part10
فتح الحوش وخشت وهيا تعارك
علا:سنين نقنعو فيه بيها وتوا يرفض بكل صحه وجه وجايبلي وحدا مانندرو عليها منين
معتز:هوا حر في اختياراته ماتدخليش
علا:خوي حقي ننصحه ونوقفه لما يغلط
معتز:علاش فيه حد ادخل لما اخترتي انا نتزوجو
علا:انت اختيار صح
معتز:وطارق عارف روحه من يبي فوتوه الزفت انتي وامك ولعتو فيه
علا:اووف
معتز تعصب:شن قايلك على دينها هيا الاووف
علا:حبيبي
معتز:اقلبي وجهك اركبي انتي وصغارك احسن لانك تلفتي اعصابي ومانبيش نغلط
علا:اسفه
معتز:مليون مره خرفت مواضيع ماتخصكش ماتدخليش فيها
علا:تعالي خودي الصغار
جت الشغاله ركبتهم
علا قربت منه:ياروحي لو شفت خوك بيتزوج وحدا مش مناسبه شن بدير
معتز:تي حتا كان شفت بوي بيتزوج علي امي مش حاندخل
علا باساته:بهي اسفه نبيش نسافرو واحنا متزاعلين
معتز بعدها:ريحي تفكيرك مش مسافرين
علا:نعم 😡
معتز شدها من يدها بقوة:بديتي تتصرفي غلط هلبا وانا معاش عندي صبر عليك
علا قعدت تشوفله وهيا خايفه لانها تعرفه كويس لما يفصل
سيلين:انتي متخيله هوا جاني لحد البيت وقالي عايز يتجوزني
ميار:جميل جدا بس زعما بوه ليه علاقه بالقصه
سيلين:مش عارفه وانا كمان فكرت في كدا وباين انه فيه حاجه عشان هوا قالي هابقا احكيلك بالتفصيل
ميار:ربي يقدملك اللي فيه الخير حبيبتي فرحتلك هلبا
سيلين:تسلميلي ياروحي عقبال مانفرح بيكي
ميار:امين
سيلين:انتي هاتيجي الاحد مش كدا
ميار:ايه بأذن الله جايه
سيلين:اوك سلام دلوقتي
سهير:حبيبتي ابوكي عاوزك في مكتبه
سيلين:طيب هاحصلك على طول
بعد دقايق
سيلين:مالك يابابي فيه حاجه
فوزي:قعمزي
تذكري في عمك شعبان
سيلين:ايوه فكراه مالو
فوزي:طلبك مني لولده
سيلين حست قلبها بيوقف:امتا دا
فوزي:من ايام وماحبيتش نفتح معاك الموضوع لانه طارق قال يبي يجي ويحكيلك هوا لانه يعرفك من الكليه
سيلين:اه هوا فعلا جه النهارده وقالي
فوزي:وفكرتي
سيلين:انت ايه رايك
فوزي:الولد كويس ومحترم وبوه صديق عزيز عليا الوحيد اللي انا مطمن عليك وانتي معاه
سيلين:انا هافكر
فوزي:تمام هوا كلمني وطلب انكم تتقابلو برا يبي يحكي معاك
سيلين:ماشي
رودينه دور في دارها وقالقه
كريم راقد في نوم عميق 😴
رودينه قربت منه:حبي فيق نبي نحكي معاك
كريم:حولي بعدين نحكو
رودينه:عاخاطري
كريم:عيوني والله تعبان خليني
رودينه:اففف شن بندير توا
وبعد ساعتين فاق
كريم حط راسه في حضنها:نذكر انه فيه مزعجه كانت تفيق فيا بكري
رودينه:ايه
كريم:خيرها حبيبتي
رودينه:فيه موضوع صار معاي ونبي نحكيهولك
كريم:اها كلي اذان صاغيه هي
رودينه:كلمتني سليمه بكري وقالتلي انه بابا يبي يجي وياخد حموده وفهمت انه اللي صار بتحريض منها هيا
كريم:وشن خطرله توا قريب يسكر سنه معانا شن يبي فيه
رودينه:سليمه تبي ذهب اللي خلاته ماما وقالتلي اكيد خوك اغلى من شويه حدايد وخواتم
كريم:اممم يعني الذهب او تحرقلك قلبك على خوك
رودينه:ايه ولهذا نبيك ترفعني ليها باش نعطيها الذهب
كريم:بتعطي ذهب امك
رودينه:ماما لو كانت عايشه اكيد رح دير نفس الشي عاخاطر حموده
كريم:ابعتيلها رساله خليها تجي غدوة هنا
رودينه:نعطيهولها هنا !
كريم:خليها تجي ونتفاهمو المهم ماضايقيش روحك نوعدك نحل الموضوع وحموده مايطلعش من هنا
رودينه:نحبك
كريم:انا اكثر
الساعه11
رن هاتفها كانت تحضر في فيلم
سيلين:الو
لارد
سيلين:ايه الهزار البايخ دا
طارق:تعرفيش تدوي ليبي
سيلين:طريقتي في الكلام مضايقتك يعني
طارق:لا بس اوقات تكسريلي في رقبتي
سيلين ضحكت:ليه بس انا مش بتعمد اتكلم كدا كل الحكايه اني عشت في مصر كثير اكثر من ليبيا
طارق:تمام قوليلي كيف تردي عالارقام الغريبه يابنت
سيلين:ايوووه اعملي فيها سي السيد من دلوقتي انا برد عالارقام لانه في اختراع اسمه بلووك
طارق:اممم غدوة نبي نشوفك
سيلين:ليه
طارق:نبي قبل نبدو ارتباطنا نحطو كم نقطه عالحروف
سيلين:طيب انا موافقه لما اخلص دوامي حابقا اكلمك
طارق:اوك
سيلين:طيب تصبح على خير وسكرت
طارق:غريب حالها هالبنت تحبني بس عندها كبرياء وغرور هلبا
كانت ميار سهرانه مع بنات عمها وعماتها تحاول تندمج مع العيله وترجع لحياتها زي قبل بدون محمود
اما رودينه طول الليل تفكر وخايفه ياخدو منها خوها بس كريم يطمن فيها ووعدها تنحل المشكله
صباح يوم جديد 💖
فوزي:بعد تكملي شغلك!
سيلين:ايوه وهاياخدني عمو مسعود
فوزي:تمام ردي بالك على روحك
سيلين:حاضر يلا باي
رودينه متوترة ودور
حموده:عمو خيرها رودي
كريم:شي حبيبي برا العب في الدار
رودينه:خايفه هلبا
كريم:وانا معاك ماتخافيش
رن الجرس
خشت سليمه تضحك
كريم مقعمز:عمري ماتخيلتك بالحقارة هدي
سليمه:كله عاخاطر الفلوس
كريم:لخصي المطلوب شنو
سليمه:ذهب ضرتي الله يرحمها
كريم:تمام عندي ليك عرض احلا. انا نشري منك الذهب بحقه
سليمه:كيف
كريم:نثمنو الذهب وبقداش مايجي المبلغ عندك والذهب لينا وحموده تمسحيه من ذاكرتك
سليمه توسعو عيونها وتتخايل في المبلغ:موافقه
كريم:بشرط مش مغفل باش نوثق فيك شن يضمنلي بعد وقت ماترجعيش تطلبي فلوس
سليمه:شن تبي
كريم:شي بسيط جدا بس توقعيلي على وصل امانه يضمنلي انك لو فتحتي فمك مستقبلا ببساطه نقدر نحبسك وهكا نكونو كفينا ووفينا معاك
سليمه خافت وقعدت تفكر
رودينه شدت يده:شن قاعد. دير
كريم:بري ديريلنا قهوة
سليمه:مانبيش راجلي يعرف
كريم:سرك في بئر
سليمه:تمام موافقه
كريم ابتسم:جميل جدا
ميار:سلمي عليه حبيب القلب
سيلين:بطلي رخامه وخليكي في شغلك
ميار 😅
وصلت للمطعم اتصلت بيه:انا وصلت
طارق:شفتك تعالي
سيلين:هاي ازيك
طارق:تعلمي تقولي السلام عليكم
سيلين:ماشي
طارق:شكلك تعبانه
سيلين:جدا انا خدت الحالات كلها النهاردة
طارق:وليش وين شريكك
سيلين:مامته تعبانه وفضل معاها
طارق:كويس عموما مش جايين نحكو علي احمد
سيلين:ايوه انت هاتحكيلي من الاول وبالتفصيل
طارق:اكيد بس قبل شن تطلبي
سيلين:نسكافيه وكيكه كراميل
طارق:بوي روح من السفر ماعنداش كلام غيرك وقالي بناخدهالك
سيلين:ايي يعني الموضوع حصل بضغط من ابوك
طارق:ابدا بكامل قناعتي
سيلين:حلو
طارق:طبعا انا نفضل نبدو بصراحه في كل شي كان عندك حد في حياتك قبل!
سيلين:ايوا كان فيه زمان لما كنا في مصر وانفصلنا عادي
طارق:تمام وانتي كوني مستعده لانك رح تلاقي هجوم
سيلين:مش فاهمة
طارق:امي تبي بنت صاحبتها وانا رفضت هيا صديقتي من الطفوله ونعرف تفكيرها كويس
سيلين:امم باين انها بتهمك
طارق:مش هلبا يعني بس نحكيلك
سيلين:طيب احكيلي على غيرو مثلا حانسكن فين
طارق:حوشي في الدور الثالث
سيلين:تمام
طارق:نبي نسألك بس براحتك لو ماتبيش تجاوبي
سيلين:اتفظل
طارق:امك وين
سيلين واطت راسها وسكتت
قعدو دقايق ساكتين
طارق قرب شافها تضغط على ايديها:هيي هيي ماسألتش باش تتوتري هكا اهدي
سيلين:انا
طارق:خلاص فوتيه سؤالي وقت ترتاحي انتي احكيلي بهي
سيلين:بهي
طارق:وحتا في موضوع الحجاب براحتك لين تقتنعي انا مش رح نضغط عليك
سيلين:ولبسي
طارق ابتسم:لبسك مايضايقش فيا بصراحه كله واسع ومحترم يعني وضعه تمام
سيلين ضحكت:جميل جدا
طارق:قادرة تصبري على امي وكلامها
سيلين:انا على شانك اصبر عالدنيا كلها
طارق:سلمها رح نجو بعد غدوة ان شالله
سيلين:اوك رن هاتفها بعد اذنك لحظه
طارق:خودي راحتك
سيلين:ايوا
سهير:حبيبتي ماتجيش البيت ابن عمتك هنا وعامل مشكله
سيلين:وليه
سهير:عشان رفضتيه
سيلين:انا جايه وسكرت
طارق:فيه مشكله
سيلين:ايه ولد عمتي خطبني معاك وانا رفضته
طارق:ايي
سيلين:جاي على بيتنا وبيتهجم على الشغالين انا لازم اروح
طارق:جاي معاك
سيلين:بس
طارق:اركبي
طلع بسرعه ومشو لحوشهم وين مالقو محسن داير هرجه بالسلاح
طارق:هكا علموك عيالك تتهجم على الناس يامحترم
محسن:ومن حضرتك وشن دخلك
طارق:لم سلاحك وروح
محسن:اه شكلك النسيب
طارق:روح ياولد الناس وماتكبرهاش ماعندكش نصيب هنا
محسن قام سلاحه وضرب رصاص تحته
طارق اعصابه ولعت وفي لحظه هجم عليه خدي سلاحه وعطاه طريحه مليحه
سيلين نزلت تجري:كفايا هايموت في ايدك
طارق:خليه باش يعرف على من يتمرجل الوسخ حاسب روحك قريبها تفو عالرجاله اللي زيك
سيلين:ارجوك انا تعبت
طارق فجأه اذكر تلفتلها:خلاص فته تعالي
سيلين:انا خايفه
طارق:مافيش شي يخوف اطمني
سيلين:حايعمل مشاكل
طارق:مايعملش فوتيه انتي ايه عافكره مانبيش نطول بالعرس
سيلين:ازاي
طارق:بندير فضانيه توا فاهمة شن معناها
سيلين:ايوا فاهمة
طارق:ايه وشهر بالكثير والعرس
سيلين:مش شويه
طارق:لالا تمام المهم سكري الباب كويس وردي بالك من روحك
سيلين:حاضر وانت
طارق:اوك سلام وطلع
طول الطريق يفكر فيها وبدي يحس روحه مسؤول عليها ومش قادر يخليها تخاف او تتعب بكل هدا اللي خلاه يقرر موعد العرس اللي مافكرش فيه من قبل
وصل للحوش السلام عليكم
دنيا تبكي:هكا ياتارو خلاص اخترت فرخه من الشوارع وفضلتها عليا
طارق:اعرفي شن تقولي وبلاش غلط
دنيا:تحبها
طارق:ايه
دنيا:وانا
طارق:تو يجيك نصيبك اخطيني يابنت
دنيا خدت شنطتها وطلعت
حنان:عيب عليك اللي دير فيه
طارق:مادرتش شي انتي اللي معشمتها مش انا
علا:ماانت كنت موافق
طارق:قلت استنو ماقلتش قلولها بياخدك
علا:شن فيها زايد هاديكا توا كنا نشوفو في صورها يحشمو زي عارضات الازياء
طارق:اختياري عاد وحر فيه جهزو روحكم بعد يومين ماشيين ليها والعرس الشهر الجاي
حنان:انا مش ماشيه
طارق:يعني شن بتخلي ولدك الوحيد عاخاطر بنت صاحبتك
حنان:لا عاخاطر اختيارك غلط
طارق:شن دخلكم انا بنتزوجها ولا انتم
حنان:اخر كلام عندي
طارق:تمام براحتك ياامي وطلع
علا:ماما بجد مش رح تمشي
حنان:ايه ونوضي شوفي بنتك اللي بتقلب الحوش
رودينه: هادو فلوسك والمبلغ مش شويه معقوله
كريم:اخر همي فلوسي هيا فلوسك سكريه الموضوع
رودينه:حبيبي ارجوك
كريم فتح التلفزيون:ياحموده تعالا اهو الفيلم بدي
رودينه قعدت تشوفله
كريم:بري شوفي شن بديري العشا ولا نطلب من برا
حموده:بيتزا
كريم:وانت قلتها شنو بديري ولا نطلب
رودينه:تو نديرلكم ومشت
بعد مرور شهر
سيلين تجهز لعرسها اللي فاضل عليه ايام
ميار:اووف تعبتيني تي اختاري واحد وخلصينا
طارق:ماتكشخي على خطيبتي عاد
سيلين:طارق 😍
قرب منها:ياعيونه خيرك مطلعه عيون صاحبتك
ميار:قدامها المحل معبي بدلات ومش عاجبها شي
طارق شد يدها:شن رايك نختارلك انا عاذوقي
سيلين:انا موافقه
قعدو يدورو
طارق:اهيا اللون عسل عليك
سيلين:بجد
طارق:صدقيني
سيلين:ايه رايك ميمي
ميار:فعلا اللون حلو
سيلين:طيب
طارق:ناخدوها
سيلين:اممم
طارق:خيرها زعلانه
سيلين:وحشاني رودي
طارق:تزعليش روحك هيا مش وعداتك تروح قبل العرس
سيلين:ايوه
طارق:خلاص حبيبي ان شالله تجي
سيلين:يلا نروح
طارق:خيرك مستعجله قصدي مستاحشك انا قداش ليا ماشفتكش
سيلين ابتسمت:والله انا مش بفضى ياحبيبي
طارق:مش مشكله هانت ايام وتكوني عندي بس توا خليني نعزمكم على قهوة
سيلين:شنو
ميار:عادي محتاجه راحه منك
سيلين:كدا ماشي
مشو لكافيه
طارق:خديتي اجازه
سيلين:ايوه حبيبتي ميمي حاتاخد مكاني
طارق:كويس
سيلين:ااخ
طارق:خيرك شن يوجع فيك
سيلين:مش حاجه بس صداع
طارق:نوضي نرفعك للمستشفى
سيلين:مش محتاجه هاخاد حبوب بس
طارق:متأكدة
سيلين:ايه
طارق:اشربي قهوتك باش تروحي ترتاحي
ميار:سلمه اللي يخاف عليها
سيلين:باردة
رودينه وصلو لي ليبيا:اخيرا اكيد سيلي زعلانه مني
كريم:عادي راجلك اهم
رودينه:به امتا بترفعني ليها
كريم:غير نوصلو 🙄
حموده:نعسااان
كريم:والله حتا انا بكل تمشي معاي نسلمو عالعيله
رودينه:ايه طبعا
اتجهو لحوش اهله طول رن الجرس
سعد:يامرحب نورت ليبيا
سلمو عليه وخشو
وهيبه:منو عالباب
حموده:حناي ومشالها يجري
وهيبه:........
رودينه كريم 😨😨يتبع
