبة م تقيف وحقاانية وم بترضى بالغلط نهاائي 😍💕زوجها الامين راجل برضو ما شاء الله عليهو طيب وحكيم في كل شي 💙...وليد اخو وائل الكبير زوجتو اسمها تسابيح عندو ولدين وبت رضوان 11 سنة ومروان 9 سنة ورهف 4 سنوات 💕....ولاء دي تومة وائل وزولتي شديد راجلها اسمو محمد متزوجة من قبل وائل عندها رنا ودي بتها الكبيرة عمرها 9 سنوات وبعدها رامي 5 سنة قدر يوسف💕 واخر العنقود وضاح سنجل اتخرج قبل سنة قاري هندسة وشغال ...وانتهينا💕) وصلنا البيت عندنا بيت هناك صغير كدا غرفة وبرندة وحوش وباب نص بفتح علي بيت ناس ماما نورة 💕....ماما نورة: هيي ام اولادي جيتو البلد نورت 😍😍...لدن:منورة بي ناسها والله يا امي مشتاقين والله😍😢💙 ...والله بالاكتر كيفكم كدي 😍💕..كويسين الحمد لله وهاك يا سلام واحضان وبعدها جات ولاء ..ولاء : مرت اخوي السمحة😍😂 ...لدن: حماتي الشريرة😍😂 وحضن قربنا نخنق بعض مساافة م فضل الا نبكي 💕المهم سلمت على اولادها ورنا طوالي ساقت التيمان بتحبهم شديد 😍💕ورامي ويوسف اتماسكو ومشو 💕...ماما نورة: شفتي اي زول فات مع زولو وخلوك باعوك طوالي😂😂 ....لدن: م زهجو من وشي لكن انا زاتي بي ناسي ومسكتها هي وولاء 😍💕..وائل: علي فكرة يعني دي امي ودي تومتي لو م شايفة الشبه😑😒 ....لدن: تردي ليهو يا امي ولا ارد ليهو انا😌 ....ماما نورة: لالا خلاص متين جيتو انتو 😂😂....والونسة جرت وحكيت ليهم لما كانو عايزين يعملو لي غداء وحالة المطبخ مااتو ضحك 😂😂بعدها مشينا نمنا م صحينا الا تاني يوم الضهر سلمنا على محمد راجل ولاء فطرنا ولا هو كان غدا المهم اكل😂 ...وضاح: يلا يا جماعة خلصو اكل وامشو اجهزو ماشين الكورنيش 💕...رنا: احلف يا خالو 😍...اي ماشين💕 ....يوسف ورامي والتيمان في وقت واحد: نحنا شبعنا😍✋ ....متنا عليهم ضحك المرقة دي بريدوها جد 😂😂😂...وضاح: غايتو شفع اخر زمن + بعد شوية جايين ناس وليد يسلمو عليكم وماشين معانا 💕(طبعا ماما نورة طوالي لوت خشمها )😂😂 اها يلا نجهز💕 ...احكي ليكم مسافة نجهز ...( ماما نورة م بتحب تسابيح لكن بتتعامل معاها كويس سببها انو وليد لما جا يعرس م استشارها بس بب كدا قال ليها امي انا في وحدة اتقدمت ليها وقالت اجي اقابل ابوها 💔والمهم في البداية قالت ليهو كان تسألني اول ونشوفها اول شي بعدين تمشي تديها كلمة وووو موضوع وجوطة💔 ...المهم مشو وطلبوها واتزوجو تسابيح كانت خايفة من حتة انو النسيبة بتكون كعبة وشريرة 💔وكدا ف من جات كانت بعيدة كل البعد وكاشة منها عديل وولاء الزمن داك كانت م متزوجة المهم كانت خاتة حواجز منهم 💔وفي مرة ماما نورة كانت مصدعة وولاء في الجامعة قالت ليها اعملي لي كباية شاي بس اتنفضت فيها عايزة خلاص تبدي لي حركات اخدمك وانتي تعبانة وانتي بتاع واول م جا وليد قالت ليهو نرحل بيت برانا💔 وطبعا ماما نورة م عايزة تخرب بيت ولدها وهو يادوب قالت ليهو اي ارحل طوالي 💕وكانت زاتها مرحبة بالفكرة عشان م تحتك بيها كتير وفعلا رحلو بس مع الزمن عرفت طباع ماما نورة وحاولت تعتزر بس ماما نورة لسه م قادرة تتجاوز لانها لسه حاساها خاته حواجز 💔وم بتجيهم كتير بس بجو الاولاد مع ابوهم ورهف زاتها مرة تجي مرة م تجي ...اما بالنسبة لي انا اول شي وائل كلمهم وكدا حتى طلبني وانا اعجبكم طوالي سيطرت وعجبتهم وحبوني😂😌 وانا صراحه حبيتهم بعد جينا من شهر العسل الكان في مصر نزلت عندهم وقعدنا 4 شهور معاهم واتعودنا على بعض شديد 💕واما بالنسبة لي سكنا في الخرطوم عشان وائل خلاف من اخوانو قرا الجامعة في الخرطوم 💕وياهو بنا شغلو الخاص في الخرطوم💕 وعرس من الخرطوم😂😌 وسكن الخرطوم💕 تحية لي ناس الخرطوم😂✋ ....+ اخر حاجة ماما نورة لما تجي تناديني يا قالت لي ام اولادي💕 ..عشان بهتم بي اولادي زيادة على وائل زاتو💕 يا قالت لي لولو دا دلعي كان في بيتنا وفي الجامعة ووائل لقطو ووراهو ليهم😂😂💙 لفح شديد 😂😂💙وانتهينا💙)....
نهاية الجزء الثالث 💙
عصير بدرة
ملكني زاتك فأنا احق عليك من نفسك💙
