لدن: وائل خليك عاقل ومنطقي دا عرس اختي م عايزة عوارة انا 😒✋....وائل: لولو لكن 7 يوم بحالها حرام عليك 🌚...لدن: يخواني دي مصيبة شنو دي وائل انا م ح اسافر انا ماشة ناس امي هنا مسافة 20 دقيقة من بيتنا متى م عايز تشوفني تعال لكن م بقدر اقعد هنا ....وائل: لدن طيب امشي يوم الحنة واقعدي 4 يوم....لدن: وائل يا وائل م ممكن معاك😢....وائل: م تشبكيني وائل وائل 7 ايام كتيرة😒✋ ....لدن: طيب انت عاين ليها بي ناحية تانية معقولة اخلي امي تشتغل ولا لبنى المادة بطنها مترين ...وائل: وانتي م هدي ماداها متر ونص😒...لدن: انا جادة ...وائل: خلاص عايني لقيت حل يرضي الطرفين اوديك من الفجر ناس امك وتقعدي معاهم القعاد العايزاهو دا وبالليل اجيبك ان شاء الله لحدي الساعة 1 صباحا المهم تبيتي في البيت ....لدن: وائل انت اتخلفت ولا حاجة زي دي😂 ...وائل: دا اتفاق شايف انو كويس عشان نكون مرتاحين ....لدن: النقاش معاك عقيم عقيم وقمت منو وقلت ليهو نغسي اعرف انا لما كنت بمشي اولد انت بتعمل شنو مالك بقيت لايوق كدا😭 ....وائل: م شغلتك ويلا اتهلي مني😂 ....لدن: حمرت ليهو ومشيت .....💔
عملت روحي زعلانة وانا صراحة زعلانة كيف عرس اختي يقول لي م تمشي عشان انا بشتاق ليك والمشكلة انو جادي في كلامو 😂المهم طلعت برا لقيت الاولاد كلهم نايمين اتأكد عليهم وعملت لي جبنة وجيت قعدت في البلكونة قبلت عشان اشيل الجبنة لقيت وائل شالها قال لي: م صاح وانتي حامل قبيل شربتيها تاني مافي😕....عاينت ليهو وقمت دخلت المطبخ عملت نفسي شغالة فيهو وهو اصلا ما عايز حاجة نضيف جا في المطبخ قال لي المطبخ نضيف على فكرة 😂برضو م رديت ليهو ومشيت الحمام وطلعت لقيتو واقف لي في الباب م م اشتغلت بيهو ومشيت الصالة فتحت التلفزيون وبقييت اتفرج جا رقد في رجولي وقال لي كفاية ياااخ وشك ح يقع منك فكيها 😂م رديت ليهو قال لي لدن خلاص قلنا قلت ليهو قوم مني يا وائل م عايزة معاك كلام😕✋ ....وائل: طيب يا لدن امشي اقعدي الاسبوع العايزاهو دا وقام دخل الغرفة💔 ...بقيت جايطة كلو ولا زعلو يااخ م عارفة اعمل شنو بيتنا محتاج وجودي ووائل هنا!! اتوكلت ومشيت ليهو لقيتو مقفل النور وفاتح التكييف اعلى درجة مع انو لا انا لا هو بنستحمل البرد وم بنفتح المكيف في الدرجة دي نهااائي😂✋ مشيت خفضت الدرجة وجيت رقدت جمبو قلت ليهو وائل وائل م ردا لي اتقلب اداني ضهرو ولا كضبت طوالي تلبت بالناحية التانية وجيت في وشو😂😂 طبعا اتخلع م متوقع مني حركة شفع زي دي 😂😂م اتكلم وغمض عيونو ...لدن: على فكرة انا الزعلانة م انت😒 ...وائل وهو مغمض: زعلانة من شنو مش ناس امك وماشة تاني في شنو🌚 ...لدن وهي بضحك :طيب فتح عيونك واتكلم معاي😂 ...فتح عين وحدة لقاني كاتمة الضحكة رجع غمض تاني ....لدن: يااخ زح لي كدا بقيت سمين زح لي عايزة ارقد.. م رد لي فتحت يدينو ورقدت في حضنو وبقيت اهبش ليهو في وشو😂💕 ....وائل: لدن روقي ساي ....ولسه مواصلة في البعمل الفيهو زي الما اتكلم معاي😂...وائل: لدن م ح اعيد كلامي ....وبرضو لا حياة لمن تنادي😂....لما م زحيت يدي حسيت بيها ح تتقطع لانو عضاني فيها شديد قال لي: مش براك ابيتي تزحي 🐸💔..لدن: وائل زح مني غلطانة انا البراضيك وعايزة اقوم ....مسكني شديد عشان م اقوم ...لدن: وائل براحة ياخ اناا حامل😂 ...وائل: انا زاتي حامل...لدن: وااائل😨😂....وائل: قصدي حمل تعب وهموم وشوق يا حيوانة 😂😂😂😂....لدن: اها خلاص حبايب ....وائل : اعملي المناسب معاك وانا م عندي مانع....لدن: ح نمشي كل يوم من الصباح ونرجع بالليل ومن يوم الاربع ببيت هناك واصلا كل الجوطة في الصالة يعني بالكتير السبت بنرجع 💙...وائل : هل انتي عارفة اني بحبك ولا ما عارفة 😂💜....لدن: م عارفة🌚....وائل: جدااا اسي اوريك 😂💜💜💜💜💜😍...
صباح يوم جديد
....مشينا ناس امي كان دق الريحة وبكرة الفطير وكانت احلى ايام واحلى لمة زي ايام عرسي كدا وطبعا وائل بجيبنا من الساعة 6 صباحا وبرجعنا السااعة 1 او 11 بالليل😂 الوحيدين الضايعين كانو اولادي اليوم كلو نومهم متقطع يوم التلات لبنى حمتني م اسوقهم قالت لي جهجهتيهم خليهم ينومو فعلا خليتهم ومشيت كانت الساعة 11 كدا قعدت اجهز في حاجاتي الشايلاها وحاجات الاولاد ووائل يعاين لي ساي .....
نهاية الجزء الثالث عشر💜
رايكم يهم💜
