part8'9
سيلين:بابي انا ماقدرش اسافر انت عارف وضع ميار
فوزي:بهي شن رايك ناخدوها معانا
سيلين:فكره يمكن تبعد وتغير جو
فوزي:قولي لاهلها وشوفيهم لكن اني نسافر ونخليك ماتفكريش فيها
سيلين:طيب انا رايحه
فوزي:ردي بالك على روحك
سيلين:اوك
عند رودينه:هيا
كريم:اووف والله ماعندي نيه
رودينه:عيب حبيبي
كريم:هيا اطلعي
ومشو لميار اللي قعدا عانفس الحاله بلبسه البودري اللي كانت متخيله بتصور بيها مع حبيبها
سيلين:ميمي ردي عليا ارجوكي حرام اللي بتعمليه في اهلك دا امك هاتموت عليكي
رودينه:بهي ابكي عيطي ماتقعديش هكا
سيلين:ليه بتعملي في نفسك كدا هوا مايستاهلش دا واحد حيوان اتخلى عنك في فرحك كان مستكثر عليكي الفرحه عشمك وراح اصحي لنفسك بقا حاتفضلي لامتا مصدومة وبلبسك هوا بيعيش حياته وانتي
ميار عيطت بأعلى صوتها لين حست بوجع في رقبتها بدت تبكي وتقطع في لبستها:علاش انا علاش سيبني شن درتله في شن غلطت معاه يسيبني في عرسنا يشهد عليا كل الناس ااااه ياربي نار في قلبي
سيلين حضنتها وخلتها تبكي وطلع اللي في قلبها
ميار:مستحيل نسامحك يامحمود حسبي الله فيك زي ماكسرت قلبي ربي ياخد حقي منك يارب يارب يارب
امها وخواتها يتفرجو عليها وماحد قادر يديرلها حل
اما خوها قاعد يدور على محمود وحالف يقتله
سيلين:ها ايه رايك
ميار راقده في حضنها:مش عارفه
سيلين:انا احكي لوسام وابوكي ولو وافقو تروحي غصب عنك
ميار:خليك معاي
سيلين:وانا اقدر ابعد عنك داانتي حته مني بس عيزاكي ترجعي قويه ميار الحمشه اللي اعرفها من زمان
ميار ضحكت:حاضر بس اصبري عليا فتره
سيلين:طيب انا هاروح اكلم اخوكي دا باين انو رجع
ميار:بهي ماتعطليش
طلعت سيلين وهيا خاشه بعضها اول مره تحكي معاه:طنط هوا انا ينفع احكي مع ابنك
سعاد:اكيد حبيبتي قعمزي تو ناديه
شويه تانيه وخش
وسام بصوت رجولي:اهلين وخيتي
سيلين:ازيك
وسام قام حاجبه:نعم
سيلين خافت منه وخرت
سعاد نخصت ولدها:البنت مصريه
وسام:تفضلي قلتي تبيني
سيلين:انا وبابي مسافرين اخر الاسبوع انا رأي اخد ميار معايا عشان تهدا شويه وتغير جو
وسام:بوك من يكون
سعاد:عمك فوزي
وسام:اها ايه زبطه
سيلين:ايه رايك
وسام:والله يجي بوها واسأليه انا موافق عالاقل ترتاح وتبعد عالجو هدا العيله مش فايتين القصه
سيلين:ايوه صح طيب ياطنط انتي هاتحكي لعمو سيد
سعاد:ايه تو نكلمه
سيلين:تمام اسفه خدت من وقتك وفاتت
وسام قعد يفصل فيها تفصيل من شعرها اللي دايراته ضفرة لسروالها لبلوزتها وريحتها الي عبت الصاله نظرتها ولهجتها وحتا توترها وخوفها منه
سعاد:خيرك
وسام:قداش عمرها هدي
سعاد:زي اختك
وسام:اممم حطو الغدا هيا بنطلع
وسافرو ميار وسيلين لمصر تحديدا القاهرة
سيلين:بابي هوا احنا هانفضل هنا
فوزي:لا ياحبيبتي بيجي صديق ليا وبنمشو للشاليه متعنا
سيلين:اسمو ايه صاحبك
فوزي:اسمه شعبان ال.....
وصدمة ثلاثيه الابعاد
سيلين تلفتت لميار مصدومه:شعبان
فوزي:ايه خيرك مستغربه
سيلين:لا ولا حاجه
ميار:هي نركبو نرتاحو
سيلين:اي يلا
كريم:اطلعي
رودينه:جيت ها شن رايك
كريم يقرب منها:شن رايك نقولك راي في السرير
رودينه خدت عبايتها:لالا بلاش هي نمشو
كريم خدي نفس وطلع وراها:بتهبليني انتي
رودينه:حبيبي رد بالك من حمودي
كريم:في عيوني حمودي واخت حمودي 🤤
رودينه تضحك:واااك بارد
كريم رن جرس:انا برضو تو نتفاهمو بديتي تتمردي عليا
رودينه:انا حبيبي
كريم:توا
فتحت الباب سالي:اووو كيمو مشتاقتلك
كريم:زي ماوصيتك حبيبتي وردي بالك من روحك ومشي
سالي:شن دايرتله ياحقيره ساحراته اكيد
رودينه:يحبني وميت فيا ومايشوفش في غيري
سالي:تو نشوفو
خشت رودينه كانت لابسه قفطان فضي جميل مانعرفش نوصف اللبس المهم طالعه حلوة وخلاص 😂
وهيبه كانت دايرة لمه لحماواتها وخواتها
"سبب كره وهيبه لرودينه انها كانت تبي بنت اختها سالي لكريم وهوا رفضها واول ما حكتله سليمه وافق ومشى خطبها"
وئام:ياعيني على كنتنا السمحه
وهيبه:سلم بنيت اختي العسل
سالي:ولدك مش معبرني ياخالتو
وهيبه:والله ماتبدي الا عنده ويطلق اللي جايبهملي من الشارع عقابها حوش ولدي يبدا ملجئ للايتام
سالي:هه لاجئين
رودينه تمنت الوطا تنشق وتبلعها والصاله معبيه قدام الناس كلهم
وئام:رودي وحموده منا وفينا
رودينه خدت عبايتها وطلعت
وؤام:بالله عليك سامحينا
رودينه:ماصار شي طلعت تجري للحوش
تخبط عالباب نست حتا مفتاحها
كريم:تي بهي قريب تقلعوه فتح انصدم بمنظرها خيرك حبيبي
رودينه حضناته وتبكي بقوة:انا تعبت والله تعبت ياسر كل يوم اهانات كل يوم تهزيب وكلام يقهر
كريم:خيرك قوليلي من زعلك
رودينه تشهق وحكتله كل شي
كريم تعصب لين عروقه انرسمو:خشي لخوك تو نجي
رودينه:لا خليك معاي
كريم:تو نجيك مانعطلش
رودينه:لالا ماتمشيش ارجوك
كريم مشي وسيبها لقا الباب مفتوح
سالي:جيت ياحلو
كريم بصوت عالي:انتي ليش تحكي معاها بالاسلوب هدا
وهيبه:خيرك شن جاك
كريم بأعصاب:مرتي احسن ناس واشرف من بنت اختك الفاسده اللي تبيني ناخدها ميه مره قتلك معاش تجرحيها معاش تهينيها بس تعاودي فيها بس اليوم خلاص طفح الكيل من اليوم وجهي معاش تشوفيه عندك طالما طلعت ملجئ للايتام نرحل معاهم لاني يتيم زيهم ياامي
وهيبه:شحناتك عليا
كريم:امتا بتفهمي انه رودينه كويسه واحس انسانه ممكن تمر في حياتي انا نحبها ومش مستعد نتخلا عليها سلامتك وطلع
وهيبه بتموت:حسبي الله فيها
فوزي:سيلين تعالي سلمي
ميار:تسمعي في بوك ولا
سيلين:لا مش عايزه
ميار:بلا هبال متحشمه من بوه ياعاهه تحركي
سيلين:طب انزلي معايا
ميار:بهي هيا
نزلو مع بعض
فوزي:هدي ياسيدي بنتي سيلين
شعبان:ماشالله ماشالله كبرت وبدت عروس كيف حالك
سيلين:الحمد لله عمو ازي حضرتك
شعبان:بخير من الحلوة!
سيلين:دي ميار صاحبتي
ميار:اهلين
شعبان:يامرحب ربي يحفظكم ويعطيكم الوقت الطيب
سيلين:يارب يلا احنا نستاذن هانروح المنتجع يابابي
فوزي:تمام مسعود برا
ميار:محلاه بوه
سيلين:ابنه احلا بكثير
ميار:طيح سعدك
سيلين:بايخه يلا نروح
عند رودينه مزال تبكي وواجعها خاطرها هلبا
كريم واخدها في حضنه:خلاص حبيبي توجعي في قلبي هكا
رودينه:نحبك
كريم:وانا نموت فيك يابكايه نقولك شي
رودينه:شنو
كريم:شن رايك نسافرو باقي الشهر بما انك بتبدي خدمه
رودينه:عادي نغيرو جو
كريم:خلاص مالا نحجز في اقرب وقت انا وانتي وحموده
رودينه:كريم ممكن يجي يوم وتضايق من خوي
كريم باسها بقوة:عقابك عالكلام هدا حموده ولدي ولليوم اللي نزوجه فيه ماتعاوديشي السؤال هدا
رودينه حضناته:ربي يخليك لينا
كريم:وليا ياقلبي
في مكان ثاني حوش على دورين جميل وكل اثاثه راقي وغالي
علا شادة ولدها وطايرتلها:ارفعي مانبيهاش
الشغاله:حاضر ماما
نزل معتز يضحك:وينك
علا:خليني في حالي
معتز قعمز جنبها:تعالي ارفعي خوك يابنت
ياسمين:بهي خدت خوها وطلعت للجنان
معتز قرب منها:خيرها عسلي ام شعر احمر
علا:ماخيرنيش
معتز:وربي خدمة ياقلبي
علا:خدمة ومسكر راسك تمشيلها بروحك
معتز:ياعمري مش رح نفضا وبنخليك بروحك وصغارك
علا:يقعدو عند خواتك ديما عندهم ماديرش سبله
معتز حضنها:ااخ نموت فيها ريحتك
علا:غير الموضوع
معتز:نحبك يابنت نعشقك حتا وانتي شر نحبك شكلك ساحرتني
علا:معاش لقيت ماندير عاد
معتز باسها:بهي جهزي روحك وكلمي البنات انه الصغار بيقعدو عندهم
علا:بجديات بتاخدني معاك
معتز:هوا انا نقدر نزعلك عارف انك شاكه نخونك بس حطي في بالك انك مالكتني بكل مافيا حتا في عقلي متربعه مستحيل نشوف لمرا غيرك
علا:سلمه راجلي الحلو
معتز:هي انا بنطلع نكمل باقي الحجوزات ونشري الناقص توصي شي
علا:سلامتك ياقلبي ماتعطلش
معتز:حاضر
"علا متزوجه على حب ومعتز يعشق التراب اللي تمشي عليه رغم تصرفاتها وتسلطها الا انه الوحيد اللي قادر يحطلها حد ويوقفها في نفس الوقت مدلعها واللي تطلبه يكون عندها علاقتهم من الثانويه وتزوجو بعد الجامعه زعما بيستمر حبهم ولا بيصير شي يخلي معتز يتخلا على علا"
سيلين قعمزت:شن جوك توا
ميار:ماشي حالي المكان يهبل
سيلين:ايه انا بحب اقعد هنا
ميار تنهدت بوجع وسرحت تذكر
flash back
بعد حفلة التخرج
محمود:ممكن نخطفها منكم مشوار
سعاد:ماشي ماتعطلوش
محمود:ان شالله هي اركبي
طول الطريق شاد يدها ويبوس فيها
ميار وجها احمر:خلاص
محمود:نعشقك يافرخه
وصلو لعيادته وخشو
ميار:وين
محمود:تعالي دخلها لدار كانت مسكره من قبل
ميار:حي 😍😍
كانت مزينه كلها ومرتبه بطريقه حلوة باللون الذهبي اللي تحبه
وعلى مكتبها لوحه مكتوب عليها"د،ميار السيد"
محمود حضنها:من يوم جيتي عالدنيا مكانك جنبي وفي وسط قلبي مش رح نتخلى عليك في الشغل وديما بتكوني معاي ❤️"
end back
فاقت على سيلين لما شدت يدها
ميار مسحت دمعتها:ليش بس
سيلين:صدقيني رح يجي يوم ويرجع ويحاول يحكيلك ووقتها انتي تعرفي تصرفي بس دلوقتي عايزاك تقوي عشان خاطري انتي لو فضلتي كدا حاتدمري عالاخر حياتك لسه في اولها عيشي ودوسي عاللي يحاول يكسرك
ميار خدت نفس قوي:باذن الله رح ننساه وحتا لو رجع مستحيل نرجعله
سيلين:ربي هايعوضك صدقيني
ميار:يارب
وبعد ايام رجعو للبلاد
ميار:شكرا عمو ربي يخليك لينا
فوزي:عيب يابنتي معزتك زي سيلين ربي يحفظك
ميار:نحبك يافرخه
سيلين:وانا كمان ياقلبي هاكلمك لما اوصل
ميار:اوك باي
رجعوا للحوش
سيلين:انا هاخد دوش وانام
فوزي:نوم العوافي حبيبتي
عند طارق مقعمز يدخن:لو كنت مكاني شن بدير
شادي:تي نتزوجها ونقعد معاها لاخر حياتي البنت طيبه للمليون ورغم مرضها ماعمرها حسست حد غير هكا محترمة
طارق:انا خايف تطلع هدي خطه منها
شادي:تقدر تعرف بسهوله
طارق:شور عليا
شادي:مش بتخطبها حقك تهدرز معاها وتقدر ببساطه تسألها وتعرف من كلامها وتصرفاتها
طارق:هكي قولتك
شادي:صدقني البنت ماليهاش علاقه
طارق:اووف نحس في دماغي بينفجر
شادي:قصدي مش محتاج تفكير بنت طرف ومريشه وطيبه
بعد ايام
رن الجرس
سيلين:يوووه افتحو الباب
سهير:ياحبيبتي مش فاضيين
سيلين:اووف انا هافتح 😨طارق
ابتسم:شن الجو
سيلين:انا انا
طارق:انتي
سيلين:انا كويسه وانت ايه اخبارك
طارق:تمام
سيلين:سوري ماقدرش استقبلك اصل بابي مش موجود
طارق:ولا يهمك انا جاي بنقولك كلمتين وماشي
سيلين:فيه ايه
طارق:العرض مزال ساري المفعول
سيلين فتحت عيونها بصدمة:انت
طارق:موافق
سيلين قعدت لحظات ترمش وبعدها معاش تسمع الا في طارق ينادي فيها وغابت عن الوعي
بعد ربع ساعه فتحت عيونها
طارق قالق:انتي كويسه شن صارلك
سيلين ابتسمت:انت بجديات
طارق:ياودي ايه بجديات وبنتزوجك بس اهدي
سيلين حضناته:انا اسعد وحدا في الدنيا دي دلوقتي لو هاموت انا موافقه
طارق حس بقلبه وجعه قام يده وحطها عاشعرها:بعد عمر طويل معاش تحكي هكا عادي يعني مش هداكا الشخص
سيلين:انت اللي بحبو يعني بالنسبالي اهم من كل الناس
طارق شاف فرحه في عيونها ولمعه ريحت قلبه:انا تأخرت عالشغل انتي كويسه توا
سيلين:اه انا تمام
طارق:اوك نتلاقو غير وقت ونهدرزلك بالتفصيل
سيلين:طيب خلي بالك من نفسك
طارق هز راسه وطلع
وسام:يعني انتي كويسه
ميار:والله انا كويسه وبنبدا نشتغل وبنعيش حياتي اللي صار معاي عقبه ومش حانسمحلها دمرني انا قررت ننسا ونتمنا انه الكل ينسا اللي صار زيني
وسام حضنها:فيها الخير صاحبتك دارت اللي ماقدرناش كلنا نديروه
ميار:سيلي هدي حظي الحلو وصحبتها راحه بالنسبه ليا
وسام:هيا مرتبطه
ميار ضحكت:مش مرتبطه بس قلبها مربوط
وسام:كيف يعني
ميار:تحب يعني
وسام:شييت عليك حظ الفرخه جميله هلبا
ميار:ربي يبعتلك اللي تحبك وتصونك
وسام:يارب ❤️
رودينه:حموده بلا تفسيد
كريم:خليه ياكل خيرك
رودينه:عارفاته مش رح يكملها
كريم:معليشي خليه براحته فداه
رودينه:انت مدلعه هلبا رهو
كريم شد يدها وقعمز جنبها:حبيبتي حموده صغير واللي قاعد يصيرله ممكن يأثر على نفسيته هلبا امه توفت وبوه مش مدور لو ضغطنا عليه في ابسط شي رح يتفكر كل شي ويبدا يضايق ويتغير انتي كبيره وفاهمة كويس انه هدا نصيبكم من ربي وانا جنبك وساندك ونبي نكونو انا وانتي الحضن اللي محتاجه حموده باش ما يتأثرش
رودينه:كل يوم نتأكد انه ربي بعتلك ليا راحه وامان انت نعمتي و #أعوذ–بالله_من_زوال_النعم ❤️
مساءا في حوش طارق كل العيله مجتمعين واكيد علا وراجلها
شعبان:احم عندي ليكم خبر
حنان:ان شالله خير
شعبان:هوا يخص طارق بس جي الوقت اللي تعرفو بيه كلكم ونتحركو باش نكملو معاه
عصماء:بتتزوج 😍
طارق:فاهمتني
حنان فرحت:اخيرا ياولدي ولا يهمك عروستك واتيه
شعبان:عروسته فعلا واتيه بس مش اللي في بالك
حنان:شن قصدك
شعبان:ولدك يبي بنت عيله وناس وشاورني وطلعت بنت اعز اصدقائي وموافق نخطبهاله
علا:شنو قصدك ودنيا اللي طول عمرها تستنا فيك وين عقلك
معتز ضغط على يدها:اسكتي وماتدخليش موضوع مايخصكش
علا:شن مايخصش هدا
معتز بحده:انا مانعاودش في كلامي
علا خافت سكتت
عصماء:ومن تكون العروسه
شعبان:تفضل قوللهم
طارق بهدوء:سيلين فوزي ال.......
عصماء: 😨😨 يتبع
