يلا تمينا باقي اليوم مبسووطين بالموضوع والمشي وتغير الجو ووانا ويوسف متحمسين😍💙 ....بالليل🎶✨ ...لدن: وائل ماشين متين نحنا😍 ...كدي استكيني خلي الشفقة😂 ...لالا خلي الاستكانة اسي وريني ماشين متين اشتقنا ليهم ياخ😍😢...شافعة انتي فايتة عليك رضعة 😂😂...ههه النبي كان م قمت لقطت ظرافتك اتكشحت من كترتها😒✋ ....انا بحب اخليها مكشحة كدا اذا عجبك 😂😂....يلا عارف غلطانة انا السألتك وانت فالح تحرق دمي😠😑 ....ودا الاساس😂 ....اووووف منك قوم من جمبي زاتو الليلة م بتنوم معاي امشي لي اولادك يلا برااا 😒😣...لا النبي فيك الا بعيد منك دي م بقدر عليها😢😢😭 ....اها يا روميو😒...لولو يا لولو خليني انوم هنا😢😍 ....لا براا سريع 😂....طيب الليلة شنو ...ودا دخلو شنو اسي ....الليلة شنو بس...الليلة الخميس ....يلا جهزي نفسك ماشين يوم الاحد 💙....نطيت ليهو في رقبتو اححلللف😍😍 ....خلاص كتلتني قبل يومي انزلي مني انتي قايلة روحك زي زمان😭😑 ....احلف يا وائل كدا مشش وعايزة امشي 😭💔....شالني لفااا بي وقال لي نهاااائي ولا يزعل الجميل ...😍😂
صباح الجمعة .....💙
قمت نضفت البيت ومراسم صباحية عادية وشربنا الشاي وحضرنا مع بعض فيلم وبعد الفطور يوسف ووائل مشو الصلاة 💙...بعد جوو طبعا جابو معاهم الفول والتسالي ودقة القونقليز اهم شي😂😂💙 قضينا عليهم وبعدها غيرنا ومشينا ناس امي لحدي م نصل ناس امي تعالو اعرفكم على اهلي ...💙
( امي.. صفاء زولة طيبة وعلى نياتها💙 ...اختي اكبر مني لبنى ودي في امريكا مع راجلا عندها ولد وبت باسل وبيادر وحامل 💙....ليليان ودي في الجامعة بتقرا طب اسنان ( تحية لي ناس اسنان😍💙) وبعدها لؤي ودا اخر العنقود دخل الجامعة ليهو سنتين كدا وعامل شفااتي وكدا 😂💙...واخيرا سيدنا وتاج راسنا ابوي يوسف زول هيبة ووقار كدا وملامحو هادية 💙....وكدا انتهينا) وصلنا ناس امي ....
وائل: السلام عليكم ....ابوي: وعليكم السلام البيت نور تعالو حبايب جدوو💙 وجرو الاولاد لي ابوي سلمو عليهم ودخلت سلمت علي امي ووراي جا وائل وجات ليليان سلمت علينا وطبعا هي هاادية بي طبعها يعني جنها قدام ناس البيت بس😂 ....التيمان: لُعي( لؤي) وين يا ماما صفاء? ....امي : اسي كان قلتو خالو م اخير من لعي دي😂😂 لؤي طلع قبل الصلاة وقال مارق مع اصحابو لكن بجي عارفكم بتجو الليلة ..شوية كدا ولؤي جا اولادي طوالي جرو ليهو بقطعو ستة صفر مع اي زول لما لؤي يجي حتى ابوهم😂😂 لؤي صاحبهم شديد وبحبوه💙 ...سلمو عليهو وتاني بعد العصر كدا اتغدينا واخر ونسة وضحك مع امي وليليان💙 ....امي: يا بتي م تبيتو معانا ....لدن: والله يا امي نفسنا نقعد لكن ماشين بورتسودان يوم الاحد 😍...هااا صحي طولتو م مشيتو وهم زاتهم طولو م جو تصلو بالسلامة ان شاء الله💙 ...امين يا رب امبارح دقت لي لبنى وقالت احتمال تنزل السودان قريب عشان بتكون دخلت في الشهور الاخيرة ....اي كلمتني برضو قالت باسل صعب مع بيادر م بتقدر عليهم وهي والدة😂 ...اي اخير تجي هنا زاتو.. يلا يا امي نحنا نمشي بعد كدا ...خلاص عايني يا لدن تعالي لي بكرة بعد تجهزو حالكم عشان تخلي لي الاولاد تمشي تتحنني💙 ....فديتو انا البشيل همي😂💙💙 ....امشي مني العويرة دي صدقتي روحك 😒😂...م مشكلو يا صفصف بجيك ان شاء الله 😂💙💙....يلا في امان الله 💙وطلعنا على بيتنا الوقت كان بعد العشاء ...تاني يوم من الصباح جهزنا شنطنا وحاجاتنا ومسافرين بالطيارة بعد الفطور كدا مشيت ناس امي وائل وصلني ومشا قال عندو شوية شغل في المكتب يخلصو وبغشاني بعدين💙 ...خليت الاولاد مع امي ومشيت لي جارتنا عملت لي حنة فظيعة لما اتكيفت منها واديتها فوق حقها😂💙 وظبطتني ليك تمام💙 وبالليل كدا رجعنا البيت طبعا الاولاد كانو نايمين من نزلنا من العربية وائل يصفر ساي 😂😂قلت ليهو مش كان صفرت كان اتقلبت ديك زاتو اختاني عليك الله😂✋ ....لولو السمحة يا ستهم😍💕 ..وائل طير قدامي يلا 😂✋...ارح ارح😂😂 ..صحينا تاني يوم بدري الطيارة كانت الساعة 7 صباحا ومشينا المطار انطلاقا الي بورتسودان .....💙💙
نهاية الجزء الثاني💙
عصير بدرهه💙
