لقيت حارسين طول وعرض واحد بيمين الباب وواحد بالشمال طبعا قربت اموت من الخلعة قلت ليهم انتو منو وعايزين شنو 💔....ردا لي واحد: نحنا رسلنا استاذ وائل من المكتب قال عشان سلامتكم💜 ...لدن: اها طيب ومن متين انتو واقفين هنا .....ردا لي: من امبارح المغرب....لدن: امم تمام وحتى الوسخ خليتو ورجعت وانا الخلعة لسه داخله فيني بعد استوعبت شلت ليهم شاي وبسكويت اديتو ليهم وبقيت متمحنة م عارفة اعمل شنو💔......
في البورت الجميل...
وائل: امي م انا الراجل البشككو في رجولتو نهااائي وانا علا بعرسها بعرسها.....ماما نورة: يعني اسي تخلي ست البيت الكانت خادماك وخادمة اولادك وتمشي تعرس لي دي اسمع كلامي دا كويس عرسك دا كان داير تعملو في السما السابع انا م عندو بيهو شغلة ويومك التعقد على الزفتة دي لا انا امك ولا بعترف بيك ولا بي المعاك وم عافية ليك اصلو وامشي عرسها براك واطلبها براك ودا طرفي منك ومن بكرة انا ماشة الخرطوم لي لدن عايز تاخد قرار طايش زي دا عشان كلممة طلعت منها بعدين هي حامل وعادي انها تنفعل كدا بعد الحصل مفروض تعزرها مش تخت راسك بي راسها واخر شي في بيتي دا علا م بتسكن ومن الليلة يحرم علي بيتهم م ادخلو وسلام الله م عندي ليهم فهمت كلامي دا يا وائل ولا لا💔💔...وماما نورة مشت على كدا وخلت وائل واقف مع ابوهو ....حاج الامين: يا ولدي كدي اقعد انا عايز اتكلم معاك بالهداوة ..قعدو وبدا يتكلم: وائل يا ولدي انت م عريس جديد ليك كم سنة متزوج وعارف انو العرس دا م لعبة واكيد ح تكون قبل كدا حصلت مشاكل بينك وبين لدن حلوها زي كل مرة بالهدواة وتاني شي عيب منك يا ولدي تخليها تسافر براها وفي يدها 3 شفع وفي بطنها واحد دا م صاح منك اسي قول بسم الله وقوم جهز حالك وامشي بيتك هناك واتناقشو براحة ولدن قلبها ابيض ومستحيل تفرط فيك حتى لو زعلانة وحاجة اقولها ليك يا وائل يا ولدي انا الشفتو في لدن دي لو جبت فيها مرة شفت الموت الواحد دا لدن بتموتو اوعك يا ولدي تجيب فيها وحدة وانا متأكد انو لدن باقية ليك الاربعة نسوان خليك عاقل واوزن تصرفك وقراراتك ووقف علا دي حدها وانا كلامي قلتو وفكر فيهو كويس وم تخرب بيتك وتشرد اولادك بي يدك 💜💜....وائل: حاضر يا ابوي💜 وقام منو .....ماما نورة اتصلت على لدن وورتها انها عرفت بالمشكلة وقالت ليها عازراك انا في القلتيهو وورتها انو وائل قرر انو يعرس علا وهي ردت ليهو بشنو وورتها برضو انها جاية الخرطوم بكرة 💜....لدن: والله يا امي انا اتحمقت وطلع مني الكلام غصب عني لكن كدا ثقتي اتهزت في وائل كيف حاجة زي دي يدسها عني يعني لو لي قدام حصلت حاجة عادي م يوريني والا اعرف من الغريب على العموم يا امي تنورينا بكرة ان شاء الله لكن وائل البيت م يعتبو نهااائي💜....ماما نورة: خير يا بتي وقفلت الخط على كدا .....
تاتي يوم سافرو وائل وامو ووصلها لحدي البيت ومشى المكتب ....ماما نورة: انتو منو! ... واحد من الحارسين: نحنا رسلنا استاذ وائل من المكتب عشان سلامة الاولاد ...ماما نورة: ايواا ودقت الجرس وسلمت على ولاء ودخلت...لدن: نورتي يا امي البيت كان فاقدك ...نورة: فاقد سيدو ....لدن: كيف خليتي ناس ولاء ...نورة: كويسين والله ولاء قالت لي امبارح اتكلمت معاك ...لدن: اي اتكلمت معاي بخصوص علا وانها اصلا دا هدفها انو تحصل مشكلة بيني وبين وائل ولاء ياما حزرتني منها بس انا الغبية ....نورة: الحصل حصل يا بتي اسي بعدين انا بجيب ليك وائل لحدي عندك وبخليهو يحلف انو تاني م يدس عنك ولا يكزب عليك في حاجة ويعتزر منك وانتي اعتزري منو وتتصافو ....سكت مسافة وبعدين قلت ليها: طيب حاضر يا امي ...نورة: خلاص تمام لي بعدين انا بمشي اسلم على ناس امك💜 ....طيب ...
عدا باقي اليوم عادي شديد والمغرب ماما نورة فاتت ناس امي وصلها وائل وجا راجع دخل سلم على الاولاد ...
وائل: يوسف حبيبي سوق اخوانك وامشو العبو ....يوسف: حاضر وساق التيمان ومشا ....💜
وائل: لدن انا اسف على اني دسيت عليك انا عارفك حنينة وم ح تزعلي مني ...لدن: وائل خليك حقاني لو انا كنت مكانك وساعدت ولد خلي ولد لو كان عملت كدا مع وضااح اخوك وبرضو م جبتو البيت ووصلتك نفس الصور لي مع وضاح ح تعمل شنو!!!! ....
كأنه اصبح مرآة جميلة تعكس لي حياة اجمل.. انه ببساطة يحتويني..💜💜
نهاية الجزء الحادي عشر💜
رايكم يهم💜
