part6
بداية اسبوع جديد ومعاها بداية امتحانات الفاينل
خشت للكليه بثقتها اللي تعودو عليها تمشي بدون ماتشوف حد وجنبها الحراسه
ميار تأشرلها من بعيد:سيلي
سيلين ابتسمت وغيرت اتجاها لصاحبتها بس في نص الطريق وقف قدامها
ايمن:صباح الخير
حارس دفه:ابعد
ايمن:هيي بالشويه مش جاي نغتالها بنحكي معاك كلمتين بس
سيلين:عايز ايه
ايمن:اسف عاللي صار يومها غلطت فيك وياريت تقبلي اعتذاري وماعادش تتعاود
سيلين حست بصدق كلامه:تمام ماصار شي
ايمن:زملاء
سيلين:اكيد ومشت لصاحباتها
ميار:استحشتك يامعفنه
سيلين:me tooياقلبي 😍 كيف حالك رودي
رودينه:بخير الحمد لله وانتي كيف صحتك
سيلين:كويسه
ميار:الغزال وراك
سيلين تلفتت وتلاقو عيونهم
طارق مانزلش عينه وهوا يتفحص في جسمها بكل وقاحه
سيلين قرنت حواجبها اول مره تشوف منه النظرة هدي
طارق ضحك وفات في خاطره"اخيرا قدرت نستفزك وعرفت نقطه ضعفك يافرخه فوزي"
رودينه:هيي وين سرحتي
سيلين:ولا شي ماتركزيش احكيلي بقا ايه قصه العريس دا
رودينه:والله مانعرف فجأه لقيت بابا يقولي قريب سليمه يدور في عروس وقالتله عليك
سيلين:وحصل ايه في المقابله
رودينه:قلي موافق كملي قرايتك وخوك يعيش معانا عادي
سيلين:حلو جدا طب انحلت المشكلة
رودينه:خايفه يابنات تكون لعبه من سليمه
ميار:درتي استخارة
رودينه:درت وعااساس معبريني بابا وافق من زمان
سيلين:ماتفكريش كدا مايمكن تكون خيرتك في الجوازة دي المهم انك مرتاحه صح
رودينه:ايه
ميار:خلاص توكلي على الله لو صار شي احنا موجودين
سيلين:والنبي اتهدي ياشيخه شفناك عملتي ايه مع سي محمود
ميار:اووف فكينا من سريبه
سيلين:يلا ندخل نمتحن في مادة الزفت وبعدها عزماكم عالغدا عندي وحاندرس مع بعض
ميار:موافقه
رودينه:انا
سيلين:مش عايزة اعتراض وانا اعرف اقنع ابوكي ازاي يلا قدامي
بعد يومين كان امتحان مادة صعبه وكل وحدا لاهيه تقرا
ميار ماكانتش فاهمة كويس:الو سيلي
سيلين:نعم ياختي عايزة ايه
ميار:فهميني فيها المادة باليز
سيلين:لا
ميار:حرام عليك
سيلين:عشان تسمعي مني اتنازلي لو بتحبيه روحيلي واطلبي منو بكل ادب يدرسلك الماده مايمكن ياخد خطوة
ميار:وبلكي ردني
سيلين:يبقا حفر قبرو بايدو 😂
ميار:اووف
سيلين:يلا ياحبيبتي روحي وقوليلي حصل ايه معاكي
ميار:ماشي قررت تتنازل وتمشيله لبست جاكيت عالتوته وطلعت لحوش عمها
مرت عمها فتحية:اهلين ميورة
ميار:كيف حالك خالتو محمود قاعد
فتحيه:ايه خشيله في داره
ميار:اا انا نبيه يشرحلي ماده
فتحيه:خشي حبيبتي مش برانيه
ميار خبطت عالباب ومتوترة
محمود:خشي يما
ميار:انا
محمود كان راقد قعمز:اهلا خشي
ميار:انا نبي
محمود ابتسم وفهمها:هاتي نشوف
ميار عطاته الشيتات وقعدت واقفه
محمود اشرلها عالكنبه:قعمزي خلي نراجعلك شويه
ميار قعمزت وعيونها في الوطا
بعد دقايق قعمز جنبها:المادة مركزة هلبا بتشدي حيلك فيها
ميار:مهو انا مش فاهمتها كويس
محمود:اهو بنشرحلك و نعرف دكتورك تو نوصيه عليك تمام
ميار:اوك
محمود مد يده لشعرها:ماشالله 😍
ميار وخرت:احم هي نبدو
محمود خدي الشيت وقعد يشرحلها ويركزلها عالمهم
الساعه 12
ميار:ااخ راسي
محمود رغم تعبه بس كان مرتاح وهيا جنبه ويتمنا الوقت يطول اكثر:توا ارقدي وراجعي الفجر
ميار:شكرا هلبا
محمود:نبي حقي
ميار:شن تبي
محمود:قهوة من يدياتك تروقلي راسي
ميار:حاضر تو نديرها ونجي
طلعت للمطبخ دارتله مق وجابتها تفضل
محمود:مزال حافظه اني نشرب فيها في مق
ميار:ايه عادي
محمود:بهي اشربي منها
ميار:ليش مش دايرتلك فيها شي ره
محمود ضحك:اشربي
ميار خدت منها شويه وعطاته
محمود:ماسألتيش روحك علاش ديما ناخد في حاجتك ونخلي فيك تشربي من قهوتي
ميار:لا ليش
محمود ابتسم:فكري فيها ولو نجحتي نقولك
ميار:ارتاح لاني مش رح ننجح هي ليلتك سعيدة
محمود:ليلتك اسعد ياحلوة
فات الليل وميار تفكر شن السبب لين زاد الصداع وماقدرتش ترقد الا قبل الفجر بشويه
الساعه 9 في قاعه الامتحان
رودينه:هدي وينها
سيلين:ماعرفش بتصل بيها مابتردش
رودينه:ان شالله خير
دكتور:هي هدوء بنوزع الاسئله
سيلين:يارب فينك بس يا ميمي
الساعه 10:30فاقت الاميرة النائمه
ميار:حي عليا امتحاني لااا ياربي ماصدقت لميت المنهج شافت الساعه بدت تبكي لبست عالسريع وطلعت مالقتش بوها فقدت الامل 💔💔
على طلعت محمود:ميار شن روحتي
ميار دموعها عاخدها:كله بسببك
محمود:ماتقوليش غبتي
ميار:بسبب كلامك ماقدرتش نرقد وخداني النوم الفجر راحت عليا الماده ياربي مش حانتخرج مع صاحباتي 😭😭😭
محمود قلبه وجعه:اسس معاش تبكي
ميار:نحي عليا يعني مالقيتش امتا تقولي هكا غير في امتحاناتي
محمود:ياودي انا اسف انا حمار ومانفهمش جيبي شنطك وتعالي نرفعك
ميار:مستحيل يدخلني
محمود:اركبي بس نوعدك تمتحني
رفعها لجامعه وين مالقت الطلبه يمتحنو كلهم
محمود:السلام عليكم
دكتور:اووو اهلين بزميلنا
محمود:كيف الحال
دكتور:بخير وين ياميار فاتك الامتحان
محمود:معليشي سامحنا اخرناها صارلنا ظرف
دكتور:قريبتك!
محمود:المدام
ميار انصدمت وقعدت تشوفله
دكتور:اها لا مانردوكش تفضلي خشي وتو نعطيك اسئلتك
ميار خشت تجري
محمود:منور هي سلام غمزلها وطلع
ميار قلبها بيطلع
بعد اسابيع كملو امتحناتهم وتمت معاهم اخر سنه كليه
سيلين:خلاص الساعه 4نجيكم
ميار:اوك باي
سيلين مشت وين ماواقفين:ممكن اخد من وقتك دقيقتين
طارق:تفضلي
سيلين:دا اخر يوم ويمكن مانشوفش بعض ثاني كنت عايزة اقولك حاجه
طارق:شن بتقوليلي توا غير راك تطلبي مني الزواج
سيلين:ايوا يلا نتجوز
طارق:نعم 😨
سيلين:زي مابقولك كدا
طارق:انتي واعيه لروحك بنت تطلبي مني نتزوجك
سيلين:طب وايه يعني ماعملتش عيب ولا حرام انا شايفه انك راجل محترم جدا ومتوفره فيك كل صفات فارس احلامي وكمان شايفه باقي حياتي معاك انت عشان كدا انا بعرض عليك نتجوز
طارق:وبوك شن بتقوليله
سيلين:على فكره انا مش بتكسف من الموضوع دا مش بابي بس اي حد تاني مستعدة احكيلو اني بحبك وعايزة اكون مراتك
طارق:معليشي انتِ الباين مجنونه
سيلين قعدت تشوفله بدون ردة فعل
قص عليهم شادي:ياريتني انا مكانه
سيلين:تقدر تبقا زيو بالضبط كلامه شكله تصرفاته ضحكته وحتا صوته
شادي:للاسف لا
سيلين ابتسمت:عقبال ماشوفك واقع زي وقعتي كدا
طارق يشوفلها
سيلين:ابقا فاكر على طول اني بحبك مع السلامه ومشت
شادي:هدي تنرفض ياحمار
طارق:كيف قادرة تكون واثقه من روحها للدرجه هدي الزح حتا وانا نرفض فيها مبتسمه ولا كأنه لا وتعرض عليا في الزواج
شادي:لانها عارفه انها ماتنردش بس طاحت في غبي مايفهمش
طارق:فوت هيا نتلاقو انا مروح
شادي:سلامتك
بعد مرور شهر كان حفل تخرج الدفعه
خاشه من الباب بطلتها الفريدة قفطان ازرق طويل فيه حزام ذهبي من النص كندرة عاليه بيج وشنطه نفس اللون رافعه شعرها ذيل حصان ومخليه خصلات من الجناب ولابسه كاب التخرج اللي يختلف على باقي الطلبه
ايمن يصفر:وربي طلقه مامفهومة من مصنعها 🤤
سيلين ابتسمت بهدوء وخشت للقاعه للي بيكون فيها الحفل
بدت الحفله وكرمو الطلبه الامتياز اللي بينهم سيلين وفات الوقت حلو
رودينه: شد مكان
حموده:نلا
رودينه:اووه منك
سمعت حد ناداها تلفتت
كريم شاد باقه ورد:الف مبروك دكتورتي الحلوة
رودينه فرحت هلبا بجيته:شكرا ماتوقعتكش تجي
كريم:معقوله تعزميني ومانجيش تفضلي
رودينه:تسلم محلاها
كريم:ولا شي جنب جمالك اي ومش هدي هديتك بس حبيت نهنيك ونكون جنبك كاخطيبك رسميا
رودينه ابتسمت
"قبل اسبوعين دارو فضانيه بسيطه بين العيله ولبسها كريم"
اما ميار كانت تهدرز مع بنات عمها وامها لين
اسماء:وصل حبيب القلب
محمود:وينها خريجتنا
ميار:اهلا
محمود:مبروك عقبال ماتاخدي مكانك في عيادتي
ميار:من قالك بنخدم معاك
محمود شدها من يدها:بناخدها منكم لحظه ياعيله
طلع بيها برا للساحه فاضيه
ميار:خيرك
محمود:وعدتك لو تنجحي نقولك
ميار بلعت ريقها:ب به
محمود قرب منها ويتلمس في خدها:من انتي صغيرة تعبي في قلبي نخاف عليك اكثر من روحي وديما نعتبر فيك مسؤوليتي مانعرفش نعبر ونحكي بس كنتي ديما في قلبي وين مانمشي مرافقتني حتا وقت سافرت كنتي معاي ماشفتش لبنت غيرك وصاين قلبي ليك بروحك عارف اني اناني ومغرور ديما نلقي في اوامر بس معتبرك ليا لو لاحظتي انه مافيش كلام بيني وبين باقي البنات الا انتي نحب ناشبك ونسوفك متنرفزه تبدي تهبلي نحب تكوني قريبه مني ونشوف في عيونك الاحتياج ليا نحبك ضعيفه قدامي
ميار مصدومة:هدا
محمود:نحب كل شي منك حتا السم قهوتك ادماني ونموت وقت يكون فيها طعمه شفايفك نحبك ناكل اي شي يخصك يابنت مدمنك
ميار:بجديات
محمود:وربي اي وجهزي روحك لاني مش نبيك معاي في العياده ونبيك معاي في الحوش وفي الدار وعالسرير نبيك حلالي وام صغاري
ميار نزلت دمعتها
محمود:ماحكيتش باش تبكي نبيك تفرحي هلبا ومانشوفش منك غير الضحكه ياروحي
ميار رمت روحها في حضنه:نحبك محمود
محمود:ياعيون محمود انتي
اما سيلين كانت مكتفيه بالاحتفال مع اعز شخصين عندها بوها ومربيتها سهير
سيلين:انت فخور بيا يابابي
فوزي:انا من يوم ولدتي فخور بيك يااغلى ما عندي
سيلين:ربنا يخليكو ليا
سهير:امين ونشوفك احلى عروسه
بعد تم الحفل والكل روحو
طارق:مبروك
سيلين:شكرا وليك
طارق مد يده:اخر يوم لازعاجاتك
سيلين:معتبرها ازعاجات
طارق:ايه وهلبا
سيلين:طيب ربنا هايريحك
طارق:نتمنالك الخير وتلقي حد يحبك ويقدر قلبك
سيلين:حتا لو اعرف اني بحبك انت وعرضي لسا ساري المفعول عافكرة
طارق ضحك:شن خططك توا
سيلين:عيادتي جاهزة وبنباشر قريبا شراكه بيني وبين دكتور احمد
طارق هز راسه:كويس كويس
سيلين:وانت
طارق:في المستئفى العام وعيادة صاحبي
سيلين:كويس ربي يوفقك
طارق:اجمعين يارب
سيلين قربت منه باساته عاخده وهمستله:انت ليا طارق #بالسيف_مش_بالكيف ❤️ عطاته طاقيه متع التخرج وطلعت
طارق قعد يشوفلها
وفاتت فتره كل حد من ابطالنا عاش حياته
بعد 8شهور
طارق في مكتبه يستنا في الحاله لين
طق الباب
طارق:تفضل
خش راجل كبير في لسن:السلام عليكم كيف حالك ولدي طارق
قام راسه واستغرب:اهلين ياعم ارتاح
الراجل:عرفتني ولا
طارق:للاسف والله منو حضرتك
زي ماتتوقعو الراجل هوا فوزي:انا فوزي ال .... صاحب بوك مش ولد شعبان ولا
طارق زبطه وعاطول خطرت في باله سيلين:اي اهلين بيك عمي
فوزي:انا جاي وقاصدك في موضوع
طارق:تفضل ولو نقدر نساعدك مش حانوخر
فوزي:الموضوع طويل والكلام مايجيش هنا نستنا فيك انت والوالد في مزرعتي اليوم العشيه
طارق:بوي!
فوزي:ايي بوك عنده علم بس حبيت نجي ونقولك بنفسي
طا ق:تمام باذن الله نجي مع بوي
فوزي:تمام ربي يحفظك ياولدي هي نستاذن
طارق سرح وقعد يفكر شن يبيه فوزي
في مكان ثاني
حوش اقل ماينقال عليه مبهر من جماله وتنسيقه ونظافته
الجميله راقده نوم عميق في حضن راجلها اللي بدت مدمنه وجوده معاها
كريم:حبيبي هيا فيقي عاد
رودينه:خليني اليوم عطله
كريم:عطله مش وعدنا حمودي نرفعوه للملاهي
رودينه:ايه نسيت
كريم:هيا نوضي ياكسوله كل يوم متعبتني باش تفيقي
رودينه خشت حضنه:مش خسارة فيا
كريم:فداك ياعمري
رودينه:نحبك
كريم:نعشقك ❤️
"رودينه تزوجت بعد تخرجها بشهر وكريم كان عوض ربي ليها ولخوها انسان واعي ومتفتح تفهم وضعها وتقبل خوها معاها مدلعها ومعيشها زي الاميرات ومش منقص شي على حموده تعلق بيها هلبا وهيا حباته لانه احتواها وكان ليها سند والحضن اللي محتاجاته "
اما عند بطلتنا الثالثه
سعاد امها:ياميااااااار 😡
جاها صوتها:ها ياماما
سعاد:تي نوضي تحشمي على وجهك الحوش مليان والعروس راقده
ميار:اهو قلتيها بروحك عروس يعني يحقلي نرقد
سعاد:تحركي
ميار:اووف نضت نضت
"محمود خطب ميار بعد تخرجت وتوا اسبوع عرسهم 💔"
سهير:صباح الخير يابنتي
سيلين واقفه عالشباك:صباح النور يادادا
سهير:يلا انزلي عشان تفطري وتاخدي الدوا
سيلين:تمام
"وهدا حال سيلين من يوم تخرجت ورفضها طارق رفض قاطع غلف البرود حياتها وبدت انسانه عمليه فقط من العياده للنوم ".....يتبع
فوزي شن بيطلب من طارق وهل الامر يتعلق بسيلين ولا لا ?
ميار بيكمل عرسها وبتفرح زي رودينه ولا?
رودينه حياتها سعيده ولا بيصير شي ينكد عليها?
