part1
رن المنبه طفاته بعد خمسه دقايق رن ثاني حدفاته عالحيط ورجعت للنوم
خشت الشغاله او نقولو اللي مهتمه بكل امور الحوش ومربيتها
سهير:قومي يابنتي دنا عملالك منبه بعدها بخمس دقايق تقومي تكسريه
سيلين:دادا والنبي اطلعي وخليني بنرقد
سهير:لا ماينفعش قومي يلا وراكي جامعه ابوكي هايزعل اقوي لو عرف انك ماروحتيش
سيلين وقفت شعرها مشفشف وعيونها مسكرات:ماشي اني نضت دقايق ونلحقك
سهير:انا حانزل وابعتلك السيد فوزي يتفاهم معاكي بقى انتي بقيتي بتغلبيني اوي
سيلين متجهة للحمام:اوووه عاد محاضرة كل يوم ماتعبتيش منها انا فقت اهوو
"الدادا سهير مصريه اما سيلين تحكي شويه ليبي والباقي مصري بحكم عيشتها بين البلدين"
نزلت تجري:بابي الجميل
فوزي حضنها وباسها:صباح الورد على بنتي الحلوة
سيلين قعمزت:اوووه انا شامه ريحت اومليت 😍😍
فوزي:ايه دارتهولك سهير كولي هي قبل تمشي للكليه
سيلين:حاضر وبدت تاكل وتهدرز مع بوها
في مكان ثاني بعيد
شادي:وربي لا كلب كيف تاخد منه سيارته عارف لو روح لبوه هكا احتمال تسمع خبره اليوم
طارق يجري بسيارة:شن بنديرله حد قاله يحلف ويراهن بسيارته الحمار هدا تعرف قبل بنسحب ومش حاطها في بالي لكن لما حلف وانا عارف كويس وضعه مع بوه حبيت نكسرله راسه 😅
شادي:وتوا شن بدير
طارق:ولا شي نمشو للكليه وقت عالمحاضره
شادي:خاطري نفهم واحد كان يقرا في بريطانيا ويسيبها يروح للبلاد باش يقرا هنا
طارق:ليبيا هيا ليبيا ياحبيبي الراحه فيها مش حاتلقاها حتا في باريس
شادي:قول انك فقري وتحب تتمرمط
طارق يضحك:بهي لو عاجباتك احسبها حب في المرمطه 😌
شادي:ماشي تو تشوف جو الكليه وربي زهاق
طارق:تو نشوفو
واتجهو لكليتهم
درست سيارتها في مكانها اللي متعوده كل يوم توقف فيه ونزلت رتبت شعرها الكيرلي واصل لنهاية خصرها وخشت بكل ثقه سمعت العديد والعديد من عبارات الغزل بس ولا عبرت واحد
رودينه:حبي 😍
سيلين:عويناتي توحشتكم اوي اوي
ميار:ختسلمها امصريه
رودينه:امتا روحتي
سيلين:انا ليا يومين في البلد بس حبيت اريح دماغي شويتين
ميار:اممم عندك حق شن جو سفرتكم
سيلين:كالعاده بابي طول الوقت شغل وانا يااما في المنتجع او عالبحر
ميار:المهم غيرتي جو
سيلين:ايه يعني هي نديرو لفه في الكليه قبل تبدا المحاضره
ومشو يضحكو ويهدرزو والشباب كلهم ورا سيلين يتمنو يحصلو منها حرف بس
بدت المحاضره وخشو الطلبه
سيلين:اووف ايه الزحمه دي
ولد:ناعليا عالمصري تعالي جنبي ياعسل
سيلين: انتو حاتقعدو فين
رودينه:هي نمشو للاخير اكيد فيه مكان
سيلين:لا انا مش حافهم لو قعدت في الاخر
ميار:غادي فيه كرسي بس عليه ادوات
سيلين:بنقعمز. فيه وخلاص
مشت للكرسي وقعمزت بعد دقايق
طالب:احم ياانسه اظن الكرسي عليه ادواتي
سيلين تلفتت وسرحت فيه حست كل شي هدوء حواليها معادش سمعت شي الا دقات قلبها القويه. و ....يتبع
عارفه الحلقه قصيرة بس حبيت تكون البدايه مشوقه تفاعلكم معاي 😘
