لدن:وائل م تعاين لي بعيونك السمحة دي اسي بحرد العرس دا...وائل: خليني اكمل شوفي فيك عشان ح اشتاق ليك ...لدن : وائل م تخوفني يااخ في شنو ...وائل: مافي شي والله ...لدن وانا بفتح يديني ليهو: تعال....وائل: يااا سلام الليلة لا في يوسف ولا يزن ولا يزيد 😂..دا شنو شكلو البيبي الجديد برضو ح يعمل غلبة من اسي بطنك ضايقتني😂😂....لدن: بتغير من اولادك ....وائل: انا فيك كعب ...لدن: كعب عديل ....وائل تحبي تشوفي ......لدن وهي بتزح منو :نفسي نحضر فليم زي زمان يااا ....وائل: ارح الفي شنو والمافي شنو مع انو الساعه داخلة على 12 لكن يلا....فتحنا فليم اجنبي وبقينا نحضر ومرة نضحك ومرة نتكلم ومرة نركز مع الاحداث لما عدا شوية من الفليم اتزكرت اني حاضراهو قبل كدا ومتزكرة انو فيهو لقطات م كويسة خااالص😂😂....لدن: وائل انا ماشة انوم نعست ....وائل: خلينا نكملو بعدين ننوم ...لدن: ااا ل لالا عشان صحة البيبي يلا تصبح على خير انت زاتك ارح نوم الفليم شكلو بايخ😕 ...وائل: يا بت اهدي اسي م كنتي زي الحصان نعستي اسي خليك معاي يااخ ...لدن :اا خلاص ح ارقد في رجولك تمام رقدت وقبلت عليهو وبقيت م شايفة الشاشة واتململ واتململ قمت قلت ليهو هنا م مريح انا داخلة جوة ...وائل: حبيبي مالك انتي...وقبل م ارد جابو الحركة الما دسيسة😂😂 ...وائل عاين لي وعاين للشاشة وسكت وانا ساكتة قال لي: لدن اننتي بتخجلي? وفكاها ضحكة😂😂😂😂 انتي حضرتي قبل كدا صح ولالا😂...لدن: اا لا اي حضرتو لكن م تميتو ....وائل: حبيبي خليك ريلاكس عادي الموضوع😂...لدن وانا بقوم: تمو براك انا ماشة ...وائل وهو بجرني من يدي ...لدن: براحة بطني...وائل: معليش تعالي يااخ م تمشي حبة ونمشي مع بعض ...لدن: سمح ..
لدن: بتعاين لي مالك!!...وائل: مشتاق ليك😍 ...لدن: عاين انا نعسانة شديد...وائل: ارح طيب النوم ...لدن: م تصر لي كدا ارح خلاص ...وائل وهو بشيلني : بعيدا عن انك سمنتي انا بحبببك😍😂...لدن: وبعيدا عن اني عايزة اردح ليك انا بحبك😂😍....وائل: طيب ارح جوة نشوف الردح دا ...😍
داخلين وين انتو اسرة في بعضيهم ونحنا اسرة مع بعضينا😂🐸
الاحداث بتمشي سرعة لحدي يوم حنة وضاح كانت حلوة شديد وائل طلع مشتري ليهم جلاليب باللون الكحلي والابيض يوسف ويزن ويزيد وهو معاهم ونفس الحركة عاملها وليد مع اولادو بالكبدي والابيض وانا توب بالكحلي والفضي وتسابيح كبدي ودهبي كنااا مززز شديد الحنة كانت في صالة بجي داخل وضاح يمينو امو وشمالو ابوهو وورا امو في وائل شايل يزن وانا شايلة يزيد ويوسف ورامي في النص وولاء واقفة يمين وائل طوالي وقدامها رنا كانو لابسين باللحمي والكحلي وورا عمو الامين في وليد شايل رهف ورضوان ومروان تحت قدام امهم ويعني العائلة الكريمة كلها موجودة وكانت دخلة ظريفة من اختراع وضاح زاتو 😂💜💜😍....لحدي يوم العرس كان كلو في الصالة غداا وعشاا وحفلة وكلو المرة دي طقمت مع ناس امي اسود بالدهبي انا وامي ولبنى نفس التياب لو ما التوب كان ح يبوظ م كنت لبست دهب عكس لبنى بتحب الدهب شديد بنقول ليها نعمة الله😂 ( الفي مسلسل عائلة الحاج متولي تحية للناس العرفتها😂✋) المهم كانت حفلة ظابطة شديد بعد دخلو ورقصو وضاح مشا وشال المايك .....
وضاح: الكون دا كلو الليلة م بساوي فرحتي انا نفسي في اللحظة دي ابوس يدين وائل اخوي عشان بسببو انا لقيت نصي التاني 💜ليليان انتي نعمة بعد امي قدر م اشكر ربنا علي انو بقاك حلالي ح احس نفسي مقصر شديد💜 بحبك لاخر نفس في الدنيا بحبك لاخر لحظة ح افتح فيها عيوني💜 وبحب لدن برضو وبحب اي زول وبحب اي شي في الدنيا دي وم قدر يواصل عيونو دمعو ونزل من المنصة وحضن ليليان وامو 💜بالجد كانت لحظة حلوة شديد شديد خلت الناس كلها تبكي😭💜 بعدو انا ولبني سقنا ليليان صلحنا ليها الميكاب وبدت الحفلة وهجيج زي الهجيج كل الناس رقصت وحتتو وانا كل م ااقوم وائل يقول لي بشري بس خلي النقز😂 ازوغ منو تظهر لي امي🐸 ازوغ منهم تظهر لي ماما نورة 🐸في الاخر قنعت ورقصت بادب لحدي م خلصنا العرس واي شي😂 ورجعنا البيت في ايام العرس تسابيح اعتزرت عن اي شي حصل منها واتصالحو هي وماما نورة وعلاقتهم بقت حلوة حتى وليد كان مبسوووط شديد💜
يوم الاحد رجعت بيتي بعد العرس باسبوع وائل نزل شغل و وكان يوم عادي جدا لحدي م الوقت اتأخر والمغرب دخل ووائل م جا من الشغل وانا بديت اقلق اتصل مافي شبكة واتصل ومافي شبكة لحدي الساعة عملت 9 كدا التلفون خشا معاي ورد لي وقال جاي في الطريق نص ساعة كدا سمعت صوت العربية وبعد شوية الباب دقا احترت وائل يدق ليه وهو عندو المفتاح المهم فتحت الباب اتصدمت لما شفت وائل وهو لافين ليهو راسو ومجبصين يدو وجمبو لؤي وابوي اساسا م اخدت زمن والمنظر كان كفيل انو يغمى علي .....💔😨
نهاية الجزء الرابع عشر💜
رأيكم يهم💜
