part14
مقعمزه في دارها تسمع في زغاريط ودوشه في حوش العيله ابتسمت بوجع وكأنها عرفت اللي صاير نزلو دموعها اللي كانو كلهم الم ومناجاه لربي انه ينصرها وياخد حقها
بعد لحظات خشلها في الدار شافها ضامه رجليها وتبكي بهدوء
كريم قرب منها:انتي اجبرتيني عالخطوة هدي انا نبي صغار
رودينه ماقالتش شي
كريم قاملها راسها ومسح دموعها:رح تقعدي انتي ملكة قلبي ومهما صار انتي حبي الاول بس تصرفك خلق بينا فجوة كبيره
رودينه تلفتت:ربي يهنيك
كريم:ممكن نطلب منك طلب
رودينه:لا
كريم:بهي رجاء نبي حضنك راني تاعب بكل وعارف مانرتاحش مع غيرك
رودينه وخرت وهيا ساكته
كريم رقد في حضنها:اكيد رح يجي اليوم اللي نسامحك فيه
رودينه:اكيد رح يجي اليوم اللي ربي ينصفني فيه
ميار تضحك:بلا براده خيرك
ايمن:غير قعمزي وجربي حظك
ميار:تبصر
ايمن:لا هيا عاد خليني نديرلك تنظيف بس
ميار:نخاف
ايمن شد يدها:تخافي وانا ظهرك
ميار توترت وبعدت:احم خلاص خليها يوم ثاني
ايمن:تم براحتك انا اليوم بنطلع بكري
ميار:ان شالله خير
ايمن:والله الخميس ديما خاص بجدي نطلعو ونرفع فيه وين يبي
ميار:جميل مع انه يبان عليك طايش بكل
ايمن:زمان كان عندي اسبابي اللي تخليني صايع ورديف انا الولد الاخير وزي مايقولو دلوع امه بوي يشوفلي اني مستحيل نتعدل ويعتمد عليا في حاجه حتا وقت نجرب ندير شي يضحك ويقولي قصدك انت بيصير منك كنت نشوف في دعمه لخوتي الاكبر مني وكيف يفرح بيهم هالشي خلاني نمشي في تيار غلط الشخص الوحيد اللي كان ينصح فيا هوا جدي حتا بعد يشوفني سكران يقعد يهدرز معاي ويقولي فضفضلي وبعد التخرج صممت اني نتغير ونثبت للكل اني نقدر نبدا انسان كويس ونكون خدمتي الخاصه وكله بدعم من جدي وامي وتوا زي ماتشوفي فيا بالشخصيه هدي قدامك وعافكره ربحي اكبر من ربح خوتي
ميار:حلو يعجبني اصرارك ربي يوفقك
ايمن:وانتي تبيش تشاركيني سرك
ميار سكتت
ايمن:براحتك مش قصدي نضغط عليك
ميار:نحبه من انا صغيرة ومتعلقه بيه حتا لما سافر ماحد خش قلبي غيره استنيته لين اعترفلي بالحب وخطبني وفي يوم الفاتحه لابستله الوردي نستنا فيه يجي وهوا راجلي ننصدم بخوي جاي ويتحلف انه يقتله شن صار ولد عمك هرب سافر وبعت صاحبه قاله بلغ عيلتي فاتحتي التغت بسبب هروب العريس قعدت ايام بنفس اللبسه ادمرت تحطمت والاسوء انه قريبي امه معادش قدرت تطلع خواته قطعو علاقتهم بيا لانه متحشمين والباقي ماحد قدر يتكلم لين فجأه بعد خلاص انتهى من حياتي ورجعت وقفت على رجليا نلقاه قدامي وشن عذره انه فيه عصابه يهددو فيه واضطر يهرب باش يحميني
ايمن ضحك:الزح انا لو عندي وحدا زيك نموت بين يديها وانا مبتسم
ميار وجها بدي احمر:وهدي هيا قصتي
ايمن:ياخد سوك ياعسل ولا دوريه ولو تعرضلك ثاني انا موجود ديما وفي اي وقت تمام
ميار:تمام
ايمن:نستاذنك توا نتلاقو بكرا
ميار:مع السلامه
عند البطلين الحلوين
سيلين تلفتت لمصدر الصوت
غاده:بنتي وجت بتحضنها
سيلين بعدت:انتي ايه اللي جابت هنا ومين دخلك بيتي
غاده:حبيبتي انا امك
سيلين:ولا اعرفك عايزة ايه مني
غادة:سمعت انه بوك بيتزوج
سيلين:ودا يخصك في حاجه!
غاده:ماتعمليش كده مهما حصل افضل مامتك
سيلين:انا امي ماتت من ساعه ماكان عمري8سنين ومش فاكره منها غير الوجع
غادة:حبيبتي انا كنت مغصوبه صدقيني بوك هوا الي
سيلين بحده:اخرسي ولا تجيبي سيره بابي على لسانك احسن منك بميه مره
غادة:انت شن مفهم بنتي
فوزي اكتفى بالمشاهدة لانه بنته عارفه كل شي
سيلين:كفياكي بقا غرور وجشع انتي ايه ياشيخه ماتتهديش وجايه بعد كل السنين دي وبترمي بلاكي عليه انا فاكره كل حاجه ":ماتقلقش فلوسك قادرين يعوضوها عليا وعلى وجودي ابقا سكتها بكام لعبه" مش دا كلامك
غادة:بس انا كنت
سيلين:كنتي ماكنتيش مايهمناش يلا خدي بعضك واطلعي برا البيت وماشفش وشك هنا ثاني
غاده بدت تبكي:انا اتجوزت وبقو عندك اخ واخت
سيلين:طيب وعايزه مني اعملك ايه
غاده:اخوكي عنده القلب وجوزي ماعندوش حق العمليه عشان كدا انا جيت لابوكي وطامعه في كرمه
سيلين:ايوه ماانا قلت برضو لايمكن تكوني جايه عشان بنتك
غادة:حبيبتي والله وحشتيني جدا
سيلين دفتها:بلاش كذب انا من يوم ماجيت عالدنيا مش واخده منك غير الاهمال والوجع وكسره القلب ولا كأني دمك ولحمك
غاده:اكيد انتي اللي مقسيه قلب بنتي عليا من يومك مفتريه
سيلين:خلاص عاد ياسرك بابي ارجوك اديها الفلوس عشاني انا ونعتبرهم صدقه
فوزي طلع شيك وكتبلها مبلغ ماتحلمش بيه:تفضلي على خاطر بنتي نبيع حياتي كلها مش شويه فلوس
غاده:شكرا ربنا يهنيكو دا جوزك
سيلين:اطلعي برا وبرا حياتنا كلها
غاده:طيب انا رايحه وطلعت
سيلين طاحت عالصالون تبكي:ليه بس كده ياربي ليه مش مكتوبلي ابقا زي الناس
طارق حضنها:اششش اهدي حبيبي لااعتراض على حكم الله بعدين مش تحبي سهير
سيلين:اه انا بحبها جدا
طارق:معناها هيا امك توا
سيلين:انتي موافقه يادادا
سهير:طبعا ياحبيبتي وانا ارفض قمر زيك تبقا بنتي
سيلين:ربنا يخليكو ليا
طارق:هيا عاد امسحي دموعك وخلينا نكملو التجهيزات قبل يوصل الشيخ ومش ناسي وعدك رهو
سيلين:طيب بابي
فوزي:عيونه
سيلين:انت زعلت مني عشان زعقتلها
فوزي:ابدا تستاهل اكتر من هكا بس مانبيكش تزعلي
سيلين حضناته:ابدا ولا عمري ازعل وانت موجود في حياتي
فوزي:ربي يحفظك
ميار حضناته:حبيبي
عمر ضحك:بنيتي امتا جيتي
ميار:قبل شويه كيف حالك انت
عمر:الحمد لله هي بري كولي وارتاحي بعدين عندنا مشوار وبترفعيني انتي
ميار:اشمعنه انا
عمر:انا هكا نبي ولا ماتبيش انتي
ميار:انا نرفضلك طلب
عمر:خلاص بري ريحي بعدين تو نقول لحناك ترن عليك
كريم فاق لقاها قعدا على وضعها:رودي ندوي معاك شوفيلي
رودينه:نعم
كريم:انتي كويسه!
رودينه:ايه
كريم:باه طلعيلي لبسه خلي ندوش
رودينه وقفت وتشوف في اللبس
كريم:فضانيتي يوم السبت
رودينه:ربي يهنيك بس ممكن طلب!
كريم:اكيد
رودينه:مانبيش تجبرني نمشي ولا نطلع من داري حتا ولو معاش تبيني ارفعني لبوي
كريم:نبيك ومش رح نتخلا عليك وحاضر طلبك امر على راسي مش حايجيك حد ولا حاتطلعي تمام
رودينه هزت راسها وتلفتت طلعله في لبس
اما كريم وقف تحت الميه وهوا دماغه مشوش مش عارف علاش كل يوم يحس انها بريئه وكل شي كذب في نفس الوقت هوا شاف الحبوب عندها وقصة حملها قعد حاير بس حبه ليها كان اكبر وماقدرش يأثر فيه اي شي
الساعه 5
ميار:وين ماشيين
عمر:سوقي بلا كثره كلام يابنت
ميار:بهي نحطك ونروح ولا كيف
عمر:لا اقعدي معاي ساعتين زمان ونروحو مع بعض
ميار:حاضر نخش من هنا
عمر:ايه تلقيها المزرعه على ايدك اليمين
وصلو ونزلو
نعمان:يامرحب برفيقي
عمر:اهلا بالناس الطيبه وحضنو بعض
ميار:اهلين كيف حالك
نعمان:ماشالله بنت السيد ولا
ميار:ايه
نعمان:ربي يحفظك ياولد جيب الكراسي للضيوف
طلع يجري:ها ياجدي جيت
ميار 😨:انت شن دير هنا
ايمن:والله مزرعتنا الحق تقوليش جدك هدا
ميار:ايه
نعمان:معرفه شوركم
ايمن:ايه ياجدي دكتوره معاي في العياده
عمر ابتسم:بالجودة
نعمان همسله:جت بروحها بدون مانتعبولها
عمر:اي والله يارفيقي
ايمن:يامحاسن الصدف والله
ميار:ايه
ايمن:تحبي الخيل!
ميار:ايه بس نخاف منهم
ايمن:تعالي ومش حاتخافي
سيلين:الف مبروك حبايب قلبي
فوزي:يبارك فيك
طارق:هيا
سيلين:جايه اهو يلا سلام
سهير:مع السلامه ياحبيبتي
طارق:ساعتين نستنا
سيلين:سوري
طارق:جعان
سيلين:نوصل البيت وهاتلاقي العشا جاهز
طارق:عندك علم اني نحبك
سيلين:وانا بموت فيك 💖😘
حنان:معاش شاده حوشها بكل ديما وهيا تنسرف
شعبان:عرسان وبيدهرو خليهم براحتهم
عصماء:هما حتا سفر ماسافروش زي الناس
حنان:اسكتي انتي تقول لاحسه دماغك
طارق:خير ياعيله
حنان:باه شفنا وجهك
سيلين:مساء الخير
شعبان:مرحب ببنت الغالي شن داير معاك هالفرخ
سيلين:طارق مافيش زيه
حنان:مايدوم حال
طارق:بدينا
سيلين:ايه رايك نتعشا هنا
طارق:ماخاطريش يضيقو خلوقي واحنا سهرتنا طويله 😉
سيلين:بارد يلا عشان خاطري
طارق:ماشي مزال عشاكم
حنان:شويه ويجيبو شن نسيبك ماعنداش ماكله
سيلين:احنا جينا عشان ناكل معاكو
شعبان:مرحبتين
عصماء:انتي امتا بترجعي للعياده
سيلين:يمكن الفتره الجايه ليه
عصماء:نبي نشحط التقويم
طارق:تسيب خوها وتمشي لمرته سبحان الله
عصماء:من قبل قتلك نخاف تخدملي بس سيلي ايدها خفيفه بكل
سيلين:خلاص الايام الجايه نروح انا وانتي عالعياده وانا اعملهولك
عصماء:تم
طارق:هي نركبو
سيلين:يلا تصبحو على خير
طارق سكر الباب وحضنها:نحبك"بهمس"
سيلين بنفس الهمس:بعشقك
طارق:وبتنني في حضني
سيلين تحشمت:حبيبي بلاش الكلام ده
طارق:باه تو نتفاهمو فيه الحشم هدا حطها عالسرير اميرتي متأكدة. انك مرتاحه
سيلين باساته:متأكدة
طارق نزل يبوس فيها والباقي مش ليكم
وفي اليوم هدا بدت سيلين زوجه طارق قول وفعل ❤️
درست ميار السيارة:هيا جدي انزل
عمر:صحيت ياولدي
ايمن في سيارته:ولا يهمك عمي في خدمة الدكتورة
نعمان:ليلتكم سعيدة
عمر:طريق السلامه
ميار:جوه حلو صاحبك هدا
عمر:ماحكيتيش قبل على ايمن
ميار:لانه هوا جديد معانا وكان معاي في الكليه هدا علاش نعرفه
عمر:اممم
ميار فتحت الباب:هي تفظل
كريم:وينكم
حموده:انا هنا
كريم:وين اختك
حموده:مريضه من بكري راقده قالت تبيش تنوض
كريم خش يجري:رودي خيرك ياعمري شن تحسي
رودينه:مافيا شي
كريم:كيف مافيك شي وجهك اصفر وحرارتك مرتفعه
رودينه:خديت دوا تو نتحسن
كريم:دوا شنو هدا
رودينه عيونها دمعو:والله قاعد تظلم فيا هلبا
مريم:مش قصدي بس
رودينه:اطلع خليني نرقد
كريم:به
طارق:حبيبي
سيلين:نعم
طارق:نسالك سؤال
سيلين:انا لو في يوم غلطت معاك غلطه قوية بتسامحيني وترجعيلي ولا بتخليني
سيلين اتكت عاصدره:بص انا بسبب جروح عشتها وانا صغيره كبرت وفيه احساس جوايا بيخليني ماقدرش اسامح الناس اللي بتغلط معايا غلطه بتجرحني بس انت مش عيزاك تغلط ولا اسيبك عشان بحبك اوي بحبك
طارق حضنها وقلبه وجعه من كلامها
سيلين:ااخ
طارق:خيرك ياعمري تعبانه يوجع فيك شي
سيلين:لا بس صداع
طارق:اصبري نجيبلك حبوب
سيلين:مالوش لزمه شويه ويروح
طارق:نرفعك للمستشفى
سيلين:مستشفى عشان صداع مالك ياحبيبي
طارق ادارك الوضع:نخاف عليك ياروحي نبيكش تتوجعي من اي شي كان نلقا حتا نسمه الهوا ماتفوتش من جنبك
سيلين:لا كدا انا اتعود عالدلع واخرب
طارق:حقك تدلعي كيف ماتبي
علا:حبيبي
معتز يلعب في ولده:اها
علا:هي نسافرو مليت من هنا لينا فتره ماعطلناش
معتز:مش فاضي الفتره هدي عندي ضغط في الخدمة
علا نخصت بنتها وغمزتلها
ياسمين:لا بابا ارفعنا ارجوك نبو نسافرو
معتز:حاضر يابابا غير نفضي روحي ونسافرو
علا:نحبك
معتز تلفت للتلفزيون
علا:هاته نرقده
معتز:خليه قاعد يلعب
علا:لا خلاص فوت وقت نومه
معتز:هاك
علا:ياسو تعالي ارقدي بنتي
ياسمين:حاضر تصبح عاخير بابا
بعد وقت جت حضناته:بيبي
معتز:نعم
علا:خيرك معاي
معتز:خيرني
علا:مش ملاحظ برودك معاي حتا لوجهي معاش تشوف ولا تقرب مني علما بأني جميله زي قبل واكثر
معتز ضحك:نحب ثقتك انا
علا:بهي قولي خيرك
معتز:تصرفاتك معاش عاجبتني بكل وبديت ننتبه لحاجات فيك ماكنتش مركزلها قبل خايف يجي يوم نكرهك فيه ونتخلا عليك في حياتي
علا بعدت عليه:تكرهني! رد بالك تعاوده الكلام هدا انت ليا انا بس ماتفكرش تاخدك وحدا غيري ولا تسيبني والله نقتل روحي
معتز:تصرفاتك هكا دارت انتي ليش شر ليش ماتخليش كل حد يعيش حياته علاش كارهة مرت خوك وتبي تخربيلها حياتها حطي روحك مكانها ترضي وحدا من خواتي تجيب صاحبتها وتحاول تخليني نخونك
علا:انا وانت مش زي هاديكا لفعه دارت على خوي وخداته
معتز:علاش بدور عليه شن سببها فكري بعقلك فلوس واظن بوها من اغنياء البلاد شهادة وواخدتها شن بتكون تبي منه غير انها تحبه
علا:بس انا مانبيهاش
معتز:اهو حركاتك هدي اللي طيرلي فيها تي شني انتي وليتي باش تتحكمي في حياته خليه في حاله ونقصيلي صحبتها الفرخه دنيا
علا:صاحبتي
معتز بحده:وانا قلت تفوتيها
علا :ياعمري اللي تقول فيه مش معقول
معتز بعياط:شن يعني بتمشيني بدماغك ولا كيف قلت تفوتيها يعني
علا خافت منه
معتز خبط الطاوله:يعني شنو
علا:نفوتها بهي
معتز:علاش تخلي فيا نتعصب توصلي فينا للحاله هدي تعرفيني قداش نحبك
علا بدت تبكي"طبعا دموع التماسيح باش يهدا راجلها":انت معاش متحملني بكل وينه معتز اللي كان يقولي انتي بنيتي ووقت نغلط يقولي غلطي ويوريني الصح
معتز وكأنه انسحر خداها في حضنه:مهو انتي تنرفزي فيا ماتسمعيش في الكلام وانا مانحبش نعاود الدوة
علا:بهي اسفه
معتز:خلاص اسكتي نحبش نشوفك تبكي
علا:معاش تعيط عليا
معتز:حاضر اسف
علا باساته في رقبته:نحبك
معتز ابتسم:اطفي الضي وتعالي نوريك حبي انا
علا ضحكت وصار اللي تبيه
فاتو شهرين واحداثهم كانت
رودينه كل يوم تتعب اكثر ورافضه تمشي للمستشفى ومعاش تطلع من دارها الا لما بطيب وتوكل خوها ضعفت هلبا والحزن بدي واضح في عيونها خاصه لما تسمع عزوزها تزغرط وفرحانه لانه اللي تبيه صار
كريم دار فضانيه وخطوبه ومستمر يجهز لعرسه وفي الليل يرجع لحضنها وكأنها راحته من كل شي
ميار علاقتها. هيا وايمن كل يوم تقوا وبدو يتلاقو اكثر كل حد مع جده اغلب وقتهم يهدرزو في الشغل وعالنت
اما محمود مختفي ومعادش تعرضلها او هدا اللي هيا فكراته
سيلين وطارق عايشين قصه حب ولا احلا سافرو اسبوعين لتركيا هيا كل يوم تتأكد انه اختارت الصح وهوا يحمد في ربي انها كانت نصيبه ووقت يذكر سبب زواجهم يضايق ويخاف انها تبعد عليه
علا تحاول انها تقوي علاقتها براجلها وماتخليشي يبعد لانها متأكدة رح يلجأ لوحدا ثانيه غيرها بعدت علي دنيا وحتا امها قعدت بس لصغارها وراجلها بس طبعا ذنب الكلب بيضل طول عمره اعوج 😂تو نشوفوها شن بدير
رودينه تجهز في الغدا
كريم حضنها ويشم في ريحتها:اااخ قداش مستاحشك
رودينه:اهلا
كريم:نبيك
رودينه:نعم
كريم:نبي مرتي
رودينه:حاضر
كريم حس انها تساير فيه ومعادش تحبه:كرهتيني
رودينه:انت اول حب في حياتي
كريم:شن تبيني ندير
رودينه:ولا شي
كريم بيجبدها من ايدها طاحت اغمى عليها
قامها ورفعها لاول عياده قابلاته قعدت ساعه في الملاحظه لين
دكتورة:المدام عندها هبوط وضغطها نازل هلبا اهتم بيها في حالتها تبي متابعه وتغذيه كويسه
كريم:حالتها!!
دكتورة:مدامتك حامل ماتعرفش
كريم انصدم:حامل
دكتورة:ايه ممكن حملها ماظهرش عليها في نهاية الشهر الثاني
كريم انصعق:كيف هيا مش تاخد في حبوب مانعات حمل
دكتورو:لا يااستاذ مرتك مافيش اي اثر حبوب منع في جسمها وصحه البيبي كويسه
كريم:لينا سنه متزوجين
دكتورة:عادي تصير ربي مش كاتب تحمل بكري واهي حملت وماحسيتوش بيها كتبتلك فيتامينات تاخدهم وتاكل كويس
كريم قعد يدور في الممر ومش عارف شن يدير:اوووف يارب شن درت انا
بعد وقت فاقت وكتبولها خروج
كريم طول الطريق ساكت يسمع فيها تبكي بس مش لاقي شي يقوله
دخلها للدار ورقدت
كريم:ليش تبكي
رودينه:حملي هذا ربي بعتهولي باش يبرئني قدام الكل وقدام اللي ناوي يخربلي حياتي
كريم بيحضنها
وقفاته:لعند هنا وخلاص طول الفتره اللي فاتت متحمله فوق طاقتي وواثقه في ربي بينصرني بس توا لا مش رح نجي على روحي عاخاطر اي حد انا بنهتم بولدي لانه مايستاهلش نضايق ونتعبه
كريم:شن قصدك
رودينه:كمل عرسك وربي يهنيك معاها انا معاش تقرب جيهتي
كريم:وين بتمشي
رودينه:مش ماشيه لمكان انا مش حجر باش نحرمك من ولدك رح نقعد هنا ومش رح نطلق بس اعتبر زواجنا منتهي والخيط اللي رابطنا هوا اللي في بطني وبس
كريم حس كأنه سحبت روحه سيبها وطلع قعمز قدام الحوش
جاه سند:خيرك
كريم:شي فوتني
سند قعمز قدامه:كان تفهمني كيف بتتزوج عليها بس مرتك ملاك الزح وماعمري شفت منها غلط كيف هانت عليك وبتكسرها هالكسره
كريم حط يديه على راسه:حمار لاني حمار
سند:شن درت
كريم:غلطت فيها غلطه مستحيل تسامحني عليها وكله بسبب امك
سند:امي!!
كريم:امك.....يتبع
