اي زول مشا بعربيتو ووضاح كان سايق معاهو ماما نورة وعمو الامين ....واتلاقينا مع ناس تسابيح في الكورنيش وقعدنا لحدي بالليل واتعشينا كلنا في مطعم حتى رجعنا البيت ....💕💕
صباح يوم جديد ....
صحيت بدري لقيت الاولاد فاتو بهناك ووائل نايم نضفت البيت ومشيت بهناك شربت الشاي حتى وائل صحا قال لينا معقولة انوم للساعة 9 ومافي زول فقدني حي ولا ميت😒 ...قلت ليهو م مهم عشان كدا😂✋ ....وائل : شايفاها يا امي😒 ...لدن: دي امي انا وطلعت ليهو لساني 😑😌...ولاء: انتو خليتو للشفع شنو بحركاتكم دي😂....وائل: انتي اصلا قاعدة ليه مش عندك بيت وجيتي وسلمتي علينا يلا اتفكفكي بيتك😑....ولاء: انا جاياك انت!? 🐸 لا جاية لي لولو + انت حارقك ف شنو ولعلمك انا قاعدة هنا م راجعة زاتو 😂....لدن: عاين عشان م جبهتك تطير كل مرة م تدخل بيني انا وولاء او امي لانو انت الخسران😌✋ ....حمر لينا وطلع قال ماشي لي ابوهو ....لدن: مستهبل خلاص😂...ولاء: شديد زمان وائل دا م كان كدا نهاائي كان طبعو صعب وكعب ومافي زول بقدر يستحملو بس كتر خيرك يختي😂 ....لدن: بفتري عليكم😌💜 ....وجرت الونسة والضحك لحدي م عملنا الفطور ....💕
ماما نورة: لولو بعد الفطور البسي ماشين لي حميدة جارتنا مش متزكراها؟ ....لدن: كيف يا امي دي عُشرة عُمر 😍💜....ماما نورة: اي والله المهم ماشين نشرب معاها الجبنة الليلة في بيتها وانتي زاتك يا ولاء ارح خلو الاولاد لي رنا م بتجيهم عوجة💜 ....ولاء: طيب ان شاء الله .💜...فعلا بعد الفطور مشينا لي خالتي حميدة .....
مرحب حبابكم اتفضلو💜.....ماما نورة: كيفك يا حميدة ان شاء الله كويسة واولادك 💜....والله في امان الله كيف انتي وهييي تعالي يا لدن شنو الغيبة الطويلة دي💜 ..مشيت سلمت عليها وسلمت على ولاء وقعدنا ....حميدة: اخبارك شنو يا لدن والاولاد كيف ووائل كيف💜 ....في نعمة الحمد لله الا الاولاد وشغبهم الزايد💜 ....اصلا الاولاد كدي بعدين اولادك طالعين لي ابوهم واعمامهم زمان وائل ووليد ووضاح ديل كانو مضوقين نورة المُر وكانو عاملين عصابة عديل😂 ....ماما نورة: وبعلي انا م عارفة زاتو زمان استحملتهم كيف لكن جا الزمن وعقلو وانا م قايلاهم بعقلو كلو كلو😂😂 .....حميدة: كبرو وكبرونا 😂.....ولاء: اخبار علا شنو عليك الله وعبد الله💜 ( اولاد حميدة) حميدة: كويسين تب وعلا زاتها شوية كدا وتجي من الشغل ....شوية كدا وجو تاني اتنين جاراتنا💜 .....والونسة جرت وكدا لحدي م جات علا : السلام عليكم ..الجميع: وعليكم السلام ...سلمت عليهم كلهم لما جات عندي بس مدت يدها وقالت لي كيف تمام وفاتت للبعديني طوالي في حين انو سلمت على ماما نورة وولاء احسن سلام 💔 ..لدن:" انا بس لو اعرف مشكلتها معاي شنو او انا عملت ليها شنو برتاح💔" ...ولاء مسكت يدي وضغطت عليها بتحس بي😕💜 ....ماما نورة: يلا يا حميدة نحنا نمشي بعد كدا 💜....حميدة: هي م تتغدو معانا عليك الله عيب تمشو زمن الغدااء😕 ...ماما نورة: مرة تانية ان شاء الله الامين زاتو بكون جا عشان نمشي نغديهو ....حميدة: ودعتكم الله ...ماما نورة : الله يسلمك ...حميدة : لدن المرة الجاية جيبي لي الاولاد اسلم عليهم ....لدن : حاضر يا خالتي من عيوني ...حميدة: تسلمي💜💜 ....وطلعنا البيت على كدا .....
بعد اتغدينا ...
ماما نورة: مالها علا بتسلم عليك سلام كعب كدي...لدن: بري والله يا امي ياهو طبعها معاي كدا من يوم عرفتها 😂....ماما نورة: اججيي!!! ....لدن: الله يهديها وكان شايلة مني في قلبها تبعد مني بس😂✋ ....
قضينا اسبوعين حلوين شديد ضحك وهظار وفسح وبرنامج جديد كل يوم وضاح م قصر معانا ...خلال الاسبوعين ديل جاتنا تسابيح مرتين بس الجمعة والجمعة .....💜💜
في يوم من الصباح جونا ناس تسابيح يقيلو معانا بعد الفطور قلت ليهم ماشة وبجي اسوي الجبنة ومشيت بيتي بهناك اتكلم مع امي ضربت ليها واتكلمت معاها 💜بعد كملت كلامي مشيت لقيت تسابيح ختت الجبنة في النار وجهزت عدتها واي شي قلت م مشكلة يمكن اتأخرت عليهم عشان كدا عملتها هي 💜المهم كبتها لينا عشان نشرب ....
يوسف: م تضربو عمل ليك شنو ....مروان: شال العربية حقتي ....رنا: حتى ولو يا مروان انت عارف يزيد صغير م تضربو وهو بحب العربات تعال انا بديك وحدة تانية من حقات رامي ....مروان: لا بس عايز حقتي انا ....رنا: طيب تعال يا يزيد اديك من حقات رامي ...يزيد: مام مام بس دايل دي( داير دي) يلا والشكلة قامت لما يزيد ابا يفك العربية مروان ضربو كف يوسف طوالي ضرب مروان ومروان شال حجر فلق بيهو يوسف💔💔 ...هم في البرندة ونحنا في العريشة سمعنا صوت الصرخة وكانت قوية انا رميت الكباية بتاعت الجبنة 💔وقمت جارية لانو عرفتها دي صرخت يوسف 💔💔
نهاية الجزء الرابع ...💜
اللهم صلي على سيدنا محمد ....💜💜
