جريت علي البرندة وبس لقيت الدم مالي وش يوسف😨😨😲 ...لدن: وببببعلللي يا ولاااء الحقيني😲 ....جو كلهم جاريين ولاء جابت موية وتلج ضغطنا على الدم لحدي م وقف وسوينا ليهو تلج والضربة كانت كبيرة 💔....ماما نورة: اضربي لي وائل يا بتي خلي يجي يوديهو المستشفى الولد دمو نزل كتير😳💔 ...تسابيح: بري م كبيرة هدا زاتو الدم وقف مافي داعي للدكتور 😑( قالت الكلام دا ببرود يخنق😒😠) ...ماما نورة: اجي اسي كان دا واحد في اولادك كان كسرتي فينا ناس الحلة ولا عشان م ولدك 😒...تسابيح: كيف م ولدي كلهم عندي واحد لكن الموضوع م محتاج الجوطة دي كلها قولي انتي بس بتحبيه اكتر من اولادي😑✋ ...انا كنت برجف من الخلعة ...ولاء: يا جماعة م وقت نقاش اسي لدن قولي بسم الله الولد م عليهو حاجة دقيقة اضرب لي وائل تمشو المستشفى تتطمنو💔 ...وانا بس ماسكة ولدي وساكتة قاطعة الحس ويوسف ببكي والتيمان ماسكين في توبي💔...ربع ساعة بس جا وائل جاري ...وائل: في شنو الحصل شنو تعال يا يوسف💔😳 ....شالو مني وقال لي ارح ....مشت معانا ولاء المستشفى لحددي م وصلنا عملو ليه خياطة تلاتة فتل وادوهو دواء وخافض حرارة وجينا البيت 💔....اول م دخلنا البيت وقلنا لي ماما نورة خيطوها مسكتو وقعدت تبكي 😭😭💔ولاء بقت تهدي فيها وشالتو نومتو وانا لحدي اللحظة دي م فاهمة حاجة حاسة نفسي خيال خيال ...تسابيح طوالي ساقت اولادها ورجعت بيتها حتى م كلفت نفسها تتطمن على يوسف 💔والتيمان دخلت فيهم خوفة عديل تقريبا دي اول مرة يشوفو دم بالطريقة دي او يشوفو موقف زي دا💔 ....ماما نورة: قومي يا لدن م تسهي كدا غيري توبك دا من الدم الفيهو دا😕💔 ....قمت مشيت بيتي بهناك طلعت التوب وقعدت ابكي ابكي ابكي لما بتنهد وبشيل في نفسي بالعافية جا وائل وراي طوالي عارف طبعي م ببكي قدام زول 💔😭....وائل: لالا يا لولو م هدا يوسف كويس م عليهو حاجة ونام زاتو وحضني وانا ببكي من دون م اتكلم مسكت فيهو وبقيت ابكي😭😭 ....لدن: يا ريتا فيني يا ووائل😭 كبيرة والخياتة حارة😭 والولد صغير 😭اريتا فيني😭 ...وائل: استغفري يا لدن قدر اخف من قدر....لدن: شفتو خيتوها ليهو كيف😭😭 كانت واجعاهو😭😭 كان ببكي شديد 😭( بتكلم وببكي) ...وائل: استغفري يا حبيبتي ارح غسلي وشك كفاية كدا ...قمت غسلت وشي واستغفرت وغيرت ومشيت لي يوسف لقيتو صحا والتيمان نامو اديتو عصير شرب منو حبة وبعد المغرب امي حلفت علي كان م اكلت هي م ح تاكل المهم اكلت حبة ومشينا بيتنا عشان ننوم ....💕
صباح اليوم التاني .....💕
ضرب لي ابوي كفر لي واداني امي وليليان كلمهم وائل ....مواعيد الفطور ....ماما نورة طبعا من الصباح منفعلة ومغيوظة من تسابيح عايزة تتهرد😂 ....ماما نورة: انا امبارح سكت عشان حالة الولد لكن تستهر قدر دا يمين بالله بس تاني التبقى مرة تعتب البيت دا عشان اخنقا😠 قال م نكبر الموضوع ان شاء الله يكبرن كرعينها المبشتنة😠 وما شبه النسوان المتخلفة الما بتعرف الادب 😤يا يمة م مرة وليد ولا وليد عرس ولا شاف العرس 😤اريتو كان قعد عازب ولا عرس السحّارة دي 😤( يلا ماما نورة طلعت المكبوت من سنين 😂😂وفتتو اليوم دا 😂وانا وولااء بس مرة نسكتها عشان م تتدعيها ومرة نضحك على وصفها ليها😂😂)... لدن: خلاص يا امي عليك الله قطعتي لحمها 😂😂....ماما نورة: خليني اريتو بالنار والزيت الحار لحما دا😤✋ ....ولاء: لا اله الا الله محمد رسول الله منك يا امي استفغري يا امي😂😂 ...ماما نورة: استغفر الله استغفر الله اريتو فيها ولا في وليداتها😂✋😤 ....لدن: عشان اولاد ولدك مش ااه يا نسيبة يا شريرة😂😂 ....ماما نورة: اي كيفن ادعيهم يا لولو اعز من الولد ولد الولد😍 ...لدن: الله يحفظهم من كل بلاا ان شاء الله 💕...ان شاء الله ...💕
في مكان تاني ...
السلام عليكم😍😍💕....وائل: اووو علا المفترية الاخبار😂...علا: على شنو افتري انت البقيت م ظاهر😂😍 ....وائل: صاح كلامك والله مع الشفع بس امورك شنو وعبد الله وخالتي حميدة كيفهم💕 ....كويسين الحمد لله ..انت ناس بيتكم كيف ...الحمد لله مافي عوجة الا بس اول امبارح مروان ولد وليد دا ضرب يوسف وخيتنا ليهو 💔...لا حولااا سلامتو يا رب م يشوف شر حبيبي يوسف😢💔 بجي عليكم بعدين ان شاء الله💕 ...ان شاء الله يلا انا داخل جوة💕 ...يلا سلم عليهم لحدي م اجيكم ....💕💕
نهاية الجزء الخامس💙
اراه ك ضوء القمر المكتمل في عتمة دامسة💙 ...وك سلام ام لابنها الوحيد التي اخطتفه منها الظروف💙 ....وك حنين فقير اولى امانيه زيارة الكعبة 💙...واحبه ك حب الرسول لعائشة رضي الله عنها💙
عصير بدرة💙🐸
