بعد الكلام دا بي شهر بالضبط في يوم المغرب اذن العشاء اذن ووائل م جا البيت بدق ليهو م برد لي وبقيت مقلقة قاعدة الساعة 12 بالليل انا قاعدة في الحوش وراجية وائل💔 ...الساعة 2 وائل جا داخل البيت وشكلو تعبان جريت عليهو وائل في شنو انت كويس!!!!... وائل: اي كويس مافي شي ....لدن: كنت وين وتلفونك وين .....وائل: شغل حصلت مشكلة في المكتب وعصام كان مافي اتضطريت احلها انا والتلفون كان صامت.....لدن: ان شاء الله اتحلت...وائل: اي الحمد لله ....لدن: طيب خش اخد ليك حمام مسافة اجهز ليك اكل ....وائل:لالا م عايز اكل عايز انوم بس ....لدن: طيب .....
بعد يومين بالليل كدا وائل بنوم في يزن وانا فرشت الحوش قلت لي وائل الليلة الجو حلوو ننوم برا وشلت تلفوني قلت لي وائل تعالو برا بعد يزن ينوم💜 .....فتحت الشبكة جاتني رسالة من رقم غريب مرسل لي ....انا فاعل خير شفت الغلط وم قدرت اسكت عليهو ورسل لي صور بتاعت ووائل وعلا وهم جمب بحر والدنيا ليل 💔ووحدة تانية علا ماسكة وائل من رقبتو 💔وتاني وحدة وائل ماسك علا من نصها وهي متكلة فيهو 💔وبعدها مرسل لي ..تقدري تعرفي يا مدام زوجك كان وين قبل يومين بالليل على العموم انا بس حبيت اوريك نقطة رايحة عليك ....وتاني شكلو الرقم حظرني انا بعد دققت في الصور كم مرة واتأكدت انها م صور مفبركة شلت التلفون وبكل هدوء مشيت جوة لي وائل شلت يزن رقدتو وجيت لي وائل قعدت وقلت ليهو : وائل لا اله الا الله....وائل: محمد رسول الله في شنو مالو وشك دا لونو كدا .....لدن: انت قبل يومين لما جيت متأخر كنت وين!! .... وائل: م م وريتك قلت ليك في المكتب ليه بتعيدي لي في السؤال ....لدن: وائل احلف بحياتي انك كنت في الشغل💔 .....وائل: لدن دا شنو كمان من متين نحنا في بيناتنا الحركات دي😳 ....لدن: وائل من الاخر كدا انت علاقتك بي علا شنو ....وائل وشو جاب مية لون: علا!!كيف يعني علاقتي بيها شنو ....لدن: وصلتني صور ليك انت وعلا ممكن تقول صور شوية محرجة لي راجل متزوج وبت عزباء💔 ....وائل: دا شنو الهبل الانتي بتقولي فيهو دا 😤....لدن: عشان هو هبل عشان كدا انا سألتك المفروض انا اعمل شنو في اللحظة دي اصدق الشافتو عيني ولا البتقول لي فيهو انت💔 .....في نص كلامنا ونحنا لحدي اللحظة دي بنتكلم بهدوء وقاعدين ومافي واحد رفع صوتو على التاني خالص تلفون وائل بقا بنور كتير ك علامة انو في اشعارات كتيرة وائل عاين للتلفون الكان في يدو ولقاها رسايل من علا اتلبش وم عرف يعمل شنو ولدن قاعدة جمبو بتعاين ليهو وشافتو كيف اتلخم ....لدن: دي البرنسيسة رسلت ليك ولا شنو😑 .....وائل: لدن شوفي انا ح اوريك اي شي من البداية تمام بس انتي اسمعيني و ( قطع كلامو صوت التلفون لما رنا وكانت علا) لدن: رد وافتح الاسبيكر .....وائل اتردد بعدها فتحو ....علا: الو. ...وائل كيفك ...وائل: الحمد لله ....علا: صراحة يا وائل انا عايزة اقول ليك حاجة الحصل بينا قبل يومين انا م ح اقول ليك ندمانة بالعكس مبسوطة لاني من زمان بحبك💜 وعايزاك بس م فات شي مش ممكن البت عادي تخطب الولد انا عايزة اطلب منك تتزوجني ممكن تقول اعتراف وخفة لكن انا دا ككلو م بهمني بتهمني انت وبس ممكن زي م كنت راجل قبل يومين وجيت لي لما اتصلت ليك ابقى عيدها واتزوجني وفكر قبل ترد لي يلا سلام...💜
طبعا انا الدنيا ضلمت في وشي💔 ....لدن: اها عندك تبرير ولا ح تفضل ساكت كدا ....وائل: اسمعيني وم تقاطعيني انا ح احكي ليك الحصل اليوم داك بالتفصيل بس عايز منك وعد انك تصدقيني ....لدن: متفقين اتفضل💜 ....
جزئية معلقة في الحلقة القادمة:....ها طال م اثبت رجولتك ومشيت لحدي عندها ابقى امشي تم رجولتك للنهاية وعرسها يا ناقص وم شبه الرجال فعلا هانت عليك العشرة💔 .....
نهاية الجزء التاسع💜
رايكم يهم💜
