وائل: كنت في الشغل اتصلت لي علا وشكلها كانت م واعية وبتلخبط في الكلام م عارف شاربة شنو قدرت بعد تعب اعرف مكانها ومشيت ليها وطبعا الصور دي شكلو زول استغل الموقف وانا بس كنت بساعدها عشان تركب العربية لانها م كانت قادرة تقيف والصور التانية دي قلت ليك علا م كانت واعية وركبتها العربية ووديتها لي صحبتها عشان اهلها م كان لازم يشوفوها بالمنظر دا وتاني يوم طوالي جاتني الشغل واعتزرت مني شديد وانا قلت ليها م حصل شي وحتى طلبت مني م اكلمك عشان م يحصل بيناتنا نقاش واما بالنسبة للمكالمة الاسي دي انا م عندي بيها اي فكرة وزي زيك م فاهم علا مالها!💔 ...لدن: اممممم يعني اسي دا كل الحصل طيب حلوو احب اقول ليك انو تصرفك من الاول غلط وم كان لازم تمشي ليها براك وكان لازم تكلم اهلها والاهم من دا كلو لازم كان توريني انا مرتك حبيبتك ام اولادك صح ولا لا💔 ....وائل بيقيف على حيلو : لدن انتي مكبرة الموضوع م اكتر من كدا😤 ...لدن: انا مكبرة الموضوع صح واو خلاص انا الغلطانة لاني كبرت الموضوع المفروض افرح عشان شايفة بعيوني راجلي على مشارف الخيانة وانا مكبرة الموضوع💔😢 .....وائل: عايزاني اعمل شنو يعني بعد هي دقت لي هل ك راجل كنت اخليها في الحالة دي وهي بت براها💔!!!!... لدن: خالص نهااائي م تخليها و ها طال م اثبت رجولتك ومشيت لحدي عندها ابقى امشي تم رجولتك للنهاية وعرسها يا ناقص وم شبه الرجال فعلا هانت عليك العشرة💔 .....وائل عيونو قلبت مش احمر قلبت دم عديل وشال التلفون خبط بيهو الحطية وقال: ناقص!! دي الطلعت منك يا لدن في الاخر ناقص انا طيب انا ح اوريك الرجولة العمرك م شفتي زيها وكان طالع عشان عارف نفسو م بقدر يتحكم في غضبو قلت ليهو قبل م تتطلع بكرة انا راجعة الخرطوم بيك او براك ....ووائل طلع على كدا💔
اول م سمعت صوت الباب قفل انهرت في الارض وبقيت ببكي وبستغفر وحاسة بي طعنة في قلبي احر من السيف والجمر طعم الخيانة حار وحار شديد كمان تقريبا انا ساعتين ببكي لحدي م عملت الساعة 10 قمت غسلت وشي وصليت وقريت قران ودعيت ربنا يهدي سرنا وعاتبت نفسي انو كيف طلعت مني كلمة زي دي في وائل لكن برضو م نسيت ليهو مشكلة علا وبس كنت عايزة الشمس دي تطلع عشان ارجع الخرطوم فضلت الليل كلو صاحية وفي بالي جملة وحدة بس عقلي رافض ينساها وسمعي مُصر يكرر صداها 💔(انا ح اوريك الرجولة العمرك م شفتي زيها) .....اصبح الصباح وانا عيني م غمدت اول م الشمس طلعت قمت جهزت غيارات اولادي وشنطنا وانا لحدي اللحظة دي م عارفة وائل مشى وين ولا ح يعمل شنو ....وائل جا داخل الاولاد جرو سلمو عليهو من دون م يعاين لي قال لي الطيارة الساعة 10 يعني بعد تلاتة ساعات ....قلت ليهو تمام ودخلت لملمت اخر الحاجات ومشيت لي امي بهناك ....لدن: امي انا عايزة اقول ليك حاجة ...ماما نورة: مالك يا بتي....لدن: نحنا راجعين الخرطوم بعد شوية ....ماما نورة: اجييييييي!!!!!!! كيف يعني راجعين الخرطوم ناس امك عليهم شي....لدن: لالا لكن خلاف بيني وبين وائل وانا قلت ليهو نرجع💔 ....امي: يا بتي استهدي بالله شيطان ودخل بينكم اقعدو مع بعض واتفاهمو بعدين انتي السفر والحمل والوحم صعب عليكي ....المهم حاولت تقنعني بكل الطرق اني اقعد وانا كان ردي واحد بس وهو راجعة الخرطوم لحدي م قالت لي طيب امشي وانا بعد يومين بجيكم الخرطوم ....وودعتهم ووائل وصلنا لحدي م ركبنا في الطيارة ومشينا وهو رجع البيت امو حاولت تتكلم معاهو كتير وتعرف الحاصل بس هو م اداها فرصة نهااائي💔....
في جانب تاني انا وصلت الخرطوم ومشيت سلمت على ناس امي وشلت مفاتيحي ومشيت بيتي نضفتو وحممت اولادي واتغدينا وقعدنا وطبعا السؤال الفالق راسي من الصباح بابا وين ماما بابا وين ح يجي متين لما زهجت منهم كوركت فيهم بابا م ح يجي تاني الح يقول بابا ح اضربو مفهوم ولا لا😤💔 ....ردو لي مفهوم وهم زعلانين لحدي بالليل جبت ليهم اللبن التيمان شربو ونامو الا يوسف زعلان عشان كوركت فيهو م يزعل كيف وهو طالع نسخة من ابوهو😭💜 حتى في الزعل قدر م حنستو ابا نهائي انو يتكلم معاي او يرد لي لحدي م قلت ليهو البيبي الفي بطني ح يزعل لو انت م شربت اللبن ومن الحنك دا حتى شرب اللبن ونام وانا قفلت الشقة كويس وجبت اولادي كلهم في غرفتنا انا واائل وقريت م خليت سورة وحصنتهم واستودعتهم واتوكلت على الله ونمت صحيت الصباح بدري نضفت البيت وجهزت الشاي عايزة اطلع الوسخ اول م فتحت الباب لقيت ....
جزئية معلقة في الحلقة القادمة:... يعني اسي تخلي ست البيت الكانت خادماك وخادمة اولادك وتمشي تعرس لي دي اسمع كلامي دا كويس عرسك دا كان داير تعملو في السما السابع انا م عندو بيهو شغلة ويومك التعقد على الزفتة دي لا انا امك ولا بعترف بيك ولا بي المعاك وم عافية ليك ...💔
انا ضد انو البعيد عن العين بعيد عن القلب منو معاي ومنو لا!?💜
نهاية الجزء العاشر💜
رايكم يهم💜
