فتحت عيوني وسامعة وائل بقول ليهو فتحت يا لؤي وجمبي لؤي وفي يدو ريحة يا دوب استوعبت انو وائل عمل حادث بقيت اسأل فيهو انت كويس دا شنو كيف ووين انت مش قلت لي جاي في الشارع😨😢 ..لؤي: يا لولو روقي هدا كويس وم عليهو حاجة حادث بسيط والحمد لله كسر في اليد وضربة خفيفة في الراس والصور نضيفة الحمد لله💙 ....المهم شوية كدا ناس امي جو وناس ماما نورة برضو م كان رجعو من العرس وهم مواعيد سفرتهم المفروض بعد يومين المهم قعدو شوية وماما نورة وولاء قعدو معانا والبقية كلهم رجعو💙
....بالليل...
وائل: لدن تعالي ....جيت جمبو اشر لي على صدرو طوالي حضنتو قال لي يلا ابكي عارفك انا ابكي عشان م تجيك غدة😂 وانا تقول كنت راجياهو بكيت بكا والدموع شلالات بس ونهائي م سألني بس بمسح بي ييدو على ضهري لحدي م قال لي يلا خلاص نص ساعة كفاية جدا قومي غسلي وشك وانا اعجبكم مطيعة قمت غسلت وشي وجيت حضنتو تاني😂😂 ...وائل: لقيتيها حلاوة لكن يا خسارة م بقدر اضمك علي الا بي يد وحدة رفعت راسي شوية وطبعت بوسة طويلة في خدو ونزلت مني دمعة ( دمعة لحمة ولا دمعة شنو هههه😂😂) قلت ليهو: وائل انا مش قلت ليك لالا مش قلت ليك من عرفتك وانا بقول خلي بالك وانت سايق خلي بالك وانت سايق لكن انت عنيد اسي لو كان حصل ليك شي انا امشي وين واولادك يا وائل والبيبي حرام عليك😭 ...وائل: والله غلطان هو انا سايق عادي حتى بتاع المرور ساقو القسم وقال ممكن ادفعو غرامة بس انا عفيت ليهو لانو اصلا العربية مؤمنة وم عايز منو شي ...لدن: طيب ليه م وريتني ...وائل: لولو يعني اكلم لي وحدة حامل وعندها تلاتة اطفال م بتعدو السبعة سنين وبراها في البيت بس وريني اكلمها وهي زاتها خليعة وقلبها خفيف زاتو م قايلك بتحبيني قدر دا😂 ....لدن وهي بتضحك خليعة دي من وين جبتها غايتو انت😂😂....وائل وهو ببوسني في راسي وبقول يا رب م يوريني فيكم شر ويحفظكم لي انتي واولادي💕 ....لدن: ويخليك لينا حبيبي💕
عاينو ديل عاطفيين م علينا منهم😂🐸
بتمر الاحداث سريع ومافيها جديد لحدي م وائل بقا كويس ورجع شغلو ولبنى ولدت وجابت بت سمتها بلسم وتسابيح حامل وليليان حامل بتؤام برضو .😍......
بعد مرور سنتين .....💕
في بورتسودان ....💕
لدن: اهل الدار هناك زوااار😍 .....ماما نورة بتصرخ : ام اولااادي حبيبية مشتااااقين😭😭😍 وهاك يا بوس واحضان وبكا وولاء جات وسلمت علينا ....ولاء: اجري يا رنا قولي لي تسابيح ناس لدن جو وشوفي اخواتك صحو ....رنا: اي رحيق صحت لكن رنيم نايمة ( ديل بنات ولاء تؤام عمرهم سنتين وكم شهر كدا💙) .....جات تسابيح تسلم علينا وشايلة رفيف( بتها) وسلمت علي وعلى الاولاد وسألتني: وين يمان يا لدن...لدن: مع ابوهو بهناك ( ايوة ولدت وجبت ولد سميتو يمان واتسميت ام الاولاد من جديد😂💙) شوية كدا جات ليليان اختي من برا ومعاها التؤام الحلوين همام وهميان وسلمت علينا وتاني يوم عملنا عيد ميلاد رفيف وهي بتقفل السنتين وكانت لمة حلوة شديد فيها كل المحبة والاحترام لكل فرد من العائلة وطيبة ونقاء نفوس واخدو صورة جماعية كفيلة بأنها تكون ختام رواية # اختارني💜
نهاية الجزء الخامس عشر💜
لك ادم ...كن رجل في كل كلمة وموقف وشخصية💜
لك حواء...كوني خلوقة مهذبة وذات احترام وشخصية💜
#شخبطة
صراحه انا م عارفة فكرة الرواية دي جاتني من وين حسيت بكمية كلام عايزة اكتبو وطلع معاي بالصورة دي يا ريت تعجبكم وتكونو استمتعتو وم ضيعتو زمن ك اهداف من الرواية ممكن اقول :
1/علاقة نورة بي لدن كانت حاجة حلوة شديد بين زوجة ونسيبتها خليك عارفة يا حواء انك انتي بي يدك بتحافظي على بيتك وبنفس اليد بتخربي خليك حكيمة ورزينة وواعية في اي شي مهما عملت ليك ام راجلك تكوني طرشة وعمياء لانو مهما عملت في الاخر امو ومستحيل يخليها عشانك ....وشوفي الفرق بين لدن وتسابيح في بداية الرواية كيف كان...💙
2/ علاقة لدن ووائل ....كانت مبنية على الثقة ولو دخل بينهم الشيطان بي حكمة بعض عدو العقبة اتجاوزو الحصل معاهم ببساطة وواصلو حياتهم ....لما هو يشد انتي ارخي واتحملي ضيقتو يمكن يكون مزاجو م كان كويس ...ولما هي تشد انت ارخي يمكن تكون زهجت من شغل البيت او زعلانة من حاجة في الاخر هي انسانة برضو ومن حقها ترتاح وتغير جو حبة .....💙
3/اكعب حاجة انك تقولي لاي راجل م بس راجلك اي راجل انك تقولي ليه م راجل لانها دي م حاجة هينة واعرفي انها نقطة ضعف عند اغلبهم وتاني م بشوف قدامو بعد تقولي ليهو كدا لو كنتي منو ومنو .....💙
م اظن في حاجة تاني م قلتها رايكم بهمني شديد حتى لو انتقاد المهم تقولو لي يا ريت للمرة التانية تكون عجبتكم💙 ادعو لي💙.. وانا بدعي ربنا يسعدكم ويوفقكم محل م تكونو 💙
نهاية رواية #اختارني بقلمي اروى جمال الدين ( عصير بدرة)💜
يا الله قدرة روح تعب الجسد هين💜💜
