part2
طارق يأشرلها:هييي ياانسه تسمعي ولا طرشه
سيلين:اه سوري بس انا مش هافهم لو قعدت ورا
طارق:بالله ودايرتلي فيها مصريه
سيلين:انا مابهزرش وبتكلم كدا بجد
طارق:ماشي خليك في الكرسي ونقعمز انا ورا يا دكتوره
سيلين ابتسمت:شكرا
طارق قعمز اخر كرسي:بنوت اخر وقت طالقتلي شعرها وتلوي في لسانها
شادي:والنبي اسكت واحمد ربي عدلت عليك
طارق:وليش بنت الوزير يعني
شادي:هدي جميلة الكليه الكل يتمنى حتا حرف واحد منها حضرتها بنت السيد فوزي
طارق:من فوزي
شادي:بلا عبط فوزي متع السجاد
طارق:ايه كويس
شادي:تي طلقه ماصارتش البنت مشكلتها مغروره بالزايد ماتحكيش مع حد الا صاحباتها وبعض الدكتورات بس
طارق:اريح من شكلها
شادي:بعقلك انت
طارق:اسكت خلينا نفهمو كلمه جميلة قالك 🙄
بعد كملت المحاضره
دكتور:الحمد لله عالسلامه سيلين
ميار ضحكت:بدي يتلصق
سيلين ماردتش عليه طلعت طول
شادي:ازح كان نحصل خصله من شعراتها بس منظرها تقول لبنانيه ااه ياقلبي
طارق:قصدي ليش داير بيها هلبا عاديه جدا
شادي:انت يااما اعمى ياشفت احلا منها
طارق:الزوز لا وماتهمنيش
سيلين تفكر فيه ماغابتش صورته من عقلها قعدت طول الوقت سرحانه
رودينه:هيا نمشو نفطرو
ميار:يلا فرخه انتي
سيلين:اها
ميار:خيرك سرحانه
سيلين:ابدا مافيش يلا نروح
قعمزو يفطرو سيلين تاكل في بريوش لين خش
طاري يضحك:وراسك زي مانحكيلك
ايمن:اوووه العسله روحت ياجماعه
شادي:شفتها بكري لا وهدرزت مع الكلب هدا ومش عاجبه
ايمن:مغفل ياصاحبي هدي لو قالتلك صباح الخير انقض على شفايفها طول 😍
طارق شافلها باحتقار وفات مع صحابه
رودينه:مابرده فرخ ايمن
ميار:هلبا شن بديرو باقي اليوم
رودينه:بنمشو لحوش جدي
سيلين:كالعاده نوم وTVو بذاكر
ميار:زيك
فات باقي اليوم عادي وروحو البنات والشباب للحوش
طارق:خير ياعيله
حنان:يامرحب بوليدي سند ظهري
طارق:اهلين امي
علا:كيف حالك
طارق:الحمد لله
ياسمين بنتها:خالو حبيبي
طارق قامها:عيون خالو يافرخه استاحشتك
ياسمين:انت علاش ماتجي هنا ديما نجي ومانلقاش
طارق:مهو انا نقرا بعيد
حنان:الغدا قريب يطيب غير وانزل
طارق:بهي ركب يهدرز مع بنت اخته
حنان:زعما يهديه ربي ويوافق
علا:نقعدو نزنو عليه مش معقوله ولدك هكا عايش عيشه المعفنين حتا صحابه منتفين
حنان:ان شالله خير
طارق:شن فيه
حنان:قعمز سلم ولدي
طارق:وين ولدك مالا
علا:خليته عند عماته يلعب
طارق:اممم
حنان:قتلك
طارق:يانعم
حنان:بنت صاحبتي دنيا ماشالله عليها شن رايك نخطبوها
طارق:لمن بتخطبيها
علا:ليك طبعا خيرك لامتا بتقعد هكا
طارق:قداش مره حكينا فيه الموضوع هدا وقتلك مستحيل نتزوج وانا قاعد نقرا
حنان:بس انت تخدم وعندك مدخول كويس لو تبي تتزوج وقرايتك تكملها عادي مع الوقت
طارق:لا بعد نتخرج نفكر في الموضوع
حنان:بهي نعطو فيها كلمه بس
طارق:خليها للوقت تو نقولك امتا تعطيها الكلمه وطلع للبلكونه يدخن
سيلين تتفرج عالتلفزيون وكل شويه تتخايل طارق:يوووه بقا الجدع ده مش هايطلع من دماغي
سهير:بسم الله عليكي يابنتي مالك بتخانقي في ذبان وشك
سيلين:مافيش يادادا بابا مارجعش من الشغل
سهير:لا ياحبيبتي مارجعش احطلك تتغدي!
سيلين:لا انا هانام شويه ولما يجي ابقي فيقيني
سهير:ماشي
سيلين سكرت عيونها واول شي شافت صورته وهوا يضحك مع صحابه ابتسمت ومشت في نوم عميق
طارق ياكل في صمت تام
شعبان:مزال ماتبيش تقولي سبب مرواحتك
طارق:بوي من الاول قتلك مانبيش نسافر ونبي نقرا هنا
شعبان:وين تحصلها شهادة بريطانيا
طارق:زي بعضه كلها قراية
حنان:مش عارفه لمن طالع ياولد
طارق:خلوني نتغدا ونوض نقلب وجهي
شعبان:ربي يهديك
طارق 🙄
فوزي:شن جو الجامعه
سيلين:تمام اوي يابابي
فوزي:وصحتك
سيلين: كويسه
فوزي:كولي بهي خيرك تنقشي
سيلين:ماليش نفس
فوزي:اكيد ماتبينيش نزعل منك
سيلين:لا طبعا انا هاكل الطبق كلو
فوزي:شطورة
سيلين:انا بحبك اوي يابابا
فوزي:وانا حبيبتي ❤️
نمشو نتعرفو على عيله ميار
الام سعاد ربة بيت
الاب السيد يشتغل في مصرف
عندها زوز خوات صغار ريما وسندس
وخو واحد وسام 29سنه
طبعا ميار نفس عمر سيلين وتقرا معاها من الاعدادي تحب ولد عمها اللي مش شايفها اصلا دكتور اسنان كيف مروح من المانيا
محمود عمره31سنه فتح عيادته اول ماروح شخص مغرور ومايعرفش يبتسم حتا عصبي هلبا ومستفز ❤️
مقعمزة في الجنان لابسه طاقيه خوها تشرب في قهوة وتغني
فايت بسيارته شافها
محمود ابتسم عاجنب:هبله
سندس:ميورتي
ميار:خشي بمصلحتك طول
سندس:ديريلي شعراتي
ميار:نعم ياماما تشوفي في شعراتي عاقولتك مطلوقات بري سلم وخيتي العبي
سندس:خزي عليك ومشت تجري
ميار 🙄
محمود:مش عيب
ميار تلفتت وراها لقاته واقف عالحيط ومكتف يديه:احم كويسه وانت كيفك
محمود مشي خطوات وقعمز قدامها خدي مق القهوة: اكتر شي محتاجله توا
ميار:وقح
محمود:قعدا قهوتك سمحه زي زمان
ميار تشوفله:اممم
محمود:اي سنه انتي
ميار بهزوة:اخر سنه ياولد عمي
محمود:كويس كويس يعني نحجزلك مكان في عيادتي
ميار:ومن قالك بنخدم معاك
محمود شد يدها وعطاها المق:انا ماناخدش في رايك نحكيلك بس منورة عالقهوة وديري لسندس شعرها طلع
ميار:اووف عليك مغرور حقير يجي يقول اللي يبيه ويمشي ولا كأنه ااخ غير شن خلاني نحبه 💔
يوم جديد
دكتور:صباح الخير
طلبه:صباح النور
دكتور:اووو دكتورة سيلين الحمد لله عالسلامه
سيلين:الله يسلمك
بدت المحاضرة وهيا وطارق كل مايسال الدكتور يتحدو في بعض والباين انهم الزوز مش ساهلين في القرايا
بعد كملو وطلعو
سيلين:اسمعو
رودينه:يانعم
سيلين:الواد دا عاجبني
ميار:وينه
سيلين:دا
ميار:اممم اصبري نديرو تحريات ياسوسو
جتهم بنت اسمها سمر سجل المدني تبع الجامعه 😂
سمر:صباحكم ياحلوات ازيك ياقمر
سيلين:كويسه وانتي
سمر:تمام
ميار:قتلك منو هدا
سمر:هدا ياستي اسمه طارق شعبان بوه عنده مجموعه شركات استيراد مواد غذائيه ومايقلش شهرة على بوك سيلي
الولد متواضع لابعد حد اللي مايعرفاش يقول عليه من عيله بسيطه كان يقرا برا ورجع من فتره وبيكمل في ليبيا الحبيبه اي معلومات ثانيه
ميار:منوره ياحب
سيلين:اقعدي افطري معانا
سمر:تسلمي سبقتكم هي نتلاقو
رودينه:عاشن ناويه
سيلين تشوفله بتركيز:بعدين نقولك
ميار:هيا وقت عالمحاضره
سيلين وهيا خاشه خبطت فيه
طارق:تي افتحي عيونك وانتي تمشي
سيلين:اسفه بس انت الغلطان
طارق:والله
سيلين:ايوه
شادي:معليشي سامحينا تفضلي
سيلين:ماشي وخشت
شادي:حمار انت تي ضحكتلك الدنيا اللي كلماتك القطعه هدي
طارق:انت علاش محسسني انها شاكيرا مثلا
شادي:احرف وحياتك
طارق:ربي يشفي
في نهاية الدوام
طارق واقف يدخن:منور
وقفت قدامه:هاي
طارق:وعليكم السلام
سيلين:عايزة اقولك حاجه
طارق:تقدريش تدوي ليبي زينا زيك يعني
سيلين:بعرف بس مش هلبا
طارق:تمام قولي هي
سيلين:انا .......يتبع
