وائل: لدن م تلخبطي الامور....لدن: هي هي الاتنين نفس الشي ونفس الموقف...وائل: خلينا يا لدن ننسى الفات ونبدا صفحة جديدة ...لدن: صفحة جديدة الثقة فيها مهزوزة وفيها شك ...وائل: وعد رجال مني ليك اني من اللحظة دي م ادس عنك ولا ايي شي مهما كان💜 ....لدن: لما عرستني برضو قلت كدا وم نفزت وعدك💔 ....وائل: قصدك شنو يا لدن!!?....لدن بتقيف : وائل خلينا نبعد من بعض فترة عشان اقدر انسى الحصل وم اختها ليك نقطة سوداء ...وائل: البريحك يا لدن بس م تقسي علي 💜...لدن: وحاجة تانية اسفة على الكلمة الطلعت مني في لحظة زعل م كان قصدي💜.. ممكن انا امشي ناس امي وانت تعال اقعد هنا ....وائل : المكان الانتي بترتاحي فيهو خليك فيهو وانا شايف احسن هنا وانا بقعد في سكن الشغل ...لدن: طيب ...وهو طالع باسني في راسي وقال لي اعفي لي يا ام يوسف حقك علي💜 ومشا سلم على الاولاد وطلع انا مشيت بكيييت😭😭😭💔 صاحح انا زعلانة منو بس م بقدر ابعد عنو مهما عمل ابو اولادي وانا نفسي كان نرجع وننسى الحصل بس انا كدا بكون ظلمت وائل وح اكون طول الوقت شاكة فيهو واتزكر العملو ف دا كان اسلم قرار💜 .....ماما نورة جات مع لؤي .....
لدن: امي تعالي العشاء جاهز ....امي : هي صحي يا بتي امك قالت ليك بكرة تعالي لبنى جاية ....لدن: خلاص تمام انتي زاتك ارح معانا ....ماما نورة: م عندك مشكلة نهااائي صحي قلت ليك انتي ليليان خلصت الامتحانات ولا لسه....لدن: دا شهر كم 3 هي بتخلص نهاية 3 كدا يعني ح يكون جدولهم اسي نزل ...امي: خلاص طوالي بعد الامتحانات نشوف موضوع العرس شوفيها لي رايها شنو ....لدن: حاضر ....وكملو اكلهم وفاتو نامو ....💜
صباح يوم جديد اتجهزو من الصباح وفاتو ناس صفاء.....
سلام واحضان واشواق ودموع لي لبنى واولادها بعد سلمو على بعض قعدو للفطور وبقو يتونسو ....💜
لبنى: اها يعني يا خالتو نورة عايزة تخطفي اخواتي الاتنين ...نورة: عاد يا بتي القى منهم احسن لي اولادي وين😂 ....صفاء: م بتقصري يا اختي عارفاك خاتاهم في عيونك ...نورة: يزيد فضلك حبيبتي اها يا عروستنا الامتحانات انتهت ولا لسه....ليليان: باقي لي 3 مواد يعني اسبوع واخلص....نورة: خلاص بعد كدا الرجال يشوفو قعدتهم ونحنا نشوف حالنا عشان نعمل العرس😍💕 ....صفاء: خلاص تمام ...وعدا اليوم بين الونسة والضحك وللعب الشفع وصوتهم وضحكتهم في البيت ...طبعا بعيدا عن دا امي لاحظت لي اني م تمام وقدرت تعرف اني متشاكلة مع وائل ....لؤي رجعنا البيت واتونسنا انا وماما نورة شوية كدا بعدين اي زول مشا نام .....💜
صباح يوم جديد
صحيت بي رسالة من وائل ....صباحك عسل يا انا م كفاية كدا وانتي ليك تلاتة ايام بعيدة مني ...انا عارف اني غلطان واسف بالجد والله ندمان لو حبيتي اننا نرجع عشان نجهز لعرس اخوانا سوا لانو حددو بعد شهر خلي الرجال يرجعو المكتب وانا كدا ح اعرف انو مرحب بي في البيت خلي بالك من نفسك 💜....م قدرت صراحة اقسي قلبي اكتر من كدا ف قمت طوالي جهزت الشاي ونضفت البيت كويس وماما نورة قالت ماشة لي وحدة صحبتها عازماها غداء وسايقة معاها يوسف المهم من الضهر كدا طلعت والتيمان كانو نايمين انا طلعت وقلت للرجال ارجعو المكتب شكرا ليكم بالجد وعلي حرصكم الشديد💜 وهم شكلهم كانو متوقعين مني حاجة زي لانو طوالي فاتو 😂وبعد نص ساعة بالضبط الباب دقا طبعا وائل دقتو بعرفها من بين الف لانو بدق زي العايز يغني دقة بي لحن او بعمل صوت بمفتاح العربية دي من الحاجات المميزة فيهو طوالي مشيت فتحت الباب وقلت ليهو: في سيد بيت بدق باب بيتو!!!😍😍 ...وائل: طلعتي قاسية 3 يوم واربعة ليالي؟😢 ....لدن: عشان اقدر اتجاوز ليك😍💕 ...وائل: يا ريت م يحصل كدا تاني💜 ....لدن: يدك بي يدي نحافظ علي بيتنا سوا💜 ....وائل: م ح تسلمي علي زي الناس😂...لدن: حضنتو وقعدت ابكي كان شوق على عتاب على خوف على اعتزار علي حاجات كتيرة شديد...وائل: لدن ممكن م تبكي🌚😕...لدن : م اسمي لدن🐸 ....وائل: لولو يا حبيبتي يا ام اولادي م تبكي اها كدا كيف معاك😂 ....ضحكت في نص الدموع وقلت ليهو اي كدا تمام😂 ....
مرو كم يوم وخلاص اتصالحنا وم عندنا اي شي وطبعا وائل حسم علا في مكانها وزفتها معاها وهددا بي اخوها عبد الله وطبعا بعد 20 يوم عرس وضاح وليليان وجري شديد في السوق وطبعا وائل كان ناقي لي قال م تمشي السوق عشان م تتعبي م الحمل بس م بقدر اخلي لبنى تمشي مع ليليان وهي تقيلة اخف انا منها المهم عدت فترة الشغل على خير وجا اسبوع العرس .....💜
نهاية الجزء الثاني عشر💜
رأيكم يهم💜
